@Anika55 Може ли рецепт,прекрасни десерти правиш! Се надевам ова ти е бизнис,ако не ,дефинитивно да започнеш.
Ти благодарам, не е бизнис, само задоволство Повели рецепт: Бисквит тесто - 220г брашно - 30-40г какао - 100г шеќер во прав - 120г путер (ладен, исечен на коцки) - 1 јајце - ванила - прстофат сол - ладна вода по потреба Бадем крем (Frangipane) - 80г путер - 100г шеќер - 1 јајце + 1 жолчка - ванила - прстофат сол - 100г бадемово брашно (може мелени бадеми) - 2 лажици брашно За декорација - 3 зрели ама цврсти круши - бадем во лист (или сецкан бадем) - малку мед За тестото, измешајте ги прво брашното, какаото, шеќерот во прав и путерот. Кога нема да има веќе крупни парченца путер, додајте јајце, ванила, сол и ако има потреба многу малку вода, колку да се добие нелепливо тесто. Формирајте плочка и ставете го во фрижидер најмалку 30 минути. За тоа време спремете го кремот. Сите состојки убаво да се измешаат во подлабок сад. Крушите излупете ги и исечете ги на тенки парчиња. Оладеното тесто расукајте го во кора и ставете го во калап за тарт. Вишокот тесто отстранете го и избоцкајте со вилушка. Печете го тестото 15 минути на 180 степени. Оставете го малку да се олади, па премачкајте со кремот од бадем и одозгора наредете ги крушите и бадемите. Печете на 180 степени уште 30-тина минути. Кога ќе се излади, премачкајте го со малку загреан мед или мармалад од кајсии. Spoiler
Епа тогаш ако нема кој да изеде викај не 2 по 2 да пробаме, врв се. Време е да си почнеш некое бизнисче или инста профил
Може е глупаво прашањето ама слатката павлака да не треба да ја изматам или директно да ја ставам на пареа со чоколадото така течна?
Со сликава ме врати во средно, секој ден вакви во една продавница имаше и јадевме со другарка ми. Рецепт ако можи.
По овој рецепт е отприлика, не се држам стриктно до мерки. Ставам тоа што имам во моментот. За смесата за премачкување на пример, не ми беше доволно едно јајце, ставив 2 јајца, една павлака и малку јогурт за да ја разредам. Ова е од оние јадења што не може лошо да излезат Ти благодарам
- 250г мелени бискоф бисквити - 100г стопен путер - 500г крем сирење - 400мл слатка павлака - ванила - 100г шеќер во прав - 1 кесичка желатин - 100+200г бискоф крем За основата, измешајте ги мелените колачиња и путерот. Натапкајте во калап за чизкјек. Јас користев калап 18цм, ама може и во поголем (23/24цм), само ќе биде пониска тортата. Желатинот измешајте го со неколку лажици вода да набабри. Изматете го крем сирењето со шеќерот во прав и ванилата. Додавајте ја слатката павлака постепено, со постојано матење, додека да се зацврсти. Желатинот стопете го во микро или на рингла. Додајте го во филот и изматете кратко, додека да се соедини. Пола од филот додајте го во калапот и израмнете. Одозгора додајте тенок слој од 100г бискоф крем (претходно малку загреан, за полесно нанесување). Доколку правите во поголем калап, веројатно ќе ви требаат барем 150г крем. Додајте го остатокот од филот и израмнете. Оставете во фрижидер преку ноќ. Пред послужување, загрејте уште 200г бискоф крем и истурете го одозгора. Оставете повторно во фрижидер додека да се стегне и декорирајте по желба. Spoiler
Освен на e-horeca (бидејќи таму моментално ги има бисквитките но кремот е распродаден), дали можеби знаеш дали на друго место кај нас може да се најдат Lotus biscoff продуктите?
