Рециклирање е всушност селекција на одредени материјали од отпадот и нивно повторно искористување. Рециклирањето вклучува собирање, издвојување, преработка и изработка на нови прозиводи од искористени материјали и предмети. Важно е добро да се процени што се може да се рециклира, односно повторно да се искористи. Рециклирањето е само еден од начините за зачувување на околината затоа што голем дел од материјалите во денешно време не се биоразградливи. Што се' може да се рециклира? Хартија Хартијата се добива со преработка на дрвото со различни хемиски средства. Со секојдневното производство на хартија и производи од хартија се уништуваат бројни шуми. Затоа, постои можност да се рециклира старата хартија која веќе не ја користиме, а со тоа многу се придонесува во заштитата на околината. Сиот непотребен канцелариски материјал, весници, хартиени ќеси, хартиени амбалажи, хартија за пишување - сето тоа може да се рециклира. Притоа, се заштедува дури до 60% од енергијата за производство на нова хартија, 15% помалку вода, се намалува загадувањето на реките и сечата на шумите. Стакло Секојдневно го користиме - тегли, шишиња, чаши, прозори, огледала. Се добива со топење на песокот (и некои други материи) на многу високи температури, при што се троши многу енергија и се испушта голема количина на штетни гасови. Со рециклирањето може да се заштеди многу енергија, да се намали испуштањето на штетните гасови и да се поштедат реките од чии корита се вади песокот за производство на стакло. Може бескрајно да се рециклира. Метал (алуминиум, бакар, железо) Од метал се изработуваат многу предмети кои ни се секојдневно неопходни (превозните средства, бела техника, лименки, кутии...) - сите тие може да се рециклираат за да се спречи експлоатирањето на рудите и уништувањето на околината, како и огромната потрошувачка на енергија. Пластика Се добива при преработка на нафтата. А светските резерви на нафта за брзо време ќе бидат потрошени. Освен тоа, пластиката не е биоразградлива, останува во земјата и ја загадува. Многу е застапена во секојдневниот живот, препорачливо е да се рециклира и за намалување на количеството на отпад. Електронски и електричен отпад Ова е тн. опасен отпад кој содржи доста отровни материи и супстанци и ако непрописно се фрлаат, предизвикуваат загадување на околината со испарување на отровните материи со што лошо влијаат и на здравјето на луѓето (предизвикуваат најразлични тешки заболувања и дегенерации). Тука спаѓаат компјутерите, мобилните телефони, ЦРТ мониторите и слично - одредени делови се рециклираат, а остатокот треба прописно да се складира и да се искористи за добивање на енергија. Подарувањето на старата облека е еден вид рециклажа - зошто нешто што е здраво, иако старо, да се фрли? Исто така, органските остатоци од ѓубрето (од храната) може да се искористат за подобрување на плодноста на земјата. Ова е нешто накратко за рециклирањето. Јас се обидувам да рециклирам на секој можен начин, посебно хартијата, стаклото и пластиката. Барем за тоа секојдневно имаме можност. Кога некое парче од техниката дома го заменуваме со ново, не го фрламе било каде, туку чекаме да се најави собирањето на кабаст отпад во организација на јавните комунални претпријатија (ова за Охрид конкретно). Што се однесува до мобилни телефони и компјутери, сум прашала во компанииве (One, T-Mobile) дали имаат опција за рециклажа конкретно на мобилните телефони и полначите, ми одговорија дека немаат. Штета, не сакам да ги фрлам телефоните, иако се расипани, не функционираат, но сепак содржат отровни материи. Слушнав дека One има некаква кампања за рециклажа, ама не сум видела ниту чула повеќе информации околу тоа. Дали вие рециклирате? Дали се залагате за рециклирањето или пак фрлате кај ќе стигнете? (добро, знам што повеќето од вас ќе одговорат на ова, ама да си прашам). Дали сметате дека во Македонија треба повеќе да се рециклира отпадниот материјал?
Во Македонија состојбата со рециклирањето е очајна. Заштитата на животната средина ми е слаба точка уште од дете, и ме фрустрира секоја посета на маалските контејнери, затоа што нема услови за рециклирање, а не е потребн многу. Хартија ја издвојувам за рециклирање само на работа, каде што имаме поставено кутии за таа намена, ама повеќе се трудам да придонесам (колку-толку) за заштита на околината со тоа што не принтам, освен ако морам. Многу се разочарав кога со месеци ги молев во Комуна некој да дојде да ја собере хартијата од канцеларија, и упорно никој не доаѓаше. Пластичните шишиња, кои за жал многу ги користиме, секогаш ги фрлам во посебна кеса, одделно од другиот отпад, со надеж дека некој ќе помине и ќе ги собере. Со стаклото не правам ништо посебно. Не знам ни каде се собира, и дали воопшто некаде се рециклира. За техника, да бидам искрена, не сум се потрудила колку што треба, веројатно не сум била доволно свесна. Па не знам ни колку и дали воопшто сум фрлила некој технички уред. Би била среќна кога би имало поставено канти за различни видови отпад. Порано имаше вакви иницијативи, но за жал ниту една не успеа. Веројатно треба многу да се работи на освестување на населението. Кантите се најмал проблем.
Многу убава тема. Треба да се подигне свеста околу рециклирањето, но најпрво да постојат Закони за истото, посебни корпи, да има фабрика за рециклирање, а ние да сме обврзани да го распределуваме ѓубрето, а не се` да фрламе во иста кеса.
Рециклирањето е одлична работа, само кај нас за жал и да не постои. Еколошката свест треба да се подигне на повисоко ниво. Покрај толку многу проекти, мислам дека треба да се изготви и еден асален проект за селекција на отпад, да се изгради фабрика за рециклажа, па да се направат рекламни спотови, да се делат флаери, да се постават контејнери за селектиран отпад. Ако треба и да се казнуваат оние што нема да вршат селекција. Освен за Комуна, кадешто се рециклира хартија, за друга фабрика немам слушнато. Едно време имаше поставено едни зелени контејнери за хартија и редовно ги собирав весниците и харијата и ги фрлав во нив, или пак ако најдев во моментот некој од собирачите на хартија, им ги давав да ги однесат во Комуна, па да спечалат некој денар и тие. Сега ни тој го нема Пластичните шишиња исто, секогаш посебно ги собирам и не знам дали е во ред или не, ама ги закачувам на контејнерот (не ги фрлам внатре) со надеж дека собирачите на пластика ќе ги соберат.
Кај што ни е станот има посебни контејнери за пластика, стакло, хартија. И еден за се (за оние што ги мрзе да одделуваат). Кога бев таму, се трудев да ставам се на свое место. Овде нема посебни канти. Нешто се ширеа муабети во Струмица да правеле нешто такво за рециклажа, некоја си фабрика, ама слушнав а не дослушав.
Во Скопје додека бев имаше само едно како кафез направено за пластичните шишиња кое ромите уште вториот ден од кога беше поставено го искршија друго не видов за рециклирање барем не во Карпош. Тука во Мелбурн рециклирањето е на високо ниво веќе оддамна, за во домаќинствата имаме по три во различни бои канти, едната е за ѓубре кое се собира еднаш неделно, втората е за стакло, хартија и пластика таа се собира еднаш на 2 недели и третата е за трева и помали гранки и таа се собира секоја втора недела. Акумулаторите таму каде што го менуваш го земаат и се носи на посебно место од отпадот поради киселините кои ги содржи. Мебелот и белата техника се собира од општината, порано имаше акции 2 пати во годината да се собира сега ако имаш потреба одиш во општината им кажуваш колку работи имаш за отпад ти даваат налепници кои ги ставаш на предметите и тие доаѓаат во точно одреден ден и го собираат од улица. За мобилните телефони има канти во секоја пошта, продавница за мобилни телефони таму се оставаат за да се рециклираат. Истото важи за компјутерите и лаптопи, во секоја продавница каде се продаваат има дел каде ги оставаш старите и тие понатаму ги рециклираат.
Така и треба да се прави Bittersweet, камо и кај нас луѓето да беа повеќе освестени околу тоа дека треба да се рециклира. Јасно ми е дека во држава како нашата луѓето имаат други приоритети, ама пак од друга страна, ништо не не чини ако го селектираме ѓубрето што секојдневно го фрламе и го рециклираме она што може да се искористи повторно. За рециклажа на стакло неодамна дознав (благодарение на една форумџика ) дека има фирма во Скопје која се занимава со тоа. Во најскоро време планирам да им се јавам и се' што имам дома од стакло, а не го користам, да го однесам таму. Имам доста стакларија што не ја користам. На тоа ме поттикна фактот што немам што да им правам на тегличките од кашички кои понекогаш му ги давам на малиот. Жал ми е да ги фрлам, а не можам да ги искористам како што ги користам класичните тегли (за зимници и слично). Време е владата малку повеќе да се заангажира за рециклирањето. Кога веќе може да градат споменици, може малку да мислат и на заштитата на човековата околина, нели?
Во Германија и Холандија скоро секој маркет рециклира т.е. ако однесеш стаклена амбалажа плаќаат 25 центи од шише, и за пластика плаќаат. Многу домаќинства секоја недела кога пазарат си ја носат амбалажата од дома.
Македонија е сеуште млада држава, ама е и со млади луѓе во владата кој би требало да ја туркаат во преден план оваа проблематика. Тука горе, доле се е средено и затоа најголемо внимание веќе подолг период е посветно на одржување на околината, екологијата итн. Е сега да не биде дека којзнае колку сме културни тука па сите се загрижени за рециклирање итн туку како и за се друго тука по џеб те удираат побрзо да се научиш на ред
Кога го видов веднаш ми се појави идеја што ќе правам Ќе изработам нешто и ќе конкурирам,барем за тоа ме бидува!
Инспирирана од она што го гледам во другите земји за тоа колку се ангажирани за рециклирање и "zero waste" начин на живот решив да ја активирам малце дискусијата во темава. Колку луѓето од околината се свесни за тоа колку можат да придонесат за животната средина само со селектирање на својот отпад? -Очигледно во РМ поголемиот дел не се свесни. Сметам дека треба да има поголеми кампањи за едукација па можеби и казни за несоодветно фрлање на отпад (и сега има ама никој не ги почитува реално бидејќи нема дежурни служби кои ќе пратат нонстоп). Во 21ви век, моите комшии си го горат отпадот(во кој спаѓа пластика, гуми, хартии и сл.) Со што предизвикуваат уште повеќе да се загади воздухот и се неколку пати пријавени и предупредени и никој ништо не превзема. Колку и каде низ Скопје (и останатите градови) се поставени контејнери за рециклирање? - Ова прашање го поставив за да напишете вие каде сте виделе контејнери за селектиран отпад бидејќи јас до сега освен кај Градежен факултет(поставен е контејнер за стакло) не видов никаде а веќе си имам доволно собрано пластика и хартија. Не сум од Ск, а во мојот град верувале или не, не постои нешто такво како селектиран отпад. Дали луѓето кај нас во маркетите сеуште масовно употребуваат пластични ќеси а можат да пазарат во торби или хартиени ќеси? -Ќе тргнам лично од себе, секогаш со мене носам торба и ја сведов потрошувачката на ќеси во мојот живот на минимум. Меѓутоа, било каде да застанам на каса само јас носам торба и евентуално уште некој! Работев минатово лето во маркет и од 100 луѓе во текот на денот само 3ца носеа торба. Се трудам наоколу што повеќе луѓе да заинтересирам за ваквиот начин на живот но слабо ми оди. Сакам да слушнам повеќе мислења за тоа како можеме повеќе да придонесеме за околината, каде точно се наоѓаат контејнери за рециклирање, колку вие самите рециклирате!
Ona sto posledno mi se dopadna so recikliranjeto e recikliranjeto na otpadnoto maslo za jadenje. Ima edna firma sunilens koja dava mislam 3l koficki gi polnite so masloto koe go koristite posle gotvenje. Vie koga ke ja napopnite kantickata dobivate 500ml maslo ili moze da go donirate a oni go koristat za biodizel gorivo. Super nacin da ja zastitime okolinata i pravilno da go selektirame. Po obrazovnite imstitucii se voveduva ovoj proekt decata i roditelite se zapoznavaat.
видов негде во некои градови има фирми кои откупуваат отпад хартија или пластика од дома. Некој да не има повеќе информации?
А со општина центар и прорктот со машините за шишињата и лименките што бидна? Толку најавуваа дека од октомври ќе биде