Рецепти од Фемина Инстаграм

@Eli23 пралините се полнети со смеса за сникерс торта.:
Зовривам малу шербет од 100гр.вода и 150 гр шеќер додавам 1маргарим да стопи. Настрана мелам300гр бисквити и 300 гр.кикиритки несолени и потоа ги
замесувам со шербетот и
маргаринот
Силиконските калапи ги мачкам со топена чоколада на пареа со три лајци масло
Се мрзне кратко па се полнат
со смесата и пак убаво се мрзнат за полесно да се извадат

 

@Lorins Повели рецепт за полжавчињата
1кг.брашно
1/2кг.млако млеко
2јајца
1свеж квасец
2 лажички сол
1 лажичка шеќер
2 филџани зејтин
Од сите овие состојки се формира меко тесто кое се остава добро да стаса.
Од стасаното тесто се формира кора во форма на правоаголник,(можеш тестото и на два пати да го поделиш,полесно е за размесување,така и јас направив )Кората се премачка со растопен путер и се нароси со рузмарин.
Со нож се сечат ленти по должина(произволна е дебелината),се наросува со сирење и се витка како ролат.На тава со мрсна хартија се наредат и се премачкуваат со жолчка и наросуват по желба ,ким,сусам,лен..
Се печат на 200 степени.Готови се кога ќе бидат убаво заруменети.
Пробај ги и ти,па пофали се со слика.Поздрав

 

@Peppermint може рецепт за рижото со аспарагус?

 

@Adi888 , @Viktorijaaa5 може рецепт од тортите

 

@alisijad
Веднаш, повели
500 мл јогурт
2 шољи шеќер
2 шољи брашно
1/2 шољи масло
1 ванила, 1 лајче сода, 2 лажици какао
ФИЛ:
2 пудинзи од шумско овошје( мајка ми ги купва од тинекс )
750 грама млеко
10 лажици шеќер
150 грама чоколадо
1 ванила
1 маргарин
и за одозгора два шлака,

П.с Превкусно е

 

@kjukli @oblace1
Извинете што ме почекавте, подолго ввреме не сум се логирала, па дури сега гледам дека сте побарале рецепт за тортата со чоколадниот сос.

Повелете, излезе долг текст, па во спојлер.

Спојлер: Рецепт

За тестото:
200 г шеќер
200 г путер
200 г брашно
1 лажица прашак за пециво
Прстофат сол
3 големи јајца
3 супени лажици какао
8 супени лажици вода (јас некогаш заменувам со сок од портокал)
100 г чоколадо за готвење, исецкано на парчиња (секако може и повеќе )
Сецкани бадеми


За сосот (единечна доза):
100 г чоколадо за готвење
100 г шеќер во прав
100 г путер
4 лажици млеко (околу 50 г)
Јас правам дупла доза од сосот, го обожавам сосов, па сакам екста


Подготовка:
- Рерната се загрева на 180 степени
- Се намастува здела/тава за печење

Тесто:
- Во поголем сад се мати шеќерот со путерот со миксер додека да се добие еднолична кремаста смеса;
- Се додаваат јајцата едно по едно и се мати после секое;
- На страна се помешуваат брашното, солта и прашакот за пециво, па се додаваат во садот;
- На страна се меша какаото со водата додека да се добие какао паста. Јас ставам 11-12 лажици, 8 не ми се доволни, ми останува суво какао или пак моите лажици се многу плитки. Исто некогаш ја заменувам водата со сок од портокал, многу убаво оди со чоколадото;
- Какао смесата, бадемите, и дел од чоколадото (поситните парченца) се додаваат во садот и се мати;
- Се сипува смесата во тавата;
- Јас сега ги редам покрупните парчена чоколадо одозгора, и малку ги притискам надоле, колку да се покријат со смесата, ама да не потонат ептен до доле (обично “тешките” состојки спаѓаат надоле, а јас си сакам да има чоколадо по целата висина на тортатa;
- Се пече во претходно загреана рерна на 180 степени, околу 20-30 минути, зависи од рерната.

Сос:
- Кога тортата ќе биде скоро готова, се спрема сосот;
- Сите состојки се ставаат во помало тенџерче;
- Се загрева во bain-marie. (Тенџерчето се става врз друго поголемо тенџере со топла вода. Водата да не врие, и дното на малото тенџерче да не го допира дното на поголемото тенџере, само водата);
- Се загрева додека сите состојки се стопат и соединат;
- (Ако немаш шеќер во прав, може и обичен, ама прво стопи го шеќерот во млекото, па после додади ги другите состојки, иначе ќе остане крцкав)

Топлата торта се посипува со топол сос.
Вкусна е и топла и ладна. За тие што може да чекаат да се олади...


А за малите тортички ги правам кога имам гости. Истата смеса е, само ставена во калапи за мафини. Одоздола (од страните нема потреба) ставам тркалце хартија за печење, just in case да не ми се залепат па да не можам да ви извадам. Во средина додавам поголема коцка чоколадо и ја притискам малце да се покрие со смесата, ама да не потоне до крај. Се печат малку пократко, оклу 20тина минути, бидејки е помала количината.
Убавото тука е што можеш да ги спремиш и порано, па кога ќе дојдат гостите да ги подгрееш (во микробранова и греам), и тогаш го спремам сосот и ги поливам. Исти се како тукушто да се печени, а брзи за служење.

Нема некој што се пожалил од тортава, дури и колега хомосексуалец ми понуди брак поради тортава

http://forum.femina.mk/threads/Фемина-Инстаграм.21134/page-362#post-2804480

 

@Adi888 @skorpija123
Изволте рецепт за американските палачинки (ја се извинувам што враќам олку касно, ама не сум видела дека сте пишале)

2 јајца
пола лажица сол
2 лажици шеќер
4 лажици зејтин
1 пециво
1 ванила
1/4 сода бикарбона
250мл млеко
200гр брашно
Се ставаат сите состојки, се матат со миксер и ако сакаш повеќе да ти испадна палачинки додаваш млеко колку сакаш и потоа брашно колку да биде густа смесата. Како што ја премачкуваш тавата со зејтинче, така ќе ја премачкуваш и за секоја наредна палачинка (јас користев малечко тавче баш за вакви палачинки)

Спојлер: во прилог

 

Ауу...
Кажувај рецепт.

 

Најоздола има топено чоколадо (јас одбрав млечно чоколадо и го топев во микро за побрзо да биде), врз чоколадо наредени marshmallows. Сето тоа пикнато во рерна да се пече додека не потемнат маршмалоусите. Калориска бомба и никако не препорачувам да се јаде навечер во 11 саат

 

Чекај толку е едноставно?! Ова мора да се проба. А маршмелоусов од кај ги зема? Тие во Кам не ми се допаѓаат нешто многу.

Бубале ај ако можеш пиши рецепт за ситниве колачи. Тие од втората слика. Многу се убави.

 

@kjukli тие црните се калапи обложени со црно чоколадо а смесата во нив е дел бајадера ( 800 шеќер, 20 лајци вода, да зоврие шербет и му додаваш еден путер, мелени бисквити 300 гр и мелени ореви 300 гр, и на пола смеса црно на другата пола бело чоколадо. Од оваа смеса доста излегува, па во дел си додадов желе бомбони, на друг дел суво овошје - грозје, смоква, слива, брусница..)
Белите со бело чоколадо а полнети се со смеса од 300 мелен лешник, 150 прав шеќер и неколку лајци вода, сето тоа загреано на оган. Друг дел шербет (колку вода толку шеќер) да зоврие и додадов кокос и малку кокосово масло)

 

Тука не би можела да ти помогнам, јас овие од странција ги купив

 

Квинче ај првен појасни ми со шо се па после давај рецепт

 

И јас сакам рецепт

 

@lovemme рецепт за макароните?

 

Рецепт за тортата?

Рецепти??

 

Потребни состојки:
Млеко
3 пудинга од ванила
Бисквити
Медени срца
За декорација шлаг ( јас немав па декорирав со стопено чоколадо и ореви.
Пудингот се вари на стандардниот начин.
Бисквитите се потопуваат во млеко се реди еден ред, врз нив се става пудинг, потоа се редат медените срца претходно се боцкаат со вилушка и се потопуваат во млеко од двете страни( ова за да омекнат). Врз меденото срце повторно се става пудинг, па уште еден ред бисквити.
Одозгора се декорира со шлаг.

 

@lovelygirl39

Ролат со кокос

400-500 гр мелени бисквити
150 гр.мелени ореви
100гр.чоколадо
1 лажица какао
300мл. млеко
1 путер/маргарин
2 пакетчиња кокос
1 ванила
300гр. шеќер
250гр шеќер во прав

1. Темно тесто
Млекото се вари 5 мин со обичниот шеќер, чоколадото и какаото. Кога ќе се олади се додаваат бисквитите и оревите. Се меша убаво. Се дели на три дела и со мокри раце се расплескува на најлон фолија.

2. Бело тесто
Путерот се мати со миксер со шеќерот во прав додека да стане малку пенесто. Се додава кокос.
Се расплескува врз темното тесто и се витка во ролат. ( Поточно од оваа количина ќе испаднат 3 ролати со дебелина како на сликата.)
Тоа е тоа. Може да се мрзне.

 

Не се секавам кој ми бараше рецепт но еве за пирошките.
https://moirecepti.mk/post/пирошки-од-палачинкипирошки-од-палачинки
Еве за макароните само што јас направив топчиња од мелено месо.
https://moirecepti.mk/post/макарони-со-шунка-и-бешамел-сос