Њоки во сос. Пржиш кромид, рендан морков, печурки. Додаваш доматен сос и малку водичка да се згусне. Ги додаваш претходно варените Њоки. Одозгора рендаш кашкавал.
Секако, повели: - 220г путер - 220г темно чоколадо - 60г какао - прстофат сол - 7 јајца - 270г шеќер Путерот стопете го заедно со чоколадото, па додајте го какаото и измешајте добро со жица. Жолчките одвојте ги и матете ги со половина од шеќерот околу 2-3 минути. Додајте прстофат сол. Белките изматете ги во посебен сад, постепено додавајќи го остатокот од шеќерот. Треба да добиете цврст шлаг. Додајте ја смесата од жолчки постепено кај стопените чоколадо и путер. Измешајте добро. Потоа, додајте ги и белките, дел по дел, со внимателно мешање. Целта е да се изгуби што е можно помалку од воздухот во белките при мешањето. Кога сместаа е целосно соединета, истурете околу 2/3 во убаво намрсен калап за печење (23цм). Печете во загреана рерна на 200 степени 25-30 минути. Остатокот од смесата покријте го и оставете во фрижидер. По печењето, оставете ја тортата да се излади целосно. Кога ќе се олади на собна температура, поставете ја на плехче обложено со хартија и одозгора премачкајте со останатиот дел од смесата (околу 1/3). Печете уште еднаш, во загреана рерна на 200 степени, околу 10-15 минути или додека да фати тенка коричка. Послужете топло. *Јас правев пола доза, во калап од 20цм. Spoiler
Повели: - 1 конзерва наут (400г) - 80г путер од јатки - 80г мед (може да се замени со друг течен засладувач) - 40г какао - 150г темно чоколадо - 1 лажичка кокосово масло Наутот измијте го и исцедете го добро. Ставете го заедно со путерот, медот и какаото во процесор за храна или блендер. Обработете додека да добиете мазна смеса. Ако смесата е премногу мека за да држи форма, оставете ја во фрижидер 1-2 часа. Потоа, формирајте топчиња. Стопете го чоколадото со малку кокосово масло и обложете ги топчињата. Јас ставив путер од индиски ореви и беа преубави. Ама мислам дека со путер од лешници или кикирики ќе бидат уште подобри. Spoiler
3 јајца 100 грама црно чоколадо Ванила екстракт Крем без шеќер Чоколадото се топи и се остава да се излади, додека стане млако, не смее да е топло (моето беше потопло од што треба) Се двојат белките од жолчките, се матат белките додека не се создаде цврста пена. Се става од пената во длабок сад, се додава чоколадо, жолчка и пециво, рачно се мати да се соедине, се додадава остатокот од белка, жолчка и чоколадо и нежно со дрвена лажица/шпатула се промешува да се соединат состојките, но да се задржи пената што е можно повеќе. Се става во калап/сад за печење и се пече во ер фраер на 165 степени околу 35-40 минути, зависи од фраерот. (За да не биде суво, се става малку вода во ер фраерот) Се остава да се олади и се премачкува со крем без шеќер одозгора (и останати декорации по желба).
@Anika55 видов имаше споделено Куглоф со портокал, изгледа сочно. Може ли рецепт, не успеав да најдам ☺️ Фала
4јајца,14лаж.шекер се мати па се додаваат 8лаж.зејтин,12лаж.млеко,2ванили и пола пециво помешано во 12лаж.брашно.
Повели: - 1,5 чаши брашно - 2 лажички пециво - прстофат сол - 3 јајца - 200г грчки јогурт (може павлака) - 1 чаша шеќер - 1 ванилин шеќер - рендана кора од 1 портокал - 50мл свежо цеден сок од портокал - пола чаша зејтин Измешајте ги брашното, пецивото и солта. Кората од портокал измешајте ја со неколку лажици од шеќерот и убаво истријте со прсти, да пушти арома. Во подлабок сад изматете ги со жица јајцата и шеќерот, додајте грчки јогурт, сокот и кората од портокал, ванилата и на крај зејтинот. Измешајте добро, па додајте ги сувите состојки. Измешајте колку да се соедини, па истурете ја смесата во убаво намрсен калап за куглоф. Печете во загреана рерна на 180 степени 50-тина минути. Времето на печење прилагодете го според вашата рерна. Пробајте со чепкалка или со прст (при лесен притисок, штом се враќа нагоре тортата, готова е). Чашата е од 200мл. Spoiler И овој е убав
