Еднаш да стаса тестото? Дека пиша дека постапката се повторува или два пати. Претпоставувам топчињата распукани три едно врз друго ги ставаш така? Ич не ме бива за тесто а сакам да почнам по нешто да мессм. Фала
Оваа на Стефанија Несторовска (snestrovoskaa на Инстаграм) ја правев, само наместо праз и блитва, ставив спанаќ, маслинки и сирење. Линк: https://www.instagram.com/p/CmJ1aJCuk1f/
Повели Питулици со праз Состојки: 2 литри ладна вода 2,5 кг брашно Сол по потреба Масло 4-5 главици праз Се мати со миксер за да се добие каша со густина како за палачинки. Се става 3-4 лажици масло, пак се мати кашата и се прават палачинките. Доволно е да се направат 20 палачинки. Треба да бидат добро оладени, па после се филуваат. Се сечка празот и се пржи на масло. Потоа се посолува и се остава да олади. Сега се филуваат питулиците-палачинките. Во тепсија со масло ставаме една питулица, па ја попрскуваме со масло и ставаме од пржениот праз и потоа така правиме со сите питулици. Откако ке ја ставиме и последната питулица во тепсијата ги сечиме на коцки и печиме во претходно загрена рерна. Се пече 20 мин на 200ºC, а после се намалува на 150, вкупно печење 1 час и 30 мин.
Не најдов низ страниве , може ли рецепт за тортево Пиши ми ако можиш и некој друг ваков чоколаден хитно , битно ми е за мажето роденден утре мора да правам
Не е чоколаден, со вкус на кафе е. Повели рецепт Основа 150г мелени орео колачиња 70г стопен путер Пев слој 450г крем сирење (собна температура) 2 јајца 80г шеќер 60г кисела павлака 120г маскарпоне (собна температура) 30мл калуа ликер 1 лажичка инстант кафе Втор слој 250мл слатка павлака 120г маскарпоне (собна температура) 200мл засладено кондензирано млеко 50г чоколадни капки (или сецкано темно чоколадо) растопени 30мл силно еспресо 2-3 лажици калуа ликер 2 лажички желатин Трет слој 60г крем сирење (собна температура) 100г темно чоколадо (растопено) 30мл калуа ликер 2-3 лажици засладено кондензирано млеко 400мл слатка павлака малку какао Мелените орео колачиња ги мешаме со растопениот путер и ги натапкуваме во калап за чизкејк (24цм), внимателно обложен со неколку слоја алиминиумска фолија од надворешна страна. 450г крем сирење го матиме со 80г шеќер, па додаваме 2 јајца, 60г кисела павлака, 120 маскарпоне и 1 лажичка инстант кафе, растворено во 30мл калуа ликер. Вака подготвениот фил го истураме врз основата. Во поголем сад истураме жешка вода и обложениот калап за чизкејк го ставаме во водата. Вака подготвена тортата ја печеме во загреана рерна на 160 степени, 60-70 минути. Откако ќе се испече се остава 1 час да се олади. Матиме 250 мл слатка павлака. Во посебен сад матиме 120г маскарпоне, 200мл кондензирано млеко и 50г растопено чоколадо. Во помал огноотпорен сад мешаме 30мл еспресо, 2-3 лажици калуа ликер и 2 лажички желатин. Загреваме во микро, додека желатинот целосно не се растопи. Оставаме да се олади 5 минути, па ја додаваме смесата во филот со маскарпоне и кондензирано млеко. Мешаме убаво, па ја додаваме и изматената слатка павлака. Вака подготвениот фил го додаваме врз оладениот чизкејк. Оставаме во фрижидер најмалку половина час. За последниот слој матиме 60г крем сирење со 100г стопено чоколадо, 2-3 лажици кондензирано млеко и 30мл калуа ликер. На крај додаваме 400мл слатка павлака и матиме убаво. Добиениот крем со помош на шприц за декорација, го додаваме во калапот. Може да се нанесе и со лажица и да се израмни убаво наместо да се користи шприц. Поросуваме со малку какао и оставаме во фрижидер преку ноќ. 20цм.
@Mila_Mia Домашно крем бруле - 3 жолчки - 50г шеќер - 300мл слатка павлака - 1 лажичка екстракт од ванила - 4-5 лажички шеќер (за одозгора) Жолчките и шеќерот изматете ги кратко со жица. Слатката павлака загрејте до пред зовривање. Тргнете од оган и додавајте ја течноста многу полека и со постојано мешање кај жолчките. Кога се е соединето, процедете ја течноста низ цедалка за да ги отстраните грутките. Потоа додајте ванила и измешајте. Поделете ја смесата во неколку керамички садови. Во поголем сад за печење наполнете жешка вода околу 1-2 цм и наредете ги садовите во водата. Така подготвени, печете ги во загреана рерна на 160 степени околу 40 минути. По печењето оставете ги на собна температура да се оладат, а потоа ставете ги во фрижидер најмалку 2 часа, а најмногу 3-4 дена. Пред послужување поросете 1-1,5 лажичка шеќер и карамелизирајте го со кујнски бренер. Спојлер
Со што го полнеше,го киснеше,на колку степени печеше? Не сум правела до сега а го обожавам со праз планирам
Стасував постапно и кога ќе направев топчиња и кога ќе ги наредев едно врз друго (инаку не се сука, се собира тестото) и кога беше готов, тогаш и повеќе. Полнев со сирење и јајца, тоа се јаде само. Печев како леб, на 200 некои 10мин, па на 180 15тина минути. Туууу заборавив слика да направам, ај наредно
