[СДК] Сакам да кажам...[Стара тема]

СДК секој ден се повеќе и повеќе ме изненадуваат луѓето. Некои позитивно, но повеќето негативно. Си разбрав некои работи што мислев дека никогаш нема да се случат или па не сакав да верувам дека би можело да се случат. Што е тука е. Барем си знам кои ми се вистински пријатели, а кои не.

Надвор камен ладно. Љубовта не ме грее. Ме грее, ама сепак ќебенце си е ќебенце.

Спојлер

Извини злато.

И така...си седам стуткана, си пијам какао и ве читам. Заостанувам неколку дена, па сега си имам занимација.

 

Есен... есен... есеееееееееееен...
Мириса... на есен...
... и на љубов ...
Одат во пакет

 

Читам вчера во црна хроника-силување во Тетово,пред некој ден мојата познаничка била нападната во влезот до зградата ,за среќа била посилна од него.Ова навистина да ти е страв да излезеш покасно и сама.Што е тоа што ги тера тие луѓе да прават зло.Малку памет или едноставно примитивност.Слушнав и глупав коментар дека жените биле виновни,демек се облекувале провокативно. Што се однесува до мене,секоја жена ако сака може да излезе облечена во 3 смоквини листа,ама тоа не смее да биде причина за силување,или физички напад.
А ова малку да ве насмеам.
https://www.youtube.com/watch?v=1t23TP7 ... r_embedded

 

сдк дека со девојките никако неможеш да излезеш на крај.
Ако ги сакаш, тогаш им си досаден, бидејќи никоја не сака некој што постојано ќе трча по неа.
Ако не трчаш постојано по неа, тогаш си себично ѓубре кое си го гледа сопствениот задник и не се грижи за нивните чувства и потреби.

Ако им се обраќаш смирено и вразумено кога тие се нервозни, тогаш тие збеснуваат уште повеќе бидејќи не разбираш дека тие едноставно збеснуваат. Бидејќи мораат да збеснат. Имаат хормони.
Ако не им се обраќаш смирено, тогаш го потценуваш нивниот интелект и нивните способности.

Ако се обидуваш да им објасниш наједноставни технички работи, тогаш се тргаат, бидејќи се жени, не е нивна работа да се замараат со техника - впрочем зошто нѐ имаат нас и зошто нѐ трпат.
Ако не сакаш да им одговориш на техничките прашања, тогаш не ја цениш нивната еманципација.

Ако им кажеш дека се убави, тогаш си ефтин и проѕирен бидејќи позади тоа стои скриен мотив.
Ако не им кажеш дека се убави, тогаш на тоа се потсетуваат во секој момент и плачат бидејќи не си им рекол.

Ако се облекуваш убаво, ако се намирисаш, тогаш сигурно имаш друга.
Ако не се облекуваш убаво и ако не се намирисаш, тогаш ја срамиш пред другите.

Ако им се допаѓаш на други жени, тогаш си проклет идиот на кого поважни му се туѓи девојки и ку**и.
Ако не му се допаѓаш на други жени тогаш таа е гревче бидејќи била слепа и го нема оној на кого сите ќе ѝ завидуваат.

Ако штедиш, тогаш си скржав.
Ако трошиш, тогаш си расипикуќа.

 

Мора секогаш да се најде нешто, нешто што ќе упропасти се

 

Уште малку па фраеркиве ќе почнат да се сликаат со главата в печка. Се` за лајк.
Шо е ова бе луѓе? Или сите полуделе, или со мене нешто не е во ред.

И не, не е во ред да се сликаш со лижавче в уста и напучен г'з, не е. 11 години имаш, побогу.
„`Очу и ја да будем у фазону.“
Е нечеш.

 

СДК дека секој пат откатко ќе се пожалам на фемина, преку некој текст, за нешто на љубовен план, веќе следниот ден ги имам најубавите моменти со личноста која ми значи... од сега само овде ќе се жалам


Убаво ми е... среќна сум
И СДК дека имам едно вакво за праќање...

 

СДК-Конечно бре се наспав како човек.Легни во 12 па стани во 6,30.Е,денес надокнадив за се !
Друго-Убав е денов,дали дека е сончев или е сабота,или дека се кројат планови за во село викендов или пак и трите ? Трите ќе да се. .
Трето-Нема ништо поубаво од тоа кога денот ќе ти почне со песна од твојот омилен бенд
И Четврто-Ме болат прстите на левата рака и тоа многу.Ама моите напори за да научам да ја свирам Fear of the dark се исплатеа,дефинитивно
Феминки,имајте убав ден затоа што I feel that this is going to be a wonderful day ! ^.^
Гушки

 

СДК ... значи читам постови, исповеди ... дефинитивно потврдувам она што го знам одамна, мажите се кукавици да не се изразам со вулгарен збор нали. Жените се и биле и секогаш ќе се посилни и посигурни. Затоа прифатете дека никогаш мажот нема доволно да се потруди и да го превземе кормилото во свои раце (освен нешто друго, секогаш ) во секоја ситуација и секаква врска или секаков однос. Вие жени сте тие со главната улога во се. Иако суптилно, прикриено жената ја има таа улога. Прифатете ги како такви, не им верувајте целосно, не ги земајте здраво за готово, не ги анализирајте подлабоко ... Тогаш ќе ви биде полесно со нив.
Додека тие се мачат да бираат, однапред се веќе избрани.

Добар ден, убав ден ... менувајте расположенија, дозволено ни е

 

Што се случува кога во сабота во 8.45 те буди бормашината на комшијата, ти пцуеш и сакаш се живо да убиеш и татко ти ти доаѓа и ти вика, абе ти имаш пари на книшка во банка, ти ја отворивме кога се роди.

 

Да, уште едно саботно утро кое го поминувам покрај компјутерот во канцеларија, сама, во дружба на чаша превкусно и топло нес кафе, чинија овошје и зелен чај. Денов е прекрасен и покрај тоа што мораше да започне со обврски, сепак се радувам што и воопшто започнал.

Седам и размислувам...

Сакам да се сменам, да тргнам некои лоши навики кои почнаа да ми пречат и да ми ствараат многу проблеми во животов. Некој ќе рече пази се од пријателот зошто непријателот можеш да го познаеш, јас би рекла пази се од себе, зошто човек умее да биде сопствениот најголем непријател.

Човек не може никогаш да биде комплетно среќен, но не може ни постојано да биде несреќен.

Животот е постојана борба со себе и сопствените демони.

 

Сакам кога ќе ми купи Граѓански, мафин ќе ми направи кафе и ме чека да го испиеме.. ах!

 

Утрово се разбудив во 10 , се протегнав и му кажав добро утро на денов, смирено со насмевка. По утринските хигиенски ритуали си го направавив најубавото нескафе и си пијуцкав едно дваесетина минути гледајќи 24kitchen.
Знаете што се случучуваше пред едно 5-6 години кога ќе се успиев за викенд. Леле 10 , паника, нервоза, брзање, ми отиде денот (а резервиран за чистење и готвење). Цел ден оптоварена со чувство на вина.

Сте виделе некогаш маж кој чувствува вина затоа што си поспал малку повеќе во слободен викенд?
Една од работите која ја научив од мојот сопруг е да го намалам моето чувството на вина
-без чувство на вина да поспијам понекогаш за викенд
-без чувсво на вина понекогаш да поминам цел ден во лешкарање, слатко безделничење, да не направам ручек....и уште без чувство на вина понекогаш да изедам огромно парче торта, да си купам нешто скапо, без чувство на вина да флертувам...
Велам понекогаш без чувство на вина, затоа што без ова чувство ние би биле неодговорни и незрели суштества.
Но понекогаш, зашто да не

 

На подарен коњ, не му се гледаат заби. Ама... како да не забележам непрофесионално наполнета тегла со ајвар?! Како?! Полн со воздушни џебови! Може домаќинкава сакала да направи оптичка варка само на мојава тегла,демек пополна,ама и другите ако и се вакви,меееех, ајварот губи на квалитет за 50 проценти во првата недела бре,а може и мувла да и фати! Се што сакаш да ти трае во секоја смисла треба убаво да го напуниш и херметички да го затвориш! А бре почетнички грешки!
Абе лесно е да збориш,оди направи го! Не фала,можам и без ајвар!

 

Денешната младина ќе биде презадоволна, а?

 

Ех животот, секогаш интересен, никогаш досаден, еднаш лошо ќе му се случи на човек, втор пат добро, но не дека првото секој го сака, ама битно и двете се занимација без нив би било премногу досадно
И така си се навикнува човек, дури и мајстор станува за истите па некогаш не го ни приметува првото, веднаш му ја знае цаката и знае како да го среди истото по брза постапка

Пред човек да осуди некого, прво треба да разгледа за што е виновен истиот, бидејки работите може и да не се такви какви што мисли дека се, не за друго да не испадне дека е во грешка.За да се донесе добра пресуда, треба да се види и спротивната страна, значи двонасочно, не еднонасочно гледиште.Во случајов, не зборам субјективно.Бидејки животот во тие ситуации е ироничен.

 

Многу луѓе зборуваат за мене, за мојот живот... зборуваат како да ме познаваат, како да знаат се, а немаат поим за ништо! Пред нив сум таа што сакам да мислат дека сум и тие зборуваат... но оние кои ги сакам, оние кои ми се важни и ме сакаат, оние кои ме почитуваат и ги почитувам знаат дека ништо од тоа не е точно, а мене тоа ми е доволно, мене тоа ми е важно, затоа и не ми е гајле, нека зборуваат. Тоа мене ништо не ми менува во животот!

 

Потребата за сродна душа- само уште еден доказ колку сме сами на светот.
И може да бидеме покрај илјадници исти како нас, а сепак толку сами.
Љубов.
Зошто ли вечно трагаме по љубов?
Се плашиме да бидеме сами, бараме начин да ја надминеме одвоеноста.
Со препуштаме на емоциите и сфаќаме дека таа една личност е се што имаме на овој свет.
Единствениот излез од лавиринтот на болната егзистенција.
Да, болат трњето кои не бодат од сите страни додека бараме зрак светлина, макар и да останеме слепи здогледувајќи ја ако тоа е цената на животот поминат во мрак...
И признаваме дека ни треба утеха, некој кој ќе биде тука, да ни помогне, да направи да веруваме дека тој и ние сме едно исто, да ја почувствуваме сопствената топлина, да ја измамиме осаменоста...
Зарем не е тоа знак на немоќ?!
Па, што!
Нашата слабост е таа што ја става нашата издржливост под рефлектор.
И трагаме...
Цел живот трагаме по нешто,
за на крај пак да заминеме сами, во вечноста.
Но, среќни.
Среќни што некој друг, некогаш, се поистоветувал со нашата несреќа.

 

Денес, денов минимално инспирира.

Минимум ми е потребен за да направам нешто повеќе. Ко на пример, готвење. За мене е тоа моментално повеќе.
И така си решив дека саботава ќе готвам. Готвењето ме инспирира. Си направив списоче, си го подготвив плетеното кошниче и се замислувам небаре сум женска верзија на Џејми. Ќе браздам помеѓу намирници и мирисам зеленчук. Бавно, полека, си имам време.

Поручек лазањи и стари епизоди на Досие Скопје. Не знам, така ни текна, во име на носталгија и претеран локалпатриотизам. Сакам пак да слушам како се искачало во 6 поручек и се останувало до 9 и пол навечер максимум, и се чекало пред Путник да фатиш девојче кое ќе го замолиш да влезе со тебе ко пар за да шизите заедно или да играте стискавац

Ма! Опуштено повеќе од Тони и Део

Нека се крчка, нека мириса убаво и нека има повеќе пара ноџиња кај мене дома. Денес може и палачинки ќе направам. Со еурокрем и некое зачувано шумско овошје. Онака, саботно да ги отвориме сите чакри.

Нека е убаво. Пффф у недостаток на цигари, на човек му се пријадува. А парадоксално, сепак ослабев, а како, ич не знам?!
А кога се трудиш со диети, не ти иде. Хм. Имам сигурен рецепт, јади често, во многу бои, и дегустирај бавно колку што е можно повеќе и подолго. Планирам денес да го исполнам.

Такој. Среќна сабота на сите!