Тоа ни се случило речиси на сите додека сме биле мали. Мајка ти е на работа, гладен си а немаш пари да си купиш нешто што да правиш... Ја викаш баба ти или и се јавуваш и таа те учи да готвиш. И што е најбитно бабите секогаш не учат како да ги зготвиме нашите превкусни традиционални македонски јадења. Нив дури им е мило ако ги прашаш за разлика од мајка ти која ти стои над глава цело време и која ќе ти најде 300 замерки после Сум научила многу за кулинарството од баба ми и тоа повеќето преку телефон бидејќи не живеевме заедно. Имам еден куп рецепти што можам да ги издвојам но ќе почнам со мојот најомилен и наједноставен -ЧАЛБУР (кај нас така се вика на друго место можеби е инаку) Потребно (за 1 особа) 2 јајца 2 големи лажици брашно 3-4 дл вода зејтин црвен пипер сол Почетокот е ист како да правиш запршка само треба да е малку погуста од другите манџи. Се става малото тенџерето на оган и ставаш малку зејтин колку да има низ цело тенџере. После го ставаш брашното и го пржиш додека не ја смени бојата во кремаста. После ставаш пола лажичка црвен пипер и мешаш да не загори. Ја додаваш водата и чекаш да зоврие а за тоа време ги кршиш јајцата и ги ставаш во филџан. Кога ќе зоврие водата ги ставаш и јајцата внатре и ги вариш 5 минути со повремено мешање. Додека се варат ставаш сол и вагета по желба. Јас се убивам од јадење додека моите дома го мразат А вие што научивте од вашите баби?
Ахаха, чалбур, го правам само кога сум сама дома и си го јадам со сласт, оти дечко ми (т.е. мојот тазе вереник ) нејќе ни да слушне. А многу е вкусно, баш пред некој ден си правев. А еве еден рецепт од мојата баба - ПОПАРА Се пржи младо кромидче, неколку главици, што повеќе тоа поубаво, се додава брашно, па црвен пипер, како запршка, се додава вода, сол, и откако ќе зоврие водата се става раздробен леб, и треба лебот да ја упие водата, значи се става леб додека не испари водата. И со сиренце е многу слатко. И попарата сама си ја јадам
Сум чула и јас за Попара ама стварно не знаев како се прави дека мајка ми не прави. Одличен рецепт !!! Ќе пробам да направам деновиве па ќе видиме што ќе излезе
Рецепт од мојата баба-ПРЕСОЛЕЦ Перцата од младо кромитче се сецкаат ситно, се става сол и се тупаат со толчник (дрвен е), потоа во едно тавче се става зејтин да се стопли, се додава една лаж. црвен пипер, се трга од оган и се промешкува како запршка нешто. Потоа така врело се додава на тупканите перца и се се` меша. Многу е вкусно како додаток на исхрана на пр. со скара е топ. А може и леб и само пресолец, така наречено по старински-макање. После следи миење заби и едно 2-3 мастики орбит
Јас знам за попара, ама не со готвење. Има модификации со попарата. Мене од мала ми ја имаат правено наједностваната. Препеченки парчиња раздробен леб, се стваат во кисело млеко. И готово
и јас исто знам за попара исто како slatkichKa123 ама кај мене баба ми место кисело млеко она ставаше топло млеко со многу шеќер
тупеница-стар леб издробен и пропржен во малку масло и наросен со нане и пипер -остај ме цел ден ке јадам
К’лчано Се варат суви пиперки околу 5-6 и 2-3 компира. Во каленица се става 1-2 чешниња лук и малку сок, тоа убаво се толчи. Се додаваат ситно сецканите варени суви пиперки и тие се толчат, се ставаат ситно сецкани варени компири и се убаво се промешува. На тава се загрева малку зејтин и се попрскува одозгора смесата од каленица. Ова ми се допаѓа многу а некој по желба става и ситно исецкан праз. Попара Сув леб се сече на коцки и се става во подмачкано тавче со зејтин. Одозгора се поросува со сирење и се става да се пече. Пред да биде готово се пропрскува со мешавина од вода и зејтин и пак се враќа во релна да се допече
На времето баба ми правеше каша која ја викаше Бел Маж. Си ја топевме со лепче. Ако знае некоја како се прави да ми каже? Знам баба ставаше брашно урда и вода, и се пржеше некако ама не знам од кај да почнам.
мантии нека е жива и здрава баба кога ке ми направи мантии под вршник уф уф после тоа два дена немам место во стомачето да ставам било шо.. имате ли јадено ? и како ви се допаѓаат ? http://www.google.com/imgres?q=mantija& ... 66&bih=632
макало од суви пиперки суви црвени пиперки се варат, околу еден час , (можда и повеќе) и се отстанува лупешката потоа се сецкаат (тие секако си се веке издробени со лупењето) се додава , ситно исецкан праз, зејтин, сол и околу 100 мл зовриена жешка вода , сето тоа се меша и се мака со лепче исто така мноу е добро за во петок, ако дента имате варено бел грав (без запршка) ставете му и десетина лажици од гравот во макалото (така е уште подобро)
макало од печен кромид 4,5 големи главици кромид (не лупени) ставете ги во тепсија да се печат околу час можеби и час и половина, ( додека кромидот добро не омекне а лушпата ако си потемни) потоа отстранетеја лупешката разделетеги слоевите од кромидот , малку исечкајте, ставете го кромидот во сад , турете му масло (убо да си е мрсничок), сол и црвена пипер, мешаш и макаш ( кромидот има мноу убав вкус печен, не мириса воопшто) јас го обожавам
бабами правеше премногу специјалитети, ама кога почина не бев мажена и не застанав да научам нешто од нејзе, обожаваше да ни прај месени работи Јас ја запамтив топеницата: во караванче се става леб ладен, крешен на залаци, и филган за кафе вода и масло и се печи во релна и потоа се вади и се става сиренцеее и солл. превкусно еееее девојки
топеницата мајка ми ја прави на сличен начин, но наместо со сиренце и сол, се потопува печеното лепче со јогурт малце да омекне и многу е вкусно.ти препорачувам нареден пат на овој начин да ја пробаш топеницата
супер, фала со се би ја пробала, но ми недостига топеницата што ја правешее таа лично, некако послатка беше одшто јас самата си правам
Малку доцна ама сепак ќе одговорам : И баба ми правеше ваква каша ама кај нас ја викаат прженица. Морам да си се пофалам дека после баба јас правам најубава каша Во тава се заграва зејтин и се додава брашно . Количината е различна во зависност за колку лица се прави . инаку размерот на брашно и урда е ист т.е ако ставаме 3 лаж. брашно исто толку и урда. Прво брашното се пропржува потоа се додава и урдата и убаво се промешува да се соединат. На оваа смеса (3 со 3) се додава 1 чаша вода и повторно се меша . Во зависност од вкусот т.е густината по потреба може да се додаде уште вода . Ии тоа е тоа
Δ Што викаат, поарно покасно отколку никогаш оти уште немаше да знам како да ја забркам. Фала на рецептот, баш ќе си сварам урда и ќе ја испробам. Имам предчувство дека ќе се најадам додека не пукнам