Рецепти од Фемина Инстаграм

Леле мајко те молам за рецепт.

 

Ели, може рецепт за пастрмајлиите

Натали рецепт за панцеротите ако може

Ии за кукис-ов

 

Тесто
10 Белки
прстофат сол
250г шеќер
150г мелени ореви
15г презла

Фил со кафе
3 лажици инстант кафе
200мл жешка вода
5 жолчки
20г брашно
100г шеќер
100г путер (собна температура)

Фил со ореви
100мл жешко млеко
150г мелени ореви
100г путер (собна температура)
100г шеќер во прав

Фил со чоколадо
5 жолчки
100г шеќер
2 лажици млеко
100г чоколадни капки (или сецкано чоколадо)
100г путер (собна температура)

Декорација
250мл слатка павлака
рендано чоколадо
сецкани ореви

Белките ги матиме со прстофат сол, постепено додавајќи го шеќерот. Кога ќе добиеме црвст снег ги додаваме оревите и презлата и мешаме убаво со лажица. Го распоредуваме тестото во тенок слој на плех (40х32цм) обложен со хартија за печење и израмнуваме. Печеме во загреана рерна на 180 степени 20-25 минути. Оставме целосно да се олади.
За филот со кафе го раствораме кафето во жешката вода. Жолчките ги матиме со 20г брашно. Шеќерот го топиме во тенџере на оган. Кафето го додаваме во смесата со жолчки. Кога ќе се карамелизира шеќерот целосно, тргаме од оган и ја додаваме смесата од кафе и жолчки. Враќаме на оган и готвиме со постојано мешање околу 5 минути. Карамелата треба целосно да се растопи и да се згусне смесата. Оставаме покриено со налонска фолија да се лади. Кога ќе се олади додаваме путер и мешаме убаво.
За филот со ореви ги потопуваме мелените ореви со жешко млеко и мешаме убаво. Путерот го матиме кратко со шеќерот во прав и кога ќе се оладат оревите го додаваме и мешаме убаво.
За филот од чоколадо ги матиме жолчките со шеќерот. Додаваме 2 лажици млеко и чоколадото и готвиме на пареа (врз тенџере на оган со вода која врие) до целосно растопување на чоколадото. Оставаме да се олади, а потоа го додаваме и путерот.
Печеното и оладено тесто го сечеме на три еднакви дела (по должина). Ја ставаме првата кора, потоа филот со кафе, па втората кора, па филот со ореви, третата кора, па филот со чоколадо. Тортата ја премачкуваме со тенок слој од филот со чоколадо и од страните. Оставаме во фрижидер најмалку 6 часа или преку ноќ.
Слатката павлака ја матиме со шеќерот и ја премачкуваме тортата. Декорирав и со малку рендано чоколадо и сецкани ореви.

 

Значи те напнавме со рецептиве и знам дека мене не ми испаѓа вака прекрасно како кај тебе ама се трудам.
Можеш за ова рецепт да пишеш?

 

Кукис

140 гр брашно
105 гр шеќер
85 гр маргарин
1 јајце
1 лајче пециво
1 ванила
Прстофат сол
50 гр чоколадо
(За чоколадни + 1 лајче какао)

Маргаринот се топи, во него се додава јајцето, се меша, па се додаваат останатите состојки. Целата смеса се меша, се формираат топчина и се редат понадалеку во плехот. Се печи на 190°, 12 - 14 min.

Панцероти

Замесувам тесто (1 квасец, малку сол, масло 2 до 3 лајци, 1 чаша кисело млеко, вода и брашно по потреба), го месам и оставам да стаса. Кога ќе стаса, го делам на топчина, ги расукувам и ставам од филот. Ги затворам, одозгора ги премачкувам со жолчка од јајце и наросувам со сусам и оригано.
ФИЛ: шунка, кашкавал, кечап, босило, оригано, печурки.

 

Тестото за панцеротите понамеко да е? Иии квасецов на страна го активираш?
Извини што замарам, ама со тесто сме во love-hate relationship. Те го погодувам, те ни мачките со млеко не го јадат фризби можеш да играш

 

Сега го видов ова.
Темав зелка во тегла од Кипер, ја измив и насецкав.
Еден кромид, морков насецкани се пропржуваат, па додадов мелено месо околу 400 гр, рендан компир и 2 шољи ориз (претходно потопен кратко во вода и измиен), па додадов зачини, сол, вегета, црн и црвен бибер лук во гранули.
Настрана зоврев околу 1л вода со скоро истите зачини плус ловоров.
По правило се реди ред зелка, па ред месо ама јас помешав се, ставив вода и ставив да се пече.
После за јадење ја мешам со кисела павлака

 

Немам точно мерки, обично павлова правам кога ќе ми останат белки. Отприлика вака:

6 белки
350г шеќер
1 лажичка густин
малку сок од лимон
200мл слатка павлака
150г смрзнати или свежи јагоди
(или јагоди во прав)
Шеќер во прав
Свежо овошје за декорација

Белките е најдобро да бидат на собна температура. Се матат додека да почнат да се зацврстуваат а потоа се додава шеќерот, лажица по лажица, со постојано матење. Кога шеќерот целосно ќе се стопи се додава густинот и лимонот. Треба да се добие цврст и мазен снег од белки.
За конкретнава торта е поделен на три дела. На хартија за печење со моливче си нацртав кругови во три големини. Во круговите со лажица го распоредив снегот од белки, на тој начин да биде плочка со блага вдлабнатина во средина (за фил).
Плочките се печат во загреана рерна на 100-110 степени околу 90 минути. По печењето најдобро е да ја исклучите рерната и без да ја отварате да оставите да се олади внатре. За филот, јагодите се одмрзнуваат и се пасираат со рачен блендер. Се мати слатката павлака се додава шеќер во прав по вкус и пирето од јагоди. Наместо смрзнати може да се стави 1-2 лажици јагоди во прав. Се филува тортата - најголемата плочка доле, па фил, па втората плочка па фил и на крај најмалата плочка, фил, па свежо овошје за декорација. Може врз филот да се додаде и стопено чоколадо, сецкани јагоди, нутела.. Тортата е доста кршлива и ронлива ама ништо што не може да се корегира со фил и декорација
И сигурна сум дека ќе ти излезе прекрасно

 

Да понамеко да е, ако лепи на рака, стави му масло малку и остави го да стаса.
Квасецо го ставам во сад, му турам малку шеќер и млака вода, оставам да се растопи. Во голем сад го турам квасецо, му турам 2 до 3 лажици масло, сол, 1 чаша кисело млеко, 2 чаши вода и брашно по потреба.

Ништо не е проблем.

 

@anggell

Не е само фил, има и малку тесто

 

Рецепт за чизкејоков

 

@anggell

250г мелени бисквити
120г стопен путер
малку овошен сок
500г крем сирење (собна температура)
250мл слатка павлака
300г малини (смрзнати или свежи)
200г бело чоколадо
150г шеќер во прав
1 кесичка желатин
Ванилин шеќер

Мелените бисквити се мешаат убаво со стопениот путер и се натапкуваат на дното од калап за чизкејк (24цм). Се остава во фрижидер да се стегне додека го подготвуваме филот.
Малините (одмрзнати или свежи) се обработуваат во блендер. Добиената смеса е пожелно да се помине низ цедалка за да се отстранат семчињата.
Чоколадото се растопува и се остава да се олади, а слатката павлака се мати во посебен сад. Желатинот се подготвува според упатството (прво да набабри во помала количина вода, па потоа се растопува во микро).
Крем сирењето го матиме со шеќерот и ванилата додека да се соединат, се додава стопеното чоколадо, па изматената слатка павлака и на крај растопениот желатин. Филот се дели на два дела. Eдниот дел се истура во калапот врз подготвената основа од бисквити, убаво се израмнува и се враќа во фрижидер. Во другиот дел се додава пирето од малини и убаво меша. Добиената смеса се истура во калапот врз првиот фил и се израмнува. Треба да отстои минумум 6 часа во фрижидер пред да се сече.

 

@Anika55

Рецепт за ова

 

Основа
1 чаша лешници
50г какао
3 лажици агаве сируп
прстофат сол

Светол фил
1 чаша индиски ореви (омекнати во вода преку ноќ)
30г путер од лешници
50г кокосово масо (растопено)
30мл јаворов сируп
30мл вода

Темен фил
2 чаши индиски ореви (омекнати во вода преку ноќ)
60г путер од лешници
100г кокосово масло (растопено)
60мл јаворов сируп
50г какао
60мл вода
прстофат сол

Сите состојки за основата ги обработуваме во процесор, додека не се сомелат убаво лешниците. Смесата ја натапкуваме на дното од калап за чизкејк (20х10цм) и оставаме во фрижидер.
Го обработуваме сите состојки за светлиот фил во блендер, додека не добиеме совршено кремаста смеса, без грутчиња.
Во чист блендер ги обработуваме сите состојки за темниот фил, додека не добиеме сосема мазна смеса.
Една третина од темниот фил ја истураме во калапот врз основата и оставаме во замрзнувач 1 час. Потоа додаваме половина од светлиот фил, па повторно оставаме во замрзнувач да се стегне околу 1 час. Додаваме уште една третина од темниот фил, па светлиот и завршуваме со темниот фил на истиот начин. Оставаме во замрзнувач преку ноќ.
Откако ќе се стегне, може да стои во фрижидер, не мора да се враќа во замрзнувач.

 

Жени рецепти дајте.

И не знам за вас ама мене темава ми е хаотична.
Можеби е најпаметно на посложените јадења од типот на торти колачи и се што не е обични прженици или секојдневни ручеци, да се пишува под слика во спојлер кога се става самата слика?
Или овде со рецептот да се постира и сликата?
Затоа што има еден куп цитати темава, рецепти а појма немаме кој е за што.

 

@simoncelicius моево е омлет
На нелеплива тава редев сланина да се запече , па брокула, јајцата ги полеав, па нарендав кашкавал и сиренце

 

Може за ова рецептче?

 

Кој имаше рецепт за Поп Кек? Ќе ја тагнам @Love 83 мислам дека беше

 

Само немам запишано дека откако ќе се испече се прават дупчиња со поголема сламка или дрвена лажица, па после се става глазурата.
Рецептов од форумов ми е, ама од кого не памтам