Рецепти од Фемина Инстаграм

Се извинувам,дури сега видов.Џигер,овој пат свински користев.Се сецка на парчиња и се вари со сол,сув зачин,бибер,оригано,мајчина душичка,кромид сецкан,праз и малку бело вино.Зеленчукот во бледнер,од водата во кое се варат се цеди и по потреба се додава.Џигерот се потпржува па и тој во блендер.Водата зависи од густината толку дотураш,се блендира се заедно со плус малку маслиново масло.Тоа е се-доколку нешто не објаснив убаво кажи

Излупени да се варат околу 12-15 мин со сол.Се цедат и се оставаат да им излези пареата.Во тава со масло,зачин сув,рузмарин,чешниња лукче цели само малку згмечени,црвена пипер,бибер и презла. Се мешаат убаво и на печење,при крај можи малку од горе да се притиснат на пр со чаша долен дел,нежно самоИзвини касно те прочитав

 

Ти благодарам многу

 

@Arababy

 

@Anika55 може рецепт за чизкејкот?

 

- 300г мелени бисквити
- 150г стопен путер

- 400г смрзнати вишни
- 4-5 лажици шеќер
- сок од пола лимон
- 1 ванилин шеќер
- 2 лажици густин
- 3 лажици вода (за густинот)

- 500г маскарпоне (или крем сирење)
- 120г шеќер во прав
- 1 ванилин шеќер
- 250мл слатка павлака
- 1 кесичка желатин
- 4 лажици ладна вода (за желатинот)

- 100г чоколадо (темно или млечно, по желба)
- 100мл слатка павлака

Мелените бисквити се мешаат со стопениот путер и се распоредуваат на дното од калап за чизкејк (24цм).
Вишните заедно со сокот од лимон, шеќерот и ванилата се стваат на рингла. Густинот откако ќе се растопи во водата се додава во вишните. Смесата од вишни се вари додека да почне да згуснува. Се трга од оган и се остава да се олади, па се премачкува врз подготвената основа од бисквити.
Маскарпонето (на собна температура) се мати со шеќерот и ванилата. Се додава претходно изматената слатка павлака, па потоа се додава и желатинот (подготвен според упатството на пакувањето). Откако се убаво ќе се измеша, филот се истура во калапот врз филот од вишни и убаво се израмнува.
Чоколадото го растопуваме со слатката павлака и го истураме врз филот од маскарпоне.
Треба да отстои во фрижидер најмалку 6 часа пред послужување.

Спојлер

 

Рецепт?

 

Повели:

100г брашно
1 лажичка пециво
прстофат сол
120г потпечени лешници (90г мелени + 30г сецкани)
120г путер (омекнат)
60г шеќер
2 јајца
1 жолчка
1 ванила
30мл млеко
рендна кора од еден портокал

Во подлабок сад измешајте ги брашното, солта, пецивото и мелените лешници.
Во посебен сад путерот изматете го со шеќерот и ванилата. Додавајте ги јајцата и жолчката, едно по едно, со постојано матење. Потоа додајте ги млекото и брашното дел по дел. Кога е се убаво измешано додајте ги и сецканите лешници и ренданата кора од портокал и измешајте со лажица.
Истурете ја смесата во намрсен калап за печење (20цм) и печете во загреана рерна на 180 степени околу 35 минути. Оставете да се олади, па наросете со малку шеќер во прав.

Спојлер

 

Може рецепт?

 

https://moirecepti.mk/post/шарен-куглоф-3 По овој рецепт е правен, само додадено е плус и ореви, а не само суво грозје во мојот куглоф.

 

Благодарам

 

@Anika55 ќе може рецепт за здравите штангли?

 

Секако, повели

Темен слој
1/2 чаша мелени бадеми
10 урми (без семка)
2 лажици кокосово масло (растопено)
2 лажици какао

Светол слој
20 урми (без семка)
3 лажици таан
1/2 чаша мелени ореви
4 лажици јаворов сируп
1 лажичка ванила арома

Прелив
2 лажици какао
2 лажици кокосово масло (растопено)
2 лажици јаворов сируп

Сите состојки за темниот слој обработете ги во процесор за храна или блендер. Додајте ја смесата во помал калап. Јас користев со димензии 20х10цм. Оставете го калапот во замрзнувач.
Сите состојки за светлиот слој додајте ги во процесор или блендер. Обработетр до целосно соединување. Добиената смеса додајте во калапот врз темниот слој. Вратете го калапот во замрзнувач половина час.
Сите состојки за преливот измешајте ги со жица во длабок сад. Кога ќе се изедначи смесата истурете ја во калапот и оставете во замрзнувач уште десетина минути. Откако ќе се стегне, чувајте го во фрижидер до послужување.

Спојлер

 

Какво патување во детството си ми направила, како дете знам го јадев и го памтам како превкусно. Сакаш да споделиш како го правиш?

 

Од перничињата можи рецепт?

 

Рецепт за коматот сакам!
Ама кажи како се прави и постапно и како се пече
И пиши број на тепсијава, мислам волкава немам, па да намалам грамажите.

 

За плех од шпорет обично мерката е со 700гр.брашно,1квасец,лажичка шеќер и лажица сол, малку зејтин, млака вода. Овој плех беше 36. Се заедно замесувам, мали топчиња 13.7 за долната и 6 за горната кора. Топчињата ги расукувам, премачкувам со маргарин и редам едно врз друго. Потоа од нив расукувам голема кора, таа одоздола, фил каков сакаш. Од другите топчиња горната кора и од страните се свиткува со остатокот од долната кора. Маргарин најгоре и прво печам малку на послабо зошто не го стасувам тестото, потоа да се вцрви.

 

Не се стасува или ти така правиш?
Може да го стасам јас првин?
Си пробала, ќе чини?
Тоа печење со менување на јачини не ме бива, баш ми е јака рерната..

 

Мене ми е полесно, а по правило треба да стаса.

 

Квасецот го ставам во сад, му турам малку шеќер и млака вода, оставам да се растопи. Во голем сад го турам квасецот, му турам 2 до 3 лажици масло, малку сол, 1 чаша кисело млеко, 2 чаши вода и брашно по потреба. Кога ќе стаса тестото, го делам на мали топчиња, секое го расукувам малку и го премачкувам со маргарин (3 кори една врз друга ги виткам во топче и го ставам во фрижидер да стои барем 30 минутки. Постапката се повторува.). Потоа секое топче го расукувам на долго и го делам на 2 парчиња. На секоја страна ставам фил и ја виткам, потоа ја сечам на парчина. Одозгора ги премачкувам со жолчка од јајце и малку масло и наросувам со сусам и оригано.

- Пица фил: шунка, кашкавал, кечап, босило, оригано, печурки.
- Фик од спанаќ: спанаќ обарен, сирење или урда и белка од јајце.

 

Рецепт? Преубаво изгледа.