Не сум правела досега со овие спелтини и ржани брашна, само со обично и пченкарно, ама рецептот горе долу е ист. Каде може да си купам квалитетно ржано или спелтино, некоја препорака?
- 250г брашно - 3 јајца - 300г шеќер - 1,5 лажичка пециво - 1,5 лажичка сода - пола лажичка сол - 130мл зејтин - 1 кисела павлака - 80мл млеко измешано со една лажичка оцет - 70г какао - 180мл жешко нескафе Измешајте ги брашното, шеќерот, пецивото, содата и солта. Во посебен сад со жица изматете ги јајцата со млекото, зејтинот и павлаката. Додајте ги сувите состојки кај течните, на два-три пати и измешајте само додека да се соедини смесата. Какаото додајте го кај жешкото кафе и измешајте убаво додека да добиете густа и мазна паста. Додајте ја оваа смеса кај останатото тесто и измешајте добро. Поделете во три калапи од 20цм и печете во загреана рерна на 180 степени, 25-30 минути. По печењето, оставете ги корите да се оладат малку, па препорачувам да ги завиткате во најлонска фолија додека се топли. Така ќе останат помеки и посочни (ама ќе бидат малку потешки за манипулирање/редење). Овој чекор може и да го прескокнете, ама во секој случај корите треба да бидат целосно оладени пред да ја филувате тортата. - 300г темно чоколадо - 1 лажица мед - 200г крем сирење - 30г какао (просеано) - 100г шеќер во прав - прстофат сол - 250мл слатла павлака Чоколадото стопете го заедно со медот и оставете го да се подолади. Во посебен сад изматете го крем сирењето со шеќерот во прав, какаото и солта. Додавајте ја слатката павлака постепено, со постојано матење. На крај, додајте го и стопеното чоколадо и изматете кратко. Ова е прекрасен, превкусен фил со свиленкаста структура. Штом ќе се оладат корите, филувајте и декорирајте по желба. Пожелно е тортата да отстои убаво во фрижидер пред да ја сечете. Спојлер
Се е од прилика , урми се потопуваат во млака вода да отстојат 10-15мин. Се цедат од водата , водата се трга на страна ако е густа смесата да се додаде малце од истата , најубаво со рачен блендер или во блендер се ставаат урмите , лешници и ореви , се добива убава смеса ,може и како ролат да се направи/завитка или како бомбици. , вкусот е многу убав јас ставив 6урми , две раце ореви и една лешници и искрено заситуваат и преубави се и калорични ама повеќе од две ретко кој може да изеде
Повели: - 1 конзерва или тегла наут (400г) - 80г путер од кикирики - 100г мед - 40г бадемово брашно (може мелени бадеми) - лажичка ванила арома - 1/4 лажичка пециво - 1/4 лажичка сода бикарбона - прстофат сол - 50г чоколадни капки Наутот исплакнете го, процедете го и истријте/избришете со крпа или кујнска хартија. Исчистете ги лушпите. Ставете ги сите состојки, освен чоколадните капки, во процесор или блендер и обработете додека да се изедначи смесата. На крај, додајте ги чоко капките и измешајте со лажица. Добиеното тесто префрлете го во калап за печење (20х20цм) обложен со хартија за печење и израмнете. Печете во загреана рерна на 180 степени 25-30 минути, додека да добие златна боја и кора. Многу вкусно Спојлер
Повели: Тесто: - 450г брашно - 180г шеќер - 180г омекнат путер - 1 јајце - 1 ипол лажичка сода бикарбона - 6 лажици мед - 4 лажици слатка павлака - 1 лажичка какао Фил: - 2 конзерви дулче де лече карамел - 450г путер (собна темепратура) - 70г мелени ореви Сируп: - 150мл рум - 2 лажици шеќер - 50мл зовриена вода Декорација: - остатоците (вишокот) од тестото - 50г мелени ореви За дулче де лече карамел, потребни за 2 конзерви густо, засладено кондензирано млеко. Кај нас го има само во Веро. Конзервите, целосно покриени со вода, се варат 2 до 2 ипол часа. На секој пола саат се додава по малку зовриена вода, колку што испарува и се намалува нивото. Мора цело време да се цели конзерви покриени со вода. Оставете ги да се оладат целосно пред да ги отворите. Ова е најдобро да се направи ден претходно. За тестото, ставете ги путерот, шеќерот, јајцето, медот и слатката павлака да се стопат на пареа. Во друг, длабок сад, просејте ги и измешајте ги брашното, содата и какаото. Додајте ги течните сосотојки кај брашното и измешајте добро. Треба да добиете меко и мазно тесто. Поделете го на 7 (или осум дела). Отприлика по 130 грама топче и покријте ги со најлонска фолија (да не се сушат). Секое топче расукајте го во кора од околу 3 милиметри и исечете со калап (18-20цм), за да бидат иста големина. Печете ја секоја кора во загреана рерна на 180 степени, 4-5 минути, не повеќе. Печете го и вишокот тесто. Оставете ги корите да се оладат целосно. За кремот, изматете го прво путерот. Треба да стане бел и со лесна структура, матете најмалку 5 минути. Додајте го дулче де лече карамелот, а на крај и мелените ореви. За сирупот, измешајте ги румот и шеќерот, па додајте 50 милилитри врела вода и мешајте додека да се стопи шеќерот. Оставете да се олади. Тортата редете ја на чинија за послужување. Секоја кора најпрво натопете ја рамномерно со сируп, а потоа премачкајте ја со фил. На крај премачкајте ја целата торта со филот. Дел од тестото што останува кога се сечат корите со калап, сомелете го и измешајте го со мелени ореви. Посипете ја тортата по цела површина со оваа мешавина. Румот доста доминира во вкусот. Доколку е тоа нешто што би ви пречело, натопете ги корите само со вода со малку шеќер или прескокнете го сирупот целосно. Феноменална торта! Спојлер
