Рецепти од Фемина Инстаграм

Се согласувам со членката пред тебе, преубави јадења

 

Рецепт може?

 

Фил
- 120г крем сирење
- 150г пире од тиква
- 1 јајце
- 50г шеќер во прав
- лажичка цимет
- пола лажичка морско оревче

Брауни
- 100г брашно
- лажичка пециво
- лажичка цимет
- прстофат сол
- 200г темно чоколадо
- 120г путер
- 200г шеќер
- 2 јајца
- ванилин шеќер

Сите состојки од филот изматете ги со миксер во подлабок сад. Крем сирењето, јајцето и пирето од тиква најдобро е да бидат на собна температура.
Темното чоколадо и путерот растопете ги заедно и оставете ги да се ладат.
Брашното измешајте го со пецивото, солта и циметот во подлабок сад.
Во посебен сад, со жица изматете ги јајцата со ванилата и шеќерот. Потоа додајте ги стопените путер и чоколадо и добро измешајте. На крај додајте ја и мешавината од брашно, пециво и цимет, дел по дел, постојано мешајки со жица. Кога е убаво соединето, додајте го најголемиот дел од смесата во намрсен калап за печење (јас користев со димензии 20х30цм). Оставете на страна 4-5 лажици од смесата. Потоа врз тоа додајте го филот со тиква и израмнете. Одозгора додајте од смесата со чоколадо што ја зачувавте на неколу места. (како на сликата). Потоа со нож или чепкалка со кружни движења направете шари. По желба одозгора може да додадете чоколадни капки. Печете во загреана рерна на 160 степени околу 45 минути.

 

Рецепт златна

 

Повели

https://www.coolinarika.com/recept/fokaca-e63d4538-6390-11eb-84e6-0242ac120032

Пред последното киснење на тестото ги наредив состојките,па покрив со најлонска фолија и печев

 

@Mishela сподели рецепт како го имаш направено мевцето? Претпоставувам е пилешко со зеленчук дистано ама ми изгледа сочно.

@Anika55 може рецепт за сникерс тартот?

 

Основа:
- 250г мелени бисквити
- 120г стопен путер

Карамел:
- 120г путер
- 60г кафеав шеќер
- 1 конзерва засладено кондензирано млеко
- 120мл слатка павлака
- прстофат сол
- 200г путер од кикирики
- 50г сецкани печени кикирики

Прелив:
- 150г чоколадо
- 100мл слатка павлака
- кикирики за декорација

Измешајте ги мелените бисквити со путерот и смесата за основата распоредете ја во калап за тарт и притиснете ја убаво на дното и од страните.
За карамелот, стопете го путерот во тенџере на рингла. Додајте го шеќерот и гответе неколку минути со повремено мешање. Додајте ги кондензираното млеко и слатката павлака, измешајте и тргнете од оган. Додајте сол и путер од кикирики и измешајте добро. Истурете го карамелот врз подготвената основа и печете 15 минути во загреана рерна на 160 степени. По печењето распоредете печени, сецкани кикирики одозгора и оставете да се олади.
Чоколадото растопете го со слатката павлака и прелијте го врз карамелот. Израмнете и по желба декорирајте со печени кикирики. Оставете во фрижидер да се стегне, најмалку два часа.

 

Не јадам свинско ама ми изгледа како вкусно.
Пиши па ќе пробам дали ќе ми се свиѓа.

 

@Kasiopaja221 рецепт за крофните печени во рерна??

 

1 квасец се раствора во 200 мл млако млеко и лажица шеќер и се остава да нарасне.
2 јајца се матат со 2 лажици шеќер,се додава 20 гр растопен маргарин и 450 гр просеано брашно и рачно се меша. Се додава квасецот и се меси тесто.
Да отстои тестото 15 мин додека нарасне,па се сучи кора. Со чаша се вадат округли форми ( јас дупка правев насреде со ракиена чаша ама може и без тоа).
Се оставаат повторно да нараснат и се печат 15 мин на 180 степени.

Вака е по рецептата,ама јас малку подолго ги печев, зависи валда и од шпоретот

 

@Anika55 може ли рецепт од солените мафини?

 

Многу се вкусни Повели:

- 2 помали тиквички
- 2 јајца
- 200г рендан кашкавал
- 1 сецкана црвена пиперка
- 1 рендан морков
- малку сецкан свеж магдонос
- 130г брашно
- 1 лажичка пециво
- сол
- бибер
- сусам

Тиквиците излупете ги и изрендајте ги. Посолете ги и оставете ги да пуштат вода. Потоа исцедете ги.
Во подлабок сад скршете ги јајцата, додајте сол и бибер и измешајте со вилушка. Потоа додајте ги исцедените тиквици, кашкавал, пиперка, морков, магдонос, брашно и пециво. Добро измешајте.
Смесата поделете ја во намрсени калапчиња за мафини и поросете со сусам. Печете на 180 степени 30-35 минути.

 

Нема брашно??

 

Има, напишано е

 

за панцеротите рецепт?

 

Може рецепт за месото со пире?

 

Динствувано свинско е.
Го сечкам на коцки, го ставам во подлабок сад со капак.
Ставам еден сечкан морков, источлена чешна лук, едно шише домашен сос од домати или едно мало томатело, една лажица масло. Вегета, црн пипер и сол по вкус. Додадам 2 чаши вода и крчкам на тивко околу 2 часа. Со покриен капак. Да остане малку сос во садот, колку еден прст.

 

За тесто:
- 550г брашно
- 300мл млако млеко
- 100мл зејтин
- 1 свеж квасец (или сув)
- 1 лажичка шеќер
- 1 лажичка сол

За фил:
- сецкана шунка
- рендан кашкавал
- сецкани маринирани печурки
- кечап
- оригано

За одозгора:
- јајце
- сусам

Најпрво измешајте го квасецот со малку млако млеко и шеќер да се активира. Потоа од сите состојки замесете тесто и оставете го да стасува. Треба да се дуплира во волумен.
Измешајте ги сите состојки за филот во подлабок сад.
Стасаното тесто поделете го на 8 еднакви дела, од секој дел формирајте топче. Секое топче расукајте го во кружна кора. На средина на кората нанесете од филот и преклопете ја на пола. Краевите притиснете ги со прсти, а потоа со вилушка, за да не истекува филот.
Премачкајте со јајце, поросете со сусам и печете во загреана рерна на 200 степени околу 20 минути.

Spoiler

Spoiler