Рецепти од Фемина Инстаграм

1 квасец пресен
1 кг брашно
250г млеко
250г вода
2 кафени лажици сол
4 кафени лажици шеќер
3 филџани кафе со зејтин
Ова е без јајца, ама може и со јајце

Се подготвува и се остава тестото. Кога ќе биде готово, се меси, се прави топчиња, и правиш кори.
Ги премазуваш со микс од путер и зејтин. Ставаш фил (ова е со блитва, спанаќ и урда). Ги вртиш две ленти од кори во плетенки и ги ставаш да се печат.
Горе се става ленено семе, сусам, итн. итн, по желба. И се премазува со путер и зејтин, и јајце, пак, по желба.

 

Може ли постапка за правење ?

 

Според рецептот е 2 зрели банани, 60 гр путер и 15 гр какао. Се гмечат бананите и се меша со путер и какао. Ставаш во калап на хартија и редеш какво чоколадо сакаш.
Се пече на 180 степени 20 мин.
Јас секогаш за се ставам по мое
, кај мене мерките по мој вкус си правев, ставав повеќе од тоа.

 

Аника те молам за рецепт,преубави се.

 

@Anika55 Фала ти душо.Те молам и за чоко- ментол тарт рецепт напиши.Само на него мислам хахах преубав е мора да го направам.

 

Повели

Основа
- 300г мелени орео колачиња
- 150г стопен путер
Ментол фил
- 250г бело чоколадо
- 120мл слатка павлака
- 2-3 лажички екстракт од ментол
- малку зелена боја
Чоколаден фил
- 250г темно чоколадо
- 100г млечно чоколадо
- 250мл слатка павлака

Мелените орео колачиња измешајте ги со стопениот путер и смесата натапкајте ја во калап за тарт. Оставете во фрижидер.
Белото чоколадо стопете го со 120мл слатка павлака. Оставете 5 минути да се олади а потоа додајте ментол екстракт и многу малку зелена боја (опционално) и измешајте убаво. Вака подготвениот фил го истурете го во калапот врз подготвената основа. Оставете во фрижидер околу 1 час.
За чоколадниот фил, стопете ги двата вида чоколадо со слатка павлака. Оставете 5 минути да се лади па истурете го вака подготвениот ганаж врз филот со ментол и оставете во фрижидер уште минимум 4 часа.

Спојлер

 

Домат, краставица, јајце варено, авокадо и фета. Се се сечи, се додава маслиново масло, сол, бибер и малку сок од цеден лимон.

 

Може ли рецепт?

 

Нема рецепт.
Правиш пудинг и матиш шлаг. Ставаш на бисквитите.

 

Натали те молам пиши ми рецепт од салатава со киноа.

 

3 супени лажици киноа, се вари убаво и се цеди, се става во сад. Потоа се сечка краставица, домат, кромид и фета сирење (или сирење по желба) и тие се додаваат. Се тура маслиново масло, сок од цеден лимон, сол бибер.
(Можи да ставиш авокадо, наут, маслинки, марулка..)

 

Рецепт.. фала

 

Рецептот е од ова видео од youtube, само јас ги направив цели бели и додадов јагоди и чоколадо. Многу лесни се за правење.

 

@staycalm рецептот за мафините plsss

 

Повели
https://www.recipetineats.com/chocolate-muffins/

 

Преубаво изгледа
Ке те молам за рецепт.

 

Препренајлесна.Купуваш готова алва во кесичка од Др Еткер од рамстор ,па ја истураш во загреано 500 мл млеко во кое претходно ставаш 100 гр.путер и мешаш додека се згусне.Чекаш да се излади 15 минути и со црпалка за сладолед превртуваш на тањир,па наросуваш орев ,кикирики.Рецептот е со вода но поубава е со млеко.

 

@Anika55 ке може рецепт за сладолед тортата? Овошната

 

@Peperutka-bt повели:

- 1 кг готов сладолед од ванила
~ 150г малини
~ 150 боровинки/капини
~ 200г мармалад од малини
- сок од 1 лимон

Јас користев готов (купечки) сладолед од ванила. Може и да се спреми од кесичка или домашно направен. Го оставив сладоледот да омекне, па една третина ставив во блендер со малините и малку сок од лимон. Изблендирав убаво и го ставив сладоледот во калап за печење леб обложен со хартија за печење. Оставив да се стегне во замрзнувач, па премачкав со пола од мармаладот. Врз тоа ја додадов втората третина од сладоледот од ванила, па го оставив пак во замрзнувач да се стегне саат-два. Потоа го премачкав со останатиот мармалад. Последната третина од сладоледот од ванила го обработив во блендер со боровинки, капини и сок од лимон и го додадов во калапот. Оставив да се стегне преку ноќ. Пред послужување оставете го калапот 20тина минути на собна температура, па со помош на хартијата за печење извадете го сладоледот и исечете парчиња. Малку е досадно со чекањето да се стегне ама многу е вкусен, а богами и привлечен на изглед
Може да се спреми со свежо или смрзнато овошје и мармалад по избор.

Спојлер