- 300г чоколадо за готвење - 250мл слатка павлака Стопете ги чоколадото и слатката павлака и оставете на собна температура саат ипол - два, со повремено мешање. - 250г брашно - 300г шеќер - 1 пециво - 1 лажичка сода - пола лажичка сол - 2 јајца - 130мл зејтин - 250мл млеко со 1 лажичка алкохолен оцет - 50г какао - 2 лажички инстант кафе - 120мл зовриена вода Измешајте ги брашното, шеќерот, пецивото и солта во подлабок сад. Додајте ги јајцата, зејтинот и млекото и измешајте со жица додека да се соедини смесата. Во шоља, измешајте ги кафето и какаото со врелата вода. Потоа додајте ја течноста во смесата и измешајте кратко. Поделете ја смесата во два калапи (20цм) и печете во загреана рерна на 180 степени, околу 25 минути. Внимавајте да не ја препечете, ќе биде многу сува. По печењето, оставете ја тортата 10тина минути, а потоа извадете ја од калапите да се олади целосно. Нанесете отприлика една третина од ганашот врз едната кора. Ставете ја другата кора одозгора и премачкајте ја целата торта со остатокот. Тортата не е премногу блага. Доколку сакате поблага, ставете повеќе шеќер или користете мешавина од млечно и чоколадо за готвење во ганашот. Spoiler
Дали правеше? Или се премисли? Исто, сакам да ти ги кажам овие од Веро, сум ги заборавила. Многу се добри. Spoiler
Цк, ко ќе сум настината не прам работи шо ќе јадат и други. Ама сега здрава, деф морам да се убедам дека сакам (зошто се месат).
Го погледнав рецептов и сакам да ја направам тортата. Единствно ме интересира каде да најдам кокос шеќер? Изгледа како кафеав шеќер ама пишува кокос шеќер..? И таа кокос кремата што ја става на крај како прелив, што ја меша со чоколадото? Неа кај можам да ја најдам? Или пиши ми соодветна замена за овие две. Среда ми е роденден па сакам да ја направам. Да ги изненадам дома со моите кулинарски способности
Кокосов шеќер има овде. Мислам дека може да се најде и по маркети, конкретно од тинекс имам купено. Како замена за кокосов шеќер јас користам кафеав шеќер. Кокосов крем купувам од Веро, исто како кокосово млеко е во конзерви, само пишува "coconut cream". Можеш и со кокосово млеко да го замениш овде. Треба да го оставиш во фрижидер преку ноќ, да се стврдне. Ќе го искористиш само цврстиот дел, без водичката.
Повели: - 2 презреани банани - 2 јајца - 1 канче котиџ сирење (200г) - мед по вкус (1-2 лажици) - 1 полна лажица путер од бадеми или индиски ореви - 1 лажичка ванила екстракт или арома - чаша ипол овес (чаша од 200г) - 1 лажичка пециво - пола лажичка сода - пола лажичка цимет - прстофат сол - 100г чоколадни капки Најпрво сомелете го овесот во брашно. Потоа, додајте ги сите состојки во блендер (освен чоколадните капки) и обработете кратко, само додека да се соедини. Додајте ги чоко капките и измешајте со лажица. Истурете во калап за печење леб и печете на 180 степени, 45-50 минути. Проверете со чепкалка. Треба да излезе речиси чиста (со неколку влажни трошки). Најдобро е да се олади целосно во калапот, па да се сече. Ама мене ми е највкусно топло, па го сечев уште додека испаруваше и се распаѓаше. Чиста 10ка Spoiler
Тенко сечени парчиња свински врат (може со било какво месо) ги валкам во брашно и ги пржам во тава на загреано масло по две минути од секоја страна. Ги редам во тава за печење, a во иста тава каде што го пржев месото додавам сечкани праз(1) и шампињони(250гр). Ги пржам додека заруменат и омекнат, па им додавам 200 мл павлака за готвење и ги преливам врз месото. Одозгора додавам и рендан кашкавал (околу 200 гр беше) и ставам во рерна додека кашкавалот зарумени.
Тиквата претходно испечена, јас имав веќе од претходниот ден беше изладена. Пред да почнеш да го правиш стави си вода ( ќе ти треба 3/1 во сооднос со оризот) да зоврие со една коцка за супа во посебно тенџере. Во тава на оган додади малку маслиново масло и едно ситно сечкан кромид. Откако кромидот ќе омекне додај ги печената тиква( јас ставив околу 200 гр) и оризот да се пропржи 1-2 минути, а потоа додади ја постепено топлата вода во која се има растопено коцката за супа. Промешувај со лажица повремено додека не испари целата вода. Пред крајот додади го путерот( една мала коцка), многу ситно сечканиот свеж рузмарин и пармезанот (2-3 лажици), промешај со лажица додека не се соединат сите состојки и толку
@Цунами @rainbowec многу е едноставно, само треба трпение. Во тегла ставаш околу 30 г брашно и 30 мл вода, измешај го убаво со дрвена лажица, покриј ја теглата лабаво со капак. Осатј го во топла соба 1 ден. Наредниот ден фрли ја пола пд смесата и пак додај 30г брашно и 30 мл вода, покриј и остај до нареден ден. Истата постапка ја повтараш 10-15 дена. Квасецот е спремен кога ке почне дупло да нараснува 3 дена по ред. После тоа си го чувам во фрижидер и вадам по потреба кога ќе треба да месам нешто.
Зачинив со маслиново масло, сол и бибер, и еден изненадувачки зачин што дава предобар шмек - цимет. Ама само прстофат, бидејќи самата тиква е блага ова е само за вкус, ако претераш ќе ти биде премногу благо. А инаку тоа завитканото во фолија е лук, испечен во рерна е превкусен ама обавезно во фолија со малку маслиново пошто инаку ќе изгори.
