Сè што сакате да знаете во врска со религија

Воспоставување на однос во кој може да се врши Неговата Волја за да ни биде подобро. Слично како што соларните панели се насочуваат кон Сонцето за да примаат енергија.

Не постои промисла во таа смисла како што ти (или поточно некои религии) ја презентираш низ прашањето. Бог е промислата, Законот сам - а ние имаме слобода кон што ќе се насочиме. Ако се насочуваме кон Бога тогаш ни оди подобро бидејќи ни струи повеќе енергија, ако одбереме да се насочиме кон нешто друго, Бог не го прекинува своето зрачење кон нас туку ние се отклонуваме од него.

Друга илустрација за подобро разбирање: Сонцето свети а Земјата се врти околу својата оска предизвикувајќи деноноќие, но Сонцето не се менува како ќе зрачи специјално кон Земјата а како кон другите небесни тела. Во таа смисла Бог не се менува.

 

Woooow. Права уметност ти е кажаново. Да ти се восхитува човек како можеш толку многу да напишеш а ништо да не кажеш.
Што ако ти си се насочил/а кон погрешниот бог? Како си тоа сигурен дека дека си го одбрал вистинскиот? (Немој само со прикаската еден е бог) Како тоа со леснотија ги отфрли Ахура Мазда, Ра, Брама, Зевс и илјадниците други, освен тој твојот? Тој што не верува значи не му “струи“ енергија? Или помалку? Како ти тоа го констатира/измери?
Ете и ако од илјадниците богови си го избрал оној вистинскиот, како ја пронајде вистинската деноминација, повторно од илјадниците различни?
Интересно ете за илустрација како што велиш ти, да беше роден/а во Иран, Ирак или Сирија ќе беше најверојатно муслиман. Помирете со фактот дека не знаете, дека само верувате.

 

Од што го доби тој заклучок?
И да, Бог е Еден, но во различни култури различно бил/е именуван.

Не му струи ниту на тој што верува. Верата сама по себе е слепа. Прашањето е кој се насочил со живеење според божествените закони (на пр. Она што не сакате да ви го прават, не го правете ниту вие на другите) а не кој верува или не верува.

И? Што има лошо во тоа?

 

Конкретен случај ќе наведам, без зрачење, соларни панели и деноноќиа....
Некој заболува од рак, религиозни луѓе на кои таа личност им е блиска се молат да оздраве. Ако болеста е допуштена од Бог а според тебе Бог не се предомислува, која е поентата на молитвата?

 

Сака да речи 'молитва, без мотика' не помага.

Те разбирам што сакаш да кажеш.
Ама баш ова како го објасни, значи дека 'Бог' е природни закони, а не интелигентно битие.

 

И не не е еден, ти реков да не споменуваш дека бог е еден пошто е неточно. Ете кај хиндуистите имаат повеќе богови. Другото не вреди коментар. Златното правило не е зависно од боговите. Не го рачунам за човек ако треба некој си бог или виша сила или што год за да знае да се однсува човечки, тој е нечовек за мене.

 

Па ,,мотика" има, се вика медицина, јас те прашувам за молитвата, во спротивно муабетот ќе го правевме на подфорум за медицина.

 

Дали Господ може да се премислува - имаш ти слободната волја? Ти со таа волја создаваш акција - реакција.....зошто препишуваш човечка особина таму кај што твојата волја предизвикала промена?
се е дел од совршена промисла - да беше така , немаше да постојат промени со доживувања водени по слободна волја.

Бараш аргумент за прашање кое си го извадил од памет како нештото да е така,па од библијата ќе бараш аргументи да го побијат тоа ?
Мени ми изгледа дека се мајтапиш со вакви прашања.

 

Не за медицината... туку како го живееш животот.
Ако правиш 'гревови', односно, пиеш, пушиш, се дрогираш, имаш секс со рендом луѓе, и такви ми ти работи, се донесуваш во ризик да се разболиш.
А ако да не си 'грешник', односно, си го пазиш здравјето, се разболиш, тогаш е 'Божја воља'.
И во 'Божји раце' си препуштен... покрај медицинта де..

Молитвата е да ти се 'смилува Бог' и да ти 'помогне' да ја надминеш болеста, или ако не поминува 'да ти бидат простени гревовите'.

На страна сето ова... Факт е дека молитвата има ефект врз организмот, како медитацијата што има.

 

Не припишувам јас ништо, ве прашувам дали Господ според вас може да се премислува или не! Едноставно, просто прашање! Од одговорот зависи дали постои нешто кое се вика божја промисла или не.

Прашање кое сум го извадил од памет...? А од кај треба да се вадат прашањата? Од бубрег?
Барам аргумент за ставот дали господ се премислува или не со посочување стих од библијата, како што направија предходните членови, ништо повеќе.

 

Ако целта на молитвата е ,,да ти се смилува бог" значи дека целта на молитвата е да го премислиш бог. Тоа би значело дека не постои такво нешто како божја промисла, дека нема апсолутен план, дека актите на господ се од ден за ден. Тоа е многу човечки, многу.....несовршено за битие кое треба да е сезнајно и семоќно.

 

Нема да се премисли 'Бог', туку ти мора да се искупиш за гревовите, за да 'те излечи', или да 'ти прости'.

 

Првин велиш молитвата е за да се смилува Бог, сега велиш дека немало да се премисли.... Ич нема контрадикција нели?

Тоа со гревовите е посебен степен на апсурд, Бог те создава со особини, потреби, склоности и потоа дел од нив ги прогласува за грев....Сам себе убијал. Ако се е создадено или допуштено од господ, од кого ќе биде тоа што тој ќе го прогласи за грев?

 

Не пишувај со инает, туку размислувај логично.
Се обидувам да најдам рационално објаснување.
.. Не сум верник иначе

'Ѓаволот те тера' да ги прекршуваш 'Божјите закони'.
Секој од нас може да е добар или лош, но ради слободната воља, сам одлучуваш (и со подбуцнување од Ѓаволот де) кој пат ќе го фатиш.

Сето ова до сега што го објаснив се состои во 'основната молитва' Оче наш:
Оче наш,
Кој си на небесата,
да се свети името Твое,
да дојде царството Твое,
да биде волјата Твоја,
како на небото, така и на земјата.

Лебот наш насушен дај ни го денес;
и прости ни ги долговите наши,
како што им ги проштеваме и ние на нашите должници;
и не воведувај не' во искушение, туку избави не' од лукавиот.
Зашто Твое е Царството и Силата и Славата, во вечни векови.
Амин!

 

Нема ама баш никаков инает во моите постови, баш напротив, логички и разумски се конструирани.
Ако ѓаволот е проблемот, зошто Господ го создал? Нели е сезнаен, знаел што ќе направи!? Слободната волја не е изговор, таа е само можност да бираш од опциите што ти се на располагање не и причина што ќе биде изборот. И ти и пироманот имате слободна волја, но само пироманот гледа задоволство да пали. Ти имаш слободна волја да ја облечеш левата патика на десното стапало, но обликот (особината) на стапалото е одлучувачка за да ја облечеш десната.

 

Не реков дека е изговор, туку дека постои.

 

Постои, но не е аргумент во дијалогов, ги наведов причините зошто не е.

 

Не е, ама јас не ја пишував Библијата.. сори

 

Не го познаваш доволно хиндузимот штом велиш така.

Тие тнр. „богови„ (Брама, Шива, Кали, Дурга, Ганеша и тн.) се всушност полу-богови, на санскрит (древниот јазик на кој се запишани хинду списите) се нарекуваат дева и тие иако располагаат со разновидни моќи и во однос на луѓето живеат мошне долго, сепак не се бесмртни и подложни се на страдање.

За разлика од нив Бог е вечен и не го тангират промените во материјалниот космос. Хиндусите го нарекуваат со разни имиња (Вишну, Нарајан и тн.) зависно од формата и својството кое што го манифестира но се однесува на еден Бог.

Бог нема врска со болеста, тој не ја создал бидејќи во себе не содржи ништо лошо. Така да не може да се каже дека Бог ја дозволил болеста во таа смисла. Бог не се вмешал, како што Сонцето не се вмешало доколку човекот прејде во сенка.
Болестите настануваат преку погрешно размислување и постапување поради кои човек го пригушува токот на божествените енергии кои би го одржувале здрав. Тие погрешни акции потоа доведуваат до серија на „случајности„ (на пр. активирање на одредени гени, запаѓање во одредени подрачја каде се активни одредени штетни микроорганизми и тн.) кои потоа резултираат со нелагоди, болести, прирдони катастрофи и сл. Затоа сликовито ги спомнав соларните панели кои се насочуваат или отколонуваат од Сонцето.

Преку молитвата доколку е правилна(искрен разговор на човека со Бога во своето Внатрешно), може да се воспостави повторно слободен тек на божествените енергии и да дојде до оздравување (доколку е тоа добро за душата) затоа што пациентот е поттикнат кон промена во шемите на размислување и постапување. За жал голем број од молитвите кои верниците ги молат не се витински молитви туку се еден вид „просјачења„ или наизуст научени празни зборови кои се темелат на преданија и традиции. Таквите молитви најчесто не поттикнуваат промена во свеста на пациентот ниту на оние кои молат, па молитвата останува неплодна.

Е тука е за нашиот човечки ум можеби веќе „виша„ математика веќе
Бог е Законот кој се има изразено себе си во форма кое чистите духовни битија (жителите на Небесното Царство) го доживуваат како Бог Отец-Мајка или како Бог Создател. Поради ограниченоста на човековите зборови и моќ на замисла Бог кога му се објавил на Мојсеј рекол: „Јас сум оној кој што Сум„. Или можеме да речеме едноставно: „Бог Е!„. Или како велат во исламот: Бог не е налик на ништо, не може да се спореди со било што во човековата мечта, бидејчи така би го ограничиле, но Бог може да се спознае. и тн.

И зошто само од Библијата? Има најмалку десетици други списи... Но кога веќе ја спомнавме Библијата, посочениот цитат би можел да упати и кон други интересни точки. Имено од една страна вели дека Тој Господ не се менува, од друга страна внимателниот читател на Библијата добива впечаток дека Бог или премногу пати се менува, или дека се во прашање најмалку 2 ако не и повеќе спротивставени богови кои се презентирани како еден.
Темата е многу убаво обработена во книжето „Животните тажат - пророкот обвинува„ со поднаслов „Два вселенски Бога, Богот Мојсеев и Богот Исусов или еден променлив Бог?„. (едно време беше достапно и на македонски, но не го наоѓам онлајн)

 

Ако бог нема врска со болеста, тогаш тој не се разликува од паганскиот концепт на пантеони, каде за се има посебен бог. Таквите богови се викаат демијурзи, не се семоќни, ниту сезнајни, имаат одредена надлежност и моќ само за одредена област и толку.
Друга работа што е апсурдна во твојов пост е тврдењето дека болестите се случуваат поради вина на човекот, поради ,,погрешни енергии"
Кое погрешно размислување има бебе или дете што се разболело од рак? И ако не е бог тој што се вмешува, кој ги создал бактериите, вирусите, паразитите? Нели има само еден бог?

Зошто библијата? Затоа што од постовиве заклучив дека сте христијани, а за христијаните библијата е божји збор, другите списи се човечка творба. Затоа не ме интересираат други книжиња, да видиме дали библијата навистина е божји збор.
Има ли репер кој е неспорен и на кој може да се повика некој кога толкува нешто спротивставено и контрадикторно? Зошто да ти верувам тебе или на авторот на тоа книжето а не на некој друг?