Тоа што сте се собрале 4ца од иста верска партија и го напаѓате со ad hominem „аргументи“ и си ги лајкате меѓусебно постовите воопшто не ми е некаков аргумент дека ти си во вистината, а тој во ереста. Не паѓам на такви финти. Ја почитувам аргументи. Мене неговите коментари ми стојат за најразумни и пред се подржани со Библијата која што се смета за основа во христијанската вера. Туку, за личности зборат и со ad hominem аргументи се служат најчесто оние кои немаат што да кажат на темата за дискусија, па затоа во гнев го напаѓаат соговорникот. Повели кажи нешто на прашањево што го поставив, еве ти како православен кажи дали е вистина тоа дека владика не смее да биде женет и зошто?
Не му замерувај.Среќа нема Имам на форумов,инаку него ќе го прашаше за владици и епископи кои патем се чинови во Православната Црква.. Ќути има и полошо
Не е фер да судиме. Човекот си прашува и треба да добие одговор. Но јас сакам него да го прашам, што ќе му е да знае, а @Херкул, да не се спремаш за владика?
Извини @Херкул се пошегував. Според тоа што го имаш напишано веројатно сакаш да бидеш во право во дебатата со пријателот. Во православието поповите се оженети а владиците се безбрачни. Можно е некои да имале жени но различни патишта има секој човек. На некој му се упокоила попадијата и се посветува целосно на Бога т.е.бидува потстрижен во монаштво. Точно е дека во Светото писмо вели да биде епископ маж на една жена, а тоа значи непорочен. Имаме светители како Григориј Богослов кој бил брачен и бил епископ, имаме и свештници народски речено попови, како Свети Јован Кронштатски кој во договор со жена му живеел девствено и во бракот, т.е.немале сексуални односи. Тука има подолга приказна. Нормално, жената се противела, но надлежниот епископ откако ги ислушал, го благословил подвигот на сопружниците. Сакав една песна да ти постирам само да ја најдам, псалм е тоа, може и да го знаеш, од театарска претстава Вечната куќа. Ја немам гледано но си ја слушам музиката. Во врска со ад хоминем, ќе се извинам каде што имам напад на личноста, признаавам не е ок, но исто така тврдам дека се трудам, посебно оваа вечер да не напаѓам личности туку постови. Според светоотечката максима гревот го мразиме а грешникот го љубиме.
@korisnichka во ред, прифатена е шалата. Сепак не ми е јасно зошто им се забранува на епископите да се женат, кога во Библијата е дозволено, а според цитатот што го постираше @EvAngelos дури и препорачано епископот да биде маж на една жена? Зошто православните цркви забрануваат нешто што Бог јасно дозволил?
Не сум најупатена но мислам дека не се работи за забрана, туку просто за пракса. Попосветен на својата епархија ќе биде владиката ако не е женет. Инаку владика или епископ е највисок чин и е духовен татко на луѓето во неговата епархија, се грижи за нивните духовни потреби, ги надгледува како што и самиот збор епископ упатува. Се моли за нив, бдее над нив, го исправа нивниот живот, бидејќи и пред Бога има најголема одговорност.
А маж на ЕДНА жена значи дека е ок тој човек, во таа смисла дека не скршнал од патот, зашто и бракот си е благословен. Тоа е мислам задржано кај поповите. Немаат право на втор брак. Иако Црквата за обичните верници благословува до трет брак, односно се вели снисходи, излегува во пресрет. Е сега ако се сетиме дека и свети апостол Павле препорачува дека подобро да останат како него.. Христос се нарекува уште и небесен Женик, т.е.младоженец, и целосно му се посветуваат тие што ги примаат монашките завети. На некој начин полесно е за владика да го сведочи Христос ако е од редот на монасите. Ете затоа. Се надевам доловив до некаде..
Па кога даваш овде одговори биди јасна и прецизна, поткрепувај со цитати а не да викаш ВЕРОЈАТНО ПРАКСАТА ПОКАЖАЛА. Бараме вистина и докази а не веројатност. Со таа твоја веројатност тешко дека некој ќе убедиш дека е така. ПОТКРЕПА А НЕ МИСЛЕЊА И ВЕРОЈАТНОСТИ!
Кажав душо погоре, а цитати еве сега за сега овде можеш да прочиташ https://mk.orthodoxwiki.org/Свето_Предание
@korisnichka не сме се разбрале... Добро, изгледа немаш што друго да ми одговориш па овој линк ми го праќаш, како да не го знаев јас ова. Нема да го повторувам моето прашање и коментар бидејќи ти не можеш да ми ги одговориш. Следен пат биди попрецизна во одговорите.
Што и да е, како што напиша погоре, одговори не се бараат овде, ќе си прашам таму каде што треба, барем ќе знам дека е сигурен во тоа што говори, а не да мисли тој дали е така. Фала што се нафати да одговориш, те сфатив ама не ми одговори баш онака директно тоа што ме интересираше. Те читам и одговорите ти се океј, од вистината не си далеку, само ти треба прецизност, со одговорите да ја плеснеш вистината и да ги разоружаш тие што не мислат како тебе, значи тоа што го пишуваш да ти биде поткрепено, да имаш цврст темел а не да спомнуваш дека е веројатно, веројатноста значи дека не е сигурно тоа а ти треба да бидеш сигурна во тоа што пишуваш. Пис!
