Сè што сакате да знаете во врска со религија

Не само што е суеверие, туку е и многу погрешно, затоа што душите на сите нас во очите на Бога се живи, без разлика на телесната состојба. Смртта на душата треба да заплашува. А, шерот, од телесно живи лоши луѓе побргу ќе те снајде.

Кога се венчав во црква на пример, сите ме разубедуваа да не палам свеќи за упокоените, јас секогаш палам свеќи за сите, за мене душите на сите ближни се подеднакво скапоцени.

Бог би претпочитал кај нас да влезе човек којшто пред да намине си спомнал за душата на ближниот, отколку некој којшто пред да влезе кај нас дома направил некој голем грев кон друга душа.

 

Сакав да прашам што значи ,, геена,,? Го читам Катехизисот дел по дел, Јован Златоуст, поточно книгата,, Зошто не бива да му помислуваме зло на другиот,, и ме интересира.

 

Геена е место на вечен оган и се поврзува со душите на непокајаните завидливци....како дел од адот...како што постојат места во кој царува најдлабока темнина , места каде непокајаните се борат со демоните и сл..така постои и геена огнена...

 

Геена е идниот пекол, кој што ќе биде востановен после Страшниот Суд. Како што сегашниот рај е привремен, така и сегашниот пекол е привремен. Конечните пекол (геена) и идниот рај (Царството Небесно) ќе бидат востановени по Второто Христово Пришествие и сеопштото воскресение.
Од привремениот пекол, со помош на молитвите и добрите дела на Црквата (т.е. на секој од нас, кои сме дел од Црквата) може да се излезе. Но, од геена огнена нема излегување.

 

@sonuvana и @Orthophill Ви благодарам.

 

На веб сајтот на Јеховини Сведоци (немам врска со нив, само сметам дека имаат интересно објаснување за поимот) го даваат следното објаснување:
Грчкото име за Долината Хином, јужно и југозападно од древниот Ерусалим. Пророчки се зборувало за место каде што ќе се расфрлаат мртви тела. Нема докази дека животни или луѓе биле фрлени во Геена за да бидат запалени живи или измачувани. Така, местото не може да симболизира невидлив регион каде што човечките души се вечно мачени во буквален оган. Наместо тоа, Исус и неговите ученици ја користеле Геена за да ја симболизираат вечната казна „втората смрт“, односно вечното уништување (Откровение 20:14; Мт 5:22; 10:2. (крај на цитат)

 

Многу милостив е овој бог. Ако не си му по ќеф, на крајот
А. те поништува да не постоиш повеќе
Б. ти одредува вечни маки и страдања во оган

На верникот е да одбере во која верзија ќе верува.

А можел семоќниот Бог едноставно сите луѓе да ги направи добри и среќни, кои нема да прават гревови и така штом нема грев, ќе нема казна, ќе нема патење.

Нешто озбилно не штима во христијанството... но следбениците како маѓепсани не увидуваат.

Само се надоврзувам на погорните мислења, ништо повеќе. Немам прашања.

 

Зошто Марија Магдалена сакаа да ја 'наместат' дека била жена на Исус?
Дали вие навистина верувате во тоа?
Мислите дека е со цел да се оцрни довербата кон религијата и општо кон тоа што е напишано во Светото Писмо?

Во тоа време најзастапено било името Марија.
^прашањава се поставени само за верниците.

 

Света Марија Магдалина е жената, која била секогаш најблиску до Христа заедно со Пресвета Богородица. Жена, која многупати била многу похрабра од сите апостоли. Жена, која не се исплашила од Римјаните и разбеснетите Евреи, за време на распнувањето и погребението Христово и жена, која храбро Го следела Христа до Голгота. Жена, која со Пресвета Богородица, рано наутро отрчала на прво утро кај Господа. Жена, на која ангелите први и` ја соопштиле најрадосната вест, дека Христос воскресна... Воскреснатиот Христос и` се јави нејзе, пред да им се јави на другите апостоли.
Жена, која собрала храброст и пошла дури кај императорот Тивериј да се жали од Понтиј Пилат, за неправдата која Му ја нанесол на Христос!
Гледајќи ги сите овие нејзини подвизи и нејзината горешта љубов спрема Христа, зарем ѓаволот нема да сака да и` наштети на оваа чесна и голема жена? Нормално, дека сака и го прави тоа постојано. Прв кој што се дигнал против оваа света и сечесна жена бил римскиот папа, кој ја прогласил за блудница и ја избришал од диптихот на светии. Но, тоа е најголема лага! Света Марија Магдалина (или Марија од Магдала) била целомудрена и поштена жена, веројатно вдовица или стара мома, која поседувала голем имот и со сите свои сили и материјални средства послужила за ширење на светото Евангелие. Но, за да се покаже силата Божија, таа била опседната од 7 демони, кои од неа ги истерал Најблагиот Христос. Уште тогаш тие демони ја мразеле и и` наштетувале, и сега тие демони одат меѓу луѓето и ги буцкаат да хулат на оваа светица и апостолка.
За жал не се само овие измислици кои се насочени против Христа, Црквата и Светото Писмо! Секојдневно гледаме на разни емисии, поседно на Неш`нл Џиографик, каде разни јудини следбеници, жедни за пари и слава, измислуваат и искажуваат разни глупости, и ги поврзуваат работите во стилот на: свети апостол Павле му пиша писмо на Гоцета Делчев, за да ја ослободи Македонија. Жално е што имаат публика, зашто ѓаволот во сите нас, не` поттикнува да бидеме богоборци и богомрсци исто како што е тој од искони.
Света апостолке и мироносице Марије, секогаш моли Го Христа Бога за нас!

 

Ти благодарам за одговорот, ми објасни се што не ми беше јасно.

 

Знам за католиците дека еден од најголемите борци против зелената попусница(greenpass) е Monsignor Carla Maria Viganó. Ме интересира дали и во православието има некој што слично така се бори и го подржува народот и слободата.

https://www.google.com/url?sa=t&sou...o7QBegQICRAF&usg=AOvVaw3_fWxMlBtgneRpSNo8O07W

 

Што е ова зелена попусница?
Го пуштив видеово ама ствр не го разбирам нема ни превод на англ, ни ништо

 

За жал има и во Православието. Тоа е Неговото Преосвештенство митрополитот на Морфу г. Неофит.

 

Ако црквите во недела и за празник се полни и ретко кој носи маска...ако луѓето се причестуваат,а свештениците си ја работат својата работа, дали тоа зборува дека се преќутно против зелените пропусници?

 

Ако сите владици (барем македонски) се вакцинирани, ако скоро сите свештеници се вакцинирани, ако голем дел од разбраните верници се вакцинирани, зарем треба уште да им се восхитуваме на оние, кои си играат и со своето здравје и со здравјето на другите!
И попови и владици изумреа, и епископи лежеа по болници... Да не се занесуваме, туку да си го гледаме своето и туѓото здравје. Да не бидеме проповедници на убиства и да не учествуваме во своето самоубиство!

 

Зошто се оставаат пари во црква?

 

Оти на Бог му требаат неоданочени пари.

 

Какви се тие пари?
Што ќе му се?
Што ќе купи со нив? На оној свет има продавници, пазари?

 

Се зафркавав.
На институцијата и' требаат пари, не на Бог.

Што значи институцијата не е гласноговорник на Бога.

 

Добро....но,јас не прашав за вакцината,туку дали е оправдано црквите да работат нормално или сметаш дека верниците треба да се воздржат од причест и гужви,бидејќи и покрај вакцините може да се заболи?