[СДК] Сакам да кажам...[Стара тема]

Го разгледав сајтот Dulce Candy, поштено девојкава изгледа фантастично, немав време многу да и се посветам, не и ја сватив поентата на блогот што не значи дека не ми се допаднаа некои работи кои ги имаше постирано. Се ставив во мисли, морам назад на мојата здрава исхрана, иако одморов ми е зад врата и немам време да кинам кила, заради себе, во 26 морам да влезам со најмногу 65 кила, па не се многу уште 5 кила а? Здравје уште малку ќе се здружам пак со мојот шејк и ќе се обидам да го направам она што е најдобро за мојот живот, мојата вечна борба, килограмите, да ги симнам. Ех ти будалетинко колку ќе бидеш среќен, ќе бидам среќна и јас, не е лесно да се постигне нешто за што со години копнееш.
Денов започна прекрасно, со бадмингтон на утринското сонце и со фин појадок. За една недела ќе го искусам она што се вика одмор во вистинска смисла, после 2 години јас сум навистина уморна. Торбата за на плажа наскоро ќе треба да ја наполнам, а во неа секако ќе влезе и некоја книга, крема за сончање, коцки за јамб и апарат, и оваа година старите бикини ќе си завршат работа, не патам јас од комплекси па да морам секоја година да набавувам нов пар костим за капење за една недела на море, едноставно не вреди.
Понекогаш е здраво само вака да си ја кажеш маката, да се искажеш, не мораат и тие да патат од моите емоции нели

 

Лепа, ај тркни до таа темата кај што ги оценуваме аватарите за да ти дадам 10+.
Многу добар аватар, ја обожавам сликата.
Читајќи го твојов пост, се замислив. Јас го имам дечко ми блиску до мене, не во моментов, али скоро цела година, а секогаш наоѓам работи коишто не ми чинат за да се потскараме малку.

Да, прееска ме победи во шах! А тој појма нема од шах!
Ме изнервира кога ми го зема топчето, а јас не го видов тоа и му го дадов гратис! Нормално, виртуелно игравме шах. Ужасно мразам кога не размислувам како што треба и ете. Се налутив уште тогаш и после тоа не ми се правеше ни муабет.
Јас сфаќам дека делумно за ништо се лутам, скоро секогаш, и морам да престанам да го правам тоа, оти ни јас сама не знам како си се трпам ваква понекогаш. Али не можам! Голема љутка сум.
Може има и врска тоа што сум Бик, а една другарка од средно што имав (исто Бик), таа пак бетер од мене беше, за се се лутеше и после и поминуваше.

Така да, Боже дај ми трпение! Трпение!

 

Сакам да кажам :
Синоќa неможев поради тебе да спијам.. Ме повреди.. Ми направи рана, ама денес ќе те убијам биди сигурен....

Spoiler

ГЛУПАВ КОМАРЕЦ!!!

 

Не дека сакам форес да ви прам,ама го јадам најубавото лепче на планетава! Топло,мекичко,миризливо,со маргаринче,мњам мњам! Како шо немав јадено цел ден,сега го нападнав Па ко застанавме кај пекарата преубаво мирисаше и и викам на мајка ми ако ме пуштат внатре целиот ќе им го изедам Поубав ми е од било која друга храна вака топол

 

За првпат сакам да бидам ќерка на болно амбициозни родители, да ми дадат само пари и да ми кажат што да студирам, зашто работното место нели, веќе од раѓање ми е осигурано. Оти врска немам шо ќе студирам и шо ќе правам. Желбите се оставени на страна, се обидувам да бидам разумна ама со вклучен разум дотолку е полошо.
Па и добив супермасивна навреда од дечко ми: сонце, јас тебе не те гледам ни како бизнис жена, ни како научник, ти си уметник, пример, ми вика, можеш да бидеш глумица... Сериозно, СЕРИОЗНО? Едно време за тебе бев најпаметна, а сега оти не знам што сакам сум глупава? И да, баш сакав научник да станам, фала ти.

Тапкањето во место секогаш ме бута во депресија, а не е зима и не можам да се оправдам. Преку глава од калкулации и се, време има малку, а јас не сакам да се каам како досега! Обично се замарам со самата себе, ама сакам да научам и да си бидам корисна.
Секогаш кога се двоумам или петоумам за нешто ќе земам книга и со затворени очи ќе вртам на некоја страна и со прстот ќе ја барам реченицата која можеби би ми помогнала. И: Преубавиот таван од облагородено дрво што го покриваше целиот манастирго беше изградил некој шпански занаетчија кој го посветил својот живот градејќи го манастирот, а за возврат барал само да биде закопан во една ниша на високиот олтар.

 

Еб*ти го животот..Еб*ти го...Зашто мора да е толку неправеден спрема некои луѓе?Зашто?Ептен ми е жал што се повеќе надвор среќавам тажни и напатени лица,него среќни и исполнети..Жал ми е...Едноставно чуствувам неизмерна тага...
Зашто не може сите да сме среќни,убави,здрави богати и да се слагаме..Зашто секој втор ако не и прв се жали за нешто?
Здравје,Финансиска состојба...Многу често се прашувам зашто е така???
Ех што убаво ќе беше да сите да си имавме убав живот исполнет со само среќни,убави и задоволони моменти..Да имавме безброј такви случки и да неможеш да ја одвоиш најубавата..Ехх..колку би било убаво..Го пишувам ова и ми светна сијаличката во мојава глава..Да беше се комплетно па немаше да се вика жив свет,ќе се викаше бајка или пак сон...

 

им љубоморам поточно и љубоморам кога ќе видам дека била во странство на одмор се сликала пред продавницата на викторија сикрет и тоа нејзините сиво-сини очи стварно и љубоморам.

и не планирам да пишувам реферати само сакам да кажам дека сакам да одам на плажа макар и да не пливам ама барем да се сончам!!!!
ама не поминува се со сончање само да си ја обновам гардеробата и некои шминки да си купам кои ги меркам долго време и ќе помине....
абре жени

 

Не ми се верува, значи и ов го дочекав од човештвово!
Земал некој(а) си паметен, додека бев излезена, незнам како провалил, на фб статус ми пишал: Сакам да се ду*ам во газ со црнци!И после општа паника, братучед ми ми коментирал што е со тебе, во инбокс не знаеш на кого попрво да вратиш, јас имам и во пријатели наставници, роднини, повозрасни луѓе...Значи не можам да верувам до кај оди злобава човекова...Па уште и незнам како, некој на мајка ми и кажал и дојдов до дома да се пресоблечам ми вика што е ова ти што пишуваш глупости, јас за ова ли интернет плаќам, којзнае што си помислила жената, едвај и објаснив дека не сум јас, надвор дека бев тогаш...Ете ти бре, до кај стигна светов, срамота, кој и да го напишал тоа, нека му се врати дупло полошо!!!!

 

Си поминав прекрасно з ароденденецов и јас се извинувам ако утнам некоја буква имам мала доза на алкохол во крвта ................а тој NO COMENT вредница машка

и да од феминки кои очекував да ми честитата не МИ ......се надевам не виделе или не отвориле форум им е единсствено оправдание

 

ХАХАХАХАХАХАХАХАХ се згазив од смеење со огласов

http://mojagarderoba.mk/items/dodatoci/ ... e-i-zamena и згора на тоа во опис пишува добро сочуван, во одлична форма

значи што нема да видиш...

 

Bо последно сум станала многу чувствителна. За се ми се плачи, за се плачам.
Неможам да се препознаам стварно. А и немам некоја причина за плачење. Глупости, само глупости. Ми текнало нешто шо поминало пред скоро месец, и ајде ќе плачам. Абее ајдее, глупостии.

Неможам појќе, неможам. Шо ти е Блаа, шо ти е??

 

Мразам луѓе материјалисти. Само пари, пари, пари. Не сум материјалист, иако за нас јарците се вели дека сме многу големи. Мене ми е поважно друго, љубовта, почитта, среќата. Сум била и без пари, па пак сум била среќна. Нормално дека парите се потребни многу, но да си вљубен во нив, не сфаќам како е можно тоа. Некои имаат,а сакаат уште, некои немаат и не бараат, а трети немаат, а се прават дека имат. Е ваквите ми се најсмешни. Од пуста желба да го прекријат недостатокот, се прават некои си и нешто, а се никои и ништо. Има и такви што се ќитат со туѓи перја, со нос до небото и ‘види мe кој сум и што сум‘. Сељаци. Земи заработи ги со пот и труд, а не само од мама и тате грабај. Ама, не, ќе си шине рака ако поработи малце, од шеќер е ќе се стопи, тоа не е за него, боле тоа. Оди обеси се.
Шо убав би бил светот без пари. И така најубавите работи се бесплатни.

 

Толку големи одлуки треба да се донесат што кога ќе помислам се чувствувам како слаба , кревка , мала пред светот . Помина времето кога спиев во стаклено звоно и ништо не допираше до мене . Време е да превземам одговорност за многу работи и без разлика што и да се случи барем ќе знам дека јас се определив на тој чекор и самата ќе си ги сносам последиците .
А животот , толку многу постови има испишано овде за него а сепак не е се кажано . Неправеден , немилосрден , недоволен ! Кога стоиш во место и не правиш ништо со него навистина е недоволен . Се прашувам дали воопшто ќе можам да си ги остварам соништата . Или барем дел од нив...
Како и да е чувствувам некој внатрешен мир , убаво ми е на душичката , и покрај проблемите сепак се чувствувам исполнето , што би правела јас да не се тие луѓе во мојот живот ? Веројатно би била потполно изгубена . Благодарна сум многу што ве имам , се чувствувам привилегирано !

 

СДК дека јас се вратив во Македонија. Реков дека ќе се вратам по Нова Година ама за жал не успеав. Многу сум среќна што повторно сум во мојата најдрага Македонија и се надевам дека ќе останам малку повеќе тука. Повеќето и не ме знаете али јбг

 

Сдк ете таква сум мн лесно се наврдувам,се на срце ставам.И тоа се навредувам од тотално неважни луѓе. Иако некогаш е вистина,подобро тоа човечки да ми го каже,не со навреда.Да ја барам вистината и нема да се налутам,ама убаво да се каже,а не да се навредува,на што личи тоа човек да те симне мнооогу поиниско и од животно и после вика дека сакал/а само вистината да ја каже ..........

 

Денеска имав прилика да зборам со типичен американец...
И ми се допадна начинот на кој размислуваше. Зборувавме за животот и за разликите од Македонија до Америка... Ми се допадна споредбата... Имаше позитивни и негативни работи и кај нас и кај нив...
И на крајот цела слика ми се урна кога рече дека „На крајот од денот пред да си легнеш најбитни се парите“.
Најмалце се битни парите...
Плачеме по нив, а они ја носат и најголемата трагедија...
Само сакам да имам доволно. Не сакам луксузи, не сакам палати... Сакам доволно за пристоен живот. Студирам и се трудам за да успеам малце. Не сакам да успеам многу.
На крајот од денот, мене ми е најбитно да имам некој да ме насмее, да ме прегрне и да почувствувам близина со некого. Парите тоа никогаш нема да ми го дадат... Ладни се и крути...
И да, и јас си го реков истото. Светот би бил совршен кога не би постоеле парите... И тогаш би постоело совршенство ...
Можеби парите го вртат светот, ама нема да дозволам да ме вртат и мене.

 

Кога мојата позитивност почнува да ме издава значи навистина сум изморена. Се изморив постојано да се туркам само напред и напред велејќи дека се ќе биде подобро . Се тешев самата, па имав сила и за останатите да ги тешам. Е неможам веќе . Човек да не може да најде една скапана најобична работа во оваа државичка, џабе и учење, море мака ми е за фрлените пари што ги дадоа моите . Трудот не се каам што го вложив, потрошеното време па ич затоа што го искористив на корисни работи.
Зарем ќе дојде некогаш ден кога ќе влезам дома и речам частам бајадера за платата моја , дај боже да дојде, не ме убива помислата да сум без пари, ме боли тоа што со мојте 25 години уште чекам од моите , се чуствувам бескорисно до бескрај . Капак на се па и постдипломските ми фалеа да се дообразувам за поубава работа абе седи, човек да си пукне од мака од кај гзот. Ќе ми каже некој ако сакаш да работиш има работа ма немој , а каде тоа бре ?!? Колку пати аплицирав за волонтер и за тоа мораш да имаш јака врска ама знаеш некоја подебела од оние на времето што се носеа .
Не ми останува ништо друго освен да продолжам да си се туркам напред како и досега КЕ БИДЕ ПОДОБРО . Чекам... ќе се трудам, нели ние македончето само трудот и маката ни останаа.
Ехх се трудам да си ја исфрлам негативната енергија од мене, дај боже се да се среди, МОРА да се среди !
Имајте добра ноќ феминки па кога ќе најдам работа и за вас ќе има бајадера и тоа не чекам плата за вас частење за првиот работен ден ако треба и аванс ќе земам ама ќе ве почастам

 

Изненадена сум самата од себе

 

Моментот пред да заспијам најболно е.

Богами и е. Легнав и еден саат „заспивав“, гледајќи у таван. И пак си вклучив компјутер и седам.

 

Нека си оди летово, жештиниве никогаш не сум ги сакала, ни па сум ги чекала со нетрпение бидејќи во нив имам слободно време и нема школо.
Не сакам купаќи, плажи, издепилирани женски нозе и машки плочкици истегнати по сонцево, нејќам крајбрежје кај шо врие од голи стомаци и газови.
Јас ич, ама ич не се одморив.
И да, нејќу више да си ја полнам душичкава со маки заради светов, дете ко' дете, фацинирано од гнасниот начин на кој човештвото функционира. Не сум невина у контекст на постапки у очите на никој, неќум ни да бидам, целта на постоењето не ми е да бидам чАсната добра вила во туѓата перспектива.
Нејќу да си ги оправдувам постапките пред оние кои немаат блага веза која сум, ниту пак треба да си ги мачат тиквите за мене. Она, заборавете ме, скроз. Дека постојам.
Немате поим колку ми е убаво кога не ме задевате ич. Сте ми спотребале.

Да ми к'снете од табиетов!

http://www.youtube.com/watch?v=xaW3rPcx6iE