[СДК] Сакам да кажам...[Стара тема]

Сфатив дека колку повеќе планирам нешто, толку повеќе постепено на тој план се надоврзува страв и никогаш не исполнувам ништо, дури и работи што сама на себе сум си ги ветила.
Од друга страна, импулсивноста кај мене е ретка, но скоро секогаш ефективна. Ма да, и кога постапките ми се импулсивни, претходно ги имам размислено два пати, избројано до 10, но без некој конкретен план на акција. Знам само дека ќе делувам, и тоа е тоа.

Тоа што другар ми вчера ми рече дека сум најнепредвидливата личност што ја познава, ми даде малце сила "пред настап". Среќата ги следи храбрите, само во теорија или? Баш сега ќе дознаам...

 

Се будам јас пред малку и гледам 10 и 35 си мислам нешто се расипал часовников не е можно до толку да сум спиела ја прашувам мајка ми ми вели да толку е , те чекав да пазариме во Веро, ама ти не стана па се откажав(а брат ми можел да и прави друштво, крупен, развиен) ама ај натерај го де
и така, си сварив капучино-што сега го пијам , јадев и еве ме на пц да видам што се случува

која игра на случајност е животов-вчера на состанок гледам една девојка се поздравува со едни соседки од маало, си викам мора јас да ја знам сите во едно маало живееме-испадна дека таа учела со брат ми во осмолетка и дека заедно седеле-во иста клупа девојчево сменето не ја препознав, ок години поминале-лугето се менуваат,се запознав со некои фаци што би можеле да ми се најдат за помош, и имав прилика да го видам претходниот претседател што ни беше-надуен ко паун(само штета не му се гледаа пердувите) или јас не успеав да ги видам со некои од дечките е пријател на ф.б. а со мене не е -причина непозната барем за мене

на девојките од медитација им текнало да одиме во Арабскиот ресторан во ГТЦ на 2 кат се наога до да џино-додека го најдов каде е - беше интересно, имавме и гостинка од Бугарија-од Софија, а спроти нас седеше еден мој колега од факс со друштво ама незнам дали тој ме позна, јас да
една од девојките сакала да се запишува на студии, па ме прашуваше за Американ Колеџ(биле до таму со гостинката), за Штуловиот универзитет, за Фон универзитетот(како, што, колку како)
имав прилика да пробам од се по нешто-локумите им беа фантастични, и салатата со магдонос и патлиџан исто , седевме на миндер боси-интересно е да се качиш и да се симнеш од него, па после не можевме сандалите да си ги најдеме
едната девојка не дојде-си отишла дома да се одмори , полагаше државен испит, ми недостига многу
убаво помината вечер со луге кои се од различни гледишта кон работите, и секако од различни друштва
секогаш расположена за дружба , излегување, ама денес мило ми е што ке си останам домче-
хоум свит хоум

 

СДК дека колку и да си добра со некој не чини и не чини.Абрее луѓево се пријатели само од корист,имаат пријателства само за корист..Ама незнам до кога вакаа...Абрее кога некој сака да ти биде пријател и тебе те почитува како пријател чени го тоа ..Ама не бе,нив им е гајле само за газот нивни (извинете за изразов...)Знаев дека сите се од корист ама сега сфатив дека е претераноо... Абе ви немате појма колку сум се нервирала и сум ја тупела глава деновиве за една личност која се правеше 300 и пол...Амаа чекајј отсега ќе и затребам знам амаа неее....И пак заштоо да се нервирам за некоја си глупачаа...

 

Деновиве не можам да си го отворам дневникот и да си ги испишам мислите, стравовите, љубовите и насмевките. Верував во поопуштено лето, онакво за какво и копнеев цела зима. Да, доживувам убави моменти, но повеќето време во главата ми е права турбуленција. Ќе речам, растам. 20 години имам - доволно за едно, недоволно за друго. Не сум онаа девојка од 3та година средно која мисли: „Јас знам се‘", напротив, се‘ повеќе и повеќе гледам колку треба допрва да се учи. Му велам на Д - биди јак за мене, очигледно јас сум многу мека... А тој: Не, мора да бидеш силна, мора да научиш да се бориш до крај!
Во име на цела состојба и не/весели вести, наздравивме со пар коктели на истиот шанк и истото место од лани кога уште се запознававме и љубопитно и со мили очи се гледавме и ни беше „незгодно“ кога ненамерно ќе се допревме. А сега... ах, сега се љубиме до бесвест и се смееме на цел глас; тотално сум слободна пред него и како бремена жена му викам сакам да плачам и сакам бурече од Вегера! Прекршив и броење калории и се‘, но 4 недели мевце немав каснато, а и не ми беше до броење и пребројување... Некои работи во животот исто така не можат да се пресметаат однапред, едноставно си идаат и се судираат со нас - колку ќе научиме да сме борбени и силни за тие моменти зависи од нас, како ќе ги прифатиме промените (кои се единствената константа, нели...) зависи од нас...

Деца, искористете ја безгрижноста до максимум.

~ Но ете, можеби се‘ ќе биде во ред, борбата ќе се исплати (ми шепнува Надежта)...


Имајте убав ден девојки

 

СДК дека имам ново мото - Сам па како знам. Не очекувам никој да има осет, ни па култура, гледам тоа одамна е научна фантастика. Така да деца.. терајте си како вас што ви одговара и гледајте си за вас да има и за вашите блиски. Кој што ќе каже - ич да не ве боли таквото.

 

Се осеќам како некој да ме тепал, мајке ми преморена сум а ништо не работам
од денес решив да го променам животот да вметнам малку радост, друштво, решив да вежбам ама не да ослабам чисто онака да набијам кондиција еве мајка ми ми купила сабајле буљони од денес почнувам со нив па да видиме дали ќе имаат ефект како тогаш
Сакам да се поправам бе едно 10 килца и охоооо тамам ќе сум си

Туку денес планирав да идам на безент ама ништо, не ми се излегува од дома ме уби, жешко ми е на базент ќе идам друг пат...

Утре ме чека тежок ден, утре навршуваат две години од смртта на моја драга личност на девојчето со плави очиња и виткано косиче..

Ах душичке колку ми фалиш, да ме гушнеш, да ми речиш дадоо ајде да играме со барбики

 

Сдк дека денес сум пресреќна,правиме 5 години со моето сонце Ви посакувам на сите девојки да доживеете ваква љубов која што е силна ко карпа,а бескрајна ко небото.Сите заслужувате некој д ве сака и цени како што сакате вие драги дами. Ви посакувам убав ден на сите

 

СДК ... животот почесто ни дели шамари него ли галење. Не можеш никогаш целосно да се опуштиш и да му се предадеш ... ни да му даваш ни да му земаш. Сигурноста денес во секој облик е скапоцен дар, колку и да сакаш да ја чуваш, животецов ќе ти ја украде за миг.

 

СДК дека денес малку покасно станав Добро утро на сите спанки и спанковци и имајте убав ден !
http://www.youtube.com/watch?v=uCg2BoKiuOM

 

Девојки, Ви благодарам на сите за роденденските честитки! Убав почеток на денот, а се надевам дека остатокот од истиот ќе биде уште поубав (за кое лично јас со полн ентузијазам ќе се потрудам да го остварам). Можеби и за првпат во животот, оваа година ќе си посакам желба додека дувам свеќички. До компјутеров не се седи, прежешко е така да редно време е да почнам со подготовките или ако не повеќе барем да дремнам уште малку .

Вам ви посакувам исто пренајубав ден зашто искрено е богатство (и Сонцето сведочи за истото ). Ве молам, почестете се



Јас одвај чекам да ја пробам и мојата торта, чоколадна е мммм

Поздрав друштво

 

http://www.youtube.com/watch?v=J4SY_kAhq1M

 

СДК дека утре ми доаѓа внука ми!!
Колку ми беше само празно од априлот до сеа без неа .. ќе си пукнев. Се научив пола година со нејзе да сум дома, да играме, да пееме, да се караме и најслатко да се гушкаме.

Едвај чекам да дојде и да ја изнагушкам, силно, силно, силно! Сонце мое е таа, кога е тука секој ден ми го прави многу поубав од она што би бил ако не би била таа тука.
Едвај чекам да ја носам на плажа и да ја учам да плива. Мене ме учеше сестра ми, а јас сега ќе ја учам ќерка и‘. Убавини бре луѓе, убавини.
Едвај чекам да почниме да се топкаме, како што таа љуби да кажува. Да се подаваме со омиленото зелено топче и да ја пееме песната за крокодилите!
http://www.youtube.com/watch?v=UQti1Cq3fsM
Без престан ги баравме
тие крокодили страшни, забести.
И конечно ги најдовме,
тие крокодили страшни, забести.
Во подрум ги пикнавме,
тие крокодили страшни, забести.
И кожите им ги одравме,
тие крокодили кутри, жалосни.
(Среќа што последново не го разбира. )

И СДК дека сум пресреќна што имам толку прекрасни браќа и сестра.
Кога остана само братов дома, само јас си знаев колку ми е празно без нив. Едвај се привикнав да не ги гледам толку често ..
Затоа сега едвај чекам да се собереме за ручек сите заедно, машкиве да кажуваат случки, а ние сите да се смееме. После сето смеење јас не сум способна да јадам, иако дома е направено најубавото јадење. Но нека, мене тоа воопшто не ми е проблем. Само сакам да сме тука сите и да уживаме во заедничките моменти, макар и гладни цел ден да би останале.
А најубаво е за Илинден. Сите тука, и ние и Кавадарчани. Ооо тоа е вистинска уживанција. Ние и Андон Дуков, УВ 8ца и топло езеро, една топка и 4-5 пет часа непрестајно играње во вода Американка.

Сега ги читав мемоарите на Ненад и се сеќавав кога ми ги кажуваше истите дешавки и бато. Прекрасно се раскажани, ама друг е филингот кога ти ги кажува во живо некој што бил таму. 100 пати ми ги има кажано, а сега еве и ги прочитав и повторно, по 101 пат не престанав да се смеам на нив.
Ќе останат вечен спомен од долгогодишни дружби, навистина заслужија да бидат некаде напишани.

 

Фала богу Липс дочека....
прв ден на одмор...
Феминки ви посакувам да си останете најдобри како што и бевме од секогаш!!!
Како што рече Лепа со торба позитивни мисли....
Поздрав до сите

 

Spoiler

Сепак,само теорија.
Уф,каков удар.

http://www.youtube.com/watch?v=vO30b_SxLzE

 

СДК сум станала мајстор за шарање нокти. Само да знаете што убаво и ги средив ноктите на другарка ми (штета не ги сликнав).

И да ви се пофалам си имам нова фризура и многу си се свиѓам вака

 

Кажав дека ќе доручкувам редовно,ама како да доручкувам кога станав у 1?
И како да јадам после алкохол?И како да вежбам кога мускулите ми се воспалени 102кома5 посто?
И како да не ми е топло кога е над 50 степени?

Станав со мисла дека некој ме фрлил сред Сахара.Дехидрирана,препотена,и со болка во секој можен мускул.Кога ја видов мајка ми како влегува со овошна салата мислев дека доживувам фатаморгана...
Се дури не направи една кисела фаца пропратена со врисок "Иди истуширај се! ".Е тад сам знала да сам кучи.

Ладен туш,фемина,космо,М.Покора,леден зелен чај,клима и овошна салата.Преродба.
Само уште друштво фали.Паа,ко воли нек изволи...салата има за минимум петорица.

 

Женски еве частам аххххх ја добив најубавата вест на светот
на некој му дошол паметот
Ааааааааааааааа

Spoiler

 

Имам едно признание. Не сум сигурна дали е за тука, но тоа е она што ми лежи на душа. Што сакам да кажам.

Бев со Иван завчера. Како оноа кога ќе каже жена дека била со некој. Како такво бидување.

Да ви кажам нешто девојки за големите љубови. Никогаш не успеваат. Затоа што се големи. Преголеми. Тој спој на тие души е неиздржлив и уништлив за се што постои, вклучувајќи ги и нив двајцата. Се прави потоп на секакви чувства, дури и на оние за кои не сте знаеле дека ги имате во себе. И со секој еден бакнеж повеќе, се потешко ви влегува во главата идејата дека ќе заврши. И ќе прекине.

Но, таму ... Е баш таму ... Таму имаше љубов за да стане мртовец од гроб.

Јас го имав мојот маж во рацете ми. Го имав. Го бакнував до бесконечност. И назад. И кога ми се расплака во тие раце, ги бакнував и тие солзи. И кога ми кажа дека не знае како ќе живее со себеси ако ме повредел пак, и тогаш го бакнував.

Плачам. Плачам ..
Затоа што е најдобриот маж во мојот живот, а јас никогаш нема да најдам таков. И не сакам подобар.

Фала ти Боже. Не би можела да сум посреќна, па макар и на олку кратко.

 

Не ми е јасна секојдневната битка на луѓето за да се пронајдат себеси . Како тоа ? Озбилно , не сфаќам.
Кај треба да барам за да се пронајдам и што тоа всушност бараме ? Па тоа сме ние , целото време , без разлика на години , стравови , чувства , јас немам потреба допрва да се пронаоѓам која сум и што сум.
Како идат годините , се се менува , го чувствувам тоа . Всушност , секој ден ги гледам разликите а секоја година е уште еден чекор поблиску до зрелоста . А блиску е , и многу сакам да созреам сосема и да застанам на свои нозе , да бидам свој човек . Дури тогаш почнува животот , а сега сеуште сум во стаклено звоно.

 

& today no fucks were given...