Ти благодарам, повели: Готово лиснато тесто се сече на 6 правоаголници. Се засекува секој правоаголник отприлика на 1 цм од рабовите (за да може подоцна средишниот дел полесно да се одвои). Се премачкува со жолчка и се пече. Се остава целосно да се олади. Средишниот дел се гмечи, се вдлабнува за да се направи место за крем. За кремот (чаша од 200мл): - 2/3 чаша шеќер - 1/4 чаша густин - прстофат сол - 4 жолчки - 400мл млеко - околу 30г путер - 1 лажица ванила екстракт Шеќерот, густинот и солта се мешаат во длабок сад. Се додаваат жолчките и малку од млекото. Се меша убаво, да не останат грутчиња. Остатокот од млекото се става на оган. Штом се појават меурчиња, пред зовривање, се трга од оган и многу полека (во тенок млаз) се додава кај жолчките, со постојано мешање. Потоа, смесата се враќа во тенџерето и се вари уште 10тина минути на умерена јачина (додека да згусне). Се трга од оган, се додаваат ванилата и путерот и се меша додека да се стопи путерот. Покријте со најлонска фолија директно врз кремот за да не се формира кора. Оставете да се олади целосно на собна температура, а потоа ставете го во фрижидер до употреба. Наполнете ги лиснатите со крем во вдлабнатиот дел, а одозгора можеш да ставите прелив/мармалад/овошје по избор. Јас ставив готов фил од вишни. По желба, може да се пороси и со шеќер во прав. Врвно благце Spoiler
Фала ти Било кој рецепт за пуслици. Додадов прехранбени бои и хартиена цевка како држач. Оформени се со слаткатски шприц. Се печат долго на пониска температура, практично се сушат. Јас ги печев околу 2 часа, на 80 степени.
Калцоне: 450гр брашно, 1 пециво, мала лажичка сол, 300мл јогурт, 75мл зејтин, шунка, кашкавал, кечап, павлака, 1 јајце и сусам. Брашно, пециво и сол мешаш па додаваш јогурт и зејтин, го замесуваш и правиш 8 топчиња. Претходно павлаката кечапот шунката и кашкавалот си ги мешаш во друг сад можеш да си додадеш што сакаш овде. Секое топче го расукуваш малку во линија права на тестото додаваш од филот и го преклопуваш. Со вилушка од страните кај што се преклопува тестото притискаш да се направат линии и да се залепи едно со друго тестото. Ги редиш во тепсија со хартија за печење и ги мачкаш со јајце и одозгора сусам. На 200 степени печеш околу 30мин.
Повели: - 250г лотус колачиња - 100г стопен путер - 100г бело чоколадо - 400г крем сирење - 150г шеќер во прав - 250мл слатка павлака - пола лажичка цимет - пола лажичка ѓумбир - ванила арома Мелените колачиња се мешаат убаво со путерот и се натапкуваат на дното од калап за чизкејк (мојот е 18цм, ќе одговара и за 20цм). Оставете во фрижидер. Стопете го белото чоколадо и оставете го малку да се олади. Изматете ја слатката павлака со отприлика 1/3 од шеќерот во прав и тргнете на страна. Во посебен сад изматете го крем сирењето, додајте го остатокот од шеќерот, цимет, ѓумбир и ванила и матете додека да се соедини смесата. Додајте го белото чоколадо и изматете. На крај, додајте ја изматената слатка павлака и измешајте убаво со лажица. Додајте ја смесата во калапот и израмнете. Оставете во фрижидер минимум 6 часа. Декорирајте по желба. Spoiler
Дали се овие со домати? Јас до сеа на Кам ги користам интегралните затоа што се големи. Другиве сите ми се мали
Мислам? Сега имам во зелено паковање, ама мислам дека овие за кои ме прашваш беа со домати. Само шо не можам да проверам до утре, оти утре ми е за пазарење ден.
Да зелените се со спанаќ. Гуглав сеа затоа прашувам, на рафт не сум ги приметила. Еднаш земав обични ама многу мали беа и не сум погледнала веќе.
Повели: - 30 орео колачиња - 60-70г стопен путер - 600мл млеко - 80г шеќер - 2 лажици густин - 6 жолчки - 80г путер (исечен на мали коцки) - 120г темно чоколадо (ситно сецкано) - 1 лажичка екстракт од ванила - прстофат сол - 300 мл слатка павлака - 30г шеќер во прав - ванила арома Орео колачињата сомелете ги ситно и измешајте ги со путерот. Од смесата, направете кора во калап за тарт (23цм). Печете во загреана рерна на 180 степени, 10тина минути. По печењето, оставете да се олади целосно. Млекото, со две лажици од шеќерот и прстофат сол, ставете го да зоврие. Останатиот шеќер измешајте го со гистинот и жолчките додека да добиете изедначена смеса, без грутчиња. Точно пред да почне да врие млекото, тргнете го од оган и додавајте го многу полека кај смесата од жолчки, со постојано мешање. Потоа, вратете ја течноста во тенџерето на оган. Гответе кратко додека да згусне смесата и со постојано мешање. Тргнете од оган и додајте го путерот, парче по парче и мешајте додека да се стопи. Потоа додајте го и чоколадото, мешајте да се стопи, а на крај и ванилата. За помазен крем, поминете го веднаш низ цедалка (опционално). Потоа истурете го во калапот, врз илзадената кора. Покријте со најлонска фолија директно врз филот, за да не се формира коричка. Оставете во фрижидер најмалку 6 часа. Пред послужување, изматете слатка павлака со малку шеќер во прав и ванила арома и декорирајте по желба. Spoiler
