[СДК] Сакам да кажам...[Стара тема]

Koлку малку си ја познаваме сопствената земја ( барем јас ).
Денес се запознав-работно,со луѓе од Чешка.Ми покажуваа слики од нашата земја,воодушевени за неа.Јас како теле се чудев од каде овие слики,уште малку фалеше да испаднам гуска-како онаа од рекламата ,и да прашам-А каде е ова?
Трчам да земам слободен ден за уште е ден викенд во Грција,гледам тури за Истанбул,а прво ја немам запознаено нашата преубава земја....Хммм....

Туку,Велес,колку убав град е Многупати сум била,ама се на трчкање.Денес поминувам низ паркот,кај што ја градат црквичката,која патем е преубава,си седнав на една клупа под дебела сенка,ладно кафе и весник,кој не го ни отворив зошто уживав во убавината на паркот.Велешани,ќе речете дека не е ништо посебно,ама верувајте дека ви е мало богатство.Преубави цвеќиња,фонтани,ми измамија насмевки и за миг заборавив на нештото што ме мачи.Секако неизбежен е и Да Винчи .Направив и еден куп слики
Додека седев ми текна и на нашата Дузи,патем

Поздрав до Велешанки,денес се вљубив во градот

 

Колку дебилски мислења сум имала на почетокот на моето пишување, ми е срам сега да ги читам.
Да ми беше сега овој мозок тогаш.

 

Гледам филм
Something Borrowed
и СДК дека ужасно ме нервираат личности кои кога ја имаат шансата пред нос не ја зграпчуваат со двете раце а потоа кукаат и плачат и во депресија паѓаат а сами си се виновни!
Пр во филмов
Женскава и типов едно 9месеци се пријатели и се чувствува искра помеѓу нив
Додека седат на нивниот прв состанок влетува другарката на девојкава која патем е многу натпреварувачки настроена и се сака да добива. И таа(итрава) си мисли дека овај и е дечко на другарка е(глупавата) и нормално си се повлекува и оваа глупава вика не сме ние на состанок дојдени и другава типка вели па ајде тогаш што чекаш ти покани ја. И оваа смотанава: Абе ние сме само пријатели
Опаснава:Епа покани ме мене
....6 години подоцна
опаснава и типов треба да прават свадба и тогаш глупава се свестува што изгубила

Поентата ми е, ова не е само на филм, ова е чиста реалност, да дозволуваш друг да ти ја граба среќата од пред нос за мене е најголема грешка која некој може да ја направи. И ужасно ме нервираат такви личности кои насекаде кукаат за работи за кои самите си се виновни!

Затоа женски борете се за она што го сакате!
Немојте да газите и да преминувате преку сите за да ги остварите сопствените цели, но немојте да дозволите и вие да бидете газени!

 

Те впива телово, умот. Те впивам како пурпурен дожд на мојата кожа. Те впивам.. Сите спомени кои ги остави ме мачат. Сон си ми. Недостиг.

 

Одамна ништо не сум напишала тука...А се осеќам како да имам многу да кажам, многу мисли ми поминаа деновиве...Ама ете, некако не можам да ги матејализирам.



Ништо.


Ај да одам да си купам нешто овошје, оти вчерашното си го изедов.

 

Никогаш повеќе нема да го погалам тоа мало главче, никогаш повеќе нема да ги видам тие слатки очиња..

 

Агроплод, ние тебе сакаме, а не Swisslion! Kако бе тоа најмалите паковања од агрокрем да ги нема, а оние од Таково да ги има? Епа за инает празна ја јадев палачинката, ама не купив од Таково!



Туку, Скопје, о Скопје, ме изнасмеа, ме изнашета, ме поднови и крајно истошти! Пак те сакам, ама не од мода, туку од срце!

 

^Брајт жено, зошто ми ставаш слика од Еурокрем кога имам добиено, кога сум на диета и кога сум самопрогласена пештера без дно? Си сркнав една лажичка троа поголемка, да не ме мислиш, фала.

Иначе, дојдов за друго да кажам.

Јесте дека со мајка ми многу, многу не се сложуваме. Тоа е тоа, или сме премногу исти, или сме премногу различни. Муабетите и интересите не ни се на иста фреквенција, најчесто почнуваат со нејзино мрчење а завршуваат со мое игнорирање до крајот на денот и ете, такви сме. Ама деновиве заклучив дека ако треба и на глава ќе застане за мене. Можеби не ме гушка и не ме бакнува, не ми се јавува по стопати и не ме прашува ништо околу мојата, па, приватност да речеме (не дека јас и кажувам), а јас и таа кафе не сме пиеле заедно никогаш, битно знам дека до мене има човек што е секогаш спремен да ми помогне и да ме извади од најголемите срања. Ако и дозволам.

Еве се убедуваме сега, инсистираат дека тие требало да ги покријат сите трошоци околу купување нов телефон, вадење нова лк, кредитна... Знам дека ми се родители, ама нема што да ми помагаат ради мојата невнимателност. Како и да е, иако многу би направиле поинаку, јас немам лице некој друг да ми ги исправа дрините, посебно не мајка ми, а посебно не во овој период. Така да, заштедените пари се инвестираат во потребните работи, шопингот во Солун полека и сигурно ми мафта со рачето, му мафтам и јас. Не сум мало дете, знам многу примери каде што мама и тате помагаат и кога не треба, ама не сакам така.

Епа ај, ќе ве обавестам од исходот и развојот на настани.... И полека со еурокремите низ темиве.

 

... дека сум толку патетична и тонам во оваа моја депресија, што Адел може вода да ми носи и Титаник изгледа смешно.


И нема толку лесно да го поминам ова. А јас мислев ова ќе биде буцни прачка - пиј вино ...

 

Свислион, уште оддамна го купи Агроплод. Чисто сумњам дека ќе има пак такви..

Иначе, сакав да кажам дека.. Најнепријатно чувство ми е кога на фризер ќе ми ја стават косата преку лице. Се потсетувам самата себе на Самара, и ме фаќа паника. Една минута, ко цела вечност..

 

Абе ќе ме умрат сите предвреме,јас шо ви кажвам...Сакам да дојди денот кога ќе сум среќна,а и другите ќе се задоволни (барем најблиските де,знам сите неможи)

И недефинирано и збунето се чувствувам.И многу мразам кога ми се лупи кожата,ко крастава се чувствувам

И,и,сакам да му кажам на дедо Боже да не ме тестира повеќе,пошто досега ако бев заморче одамна ќе имав цркнато...
Треба јога да почнам да вежбам или да медитирам Оммммммммммммммммммммммм
(не ми замерувајте)

 

Само што си дојдов од одмор ... и еве се враќам на фемина ми фалеше цели 10 дена посдрав до сите ))

 

Среќата е во малите нешта, знаете? Не мора да имаш СЕ за да бидеш среќен. Не мора животот да ти биде совршен, за да си среќен. Една другарка вчера ми рече, цитирам: "Биди силна! Знам дека можеш да бидеш силна. Со текот на времето се ќе ти биде сеедно. Ќе го погледнеш и нема да го гледаш како сега со болка во душата туку сеедно ќе ти е. Затоа издржи и биди силна. Дочекај го денот кога ќе ти е сеедно. " Тоа ми го кажа една другарка што порано никогаш не ме подржуваше, а сега се бори заедно со мене.
Затоа велам, не морате да имате се за да сте среќни. Доволно е еден пријател кој ќе е тука за вас да ви каже дека доаѓа подобро утре. Доволно е родители кои ќе се среќни и горди на вас. Татко ми си купил нов телефон и сега е како мало детенце кое се радува на нова играчка, среќен е. Јас сум уште посреќна што ја сподели среќата со мене. А и кога ќе му здосади телефонот ќе биде мој , иако тоа нема да се случи.
Не е се така црно. Кога една работа не ви оди од рака, верувајте дека милијарда други ќе ви одат. И кога се чувствувате како животот да ви се руши, земете една цигла и удрете се по глава.
Па ееј, животот треба да го ЖИВЕЕМЕ најдобро што знаеме и можеме, еден е!

 

Сдк кога сум во ПМС како правосмукалка се чувствувам

I`m full and I feel sexy
уште што не јадев денес,вчера....

I'm going out this night in red dress and i know that i will shake my ass
Се чувствувам како никогаш до сега.
Исполнето!


hello ваква сум новата јас

 

Растена сум во две да речам времиња, време на систем кој функционирал добро и време кога нема систем се е во хаос. Добро де културата каде е?? Се изгуби ли помеѓу овие два периода?? Што е со персониве кои се мислат дека се паметни и имаат право да кажат се, а немаат основно воспитание и култура?? Со постар човек сум знаела и сеуште знам како треба да се однесувам. Ама дали денес другите знаат?! Срамота какви некултури од персони постојат!

 

Извини, ама неможеш да очекуваш некое завидно ниво на култура и интелигенција од човек на кој денот му почнува со „добро јутро пијанице„ , а му завршува со „лепша од ночи„ , секако ако тоа е она што го бараш од луѓето во твојата околина. А муабетот не е дека некој што слуша турбо фолк е по дифолт, лош човек, забеган или што знам... едноставно нема чувство за уметност, слуша музика која го затупавува човековиот развој и слух, а и ништо паметно неможе да научи од таа музика, почнува да се восхитува на кичот и силиконите на певаљките и уметноста отишла по вода. Мене на пример ова ми е доволно да ги ставам во посебна категорија поштувачите на турбо фолкот, иако имам и блиски роднини и пријатели кои си слушаат турбо фолк, не ги нарекувам ниту сељаци ниту со погрдни зборови, сто пати сум кажала нека си прави секој тоа што му е по ќеиф. Ама турбо фолкот е најлошото и најгрдото нешто што се случило во светот на музиката, и да го мразам турбо фолкот и не ги поштувам луѓето што го слушаат затоа што само тој се развива додека класиката тоне, и поверојатно е да те направат ненормален ако слушаш класика, него турбо фолк, па види ти сега СексиЛејди како всушност влијае турбо фолкот!

 

Кога ја гледам од прозор сестра ми задишана како цел ден е надвор, и навечер кога се стемнува се враќа затрчана, изморена од игрите со другарчињата како едвај чека да се измие, да јаде и да легне да одмара и гледа телевизија, како да се гледам себеси на времето. Пф, со таа разлика што ја бев и бетер, ич не се прибирав дома кога живеевме во Аеродром, и најсреќна бев. Многу е важно да имаш среќно и исполнето детство во животот, сега сфаќам се...

 

Како тоа ќе се земаме, а јас не знам?
Па што не кажеш дека е таква работата, па јас фустан и штикли треба да барам! Тоа не се наоѓа туку така бре, треба време да се спреми цела свадба!

Ако дечко ти го уредува станот и те консултира тебе за избор на плочки во ходникот, автоматски се спрема свадба. А тек да дознаат комшииве дека му го цртав планот за плафоните во дневна и спална, којзнае што уште ќе си помислат.
Господи

Туку, зошто горе во Напредно пребарување ми стои ајвар?
Којзнае што сум барала
А кога сме веќе кај ајварот, во маало веќе почна да се спрема.
И затоа овој дел од летото ми е омилен. Времето веќе засвежува, а надвор мириса на зимница.
Убавини...

 

Имам едно прашање:
Како тоа на секој жив човек на планетава му се случува филмска љубов (и постои некој кој отворено признава дека ги сака и светот би го дал за нив, а тие пет пари не фрлаат за таа личност), освен мене?

Значи, никогаш не сум се нашла во ситуација некој да крши коски по мене - НИКОГАШ!

Знам, звучи филмски, ама баш и не е. Познавам лично неколку такви примери, на кои им се случила таква „љубов“ и им било потребно одредено време да сфатат колку таа личност всушност се грижи за нив.
А, вистината да биде подлабока дека овие работи не се случуваат само на филм, доказ се и некои славни личности кои се толку затрескани во други славни личности, јавно им искажуваат љубов преку песни, а тие другите се однесуваат како целосни идиоти.
И да, не мислам на женски кои посветуваат песни, туку на мажи. Вистински, искрени мажи.

Прееска гледав еден филм, можеби и сте го гледале, се вика He's Just Not That Into You и морам да кажам дека главното дејствие и поента е истото нешто што мајка ми мѝ го кажува цел живот:
Ако еден маж сака да биде со тебе - ќе те најде како и да е. И ако сака да излегува со тебе, ќе те викне да излезете. Едноставно, ќе се бори за тебе со било кој и било како.
Треба да бидеш the exception to the rule за да се случи тоа. Дотогаш, си само the rule и ништо повеќе.

Не знам каде е тој на кој јас треба да му бидам исклучок, но подобро нека побрза, бидејќи јас умирам по барем трошка искрена љубов.

 

Дури сега ја прочитав среќната фемина сторија, за девојката што ја бара сестра и.
Мило ми е што сте успеале да и помогнете.
Ова е доказ фемина знае да биде и солидарна и хумана кога треба.
Со среќа нека им е.