Рецепти од Фемина Инстаграм

2 јајца и 12 лажици шеќер се матат со миксер. Потоа се додаваат 2 пакетчиња ванилин шеќер, 12 лажици млеко, 12 лажици масло, 12 лажици брашно, 1 прашок за пециво и 3 лажици какао. Овие состојки се мешаат рачно со маталката од миксерот.
Смесата се турива во тепсија бр.28 и се реди да се испече.

Откако ќе се олади, се попарува со 500мл млеко и 5 лажици шеќер, претходно зовриени. Значи тортата е ладна, а млекото е топло.
На крај се става шлаг.

 

Mariz може ли рецепт од чизкејкот

 

Може ли рецепт?

 

Повели
https://www.coolinarika.com/recept/cheesecake-cizkejk/
Само јас место 600г крем сир ставам 300г останатото исто.

 

Ако може рецепт

 

Тенк ју

 

Мммм мора да се направи

 

@IronLady може рецепт за чизкејкот?

 

@Alishan30 може ли рецепт за гулашот?

 

Повели мила:
-Околу 400грама за нас двајца, свинско месо на покрупни коцки исечено и со рака измасирано, да одстои во сол, вегета, бибер, рузмарин и лажичка сенф (околу 1час стоеше додека јас сечкав зеленчук)
-2 главици кромид исечкан
-2 зелени пиперки исечкани
-2 поголеми моркови на покрупни кругови исечени
-2 чешниња лук
-1 поголем патлиџан исечкан на ситно
- околу 150 мл. пиво


Скоро цел рецепт беше готвен на 3ка до 4ка јачина од шпоретот.
И траеше од 2ипол-3ипол часа подготовка на тивко.
Најпрво кромидот се пржи во подлабоко тенџере со масло, да омекне.
Додаваш пиперки и промешуваш со дрвена лажица. Потоа и тие омекнуваат па ги ставаш морковите. Околу 5мин се пржи и го ставаш месото. Пржиш околу 10-15 мин со повремено мешање.
Ставаш пиво, затвараш капак и повремено мешаш, околу 40тина минути така. По секое мешање капак затвараш и не се плаши нема да истече бидејќи е на тивок оган.
Потоа со решетка ги вадиш морковот и кромидот и пиперките и на блендер ги блендираш.
Месото во меѓувреме го враќаш со 1 ловоров лист и со својата водичка околу чаша ставаш топла вода, па си врие, мешаш и ако намали водата, пак доставаш топла вода.
Течност треба да има околу 1 прст над месото.
Ги ставаш лукчињата цели, несечкани и патлиџанот.
Малку да омекне и него го вадиш и го блендираш.
Ги враќаш изблендираните работи кај месото, ако е многу густо доставаш вода и се крчка се додека месото не се распаѓа како на конци.
На крај зачинуваш со сол, вегета, бибер, 2 лажици црвен мелен пипер, сушен магдонос.
По вкус додаваш зачини колку сакате.
И толку.


Се извинувам на долгиот опис, сакав детално се да објаснам, многу време и љубов му посветив и беше преубаво јадење.

 

Фала ти. И фала ти за деталниот опис, јас така сакам се објаснето да емногу убаво изгледа, мора да се проба.
На здравје да ви е

 

Фала, верувам дека ќе го погодиш, колку подолго се вари-повкусно е.
Чекам импресии, кога ќе го подготвиш

 

Јас нешто слично со телешко месо правам. Ама и ова изгледа превкусно

 

Следно планирав утре со телешко да правам

 

@macor24 готово лиснато тесто е .
Повели :

 

Ти благодарам

 

Како ја приготвуваш рибата?
Многу вкусно изгледа.

 

@lost123 ај ако може пиши рецепт за палачинките