Сè што сакате да знаете во врска со религија

Одделив нешто за што би сакала подетално да искоментирам. Не сум баш начитана на оваа тема а не сакам да навлегувам. Баба ми имаше 100 Библии а јас ги читав само оние најмалите и со најголеми букви Така да немам некое детално знаење сепак религијата и Бог секој ги сфаќа и разбира на свој начин. Не ми требаат попови и владици или архијерејски намесник за да ми го појасни она на што Исус не учел.
Според мене се што е запишано во Новиот завет т.е. после воскреснувањето на Исус е само толкување на луѓето. Каде Исус рекол: „Поклонувајте се и целувајте слики на луѓе кои направиле добро и црквата ги прогласила за светци“? Значи не зборувам за Православието туку општо. Ете и Мајка Тереза ја прогласија за светица. И после 100 години католиците ќе велат „Нека ни е напомош Мајка Тереза“?????????
Она што според мене е најбитно се 10 Божји заповеди и учењата кои Синот Божји ги ширел на земјата. Зошто да оставам пари во црква? Каде е споменете парична помош? Има милион други начини за помош на луѓето. Зошто палиме свеќи? Каде Исус рекол дека треба да палиме свеќи на умрените? Е па сега имате еден куп свеќи. Па од 10, од 15 или 20 денари. А за специјални настани има од тие од 60 ден. Значи тоа е мое мислење и не го наметнувам на никого.
Во однос на поповите и црквите искрено не знам што да речам. Мое лично мислење - катастрофа. Да, мајка ми без пеење на поп дава задуша на гробот од баба ми и не може да ги исчисти грвовите ама кој воопшто може? Дали заради тоа што поповите научиле некои молитви, можат? Да, ги учат на факултет, да, има и школо за попови како за било која професија ама нели Исус рекол да не трошиме залудни зборови кога се молиме туку само да ја кажеме „Оче Наш“ и Бог веќе ќе знае што сакаме???? Нели нашите грвови ги простува Бог. Исус рекол „Покај те се и Бог ќе ви прости“, а не „Ќе умирате со гревови ама попот е тука да каже една - две молитви и Бог ќе ви прости“ Можеби грешам ама јас така ги разбирам работите. Да поповите имаат семејства ама зошто воопшто постои професијата поп? Се е тоа бизнис. Кога одам на работа минувам покрај куќа на поп и има и Мерцедес и БМВ во дворот. Уште Ламборџини фали. Попот го вози едното а попаѓата другото. Ќерката се школува во Лондон. Па што да не кога си наплаќа 300 денари од пеење лепче. Поповите живеат најбогато, да не се правиме налудничави. И Јован Крстител ги крштевал луѓето ама не им велел „Е сега плати триилјадарки“. Верата воопшто не треба да е професија или начин на заработка. Ни Трајко ни Петко ни Лена ни Баба Рада ни никој не треба да ја „работи таа работа“. Ширењето на верата треба да биде на некој начин доброволна работа. Некој кој сака да го прави тоа. Исус не им плаќал на Апостолите за тоа што го следеле. Сум имала милион непријатни ситуации со попови како на пример одам со син ми на молитва кога направи 6 недели и попот дамла пијан. Едвај ја кажа молитвата. Да, ама тој е достижен да ја шири верата и да чисти гревови бидејќи се изначитал книги и знае како правилно се пости и ги знае сите молитви на памет За да ме причестат мене кога сум била дете мајка ми постела а сега син ми го причестуваме без пост (помал бил од 7 год). Кога се смена учењето? За дваесет години се сменал принципот за причесна на деца, па замислете што се се сменило за 2000 години. Еве на пример од каде потекнува фрлањето Крст за Водици? Од никаде. Тоа е „нов“ обичај и на крај попот му дава телевизор или златен крст на тој кој го фатил. Значи и во религијата веќе се се стреми на материјалното. Свесна сум дека живееме во материјално општество ама кога веќе се проповеда треба да се отстрани она за кое Исус најмногу се лутел - материјалното
Не ми треба знаење за да се поклонам или да го Величам Бог. Јас сум само смртник кој верува дека не настанал од мајмун туку дека го создал Господ Бог. Кога Исус ја ширел верата не знаеле ни да читаат. Се покорувале иако биле неписмени. На крај краева од целата Библија, според мене, најважни моменти се приказните на Исус и местата каде се споменува начинот на кој можеш да се доближиш до Бога. Кого воопшто го интересираат палмите во храмовите или не знам некои кои се родиле незнам колку години после години после Христа па му текнало: Е ај сега ќе правиме икони, и ќе палиме свеќи и професија од ова ќе направиме, и иконите ќе ги продаваме по 200 евра една, свеќите може и по 200 ден и крстови златни ќе фрчат на сите страни како знак на верност кон Бога, и бројаници ќе направиме со топчиња кои ќе ги покажуваат годините на Исус....Ова ги интересира само на тие кои Бог и учењето за Бог го гледаат како теологија т.е. наука. Поентата на муабетот ми е дека религијата се стреми на чистење на душата, односно мир и разбирање во меѓучовечките односи. Сите религии се темелат на тоа. Се извинувам за долгиот пост. Ова е лично мое мислење и се надевам дека нема никој да ми замери

 

Никој и нема право да ти замери за мислењето ТВОЕ.
Само нешто сакам да те поправам. во текстот на почетокот имаш пишано дека баба ти имала 1000 библии, а библијата е само една ( во два дела СТАР И НОВ ЗАВЕТ).

 

Можеби лошо се изразив за Библијата... Можеби требаше да кажам 100 скратени верзии на Библијата.

 

Ред по ред, да објасниме некои збунувачки прашања .

Поимувањето за светоста на светителите е непозната за мнозина, па затоа и од тој корен произлегуваат сите недоразбирања.
Ако доволно добро сте ја прочитале Библијата (т.е. Новиот Завет) ќе го сфатите тоа и повеќе од јасно. Бидејќи во Новиот Завет убаво си е напишано (да не цитирам), дека човекот кој го следи Бог во онаа мера каква и Бог, Господ Исус Христос, Второто лице од Пресветата Троица, ни ја даде со својот земен живот, во тој човек ќе се смести Бог, па затоа и во едно од посланијата на апостолите е убаво кажано, дека ние сме храм Божји.
Значи да ја расчистиме дилемата, ние го почитуваме подвигот кој тој човек (светител или светителка) го направил за Бог со својот живот. Го почитуваме секое страдање со кое тие биле искушувани и на крај го победиле со Божја помош, но ќе потенцирам со Божја помош. Го почитуваме подвигот дека тие го исчистиле своето тело од гревовите, па затоа и Бог пронашол светол дом за Себе и се вселил во него.Зашто секој човек е грешен и не постои безгрешен освен Единиот Бог. Па така и тие луѓе биле грешници, митници, гонители (св. Ап. Павле), некои и убијци... но сите со своето покајание и со силната вера кон Бог, Бог им ги простил гревовите, па и тие станале храм Божји. И затоа и не тие, туку Бог преку нивните молитви правел и прави сеуште чудеса (Св. Василиј Острошки, Св. Нектариј Егински, Св. Серафим Саровски, Св Марија Египетска (која била блудничка) ... апсолутно сите светители).
Значи на крај доаѓаме само до едно, недоволно познание на својата вера.

Ако одиме по некој редослед на настаните и она што го кажал Бог, ние денес не треба да имаме многу нешта, а не пак да палиме свеќи или да оставаме пари во храмот или да му плаќаме на свештеникот.
Ако грешам поправете ме, ама Бог ни рече да не се грижиме за тоа што ќе јадеме или што ќе пиеме, или во што ќе се облечеме, а ние го правиме спротивното. Не ни рече да возиме автомобили, ама пустото ги возиме и ни се насушна потреба за да стигнеме до посакуваната дестинација. Не ни рече да купуваме и повеќе облеки, ама дома ги имаме за сите пригоди. Мислиме што ќе правиме за доручек, ручек, вечера, а и тоа не речено да го правиме. Арно ама ова не се гледа, ние си наоѓаме блиски на нашите размислувања цитати и за нив некако слепо се водиме.
Истиот случај е и со постот. Се фаќаме за единствениот цитат во Светото Писмо каде се вели дека она што влегува преку устата не го осквернува човекот, туку она што излегува од устата. А додека најважниот цитат, оној цитат кој е со најдлабоко духовно значење се прескокнува. Се преминува цитатот дека оној род (злобниот) се истерува само со пост (значи пост) и со молитва. Ете тука ние си се плеткаме во сопствената пајажина. И тука е одговорот ( и во Новиот завет), зошто отците земаат финансии од човекот. Па затоа ако убаво го разлистате Новиот Завет, во Евангелието според апостол Матеј, ќе наидете на еден цитат, на еден пасос каде кристално јасно се отсликува сегашноста. Дека отецот и сите оние кои го проповедаат Божјото слово, не треба да носат со себе ништо, АМА сепак во тој пасос убаво е нагласено, дека работникот ја заслужува својата награда (плата). Односно, тој работник е денес свештеникот, ама работник на нивата Божја.
И да се навратам на она што започнав, на свеќите и зошто тие се воведени. Па воведени се бидејќи луѓето и понатаму продолжиле со својот живот и принесување (жртвување) на животни што датира од Стариот Завет, па затоа е и свеќтата. Бидејќи таа е дар кој ние ја принесуваме за Бог, ама бескрвна жртва. Зашто последната крвна жртва беше Бог, кој го распнаа заради нас и нашите гревови.

Додека свештениците, секогаш биле и ќе бидат мета на озборувања и осудувања. И за нив убаво е кажано во Светото Писмо, дека не се од овој свет, па затоа и луѓето не ги сакаат.
Не дискутирам за оние кои ги набројувате, оние со автомобили или оние кои имаат финансии во животот, па додека ги осудуваме нив, зошто ние не завртуваме нов лист и не погледнеме малку подобро. Зошто не ги погледнуваме оние кои се трудат, а се фаќаме за еден, двајца, петмина кои можеби се во искушение или пак поинаку си ја сфатиле својата Божја служба?
Зошто не го видиме оној кој не пуши, кој не оди по жени, оној кој не оди по ресторани, оној кој има скромна облека, скромен живот, скромен автомобил?
И пак ќе бидам погрешно разбрана, ако ви кажам дека некој отец има и вози Лада, некој вози Југо, некој нема ни воопшто кола. Ама пак тие веднаш ќе бидат сфатени како скржави, како луѓе кои ги чуваат своите финасии, а во таа наша слика никаде не може да се види дека тие отци тоа го прават од скромност или пак ги немаат тие финасии што ние ги гледаме кај тие петмина или оние кои се во поголемите градови. Зашто не знаете како му е на еден отец кој има селска парохија, па има 2 венчавки и 5 крштевки во три години и не знаете како му е на неговото семејство кога тој оди на парохија и еднаш месечно за скромни 500 денари.
И уште, кога една презвитера (попадија) е покажана со прст, дека била анама, бидејќи носи скромна долга облека и марама, што можеме друго да кажеме. Нас на луѓето ништо не ни е погодено. Ако не носи попадијата скромна облека, ја покажуваат со прст дека е многу модерна, дека вози скапа кола и не му прилега на жена на свештеник, а пак ако биде скромна, тогаш е заостаната, старомодна, па треба да биде како сите други. Овде човек треба да се крсти и да си поплукува во пазуви.

Простувањето на гревовите од страна на отецот...
Оној кој бил на исповед, ќе каже. Оној кој ја слушнал молитвата пред исповед, тој нека каже, додека другите навистина е подобро да не дискутираме на таа тема, ако не знаеме. Бидејќи во таа молитва е кажано, дека НЕ отецот, туку Бог ги простува гревовите преку (отецот), недостојниот слуга.
А од каде дошло тоа? И тоа доаѓа од Новиот Завет. И тоа доаѓа од цитатот каде се вели, дека кој ве прима вас и Мене ме прима и уште, се што ќе сврзете на земјата, ќе биде сврзано на Небесата, а се што ќе разврзете, ќе биде разврзано на Небесата. Тоа е она што му е дадено на свештенството, благодата Божја да простуваат или не простуваат гревови на Светата Тајна Исповед.

Прости мила aninа што се обидов да дадам некои одговори на веќе поставените прашања. Не треба да градиме некои цврсти градби, особено градби кои немаат цврст темел, а најважно е тоа што се работи за верата, но потенцирам, само во случај кога се нема доволно познание на истата.
Не ме сфаќај мила погрешно дека овој пост е против тебе, сепак ти си своја и најдобро знаеш што е најдобро за тебе. Сакав само најглавното да го кажам со сите овие одговори на прашањата.
Дека не треба да судиме, за да не ни се суди со истиот суд како што и ние сме суделе. Бидејќи никој не знае што се крие и зад едно лошо или добро дело. Можеби некој доброто дело го прави од гордост и суета, а пак некој можеби и лошото дело го прави за да избегне некое уште поголемо. Не сме прозорливи да видиме што има во туѓите души, па затоа и да не ги осудуваме без потреба.
Сепак секој си знае што е најдобро за себе .

 

Сакам само да кажам дека еден комшија е таксист и има две коли (ганц нови), жена му е книговодител на 1-2 малечки фирми, а син им е на факултет во Австрија...
ПС: Анина сигурно го носиш детето на причесна?

 

Што е разликата меѓу христијани,католици и православци...или тоа е се едно па исто?

 

Бог преку Светиот Дух се сместува во сите христијани, а не само во одредена елитна група верници (светители).
"Додека Петар уште ги зборуваше тие зборови, Светиот Дух слезе на сите, кои го слушаа словото" (Дела на апостолите 10:44, Библијата)
"И кога почнав да зборувам, Светиот Дух слезе на нив, како и на нас во почетокот" (Дела на апостолите 11:15, Библијата)

Кога апостол Павле дошол во Ефес и нашол група верници ги прашал дали го примиле Светиот Дух кога поверувале, а овие му рекле не, дека тие биле крштевани само со Јовановото крштевање, па Павле им објаснил дека треба повторно да се крстат со Христовото крштевање и тие го примиле Светиот Дух (а биле обични верници, не биле водачи на цркви). (Дела 19:1-6, Библијата)

Исто така сите христијани се храмови на Светиот Дух. Во тогашниот град Коринт имало храм на божицата Афродита во кој имало 1000 храмски проститутки „за религиозна употреба“ (на тој начин ја славеле љубовта и плодноста). Некои од христијаните во Коринтската црква ги користеле услугите од овие проститутки и затоа апостол Павле им вели:

„ Зар не знаете, дека телата ваши се Христови членови? Ќе ги земам ли членовите Христови и да ги направам членови на блудница? Тоа никако! Или, пак, не знаете, дека оној, кој со блудница се соединува, станува едно тело со неа? Зашто е речено: „Обата ќе бидат едно тело”. А кој се соединува со Господа, еден дух е со Него. Бегајте од блудството! Секој грев, што го прави човекот, е надвор од телото, а блудникот греши против своето сопствено тело. Или не знаете дека вашето тело е храм на Светиот Дух, Кој живее во вас и ви е даден од Бога и дека не припаѓате само на себеси? Скапо сте купени. Затоа прославете Го Бога во своите тела и во своите души, кои се Божји.“ (1 коринтјаните :15-20, Библијата)

Оттука јасно гледаме дека и обичните верници, дури и оние кои блудствувале со проститутки (од незнаење), апостол Павле вели дека се храмови на Светиот Дух - што би значело и дека Бог живее во нив, дека нивните тела се Христови органи итн.

Во Новиот Завет е јасно нагласено дека црковните прилози треба да се исклучиво доброволни, а никако по одредени тарифи/ценовници. Еве ќе цитирам директно од Новиот Завет:

„Секој нека даде како што одлучил во срцето, а не со жал и не од принуда, зашто Бог го љуби радосниот дарител.“ (2 Коринтјаните 9:7, Библијата)

Ова значи дека ако некој одлучил дека сака да даде за крштевањето 200ден, тој треба да даде 200 ден.
Ако некој одлучи во свето срце да даде 17.500 денари, тогаш нека даде толку (ама со алал да ги даде, а не после да мрчи колку го ошурила црквата).
Ако некој одлучи во свето срце да даде 10 денари, тогаш нека даде толку.
Ако некој нема ич пари, нека не дава ич за крштевањето, а Црквата е должна да го крсти бидејќи тоа е заповед од Христос!

Еве фотографија од ценовникот на МПЦ:

Мала молитва 150ден.
Голема молитва 300ден.
Ова нешто као пица му доаѓа

Господ никаде не заповедал таква бескрвна жртва. Ниту Христос, ниту апостолите, ниту другите христијани во првите векови не принесувале свеќи за живи, за мртви, за здравје, за бериќет. Светилници се палеле исклучиво за осветлување бидејќи тоа време немало електрична енергија, но никогаш како религиозен принос.

Од друга страна многу пагански религии користеле палење оган како религиозен ритуал за обожавање на нивните богови. Паганите му се поклонувале на Сонцето и на Месечината како извори на светлината и палеле свеќи и кандила во храмовите пред идолите, принесувајќи ги во чест на нивните богови.
Египјаните биле први кои ги употребувале. Дури имале и еден празник, наречен "палење свеќи". Старите Македонци, Грци и Римјани исто така ги употребувале. На еден празник, во чест на богињата Церера, палеле многу свеќи. Обичајот бил да и принесуваат големи свеќи и факели.
Од друга страна, Јудаизмот никогаш не употребувал свеќи во религиозна смисла, туку само светилнци за осветлување во просториите кае што се собирале, но никогаш како религиозен принос. Во таква смисла не ги употребувале ни првите Христијани.

Да бидеме реални. Свеќите се воведени исклучиво заради финансиски приходи во православните цркви и тоа ни е на сите познато, затоа што сме очевидци на тоа секој празник кога ќе видиме тезги со свеќи пред православните храмови.
Во овој конктест добро е да се спомне неодамнешниот пример кога МПЦ им даде епитамија (забрана за причестување, крштевање, венчавање и сл) на конкурентните погребални фирми од Крива Паланка затоа што овие продаваа свеќи по цена од 300 ден/килограм, додека МПЦ продава по 900 ден/килограм (три пати поскапо!) и со тоа им го нарушуваа бизнисот (монополот) на МПЦ:
http://www.vecer.mk/default.asp?ItemID=D5D323489142934CB2C00AC088AB085E

1. Изјавата „„се што ќе сврзете на земјата, ќе биде сврзано и на небото; и се што ќе разврзете на земјата, ќе биде разврзано и на небото.“ (ев. Матеј 18:18, Библијата) Исус не им ја упатил само на апостолите, туку на сите насобрани луѓе таму, меѓу кои што имало и деца (ев. Матеј 18:2-3, Библијата). Значи таа изјава значи нешто сосема друго и не е поврзана во никаква смисла со некакво свештенство - служба која во следната точка ќе покажам дека не постои во Новиот Завет.

2. Прво што треба да расчистиме е тоа дека титулите „свештеник“ и „првосвештеник“ постоеле во Стариот Завет, во старозаветното служење на храмот каде што овие посредувале меѓу луѓето и Бог и луѓето ним им ги давале жртвите, а тие ги принесувале во храмот за покривање на нивните гревови.
Но со смртта на Исус Христос, оваа служба е укината, бидејќи нема потреба веќе од принесување жртви, затоа што Исус е последната и доволна жртва за секој грешник. Ова е потврдено со раскинувањето на храмската завеса при Христовата смрт:

„А Исус, откако повторно извика со висок глас, го испушти духот. И наеднаш се расцепи храмската завеса на два дела, од горниот крај до долниот“ (ев. Матеј 27:50-51, Библијата)

Оваа завеса ја одделувала (закривала) Светината над Светините од останатиот дел од храмот и таму можел да влезе само првосвештеникот со посебно обредуално чистење и принесување жртва. Раскинувањето на оваа завеса значи дека Бог ја укинува старозаветната свештеничка т.е. посредничка служба и му дава отворен пристап на обичниот човек до Бог. Сега, во Новиот Завет, преку Исус Христос ние можеме директно да му се обратиме на Бог бидејќи Тој (Исус) е нашиот Свештеник и Првосвештеник.
Исто така не е случајно забележано дека храмската завеса се раскинала одозгоре надолу. Тоа значи дека Бог е тој што ја раскинал и укинал таа служба, а не човекот.
Затоа и во целиот Нов Завет никаде не се спомнува свештеник во црковните служби. Наспроти тоа на повеќе места пишува дека само Христос е посредникот меѓу Бог и луѓето и дека тој е нашиот Свештеник и Првосвештеник.

„Зашто Бог е Еден , и Еден е Посредникот меѓу Бога и луѓето: Човекот Христос Исус" (1 Тимотеј 2:5, Библијата)

„А тие (старозаветните свештеници) беа многу свештеници, зашто смртта не им даваше да остане само еден; а Он, бидејќи Сам, пребива вечно, има свештенство што нема да премине на друг.“ (Евреите 7:23, Библијата)

Апостол Павле спомнува многу црковни служби, како на пример:
diakonos = служители
presviteros = старешини
episkopos = надгледници
Apostolos = Апостолите = Пратениците
Profetas = Пророците
Evangelistas = Евангелизаторите = Мисионерите
Poimenas = Пастири
Didaskalos = Учители (Даскали)

Но никаде не се спомнати свештеници (hiereus - хиереи) или првосвештеници (archiereus - архиереи) - титули кои денес ги користат православните цркви. Таква служба во Новозаветната Христова црква нема. Дури и апостол Петар (кој бил сметан за еден од столбовите на црквата) не се нарекол свештеник, ниту патријарх, ниту папа, туку обичен старешина (1 Петрово 5:1, Библијата)

 

Да... И постам... И во сабота не работам ништо... И секоја вечер, преку „Оче наш“ го молам Бога за здравје... Крстена сум и крстени ми се децата... Знам дека не постои безгрешен смртник ама се трудам да бидам што е можно помалку грешна.
А моето мислење во однос на религијата воопшто не е причина да ме нападнете како јас да сум некој сатанист Јас нагласив дека сум голем верник (иако не се отепувам од читање на Новиот завет или не одам секоја недела во црква или не учесетвувам во пеења и сл). Едноставно некои работи во нашава религија јас ги сметам за контрадикторни на Божјото учење.

Свети Кирил и Методиј (старословенски: Кѷриллъ и Меѳодїи) — браќа родени во Солун во IX век, кои станале мисионери на христијанството помеѓу Словените од Голема Моравија и Панонија. Преку нивната работа тие влијаеле врз културниот развој на сите Словени, поради што ја добиле титулата Апостоли на Словените. Тие се заслужни за изумување на глаголицата, првата азбука искористена да се препише старословенскиот јазик. По нивната смрт, нивните ученици ја продолжуваат нивната работа и дејност помеѓу Словените. Двајцата браќа се почитувани во Источната православна црква како светци со титулата Еднакви со Апостолите. Во 1880, Папата Лав XIII ја вовел нивната слава во календарот на Римокатоличката црква. Во 1980, Јован Павле Втори ги прогласил за созаштитници на Европа, заедно со Бенедикт Нурсијски. Ова е од Википедија. Е она што мене не ми е јасно е Кој ги прогласил за светци? Некој обичен смртник како мене. А ако не е смртник туку е свештеник кој не е од овде (или како и да беше), како воопшто е утврдено тоа??? Со тоа што завршил факултет за да стане поп и потоа напредувал во крариерата?

Да не се повторувам со Ev Angelos со кој потполно се согласувам би кажала дека мм ги почитува сите правила на МПЦ и мене тоа не ми пречи само што јас тоа не го правам. Мм кога трга на долг пат бакнува и се крсти на икона на на св. Еразмо а јас и за него се молам, во мислите, на нашиот Еден и единствен Бог. Мм не работи во недела а јас во сабота , палам свеќа оти семејно одиме во црква ама како чист ритуал а мм мисли дека тоа е некаков Божји закон. Не работи на ни еден од поголемите христијански празници. Се крсти и моли по икони дури и куќна слава имаме ама се тоа јас не го гледам како чин со кој сум поблиску до Бога туку како ритуал, едноставно гости дошле а јас ќе ги услужам
П.С. сега пред три месеци правевме 6 недели за ќерка ми и ми земаја 500ден. 620 плативме со се свеќите. Ту јзк... Ги плати мм без да се распрашаме

 

Денес во светот постојат многу религии, една од нив е христијанството. Основач на оваа религија е Исус Христос, па затоа се и така нарекува - Христијанство. Луѓето кои веруваат во овааа религија се наречени христијани. Но во верувањата постојат 3 поделби: Католици, Протестанти и Православни. Католиците и протестантите ги има во Германија, Италија, Шпанија, Словенија, Хрватска, Холандија, Австија. Имаат малку поразлични верувања од православните верници, имаат различен календар и мал број на разлики во иконите, миссите и др. Ние Македонците сме православни бидејки право ја славиме религијата затоа и така е наречена оваа поделба право-славни, значи овде спаѓаат оние кои право ја слават оваа вера. Покрај нас овде спаѓаат старословенските народи односно сите оние кои пишуваат со кирилица, но со исклучок на словените и хрватите, а тоа се србите, црногорците, 35% од босанците,русите,белорусите, украинците, грците, бугарите и многу други.

 

Ако најдам време деновиве ќе ви пишам малку повеќе и подетално за разликите меѓу католиците, протестантите и православните.

Мнозинството македонци се православни затоа што по традиција се нарекуваат така, затоа што сметаат дека ако си македонец по дифолт си православен, а не дека мнозинството од нив веруваат во православните доктрини (кои што не ги ни познаваат). Има на пример многу атеисти што не веруваат во Бог, а сепак се нарекуваат православни затоа што се македонци и затоа што не прават разлика меѓу националност и вероисповед. На претходниот попис ниту имаше графа за да некој се пише атеист и извршителите на пописот таквите ги запишувале во православни пошо нели македонци се, презимето им завршува на „ски“ или „ска“, а ако се презива „Џемаили“ тогаш го запишуваа во муслимани (иако тој не верува дека Бог воопшто постои

А што се однесува до името и колку тоа е аргумент за исправноста на верата, тогаш дали знаеш дека во Македонија постои и „Македонска вистинска православна црква“? Да да, еве ти линк:
http://mvpcsvjk.org/

Од МПЦ ги сметаат овие за еретици, но како тоа кога нивното име е Македонска вистинска православна црква? Зарем тие не ја слават вистински и право верата? Бидејќи нели така им е името

Вкупно православни во светот се околу 250-300 милиони, додека протестантите се околу 800 милиони (најмногу во Америка, Австралија и западна Европа), а католиците околу милијарда.

 

Морам да се надоврзам на постов. Израсната сум со две баби. И двете беа легенди секоја на свој начин. Двете се декларираа како Православни. На татко ми мајката, со која всушност и живеев беше „верник невиден“. Крајно бучна жена, само за чалам и оговарање живееше. Се ја интересираше. Детектив невиден. Кој како бил облечен, кој колку пари заработувал, кој на кого изневерувал и сл. Ама кога одевме на испити со сестра ми не прскаше со вода, без света вода не се живееше. Со темјан се чадеше секоја вечер. Во дневната имаше огромна икона на Св. Никола и големо кандило. Ако се переа алишта на некој празник, крв ќе се пролееше во куќата. Секој петок во Св. Петка се одеше. На Бадник мислам дека беше се ставаше масата од вечер и се канеше Бог на вечера. На Божик и Велигден се стануваше од 6 и право во црква. Кога влегуваше во црква прво се поклонуваше. Под перницата имаше секогаш крст. Секој сон знаеше да го протолкува. Се сеќавам како мали ни ставаше во шкафчињата со книги мали икончиња. Сите пости ги знаеше. Кога се јадело риба, кога масло, кога без масло, на Цветници, саботи, недели, ама буквално се. Дедо ми почина 10 години пред неа. Секогаш со поп, со задуши, со молитви со сите тертипи го испочитува до крај. На попот раката му ја бакнуваше. Кумот бил свет Велеше. И јас и сестра ми сме крстени со имиња кои ги избрал кумот и имаме баш православни имиња. А ако ја прашаше нашто а да не знае да ти одговори ќе речеше само ќе го прашам попот и ќе ти кажам. Одма одговор до поп бараше и ќе одговореше. Беше болна долго време ама за два дена легна во постела и почина а јас бев на семинар од на факултет. Знам дека поп барала да се исповеда. И попот кој доаѓаше секоја година за Велигден знаеше да каже дека верник како баба ми ретко се раѓа. Мајка ми почитуваше се иако мислам дека не веруваше во тоа. Сестра ми има потполно исто сфаќање за религијата како баба ми.
Од друга страна беше на мајка ми мајка која беше тивка и мирна жена. Професорка по француски. Не ја интересираше никој и ништо. Гледаше да не прави лошо. Цела куќа и беше полна со Библијата. Скратени верзии. На хрватски, на словенски, на француски, со слики, без слики и сл. Икони немаше, не славеше и немаше куќна слава, не славеше имендени и сл. Не се сеќавам некогаш дека навредила или повредила некого. Ако искоментиравме со сестра ми за некого нешто, на пр како бил облечен или како зборувал или нешто сл, таа ќе ни речеше „Ај одите побарајте огледало и видете се вие“ Одеше во црква и палеше свеќи ама на поп рака не му бакнуваше. Не ни веруваше во поповите. Често кажуваше работи од Библијата ама ако ја прашаше зошто пости или зошто вапцува јајца за Велигден ќе речеше дека така ја воспитале. Постеше 6 недели со масло и не одеше на причесна. Велеше дека кога пости ич не е битно дали е со масло или без масло туку битно е 6 недели да ја чистиш душата од зли мисли. Мислам дека тоа го правеше бидејќи убаво се чувствуваше. Му палеше свеќа на дедо ми ама одеше тогаш кога ќе посака таа, без обврска да оди на Мртва сабота или Духовден. Одеше чисто за да го „посети“. Кога почина ја замоли мајка ми да излезе од болничката соба и почина со мирен израз на лицето. Можеби и таа се покајала за гревовите но не пред поп туку пред Бога. И ја и мајка ми сме како неа. Се декларираме како Православи бидејќи така не воспитувала околината. За велигден вапцувам јајца и спремам јагнешко. И јас сум мажена во куќа каде е се полно со икони и на водици се полни вода од Вардар. Постам и палам свеќи. Но не верувам во тоа бидејќи верувам во Бог и во покајание и во ништо друго. Се револтирам само кога свекрва ми ќе го натера син ми да бакне икона со светец со зборовите „Баци го пиле Дедо Боже, да ми те чува“. Син ми има 5 години и после тоа јас цел саат треба да му објаснувам дека тоа не е Дедо Боже туку некој чичко или дедо кој го ширел христијанството

 

anina даде прекрасен опис на еден типичен православен верник/чка. Новиот Завет е колекција на веродостојни историски извештаи за животот и учењето на Исус Хритсос и Неговите ученици (апостоли). Оние што го познаваат Новиот завет лесно ќе забележат дека ништо од горните адети и обичаи не било учење или пракса на Исус и апостолите. Тие не осветувале води, не се молеле на упокорени верници, туку се молеле само на Господ, не изработувале икони, ниту се молеле пред икони, не принесувале свеќи за живи, за мртви, за здравје, бериќет, не и се молеле на блажената Марија, не дозволувале луѓето да им се поклонуваат, ниту им бацувале раце, не носеле великодостојнички мантии и одора, не се кителе со златни крстови, не се прекрстувале со рацете, не мафатале со кандила, не се мешале во политика, не проповедале национализам, не поставувале датуми кога мора да се пости, туку си постеле по желба и по потреба, никогаш не велеле дека човек мора да пости за да учествува во Причеста (напротив Исус и апостолите вечерале пред Исус да им даде од лебот и виното), не користеле бројаници, не им забранувале на епископите да се женат (напротив велеле дека епископот треба да биде маж на една жена), не правеле задушници, не носеле храна по гробишта, не раздавале за мртви, не вртеле лепчиња со паричка за среќа, не палеле коледарски огнови итн. ништо од ова не правеле ниту првите генерации на христијани.

Сето ова е измислено или прикалемено од паганските религии со векови подоцна. И ова е главната разлика меѓу традиционалните цркви (католичката и православните) и протестантските цркви. Протестантските цркви својата вера ја темелат на Библијата и само на Библијата - како единствен, сигурен, докажан и потврден Божји Збор. Само Библијата ја јадат како леб - заедно со трошките, а сите останати христијански книги како рибата - месото го јадат, а коските ги фрлаат А што е месо, а што коска, одредуваат преку призмата на Библијата - затоа што се што е важно за правилното живеење и правилното обожавање на Бог е запишано таму.

„Целото Писмо е од Бога вдахновено и полезно за поука, за изобличување, поправање и поучување во правдата, за да биде Божјиот човек совршен и подготвен за секое добро дело.“ (2 Тимотеј 3:16, Библијата)

 

1. Т.н. „Македонска Вистинска Православна Црква“, ниту е православна, ниту е вистинска, ниту е македонска, ниту е црква. Зошто?
Затоа што нема апостолско преемство, т.н. Архиепископ, си купил одежди владичански, се облекол и си се прогласил за владика. Денеска секој може да се облече како сака, ама тоа не го прави ни Епископ, ни поп, ни ѓакон. На страницата најчесто се поставуваат “крадени“ текстови.
2. За разликите меѓу Православната Црква и Римокатолиците веќе имам напишано на истава тема, religija/bukvalno-se-sto-sakate-da-znaete-vo-vrska-so-religija-t6828/270.html#p1829372
3. Разликите пак меѓу Православието и Римокатолицизмот од една страна, кои и едните и другите го задржале континуитетот од Првата Црква, создадена на Педесетница и т.н. Протестантизам (знам дека поставувачот не мисли на вистинскиот Протестантизам кој во Македонија не постои) се колку Небото и земјата. Прво, квазипротестантските заедници кои ги има кај нас не се наследници на Црквата оформена на Педесетница. Нивните “пастори“ исто како несреќниот “архиепископ“ од точка број 1, си оформуваат нови заедници како ќе им текне. Причини за формирање на нови заедници има главно две. Првата поромантична е следната: го читаат Светото Писмо, и ќе најдат некој стих и нивното сопствено толкување, нема да се совпадне со толкувањето на нивниот проповедник и ајде си формираа нова заедница. Другата пак е многу попрозаична. Иако, ги обвинуваат поповите за луксуз, самите лидери на протестантските секти се многу побогати, поради општоприфатениот обичај на протестантските секташи да плаќаат десеток... Па така некој кој сака да си оформи заедница, како и во секој бизнис, ќе вложи на почетокот одредена сума на пари, за библии, за ручеци, за гитари и сл, и после за повеќе од 5-10 години десеткратно ќе им се вратат парите, нормално ако има наивни луѓе кои ќе ги следат. ВО мојот роден град имаше едни луѓе членови на евангелистичко-методистичката заедница. Секој би рекол вистински и прави верници, „верници“ пар екселанс. Арно ама, како евангелисто-методистите не се некоја богата секта, вчера по не знам која пат се искапија и преминаа во многу побогата секта, финансирана директно од САД (која го лажи народот преку некакви си бесплатни курсеви за странски јазици). Сума сумарум, како што и претходно напишав, православните и римокатолиците се наследници на светите апостоли, а протестантските секти го имаат преемството на Симон бајачот, кој сакал со пари да стани апостол.
4. За тоа дека сите го примаме Светиот Дух, тоа и видливо е присутно преку светата тајна миропомазание, која ја има во Црквата и во заедниците кои имаат преемство (во сектите ја нема). Но прашањето е колку ние успеваме да го сочуваме Светиот Дух во нас, пребивајќи во најразлични гревови.
5. Овде нон-стоп се провлекува тезата дека поп се станува со факултет. Не! Тоа е погрешно. Поп се станува со ракополагање. Кога Светиот Дух, преку Епископот слегува врз попот и така тој се оспособува да ги врши презвитерските активности.
6. Драга Анина, читајќи ја Вашата последна порака, можам само да си замислам колку прекрасна личност е сестра Ви. Зашто, ако е сушта спротивност на Вас, тогаш таа ја наследила побожноста од домашната баба, а кротоста на “странската“. Ако не си правите филмови, Ве молам во лична порака пратете ми го името на Вашата домашна баба, за да се молиме за спасение на нејзината света православна душа.

 

Му рекло магарето на зајакот имаш големи уши. Па и МПЦ на сличен начин си самопрогласи афтокефалност во 1967 година и тоа е главната причина заради која МПЦ не е признаена од останатите православни цркви во светот. Штета што нема некој од таа црква на форумов па да видиш што тој/таа би пишувал за МПЦ. И тие за МПЦ велат дека е таканаречена „Македонска православна црква“. И тие за МПЦ велат дека не е православна, ниту вистинска, ниту црква. Оставам на вас да си се разберете кој е поправославен. Јас само сакав да коментирам на тоа дека името „православна“ „вистински православна“ или „најправославна“ или „нај нај највистинска ептен права Христова црква“ воопшто не говори за исправноста на верата. Секој може да си се нарече како што сака и потоа ѓаволски учења да проповеда.

Апостолското преемество е измислица (новотарија) на католичката црква, која подоцна православните цркви си ја превземале како „начин“ за докажување на својата исправност, но такво нешто не постои во Новиот Завет. Еве на пример апсотолот Павле кој на почетокот на своето послание до Галатјаните го брани и докажува своето апостолство, тој никаде не спомнал дека некој од апостолите го ракоположил и со тоа тој добил апостолско преемство. Напротив, тој во самиот вовед јасно кажал:

„Павле - апостол, испратен не од луѓе, ниту со посредство на човек, туку преку Исус Христос и Бог Таткото..“ (Галатјаните 1:1, Библијата)

А од друга страна ниту католиците, а уште помалку па православните имаат доказ за непрекинато ракополагање од денес до апостолите. Да они тврдат дека имаат, но немаат докази за тоа. А кутрите мораат да тврдат такво нешто, бидејќи на тоа им е единствениот аргумент дека се „правата црква“.
Слично правеле и Јудејците кои ределе родословија со цел да го докажат своето потомство од Авраам и на тој начин да докажат дека се вистински Израелци, од избраниот Божји народ.
Но во една препирка со Исус, Тој им рекол:

„Знам дека сте Авраамово потомство, но пак барате да Ме убиете, зашто Моето слово нема место во вас... Ако бевте Авраамови чеда, ќе ги вршевте Авраамовите дела... Вие поттекнувате од вашиот татко - ѓаволот и сакате да ги исполнувате желбите на татка си.“ (ев. Јован 8:37,39,44 Библијата)

Значи Исус не негирал дека тие по тело навистина поттекнуваат од Авраам, но потоа им објаснува дека тоа нема никакво значење и дека вистински потомци на Авраам се оние кои ги вршат Авраамовите дела. Слично е и со верниците денес кои сакаат да се накалемат на апостолите и тврдат дека поттекнуваат од нив. Исус и денес би им го порачал истото на таквите: Ако бевте чеда на апостолите, ќе ги вршевте делата на апостолите!
Затоа наместо да редите бесконечна низа на имиња за да го докажете вашето поттомство од апостолите, послушајте го Христовиот совет и не се мачете со таа безначајна постапка, туку гледајте да ги вршите делата што ги вршеле апостолите, затоа што факт е дека речиси ништо од она што денес прават православните нема допирни точки со учењето и праксата на Христос и апостолите.

Е баш ми е мило што тие верници (протестнати) се на таков глас. И покојниот претседател Борис Трајковски го уживаше истиот углед и ммногумина го сметаат за најдобриот претседател на Македонија до сега. Борис Трајковски беше протестант и член на евангелско-методистичката црква. Еве ви едно клипче да се потсетите на неговиот мирољубив дух:
https://www.youtube.com/watch?v=1D24bYTuOIg

На неговиот гроб стои следниов цитат од Библијата: „Блажени се миротворците, зашто тие ќе бидат наречени синови Божји“ (ев. Матеј 5:9, Библијата)

Епа оваа лага нема да ти помине лесно, затоа што точно знам за кое крштевање зборуваш Вчера во Прилеп се крштеваа 3 вернички и сите три ги знам по име и презиме, а едната од нив ми е пријателка веќе 7 години. Значи не се капеја, туку се крштеваа - на своја лична одлука, на темел на нивната лична вера - баш онака како што поучува Библијата (наспроти православното бебекрштевање - непозната пракса во Библијата).

И да, тие не преминаа во друга црква, туку си останаа во истата црква каде што си се членови веќе со години. Но знам зошто си се испобунил дека преминале во друга црква - затоа што таму на тој радосен чин присуствувале и христијани од други цркви. Свесен сум дека е непоимливо за еден член на МПЦ на крштевањето да има свештеници од Српската, Бугарската и Грчката православна црква на пример. Во таков случај тие очите би си ги извадиле, а не заедно да прослават еден таков радосен чин.
Но како што и самиот си бил сведок, тоа не е случај со многу протестантски цркви. Протестантите од различни цркви често си се собираат на заеднички настани. Еве наскоро во Септември во домот на АРМ во Скопје ќе има фестивал на Македонски христијански песни (Визија Фест) и таму ќе присуствуваат луѓе од многу протестантски цркви низ Македонија. Ќе има и од Прилеп. Повели и ти да слушнеш современи авторски христијански песни.

 

Во контекст на постовите претходно, сакам да додам дека и православието, католицизмот и останати припадници на христијанството, се дел од истото и мислам дека нема потреба од докажување, кој е повеќе и подобар христијанин од другиот, а ниту пак да се омаловажува, не дека вие сте кажале такво нешто, само си кажувам.Бидејки сите припаѓаат на христијанството, а општопознато е дека не би требало да се прави раздор помеѓу нив или разлика, која е вистинската, мислам општо, не за вас што пишувате.Секако на почетокот било едно, а отпосле почнале тие поделби...

 

Еве и јас имам некои недоумици, бидејќи од Библијата знаеме дека Господ е љубоморен Бог. Ми треба Православно толкување на следната контрадикторност која ме збунува: Во Псалмите (1.1) се вели ***Блажен е оној човек, што не оди на советот безбожнички, не застанува на пат на грешници и не седи во друштво на развратници,*** а во ев. по Матеј (5.41) ***И ако некој те присили да одиш со него една милја, ти оди две.*** Ова ме става во двоумење, и иако немам одговор, сепак мислам повеќе треба да го слушаме што рекол Христос, отколку Давид; па сепак, ми доаѓаат разни мисли, до кога треба, на пр. да го трпиме тој "некој" што би не присилил на нешто и т.н.... Проштевајте!

 

Драг Orthophill, нема потреба од лп или снимање филмови. Баба ми се викаше Марија. Моли се ти за мојата покојна баба а јас ќе се молам за двете баби и дедовците и најблиските, а и за тебе.
Ти мене се осудуваш да ме навредиш со некој антоним на „прекрасна“? А што би било тоа? Грозна, одвратна или како си замисли? Тоа ти е исто како да си фрлил со камен по мене. А како беше она „Нека фрли камен прв тој што е безгрешен“? Не сум јас протестант. Не знам ни како одат тие протестантски учења. Не сум зела пари од никого за да ширам мислење. Ни св. Ѓорѓија не ми го убил мажот за да верувам во Бога. Ни Султан Сулејман не ме потурчил и не ме научил да се клањам. Јас само се водам по мојот здрав разум.
На крај на краиштата не сме ние родени за да си судиме. Ни јас ни ти не сме достојни за судење. Ќе ни суди Севишниот еден ден. Ама, при една единствена книга која како на слепци ни објаснува што и како да правиме, во светот се развиле стотици религии, скоро сите далеку од Библијата - треба да се плашиме од лутината на Бог

 

Ете сега некои кои немаат апостолско преемство ќе не` убедуваат како апостолското преемство не важело... Ама забораваат дека свети Павле, се крсти од рацете на канонскиот епископ Ананија, и уште повеќе, пред да ја почне вселенската проповед отиде во Ерусалим да се зближи со учениците. Нејсе, може ќе запали тоа кај некого. Да беше протестант свети апостол Павле, ќе си заминеше во самостојна мисија... Ама не, знаеше тој што е црковна ерархија...
Па уште и ќе ме убедуваат дека Евангелистичко-методистичката заедница и американската мисионерска заедница “Божји“ глас се една и иста заедница... Утре по сабајле... Ама секој си има право да си се капи колку што сака. (За тоа како си ги вадеа очите едни со други - новокапените со старите евангелисто-методисти, сепак ќе се воздржам. Ни Језуитите такви сплетки не правеле.)
Треба да се знае исто така дека во догмите меѓу МПЦ, СПЦ, БПЦ, ГПЦ итн, нема никакви разлики. А, некои проблеми што се резултат на човечка суета, ќе си ги решиме со Божја помош. Помош и грижа од друговерци не ни треба.
Фала им за поканата на фестивалот, ама ние православните си имаме доволно песни, си имамеЧ Часослов, Псалтир со 9(10) Библиски песни, 2 тома Октоих, 2 Триоди (3 тома), 36 тома минеји...

Почитувана Анина, само да Ве потсетам, Вие во Вашиот претходен пост, ја оговаравте Вашата баба Марија (Царство и` Небесно), затоа што оговарала... Ја претставивте, а со тоа и ја осудивте, (свесно или несвесно) како некоја си православна, па со тоа и заостаната, караконџула. Па не го направивте истото што и таа наводно го правела? Оговарањето за жал не е добра навика. Особено оговарањето на оние кои се грижеле за нас и ни правеле добрини. Иако ни јас не сум подобар од тебе и од твојата покојна баба. Извинете ако Ве навредив, ама слабост ми е кога некој пред мене си ги оговара оние кои нормално е да му значат многу повеќе отколку што му значам јас. Мене баба ми ме научила дека семејните работи и проблеми, не се ни за пред комшиите, ниту пак за пред цел свет.

 

А да прашам, јас како неверник, смеам ли да влегувам во црква, не да се молам или да палам свеќи и сл, туку кога оди некој близок, онака за друштво да му правам?

 

Можеш, никој не забранил такво нешто секој може да влезе во црква.