Гурабии: Состојки: 900гр-1кг брашно (тип 500 јас коростам) 2 јајца на собна темп. 200 мл јогурт на собна темп. 250 гр маргарин на собна темп 300 гр шеќер 200мл зејтин 1 прашок за пециво 1 пак.ванилин шеќер Се матат маргаринот со шеќерот и ванил шеќер на најјака брзина со миксер додека се добие фина крема, па постепено се додава зејтин, па јајца, па шеќер. Во половина од брашното се додава прашок за пециво и рачно се замесува со кремата, па постепено се додава остатокот од брашното. Мене ми се троши околу 1 кг, може и помалку зависно од маслото. Тестото после е помеко, само колку да не се лепи за раце, не смее да биде пресуво. Од тестото се формираат топчиња (мене некои 34 ми искачаат) и се редат ба плех обложен со хартија за печење. Благо се притискаат, но не премногу, нема потреба, ќе спласнат во тек на печење. Се декорираат по желба или со вилушка или вака како на слика или може да се посипаат со кристал шеќер (не мора, да не бидат преблаги). Се печат 15-20 мин, горен и долен греач (јас печам со вентилатор) на 180 степени. Не треба многу боја да фаќаат Превкусни се
Ќофтиња се, од ориз и зеленчук. Го вариш оризот како за рижото, зеленчук по вкус (јас имам ставено кромид, морков, грашок, спанаќ) Кога ќе истине убаво додавам едно јајце, малку пармезан, или може во секое ќофте да ставаш парче моцарела, малку лебни трошки да ја добиеш саканата густина. Се печат на 200° околу 15 мин.
Посна торта ТЕСТО: 1 чаша брашно 1 чаша шеќер 1 чаша презла 1 чаша вода (ладна) 1 чаша масло 1 пециво малку сода кора од 3 портокали рендана 3 јаболка рендани 150гр. мелени ореви Целата смеса се меша и се печи во правоаголна тепсија (бр.40). Се печи на 180 степени околу 35, 40min (зависи). ФИЛ: 1 маргарин 250гр. шеќер во прав 150гр. мелени ореви 200гр. посни бисквити мелени и сокот од 3те портокали (цеден) Најпрво во сад се бијат маргаринот и шеќерот во прав, потоа се додаваат и другите состојки. Откако тестото ќе излади се дели по должина на 2 еднакви дела и се филова (филот да е ладен, можи да постој во фрижидер за да стегни малку). Одозгора можи да се стават мелени ореви или чоколадо посно за готвење. Поздрав
Модар патлижан, пиперка (подобро црвена) и тиквица, свежи, ги сецкаш на мали коцки и ги ставаш во тава со две три чешниња сецкан лук со маслинов зејтин да се пропржат, па додаваш доматен сос, сол и црн бибер по вкус. Десетина минути “се крчка” откако ќе се додаде доматен сос. Извини што дури сега одговарам И пред крај сецкан магдонос
Тестото можеш било какво,дури и обично за кифлички да си ја направиш вака формата. Јас сега вака ги правев по рецептов на бабава @Star_dust фала ти многу. Еве погоре на видеово,верувај многу е лесно.
Банички по мое. Има готови кори во Рамстор за бурек, ама не оние за баклава други подебели се од нив. Ги потрошив сабајле инаку ќе ги сликнев. Филот внатре е месо мелено, кромидче, пиперка пропржено, зачини и филувани корите со него. Од горе само со жолчка се премачкани и толку. Еве овие се истиот фил само вака денес.
