Сè што сакате да знаете во врска со религија

Дали во нашите манастири се чита Неуморен псалтир? Таа пракса ја има во Русија... Па дали може да се нарача и тука

 

Не, нема такво нешто во Македонија. Но, неуморен псалтир значи и секој ден да читаме по една катизма. И тоа е многу поголем подвиг отколку да пратиме имиња негде да ги читаат.
Купете си псалтир и секој ден читајте по една катизма. Три катизми е оптимално, една е минимално.

 

Кај се наоѓа точно црквава?

 

Ова е црквата Св. Јован Крстител во Ново Лисиче, општина Аеродром, во паркот со авион.

 

Која е разликата на палење на жолта или бела свеќа во црква? Гледам се продаваат и двете бои при нашите цркви, но не сум прашала.

Последен пат запалив бели и за живи и за мртви, па се замислив дали има правило.

 

И жолтите и белите свеќи се исти, направени од парафин, кој е нуспродукт на нафтата.
Подобро е да се палат восочни свеќи (кафеави), кои се вистинска жртва за Бога, направени од чист и благомирисен производ на вредните девственички - пчелите.
Подобро да се запали една малечка восочна свеќа, како чист принос на Бога, отколку да се запалат 10 килограми парафински свеќи.

 

Имам слушнато дека во црквата Св Петка секој петок во одредено време ваделе од олтарот чудотворна икона од Богородица.
Дали има и некој друг слушнато за тоа и да каже во колку часот, што како треба ???

 

Обично ја вадат секој петок за време на светата литургија, која се служи наутро. Овој петок не се служи света литургија поради постите, кои ни доаѓаат. Од другиот петок, во првите пет петоци од Великиот Пост, вечерните богослуженија - акатистите на Мајка Богородица секогаш се изнесува чудотворната икона на Мајка Божја Милујуштаја.
Како да се пристапи? Во вера во она што Нашиот Господ Иисус Христос ни го проповедаше, со надеж во Христовите ветувања и со љубов кон Христа Бога и Пресветата Богомајка, Кои се насликани на светата икона.
https://skopjeinfo.mk/chudotvorna-ikona-so-iscelitelna-mokj-vo-sveta-petka-crniche
Оваа е иконата:

 

Арно е кажано, човек учи додека е жив.
Прв пат слушам дека црквата Св Петка поседувала таква икона
Не ми е јасно, зошто не е достапна таа чудотворна икона со исцелувачки моќи, секојдневно за секој верник, зошто само во петок?

 

Е на ова прашање немам одговор. Ќе си го прашате старешината или архиепископот.

 

Сигурно ќе прашам кога ќе одам, здравје само, но ти што мислиш, некоја размисла зошто таков обичај има таа црква?
Ако не ти текнува ништо, не мора да ми одговориш.

 

Пред дваесетина години имаше ужасни кражби по црквите и манастирите...

 

На голема жалост, сеуште има сквернавање на наши православни цркви.
Ти благодарам.

 

Дали знаете во кое време попладне може да се најде свештеник во некоја од црквите во Скопје? Знам дека наутро има, ама не сум упатена за попладне, претпоставувам дека има некој заради вечерните богослужби ама како се со распоред не знам.

 

Во соборната црква и во Пресвета Богородица (веројатно и света Петка) има свештеник до кај 17 часот. За другите не знам.

 

Јас иако си го негувам мојот духовен живот во смисла на не пропуштање литургија, молитви секој ден итн сепак понекогаш доаѓам во ситуации каде сум малку лута на Бог и одбивам да го правам ова. На секои неколку месеци ми доаѓа пад каде се дистанцирам од Бог, пробувам да не мислам воопшто и потоа се враќам пак во колосек, се додека не се случи нешто пак. Не верувам да е ко да прекинам да верувам во Бог туку ми се појавува некоја лутина кога знам дека тоа што ми се случува е за мое добро ама пак не ми се оди во црква. Како кога татко ти ќе ти забрами да искочиш и потоа не ти се седи у иста соба со нив тоа попладне? Се мислев дали е во ред ова и ако не е, како да го сменам?

 

Нормално е и им се случува на сите. Сите некогаш мислиме, дека сме во право и знаеме подобро од Бога. Би ти препорачал на јутјуб да ги побараш три приче. Неколку продолженија ги има. Изгледај ги, веројатно ќе се пронајдеш. Ама главно е нормално и не е страшно, дури не почнеш да се оддалечуваш од Христа, односно дури постиш среда и петок и во недела одиш в црква.

 

Сакав да прашам, дали ако некој прави нешто да се разболи од тешка болест (рак) и потоа почине, но не прекршувал ни една од Божјите заповеди, дали тогаш постојат шанси да оди во пеколот?

 

Како прави? И кому? На себе?

 

Да на себе.