Рецепти од Фемина Инстаграм

Прекрасно изгледаат
Може рецепт?

 

@Anika55 те молам за рецепт за браунис колачите што ти беа исечени како трисголници па декорирани како ирвас, снешко, капа дедо мраз…

и колку дена може да стојат, т.е да се спремат порано?

 

Рецептот за брауни е овој

Превкусно е браунито, со тоа што јас го печев во округол калап од 20цм, ама мислам дека за овој рецепт со фростинг и на стапче, подобро би било да се пече во малку поголем калап (23-24цм макс), за да бидат потенки парчињата. Беа доста дебели и тешки и особено додека е тазе браунито лесно да се раскрши и распаѓа. Кога ќе се олади целосно, се сече на парчиња, ако има потреба се израмнува горниот дел и се става "стапче" од пошироката страна. Јас користев хартиени цевки како стапче.

Фростинг:
- околу 100г крем сирење
- околу 100г омекнат путер
- 400-500г шеќер во прав (просеан)
- ванила
- прстофат сол
- гел бои
- по потреба слатка павлака/млеко

Прво се мати путерот, па се додава крем сирењето. Кога ќе се соединат убаво се додава шеќерот постепено, па ванилата и солта. Ако стане премногу густо, може да се разреди со 2-3 лажици слатка павлака или млеко.
Се дели во посебни чинии и се додаваат гел бои. Се декорира по желба.

Браунито мене ми е највкусно тазе, инаку може да стои во фрижидер покриено (во сад со капак) и две недели. Ама ќе се стврдне/исуши.
Фростингот може да се направи и неколку дена унапред и да стои во фрижидер во затворен сад. Пред употреба треба да отстои на собна температура за да може да се користи.

Спојлер

 

Анат, дали колачињата се тврди или меки?
И ако може рецепт во соодветната тема

 

Меки се ако не претераш со печење, 10 минути максимално да останат во загреана рерна, не повеќе. Дури и денес се меки.
По овој рецепт ги правев
https://myhomemaderecipe.com/recipe...iWW4erQ2crsA8XcFSQ_aem_VzwpOCurBNwZwP1MSjgwHw

 

Ludiloooo.Moze recept?

 

@theowndemon пак јас Може рецепт за посните колачиња?

 

Предобро изгледа А верувам и дека е вкусно. И сè друго што објавуваш, се гледа дека е со кеиф правено.

Може рецептче? И чашиве и лажичкиве од каде се купени?

Ова зеленото одозгора крем од ф'стак ли е? Од каде е купен?

 

Ти благодарам

- 150г мелени бисквити
- 70г стопен путер

- 300г крем сирење
- 200мл слатка павлака
- 100г шеќер во прав
- ванила арома

Путерот се меша со мелените бисквити и се натапкува на дното од чашките.
Крем сирењето се мати со шеќерот во прав и ванилата, па постепено се додава слатката павлака, со постојано матење. Готовиот фил распоредете го во чашките и додајте вкусови по желба.
Чашките се од 150мл.

Спојлер

Кремот од ф'стак е од Кам, чашките од Тему, а вилушките од Пепко

 

Женски да ми кажите рецепт за банана леб без шеќер

 

- 100г кокос
- 1 конзерва кокосов крем (само цврстиот дел, без течност)
- засладувач по желба и по вкус (агаве, јаворов сируп)
- 50г мелени сушени малини (freeze dried)
- 2 лажици кокосово масло

- околу 150г темно чоколадо

Сите состојки освен кокосот и чоколадото ставете ги во тенџере на тивок оган, додека да се растопат кокосовиот крем и маслото. Тргнете од оган, додајте го кокосот и измешајте добро. Оставете смесата да се олади доволно за да може да се формираат топчиња.
Ставете ги топчињата во фрижидер да се стврднат убаво. Чоколадото стопете го со мала количина кокосово масло. Обложете ги топчињата со чоколадо и декорирјате по желба.

Спојлер

 

Дечкии, рецепт за фокача, полесен некој за почетник и сефте??

 

Рецепт ве молам.

 

Здраво, дали можи рецепт?

 

@Anika55 и решетката за во Air fryer е дел со него или дополнително купена?
Кај мене нема таков додаток, па ако се купува дополнително да барам.

Исто и рецепт може да споделиш.

 

- 240мл млако млеко
- пакување инстант квасец
- 80г шеќер
- 80г стопен путер
- 1 јајце (собна температура)
- 360г брашно
- прстофат сол
- спреј масло за готвење

Квасецот измешајте го со млекото и 1 лажичка од шеќерот.
За тоа време измешајте ги јајцето, путерот и шеќерот. Јас го правев тестото во процесор, може и рачно, ама тестото е многу лепливо, ќе биде малку потешко за работа. Важно е да биде повлажно и полепливо, зашто ако е како стандардно тесто за крофни, ќе излезат премногу суви.
Додајте го млекото со квасецот, измешајте, па додајте ги брашното и солта. Обработете околу 5-6 минути, додека да добие еластичност. Префрлете го тестото во намрсен длабок сад и покријте го. Оставете да стасува саат - саат ипол.
Извадете го на набрашнета површина и расукајте подебела кора (околу 1,5 - 2 цм). Извадете форми, наредете ги на набрашнета површина и покријте ги да стасаат уште 20тина минути.
"Пржете" ги дел по дел, зависно по колку собира. Испраскајте ја корпата од ер фраерот со масло (или намачкајте со четкичка), наредете ги крофните па испрскајте/премачкајте ги и нив со масло. Јас ги пржев околу 7 минути на 175 степени. Зависно од големината на крофните, може да биде потребно пократко или подолго време, проверувајте обавезно.

Кога ја извадив првата тура малце се разочарав. Имаа малку подебела коричка и личеа како печени лепчиња одозгора
Ама внатре беа душа. Тука на лице место 2 мавнав, топли. Нареден ден веќе не се толку меки, ама тоа важи за сите крофни. Не се исти како пржени, се разбира. Ама се далеку подобри од печени.
Глазура може по желба. Јас измешав околу 300г шеќер во прав со неколку лажици млеко, ама ми остана доста, мислам дека и 200г шеќер ќе биде доволно за оваа доза.

Спојлер

Решетката е од Тему. Има разни додатоци за ер фраер, само обавезно проверувај димензии ако нарачуваш.
Многу е практична, само тоа што се пржи на решетката, пожелно е да се сврти во текот на готвењето, зошто од долната страна поспоро се готви.

 

Благодарам

 

Рецепт за вафли убави да ми дадете?