Рецепти од Фемина Инстаграм

1 чаша јаткасти плодови (ореви, бадеми, индиски ореви - по избор)
2 лажици какао
1 лажичка чиа семе
15тина урми без семка
1-2 лажици стопено кокосово масло
150-200г чоколадо

1. Најпрво сомелете ги јаткастите плодови. Потоа додајте какао, чиа семе и урми и обработете во процесор за храна или сецко. Кога се е убаво измешано, додајте мала количина растопено кокосово масло додека да добиете структура на тесто.
2. Истурете го добиеното тесто врз хартија за печење и покријте го со уште едно парче хартија. Расукајте во подебела кора. Дебелината е по желба, може да биде 1-1,5цм. Со калапче за колачиња извадете форми и наредете ги на чинија обложена со хартија за печење. Реоформете го тестото, додека да го искористите целото. Ставете ги срцињата во замрзнувач 30 минути.
3. Чоколадото растопете го. Јас користев комбинација од темно и розево чоколадо.
4. Извадете ги срцињата од замрзнувач. Во секое срце протнете по едно стапче за ражнич и мацнете ги во стопеното чоколадо. Вратете ги на хартијата за печење додека да се стегне чоколадото. Декорирајте по желба.

Спојлер

Спојлер

@PositiveVibes

 

@lovemme за макарони рецепт?Обожавам баш такви кажувај има сос некој и зачини?

 

@Bitter-Sweet

 

Fala ti.

 

Ќе може рецепт, преубава изгледа

 

Еве го рецептот. Совршенство од вкус

 

Варените макарони ги ставам во тавче, ги попрскувам со масло па доматен сос после 5 минути салама и кашкавал рендан им ставам па мешам додека не се растопи кашкавалот од зачини лук во прав и оригано.

 

@tincemajmunce може ли рецепт , многу добро изгледаат

 

https://nmd.mk/achmi-turski-gevrechina-prevkusni-pamuk-meki-se-topat-vo-usta-za-merak/


Попинс по овај рецепт ги правев,само моите се со спанаќ и урда

 

Може ли рецепт? Како готвиш, секоја чест.

 

Ти благодарам

- 250г пишкоти
- 150мл сируп од малина
- 500г маскарпоне
- 300мл слатка павлака
- 150г шеќер во прав
- ванила арома
- 300г малини
- 50г рендано чоколадо

Изматете ја слатката павлака. Во посебен сад изматете го маскарпонето со шеќерот и ванилата. Додајте ја и изматената слатка павлака и измешајте добро.
Секоја пишкота натопете ја кратко во сирупот од малини. Како замена за сируп од малини може да користите овошен сок, млеко или нескафе. Наредете ги пишкотите на дното од калапот што ќе го користите. Јас користев округол калап од 23цм. Врз тоа додајте половина од филот и израмнете. Половина од малините изгмечете ги со вилушка и распоредете ги врз филот. Потоа наредете уште еден ред пишкоти. Додајте го и вториот дел од филот. Украсете со рендано чоколадо и остатокот од малините. Оставете во фрижидер најмалку 6 часа.

 

Moze recept

 

@Acka22

Повели:

180г брашно
80г какао
прстофат сол
пола лажичка пециво
120г шеќер
100г путер (собна температура)
1 јајце
1 лажичка ванила
нутела, мармалад за филување
шеќер во прав за поросување

Во подлабок сад ги мешаме брашното, какаото, солта и пецивото. Во друг сад ги матиме путерот и шеќерот 3-4 минути. Го додаваме јајцето и ванилата и матиме кратко, додека да се соедини.
Постепено ги додаваме сувите состојки кај смесата од путер и шеќер, матејќи со ниска брзина.
Формираме тесто и завиткано во најлонска фолија го ставаме во фрижидер барем 1 час.
Оладеното тесто го вадиме на набршанета површина (или врз хартија за печење) и го расукуваме во тенка кора (3-5мм). Пожелно е вака расукано да отстои во фрижидер уште 30тина минути, но не мора.
Со помош на калапчиња вадиме форми по желба. Јас користев форма на срце во две големини. Половина ги правев без отвор, а на другата половина им направив отвор со помалиот калап.
Печете во загреана рерна на 180 степени, 8-10 минути.
Оставете ги колачињата целосно да се оладат пред да ги филувате. Јас користев нутела и мармалад од кајсии. По желба, може пред да ги лепите, горната страна на колачињата да ја поросите со шеќер во прав.

 

@Kasiopaja221 Здраво. Дали може рецепт од тортата со овесни снегулки? Дека сакам идеи за здрави торти, а немам многу?

 

Повели

 

@Anika55 може рецепт за филот на тортата со готови кори?

 

3 готови кори за торта
150мл чоколадно млеко
400мл слатка павлака
400г маскарпоне
300г смрзнати боровинки
1 пакување желатин
4 лажици вода (за желатинот)
2 кесички ванилин шеќер
6 лажици шеќер
150мл слатка павлака
150г темно чоколадо
Желатинот ставете го во водата да набабри.
Боровинките ставете ги во тенџере на оган, да се одмрзнат убаво. Додајте го шеќерот и ванилиниот шеќер и мешајте да се растопи. Тргнете од оган и обработете со рачен блендер, додека да добиете пире. Додајте го желатинот и измешајте добро.
Слатката павлака изматете ја во подлабок сад. Додајте го и маскарпонето и изматете. Потоа додајте го пирето од боровинки, и матете до целосно соединување. Од добиениот фил тргнете 5-6 лажици во сад, покријте со најлонска фолија и оставете го во фрижидер (за декорација). Остатокот поделете го на два еднакви дела.
Чоколадното млеко загрејте го за подобро да впијат корите. Најпрво поставете една кора, натопете ја со 50мл чоколадно млеко, па ставете една половина од филот. Ставете ја и втората кора, потопете со 50 мл чоколадно млеко, па додајте го и вториот дел од филот. Завршете со кора, потопете ја со преостанатото чоколадно млеко и оставете ја тортата во фрижидер неколку часа.
Чоколадото стопете го со слатката павлака. Истурете го чоколадото врз тортата (малку изладено) и кога ќе се стегне, декорирајте со филот што го зачувавте.

 

@Anika55 може рецепт за Енергетски бомбици и тие на сликата ?

https://forum.femina.mk/attachments/20220204_103059-jpg.802852/

 

@sani99

 

150г бадеми
100г ореви
130г семки од тиква
50г гоџи бери
350г урми без семка
250г путер од бадеми
прстофат сол
пола лажичка цимет

Бадемите, оревите и семките од тиква ги ставаме во тава на загреана рингла. Ги тостираме 5-6 минути со постојано мешање. Ги оставаме да се оладат. Во процесор за храна или сецко ги додаваме урмите и путерот од бадеми. Ги обработуваме додека да добиеме изедначена смеса. Потоа ги додаваме солта, циметот, гоџи берите, бадемите, оревите и семките. Обработуваме додека да се изедначи смесата. Формираме топчиња со големина по желба. Чувајте ги во фрижидер во затворен сад или завиткани во најлонска фолија.