[СДК] Сакам да кажам...[Стара тема]

Велат неочекуваното е најубаво.
Но, што ако тоа што треба да биде најубаво не е возвратено? Или не, уште полошо - што ако е возвратено со толку мала мера што просто ви доаѓа да ја треснете главата од мермер? Така е полошо... Мислиш дека има нешто, се загреваш, се надеваш и ШПЉАС! шамарче... Ништо! Сепак секогаш се’ завршува на ништо, секогаш на крајот доаѓаме до тоа ништо...

Многу работи ми се случија летово. Многу.
За сите овие години живот не ми се случиле толку неочекувани и пресвртливи моменти.

Имам навика за се лошо што ми се случува да си се кривам самата, фала богу. Овој пат се трудам со сите сили да не ус*рам и пак ништо, безуспешно, безвезе...

Ма све нека иде кај што нетреба........

 

Hello Macedonia !!!!

 

епа не може ем пари, ем работа .. или едното или другото

 

Денов ми помина многу брзо, го гледам саатот 5 си викам кога помина времето

Сдк и дека тортата е готова, конечно
сама ја правев се надевам ќе биде вкусна како што изледа

Спојлер

ама си се испофалив сама брееееј

 

Сдк читајќи ги сите ваши мислења за Ивана и за животот нејзин и за нашиот живот општо размислувајќи ми дојде една идеа на памет.Можеби е за некои лоша и неприфатлива,за некои е луцидна,за некои ќе е добра,но сепак ќе ја споделам со вас.Што мислите да ги собериме сите нејзини мислења и доколку е можно да ги претвориме во книга или да ги испечатиме и некој кој што го познава нејзиното семејство да им ги дадеме нив.Не знам мислам дека на таков начин ќе може да допринесеме барем малку.

 

Cдк дека си имаме најпрекрасни гулапчиња, двојка, ептен се заљубени, и цело време се заедно.Прво се плашеа од мене, ама сега не, и од рака ми јадат Почнаа да ни доаѓаат на тераса секој ден, и ги раниме со лепче и сончоглед. Kолку се слатки, не се двојат бе. Уште име да им најдам, и супер ќе биде.

Ние луѓево треба да земеме пример од гулабиве што е љубов, после да се нарекуваме заљубени гулаби,или уште потрагично, да се нарекуваме Гулабици .

 

За мене не е прифатлива, затоа што Ивана оставила овде дел од својата приватност, без разлика што скоро сите знаевме за нејзината состојба и борба со болеста.
Може е себично, но мислам дека така е и најдобро. Нека сведочи нејзиниот профил и мислења за тоа колку човек може силен да биде.

Може откако ќе стивне малце, но сега болката и тагата е свежа. Нека тагуваат најблиските во мир.

 

Љубов е животот, Љубов е сон по кој сите мечтаеме да минеме низ него да видиме среќа.
Љубов е да имаш некој до тебе кога ти е најтешко , да споделиш тага со некој да биде полесно.
Љубов е живот во кој главна улога си ти низ кој се откриваш себе , љубовта е најголемата болка со која живееме
кога губиш близок , тој што го сакаш се прави дека не те познава , кога очекуваш најмногу од својот верен другар , а добиваш нож зад грб. Бараш мотив од твоите да продолжиш понатаму , да го имаш тој што другите неможат. Да сакаш а немаш да љубиш а губиш , се чудиш зошто ли е ваков суров светот...зошто...зошто... ?
Животот е радост и среќа, тага и младост , љубов и омраза..

 

Се прашувам,какви тоа луѓе одат у циркуз?! Не сум со анима-мунди,всушност им се потсмевам,а башка што постерот им е ужасен,а и да ги прашам,колку од нив одат у зоолошка?
Туку...за мене циркуз е луѓе...куќата на стравот. Бизарен, ексцентричен, чуден, со тие животни кои изведуваат точки,со КЛОВНОВИ, леле колку,коооолку не сакам кловнови... Пикни ме во циркуз,ќе почнам да врискам и ќе се фрлам лавот да ме изеде.
Ни како мала не сакав ЦИРКУЗ. Едноставно,не ме забавува,не ми е интересно,страшно ми е,ужасно ми е, ме гуши, уф! Така моите,со мало дете,ќе го носат да гледа чуда...Се сеќавам како вчера...Медрано у градот. Млади и луди. И уште ни тупнаа еден мајмун у шпихозни да се сликаме, ако некад се пресрамам ќе ви ја постирам тука да ја видите таа фаца на 3-4 годишно дете,полна со страв и ужас. Што е ова чудо што глуми дете? А мајка ми,мама мајмунче види!!! Ма макни ми се и ти и мајмунче и све,носи ме дома. И дојдоа кловновите кои изведуваа интересни точки...тоа беше вриштење така што мислам циркузкиот шатор се отвори! И ете моите тогаш заклучиле дека нивното дете е...или зрело или чукнато (поверојатно второто) штом не сака циркуз,пошто инаку си бев весело дете кое се смее и чаврља и се кикоти и си игра и ретко е кенкаво освен кога е гладно и ненаспано...ама...ете,во циркуз не е весело.Кловн... само да го замислам се препотувам! Кој болен ум смислил нешто како КЛОВН?! Кловн за мене ти е биполарна особа...точка!

Не,не разбирам како некој може да сака нешто како циркуз?! Еве сите околу мене сакаат да одат у циркуз! Не сакам бе,траума имам,загушливо,со фокусирани светла, со глупи точки кои не ме смеат, со кутри животинки и .... НЕ! И се сеќавам не сакав да го гледам цртаниот филм со Дамбо, зошто плачев и мислам дека сега да го гледам пак ќе плачам. Жал ми беше за слончето и ме гадеа злобните луѓе и све тоа и ЦИРКУЗ,оф...Изгледа и овие од Анима мунди се истрауматизирани од Дамбо,па протестираат!

Така што,чичко циркуз оди си побрзо,зошто доволно си имаме циркуз у животов. Не те разбирам и не сакам да те разберам.

Не е до луѓето шо сакаат циркуз,до мене е,јас нејќам циркуз...ето.

 

пред малку се видовме со една колешка-работи со Авон и одвреме на време се гледаме
леле луге кога ја видов врека за бокс станала, а баш вчера ми кажуваше дека 37 кг се здебелила за време на бременоста-сега е веке мамичка на едно многу мило детенце-душичка, како ли ке ослабне, уште од како ја знам , има проблеми со килограмите а не сега а многу фино девојче е

и сум што си ги фобив производите што си ги порачав КОНЕЧНО

 

иако релативно малку ја познавав и следев Ивана на форумов страшно сум погодена од веста дека починала .
ок е од наша страна што преку коментари сочуствуваме но сето тоа е излишно .само нејзините најблиски знаат како им е ,сум го почуствувала тоа на своја кожа и можам да кажам дека нема нешто поболно од ова и таа болка останува засекогаш ...
уффф запрепастена сум и незнам ни што да пишам повеќе. Нека почива во мир ,жално за нејзината младост...
и за нејзините родители/браќа/сестри .

 

Срцекршачке цар си! Ми помина инспирацијата да пишам нешто од кога ти го прочитав постов, не знам до кога ќе се држиш до плитките работи, кој како изгледа, газди, момци, не ти се јавил, џуџиња и све то заедно.. убава суштина на секој твој пост.. и да ти кажам право посакав да видам како изгледаш. Толку ли си совршена бре? На секој му најде мана..

П.С ќе се навратам подоцна со повторна инспирација..

 

прашање е дали се вистина тие "плитки работи" ? јас кога ке начекам нејзин пост ја скролам обв зошто стварно покрај милион поважни работи - не ми е верно како може да постои човек како дотичнава што се замара со толку небитни работи

 

И ете...и се испожалив на мајка ми за циркузот,а она на тоа вика - тоа е затоа што никогаш нема да се омажиш,луѓето што не сакаат свадби,не сакаат и циркузи,затоа ти никогаш нема да се омажиш.

Моја мама! Љубим те! И има логика муабетов!

 

Деновите брзо минуваат, секој ден сме се поблиску до еден многу важен настан за мене... почнувањето на факултет Не сакам да дојде 10ти Септември за да одам во Скопје, ова сум го споменала преку сто пати ама ајде нема гајле за уште еднаш. Од друга страна па си викам само кога ќе бидам подалеку од мојот роден град ќе видам кои ми се вистинските пријатели и на кои навистина ќе им недостигам( се разбира покрај семејството). Почнав на часови по математика и многу ми е страв за првиот колоквиум. Ќе бидам задоволна и со 6ка, со оглед на тоа што математика не сум учела две години. За стипендија и такви работи не се надевам премногу и ништо не планирам пред време. Ако е пишано ќе си имам повисоки оценки во индексот ако не нема стипендија, тоа е. Се радувам само на едно нешто во Битола, а тоа е вечерта во бело. Минатата година бев во Скопје кога се одржуваше и не бев дел од таа вечер, ама оваа година не ја пропуштам за ништо . Како секое лето така и ова брзо помина. Ете при крај сме на Август. Брзо лета времето...

 

Првпат во животот толку да ми се чисти, ја изгланцав детската и тоа се сама.. Мајка ми и татко ми мислат дека сам полудела , цел ден чистам важно сега ми мириса на чистичко Браво за мене ...

 

СДК само едно нешто, многу луѓе веруваат оти помалите ушат од посатрите (што е и точно ) , Но работата е во тоа што, мама ми призна дека научила нешто од мене... А, тоа е како да не се замараш со небитни работи и луѓе! (не ја откривам овде тајанта )

 

Сакам да кажам денес му е роденден на татичко.
Татичко мој најмил,најдобар и најсакан.Нека ми ти е среќен роденденов.Да си го славиш уште долго.
Фала ти за сите овие години што си толку добар со мене,и фала ти за сета љубов што ми ја даруваш.
Фала што си ме створил.
Те сакам многу!

 

За сите членови на моево семејство мислам дека сте горе-доле информирани, ама не знам како секогаш го прерипувам да го спомнам најуникатниот - очувот. Колку глупаво звучи кога ќе се каже очув, ама не знам како поинаку да ви го опишам и претставам. Јас него си го викам на име, ни чичко ни стрико, си има име човекот, фала Богу.

Кога се земаа со мајка ми, имав 9 години и бев смртно навредена оти не ми правеше муабет. Подоцна сфатив дека човекот едноставно не е зборлив, ама мајке ми, речит е. Има напишано 3-4 книги од кои една е за сексот, се разбира, под псевдоним , и се пукнав од смеа кога ги видов на Амазон како се продаваат. Вечен оптимист, мислам дека од него што го гледам како верува во подобро утре, имам и јас префанато нешто.

Единствен човек кој го знам, да имал прилики, а не собрал милиони евра. Мајка ми му вика дека сите ,,другари,, од тоа време сега возат џипови и имаат вили низ градов, а тој има количе од пет илјадарки платено на кредит, разрушена куќа и нов кредит за наредниве 20 години. Поштен е, дури наивен и предобар, и од него тоа научив, да си бидам поштена и кога тетката на каса ќе ми врати денар повеќе, да и го вратам.

Единствен човек кој уште го користи интернетот за паметни работи. Си седи, си пушта музика на Јутјуб, си пишува мејлови со пријатели од цел свет, си гледа кучиња што мајка ми не му дава да ги чува и си мечтае... му било уживање, малку мозокот да го пуштел на пасење. Се разбира, уживањето му трае додека мајка ми не спука дека во дневната има ронки, или огледалото е со прсти и мора човекот да оди и да брише. Или додека јас не го натерам да ме развозува некаде низ градов. Или сестра ми да не го измалтретира да ја носи и да ја занимава.

И ништо не му смета бе. Ќе избрише, ќе исчисти, ќе исечка, ќе однесе, ќе донесе, се што треба ќе направи. Ептен кул човече ми е. Он е од тие луѓе кои за секој проблем имаат решение и не го комплицираат истото. Никогаш не направил никаков проблем, како за сестра ми, така и за мене.

Да ми бил татко, не се сомневам дека ќе имавме одлична врска, и завидувам по малку на сестра ми. Не дека и вака е нешто подруго, ама сепак, не можам некако да го гледам скроз исто. Ме сфаќате мислам. Мислам дека заслужи еден пост од мене, како и да е.

Еве сега го караат, многу стоел и се лицкал пред огледало.
Легенда.

 

Не го знаев девојчето...но ги сретнував нејзините мислења...ги читав...беше една од ретките форумџивки кои редовно ги читав...кога дознав за која ивана зборувате, солзи ми дојдоа на очи...
Почивај во мир Ивана...оставаш голема празнина во форумов...
Сдк дека форумов не зближил, сите... не ми се полнат очи за секого ...
Немам зборови...