Рецепти од Фемина Инстаграм

Рецепт ?

 

- 300г мелена плазма
- 120г стопен путер
- сок од еден портокал

- 500г маскарпоне (собна температура)
- 250г слатка павлака
- 150г шеќер во прав
- 2 ванили
- 1 желатин
- малку вода за желатинот

Мелените бисквити измешајте ги со путерот и сокот и натапкајте ги во калап за чизкејк (мојот е 23цм).
Оставете во фрижидер да се стегне.
Желатинот ставете го во малку вода да набабри.
Маскарпонето изматете го кратко со шеќерот и ванилите (колку да се спојат). Слатката павлака изматете ја во посебен сад, па додајте ја кај маскарпонето и измешајте со лажица.
Растопете го желатинот и додајте го и него, па повторно измешајте. Може и со миксер ама многу кратко, да не се премати павлаката и да се направат грутки. Смесата додајте во калапот врз подготвената основа. Оставете во фрижидер најдобро преку ноќ, за да се сече убаво парче.


За преливот јас користев готов прелив од вишни од кам. Ама можеш и да го направиш, ова е проверен рецепт: 300г смрзнати вишни со шеќер во тенџерче, да се одмрзнат и да повријат 10-15 минути. Додај малку цеден сок од лимон и 2-3 лажици густин. Мешај додека да се спои густинот убаво со смесата и тргни од оган. Кога ќе се олади додај го врз готова торта.


*место маскарпоне може крем сирење
*ако сакаш основата да биде покрцкава, не ставај сок од портокал, само путер околу 150г

 

Благодарам , толку многу вкусно изгледа ке пробам да направам .

 

Прелесно е и брзо за правење, а вкусот нема да разочара

 

Може слика од готов прелив од вишни од кам? да го земам и да пробам да направам

 

Немам слика, прашај во било кој кам маркет, ќе ти покажат каде стои

Во пластична кофичка е, има карамел и вишна

 

Ја најдов инаку 2 ванили се ванилин шеќер или ?

 

Да

 

@Anika55 Рецепт за вошебната тројна нутела торта молам! Иако гледам со печење е, полесни се тие без ама може да се проба ако не е многу комплицирана за правење.Не ме бива баш баш.

 

Мислам дека не треба да бараме рецепти на @Anika55 за секоја објавена слика, слободно напиши го рецептот во темата за рецепти верувам и тебе ќе ти биде полесно а и нас

 

Лесно е и ова, иако е со печење
Верувај ми, без проблем ќе го направиш

Повелете:

За брауни основа:
- 220г нутела
- 110г путер
- 150г шеќер
- 3 јајца
- 2 ванили
- 130г брашно
- 3 лажици какао
- прстофат сол

Нутелата и путерот растопете ги на пареа и оставете ги да се ладат.
Јајцата матете ги со ванилите и шеќерот 3-4 минути. Додајте ги брашното, какаото и солта и изматете. Додајте ги оладените нутела и путер изматете уште еднаш. Смесата префрлете ја во убаво намрсен калап за печење (24цм). Печете во загреана рерна на 180 степени околу 30 минути. По печењето, оставете да се олади целосно.

За нутела мус:
- 2 лажички желатин
- 4 лажици вода
- 220г нутела
- 350мл слатка павлака
- прстофат сол

Желатинот измешајте го со водата и оставете го да набабри.
Нутелата ставете ја во тенџерче на оган, заедно со 100мл слатка павлака. Гответе со мешање, додека нутелата целосно се растопи. Тргнете од оган, додајте го желатинот и измешајте добро за да се растопи. Оставете да се олади на собна температура, со повремено мешање.
Во посебен сад изматете ја останатата слатка павлака. Додајте ја солта и изматената слатка павлака кај оладената нутела, дел по дел и мешајте со лажица. Додајте ја добиената смеса врз оладениот брауни колач, израмнете убаво и оставете во фрижидер.

За прелив:
- 300г нутела
- 120мл слатка павлака

Растопете ги заедно во тенџерче. Оставете го преливот десетина минути да се лади, истурете во калапот.

Тортата треба да отстои во фрижидер најмалку 6 часа за да се сече убаво. Јас секогаш оставам преку ноќ.

 

Рецепт и постапка ако може за тестото

 

Дали можете да споделите рецепт? Многу привлечно изгледа

 

Пред време се спрема ама не е тешко. Јас правев со обично брашно

 

Рецепт?

 

Потребно за бисквитниот дел: 4 јајца, 12 лажици шеќер, пола маргарин, 100 гр. чоколадо за готвење, една шолја сечкани ореви, 22 кршени и 22 мелени бисквити.
Потребно за ганаш: 500 гр. слатка павлака и 300 гр. чоколадо за готвење.
Подготовка:
Во сад на оган додајте ги јајцата шеќерот, чоколадото, маргаринот какао и мешајте со лажица додека не се растопат.Остранете го садот од оган и во смесата додајте ги бисквитите и оревите.Смесата префрлете ја во калап за торта, со дијаметар од 22 см, обложен со хартија за печење и со помош на лажица измазнете ја на површината. Бисквитот ставете го да се лади во фрижидер околу пола час.Во меѓувреме спремајте го ганашот од чоколадо. Во сад на оган додадете ја слатката павлака и кога ќе зоврие отстранете ја од оганот и додајте им го ситно сечканото чоколадо.Кога ганашот ке биде оладен додајте го врз веќе оладениот бисквит. Оставете да се олади тортата два до три часа пред сечење.

 

На германски е рецептот ама нема проблем за да се разбере, се е јасно од видеото. Инаку да, преПревкусна е.

 

Ми изгледа на некоја посна тава
Може рецепт?