@Anika55 ти си по благото па тебе би те замолила некој рецепт за благо што се прави брзо,без печење и што нема да утнам
Зачини: оригано, црн бибер, лук во прав, црвен пипер, сол и малку масло. Ги печам ражничите во air fryer и откако ќе се испечат додека се топли ги премачкувам со густа смеса од путер, сок од лимон, кора од лимон и ситно исечкан лук. Превкусни.
Месото се сече на коцки, се зачинува, се упржува колку да зарумени, се додава вода да го покрие, се додава 1 филџан бело вино, се остава да динста околу 1 саат, се додава домати или доматно пире, на крај се додава кромидот крупно сецкан, морков, пиперки, лук и печурки по желба. Се остава уште малку да подинста, да омекне кромидот и се става во тепсија, се пече 20-на минути.
Повелете: Тесто - 150г кафеав шеќер - 125г омекнат путер - 1 ванилин шеќер - прстофат сол - 3 јајца - 100г павлака - 150г брашно - 30г какао - 1 пециво Изматете го путерот со шеќерот, солта и ванилата. Додавајте ги јајцата едно по едно, со постојано матење. Додајте ја и павлаката. Потоа додајте ги брашното, пецивото и какаото. Изматете само додека да се соедини смесата. Крем - 300г крем сирење - 70г шеќер - 1 ванилин шеќер - 20г густин - 1 јајце Крем сирењето изматете го со ванилата, шеќерот и густинот. Додајте го јајцето и измешајте со лажица. Тестото додајте го во намрсен калап за печење и израмнете. Направете мали вдлабнатини со лажица, па врз нив додајте го кремот. Печете во загреана рерна на 160 степени, околу 40 минути. Откако ќе се олади, премачкајте со готов прелив од вишни. Spoiler
Ти благодарам, повели рецепт: Основа: - 250г бело чоколадо - 100мл слатка павлака - 180г мелени бисквити - 100г крем од ф'стаци - 70г мелени ф'стаци Прелив - 250г бело чоколадо - 100г крем од ф'стаци - 30г ситно сецкани ф'стаци Белото чоколадо стопете го со слатката павлака. Додајте ги бисквитите, мелените ф'стаци и кремот. Измешајте убаво. Формираното тесто натапкајте го во долгнавест калап, убаво обложен со хартија за печење. Израмнете убаво и оставете во замрзнувач околу 1 час. Белото чоколадо стопете го, додајте го кремот и измешајте убаво. На крај, додајте ги и сецканите ф'стаци и измешајте уште еднаш. Тестото извадете го од калапот и исечете го на еднакви парчиња. Секое парче "мацнете" го во преливот. Оставете ги на хартија за печење и во фрижидер, додека да се стегнат. Spoiler
Сакам да купам свежи печурки (шампињони) Насабајле со јајца кајгана можам да ги измешам така? Да ги исецкам претпоставувам и да ги измешам?
Ќе ги испржиш и зачиниш прво печурките, после ќе ги додадеш јајцата. Ако само така ги ставиш, може и да не ти се допаднат, живи ќе останат и вода може да пуштат.
Така некако ми излезе вкусо, како сникерс. 130гр путер (можи и маргарин) 3 супени лажици мед 300гр бисквити плазма Фил: 500мл хопла 1 чаша павлака 1 кесе шеќер во прав (200гр) 1 кесе желатин 1 до 2 лажици путер од кикиритки 1 чоколадо Spoiler Јас вакво ставив Фил 2: 50мл хопла 1 чоколадо за готвење (може било какво чоколадо) Кикиритки Путерот и медот се топат и во нив се додава плазмата мелена. Цела смеса се меша и се става најдолу во тркалезно плехче. Убо се тапка. (Во случај да ти е малку сува смесата, можи да се притури малку млеко). Хоплата се меша во сад, се додава шеќерот, павлаката, растопеното чоколадо и путерот од кикиритки и повторно се меша. На страна желатинот се тура во топла вода да се стопи и со мешање се додава во целата смеса. Смесата се тура врз бисквитите и се става во фрижидер да стегни. Во тенџере на страна се тура останатата хопла и се става на оган да зоврие. Кога ќе зоврие, се трга на страна и се става чоколадото. Се меша додека чоколадото не се растопи. Се тура врз целата торта и се ставаат кикиритките најгоре. Се остава неколку саати во фрижидер добро да стегни. Извини касно шо враќам.
