[СДК] Сакам да кажам...[Стара тема]

Аман со индискиве серии ..Не дека толку нешто важно се дешава во нив ама музикана преку три зида се слуша...оно нејзе може серка ја фатило они тропаат со тенџериња ..Абе атмосфера да ти долови што да ти кажам , тренирање нерви само тоа осетив.По сабајле ако тоа не те разбуди јас незнам што .

 

Времево надвор,и да не сакаш те тера на љубов
Изгледа сум една од ретките што не е депресивна на вакво сивило,туку напротив,а зошто не можам да си објаснам.Едноставно ми е убаво a и конечно малку свеж воздух
Сакам кошулчиња,џемперчиња,панталончиња,кондурчиња,сукњички и разни дезени на хулахопки....уште вчера си ги спремив и чекам да залади уште малку

 

Денеска е денот кога го извадив милка ќебенцето, значи почна да застудува. Ако, баш е убаво денес, облачно, слабо ветерче и мириса на дожд. Убаво се диши.
Се чувствувам како да имам бебе. Морав да станам рано да го нахранам, да го прошетам и да го чекам да си изврши нужда, а притоа не ми беше мака да станам После 2 години повторно си имам милениче, слатко мало кутренце.
Утро исполнето со убава и здрава храна, какао со цимет и интегрално колаче, смеење со „How I met your mother„ и за неколку саати работниот ден може да започне.
Незнам за вас ама мене ми е многу убаво кога цел ден ми е со обврски и договори, сакам се, и да учам и да работам и да шетам, а сега си го живеам тоа, убано ми е
Некои луѓе немаат храброст да ме погледнат во очи, а мене ме фаќа срам од тоа, ама that`s me!
Љубов и други ситни задоволства на претек ... сакам да дарам и на други за сите да сме среќни.
Имајте убав ден и земете си милениче за да се будите насмеани и наполнети со позитивна енергија цел ден

 

Јас не сум Бј.

 

Сдк,


Бисерни капки на прозорец.
Се лизгаат како и тие да се радуваат и да се љубат, па се составуваат и навлегуваат една во друга.
Некоја е сама.
Стои во некој агол од прозорецот и ја очекува својата половина. Ќе поминат секунди, минути... и во еден миг паднала некоја капка во неа. Одеднаш ги гледаш се топат од љубов и се лизгаат како и сите други околу нив.
Љубов...

Таков е и нашиот живот.
Кај некој нешатата доаѓаат премногу брзо и без тие да бараат. А пак кај некои, поминува доста време, додека го постигнат она што го посакуваат.
Да, можеби се осамени и тажни, но на крај го добиваат она што е добро за нив самите.
Само трпение...

Се е зачнато од љубов и со љубов. Не постои ништо на светов, кое не е направено од неа .


Сдк,

Денес изгледа ќе биде ден на љубовта .
Надвор романтично , а внатре во душата .

 

On days like these мене не ми се живее. Ич.
Најдобрата другарка си заминува и немам поима кога ќе ја видам пак.
Може и на почетокот да мислев дека ќе биде интересно тоа " ти си таму, јас онаму" , а ако ме прашате зошто нема да знам да ви одговорам.
Се би дала да можам да испијам уште едно кафе со неа, уште еднаш да ја видам и гушнам.

Во животот може да имаме милион пријатели. Доаѓаат и си одат. Само вистинските ќе останат.
Затоа женски, гушенете си ги најдобрите другарки, испијте по едно кафе па нека биде и без причина затоа што може да дојде ден кога ќе се осеќате вака посрано како мене..

 

СДК дека сум среќна што сум сеуште на земјава.Поминав страшна,престрашна ноќ .Добив некој стомачен вирус кој трае 7-8 часа во кои го гледаш пеколот.Сега колку и да сум исцрпена ,се радувам што успеав да се изборам со тоа чудовиште.

 

А залади во Скопје, мене инспирацијата ми работи турбо.

А зашто и да не би? Мириса на септември длабоко у ноздри. Сонував како сум се изгубила во Берлин. Во живот немам стапнато во тој град. А сонував јасни слики, места, градби. Како се фотографирам пред Бундестагот, а таму замисли, две мои познанички, се мажат и ко пред матично, праат пози пред фотографот. Лудило. Многу сиви, црвени, бели тонови. Плус, сонував како другар на бившиот ми дошол со подарок телескоп, зошто ќе ми требало да ги гледам ѕвездите од Берлин.

Уствари, во сонот јас се селев во Берлин. Где ме наџе бре? :geek:

Никогаш нема да си ја себеубедам таа номадска нишка што ја имам. Никогаш не сакам да признаам дека можам и на друго место. И со други луѓе. Скопје како пијавица на срце. Никако да не го напуштам. Дури и кога си одам, го оставам во проза. Да има што да читам кога ќе се вратам.
Во Менада, кркљанац. Штикли и парфеми. Од одамна е така, и ми пречи. Си ја сакам старата Менада, со малку луѓе, многу џез. А не со лигушките од средно со форнарина топуци што сега се претвориле во џезерки и ми продаваат памет со бело вино во рака. Бљак. Среќа со фини луѓе си бев таму и си прераскажувавме истории на љубовните болки и радости. Маргарита. Сол. Летечки пекинезери. Двајца бивши во видеокруг од 8 метри. Ништо. Фејкерство до даска, облечено во карирано со лептир машна. Кај ми бил паметот, не знам. Веројатно во кондурите. Пеш до дома, кифла од Вегера и силно гушкање со неколку твитерџики. Абер да се немало од дожд, ама затоа ветерот ми расфрла коси.
Се чувствував како да влегувам во порите на Скопје со длабоко земен здив. Ме изнервира тоа. Медиум си бев и оставав да ме водат ситуациите. Со куп луѓе немам потреба да бидам фина. Нити они се должни да ме поздравуваат.

Тоне, тоне овој град во својата безличност и лага.
Затоа, Берлин, можеби и ќе ти дојдам. Се’ е можно.

 

Денес е светски ден на чоколадото. Среќен роденден најслатко задоволство!!!

 

Само се чека скандал , или момент на слабост, или пак момент за себе си т.н ИНТИМА де- и одмааа бумммммммммм
истата информација на секој сајт .Била Кејт Миделтон на одмор си одмарала топлес , е добро де да не не треба да диши , или пак води љубов со алишта само затоа што е принцеза принцеза .
Какво животно може да биде човек значи....

 

Знаете што? Секогаш имате причина да продолжите. Секогаш имате причина да верувате. Иако изгледа како крај, имате уште километри за чекорење по патот што сте го започнале.
Животот е секогаш нагорнина, битка што не се добива лесно. Учите да се адаптирате. Учите да се протурнете низ него. Учите да се изборите и уште поважно - што вистински вреди за да се борите за него.

Еден лош ден не значи дека ќе имате лоша недела, лош месец или лоша година.
Само затвори очи, земи длабок здив и заврти ја страницата.

Продолжуваме, пловиме и покрај струјата, покрај товарот од минатото. А утре ќе трчаме побрзо, ќе ги истегнеме рацете подолго - а на крајот и да не се помрднеме воопшто.. уште сме подалеку од било кога.

 

Признавам дека сум личност која ги сака малите гестови.
Оние кои за некој не значат ништо, некој не ги забележува, а некој ги презира.
Мене баш тие се тоа кое ми значи. Ми претставува наклонетост, нежност, почит...
Вчера седев со една другарка на кафе... Времето беше ладничко и марамата која ја имав ја наметнав на рамената... После некое време дојде еден фин дечко со дукс во раце и ми го наметна. Збунета само успеав да се заблагодарам...
Можеби не беше ништо посебно, но доволно е што некој сепак помислил... Ги почитувам ваквите работи

 

Зелено цветче, ново аватарче.. како си се подновив.
Сега нема да можете да ме препознаете.

 

Го знаете оној знакон што го даваат пред некои серии или филмови, не е препорачано за деца под .... години?

Треба да има еден НЕ Е ПРЕПОРАЧАНО ЗА МЕНТАЛНО ЗДРАВИ ЛИЦА пред секоја индиска, турска, и друга серија од посран вид.

 

Морам да се надоврзам со работното време.

 

СДК нека прави што сака,само нека не ме замара,со глупавите и досадни 3 збора,ајде ајде ајде...
Аман више, ме отру,ако толку сака нека прави сама,што мене ме замара а и плус се е под услов,уцена и ако не е по нејзино не ми е више другарка...
Понекогаш се прашувам зошто уопште ја сметам за пријателка?
Знам зошто,зошто на овој свет јас немам вистински пријател/ка..Пријателка се додека не биде нешто по нејзино и се додека има потреба од тебе,за некоја помош и да,да си го избрише газот од мене...
Таа е гнасна,глупава и без гордост,а јас пак сепак сум и пријателка,еејјј пази,а пак сака да ме надмине,и е неблагодарна..
Ама не,душо,додека ти јадеше од канализација,лајна и остали срања,јас бев девојка со почит и сеуште е така,а како ти сакаш за 1 миг да ме надминеш?Не,душо,малку потешко,колку и ти да сакаш да ми го турнеш авторитетот и рејтингот,не јас,туку другите нема да ти дозволат....Никој со мене не се однесува како со тебе,а уште без срам ми вели морав?Како бе мораше да се бришеш од мене...?
Кукавица си и дррска,без авторитет и почит,тебе никој не те сака,ниту те почитува а ако ти незанеш да се справиш со проблемите сама,не ме лепи мене,не можеш ти со мене и нема никогаш да бидеме на ист ранг...
Ми го расипа денот,будала ..
Поздрав имајте убав ден..

 

Прекрасно беше навистина, кога ти го слушнав гласот цело срце и дела душа ми се исполни. Среќна сум што се слушнавме и што оддели петнаесеттина, па можеби и повеќе минути за мене. Секогаш ми годел муабетот со тебе и тебе со мене. Би можеле цела вечер и по цел ден да си зборуваме, ама тоа не оди така. Ми даде причина плус да те сакам и да те почитувам... ти имаш разбирање и ме поддржуваш и за тоа неизмерно ти благодарам. Ти благодарам најмногу што си тука за мене и што ме разбираш.
Со оглед на тоа што вечер и е роденден на брачеда ми очекувам добро да си поминам и како што ми пишуваше во хороскопот многу да се изнасмеам. Па утре конечно ќе си ја видам другарка ми.
Колку ми е чудно... еден телефонски разговор потполно ми го промени расположението. Сега одвај чекам да поминат овие неколку недели па во живо да си муабетиме. Се надевам дека среќата ќе трае до тогаш, па кога ќе ме прегрнеш уште толку ќе ми влееш позитивна енергија, надеж и среќа за да ја имам за назад. Среќно и спокојно, па редно беше

 

Го обожавам ова утро, врнежливо, намуртено и мрзливо. Иако веќе не е утро. Ме потсеќа на правење ајвар, секогаш врнеше кога моите правеа ајвар. И има посебна есенска нота, целосно можам да ја впијам утрово.
Ама врв на мрзливост е кога се молиш да не ти врне на стаклото од прозорите, а седиш до истите ама те мрзи да се поткренеш да ја спуштиш ролетната.

Периодов сум на детоксикација, исфрлам се што било труло од мене, секој последен дел што останал од него, секоја една лага или вистина, сета глупавост од мене, нека оди се со дождов нека се измие. Сакам да бидам нова јас, друг човек, зошто од тоа што некогаш бев денеска ми се гади, колку и да беше прекрасно, не сакам да бидам. Не сакам ништо што потсеќа на него, нека оди и нека не се враќа. Ако тоа било љубов и почит, подобро никогаш повеќе да не бидам сакана ниту почитувана. Нека остане се кај него и нека гние, јас ќе бидам друга, ќе се променам, а тој што не сака да ги мрдне корењата, нека си остане со нив, тоа му е поголема казна.

Ете, заврна на прозорците.

 

Времето е прекрасно.
Само да се завиткаш во ќебе едно прекрасно филмче и да уживкаш, ко ќе имаш обврски се жалиш оти ги имаш и мораш сите да ги завршиш побрзо, а ко ќе немаш обврски се жалиш оти ти е досадно и сакаш да имаш, но јас не се жалам Мене баш ми е убо вака, и не ми се почнува на факултет, убо ми е вака цело време, си уживкам.
Одам на ручече сега подготвено од бабичка, едни убави макарончиња со кечап и сиренце, мх мх
Вие имајте убав ден, и уште поубава вечер

Да, да беше тој тука немаше проблем

 

Вистина! Без чадор, додека други брзаат, а возачите во автомобилите се сожалуваат и ти застануваат да поминеш. Најубаво. Ова време го чекав долго, ми ги полни батериите, чувствувам многу позитивна енегрија. Конечно се облеков топло и уживав во дождот. Да продолжи вака, и јас ќе почнам да живеам. Во буквална смисла? хаха...
Денов го наменив на нерационално искористување, ама затоа за сопствено задоволство.
Чај, темна соба, книга и тивка музика во позадина. Прајслес!