Рецепти од Фемина Инстаграм

Повели

Основа:
- 250 г мелени бадеми
- 3 лажици мед (може агаве или јаворов сируп)
- 1/4 лажичка сол

Карамел:
- 150г путер од индиски ореви
- 3 лажици јаворов сируп (може мед или агаве)
- 1/4 лажичка сол

Прелив:
- 150г темно чоколадо
- 1 лажица кокосово масло

Состојките за основата измешајте ги и додајте ги во долгнавест калап (20цм) обложен со хартија за печење. Израмнете убаво и печете во загреана рерна на 180 степени, околу 15 минути. Оставете да се олади целосно.

За карамелата, измешајте ги сите состојки и загревајте гу во микро или на рингла додека смеата да стане течна или лесно да се размачкува. Потоа додајте ја врз основата и израмнете. Оставете да се олади малку, па ставете го калапот во замрзнувач да се стегне. Јас го оставив околу 2 часа. Растопете го чоколадото со кокосовото масло. Извадете го од калапот со помош на хартијата за печење и исечете штангли. Секоја штанлга обложете ја со чоколадо. Оставете во фрижидер додека да се стегне чоколадото.

Спојлер

 

Може рецепт?

 

Мислењето над твоето.
И јас по твиксот идев.

 

Еј фалаaaa.
Извинете не приметив дека друго мислење е цитирано, не ни прочитав.
@Anika55

 

@Srckata28 може ли рецепт од колачот со лимон и боровница?

 

Може ли рецепт?

 

Можее.

Ова е оргиналниот рецепт:
https://www.savvysavingcouple.net/blueberry-lemon-pound-cake/

Ова се моите преводи во грамажа и како јас НЕ го следев рецептот :

200г шеќер
120г путер
1 голема лажичка рендана кора од лимон (јас купив веќе рендана сува кора во кесичка)
2 големи лажички сок од лимон
2 големи јајца (јас ставив 2 средни јајца + уште една жолчка)
190г брашно
120мл млеко 3,5% масно
1 кафена лажичка прашок за пециво
Прстофат сол
Една шолја боровници

1. Матиш со миксер путер и шеќер, околу 4 минути на средна брзина. Јас немав миксер, само мешав минута со лажица.
2. Додаваш јајца, сокот од лимон, кората, потоа постепено брашно, прашок за пециво, сол и на крај млекото.
3. Додаваш боровници и промешаш колку да се распоредат.
4. Ставиш хартија за печење на такво loaf тавче, ставаш смеса, одозгора уште некоја боровинка за поубав изглед и печеш на 180 степени, 55-60 минути.

Така пишува во рецептот, меѓутоа јас печев 40 минути на 175 степени и дури тоа премногу беше, така да многу зависи од тавче и рерна, проверувај на изглед и со вилушка редовно.

 

Благодарам

 

Ова ми е едно од омилените јадења, ама на слика личи како шлакатарник
Го најдов на блогот ситно сецкано, оригиналното јадење е со пилешко и компир, ама јас место месо печурки ставам.
Се испраксирав скрос и ова е кратката верзија, за подолга ѕирни на блогот (не не мој блогот )

Ова е за 2ца 3ца, од око готвам.
Свежи шампињони околу 300 грама ги сецкам на пола и ги ставам да се продинстаат со малку вода, после и печурките сами ќе пуштат вода. Во меѓувреме сецкам на коцки средна големина 2 големи компири и ги додавам во печурките да се динстаат. Јас избегавам зејтин, ако користиш стави малку, ако не малку вода. Од зачини ставам сол, малку вегета, многу цимет, куркума, морско оревче, каранфилче, кари малку, ѕвезден анис, розев бибер. Количина произволна, ама јас си сакам зачинето и ставам повеќе .
Кога ќе испари водата (внимавај да не изгори) ставам цела конзерва кокосово млеко, мене најубаво ми е тоа од Кам. Чекам малку да изврие и да се згусне и воала . Кога имам време си правам наан и мацкаме од сосот
Инаку, сум го ставала и во рерна и така е превкусно, ама вака ми е побрзо и на топлово не ми се уклучува рерна

 

Пробај, стварно е многу убаво. Мене компирот ми е превкусен вака, мек и кремаст
И со месо е убаво,ама оваа комбинација мене ми е врв.

 

Може ли рецепт?

 

Тесто:
125гр путер
3 супени лажици мед
300гр плазма мелена
1 лажица какао

Фил 1:
500мл хопла
150гр грчки јогурт
200гр шеќер во прав или 1 кесе
1 желатин

Фил 2:
100мл хопла
1 чоколадо за готвење
50гр боровинки

Путерот и медот се топат, во нив се додаваат плазмата и какаото, се меша и се става во калап.
Хоплата се меша во сад, се додава грчкиот јогурт и шеќерот, повторно се меша и на крај се додава желатинот, претходно подготвен (се остава да набабри во малку вода, потоа се загрева додека стани течен. Додека се тура во смесата, се меша.) Целата смеса се тура врз тестото од бисквити, се става во фрижидер да стегни.
Хоплата се загрева. Кога ке почни да врија, се трга од оган и во неа се додава чоколадото за готвење. Се меша додека не се растопи. Откако ке се напрај една смеса се тура врз филот. Се става во фрижидер да стегни.
Најгоре се додаваат боровинките.

 

Ова човек да посака да научи да готви колку убави вкуснотии се изнагледав и визуелно се изнајадов во ниедно време

 

Што зачин стави? И дали стави масло?
И на колку темп. за колку време?

 

Лук во прав, бибер, оригано, вегета, многу малку кари и чили во прав. Мерки немам, од око ставам
Масло ставив една супена лажица за 1кг копани, ама мислам дека и без масло ќе бидат супер.

Печев 30 мин на 200°C, сите (1кг) ги печев одеднаш. Ако сакаш да се попечени тогаш мислам дека перфектно би било 35-40 мин, нареден пат ќе ги печам така.

 

Ќе може рецепт?