[СДК] Сакам да кажам...[Стара тема]

Тооооо една добра и квалитетна мисла ми го дигна... расположението пред спиење.

 

Да ви кажам...Ме дрма емоционалност а рано ми е за пмс. Или им беше премногу притискање на чувствата.
Како да зипував фајл со недели, месеци и одеднаш бам- некој ми притисна Extract Here.
А кога исфрлам од себе, не знам за што попрво.
За трпките што ми поминуваат кога ќе затворам очи и помислам како одново ме држи пред огледалото.
За луѓето дома со кои пивото се претвора во разрешување животни дилеми. Или домот кој се плашам дека еден ден ќе го нема.

Градов од некој милион жители е преголем за да најдеш засолниште, а бурите надоаѓаат. Знам дека ќе ми однесат некои нешта, ама сама си го избрав патот.
А после неколку вотки и неговиот повик, не престанувам да се прашувам кога знаеш дека е тоа?
Кога ќе ти надојдат солзи од радост што го слушаш или кога адреналинот ти се крева до небо од само едно допирање на дланките.
Или кога не сакаш да споделиш со никој зошто е предобро и сакаш љубоморно да ги поседуваш моментите само за себе.
Знам дека вреди, а тоа е повеќе од доволно да ги избрише прашањата што ми лебдат над глава.
А дома, дома ме чека храна, пријатели и тој. Постудено од август, а потопло под покривките.

 

СДК во последно време ми недостасуваат многу работи...на прво место самата себе си недостасувам...онаа која носеше репче на едната страна,или раштркана пунџа,...онаа која умееше да се затрча и да изгушка некого,коските да му заплачат...онаа која пеглањето на облеката не го сфаќаше како обврска,...онаа која не знаеше да носи штикли,...онаа која склопуваше пријателства на секој чекој,во автобус,воз,...онаа која цврсто веруваше дека розевата не е само боја туку и начин на живот,..онаа која зборуваше дека нема никогаш да порасне,...
Ми недостасува...
Можеби баш затоа што до неа ништо не остана...
Животе биди понежен, те молам...

 

Матичен лекар може да ти каже 3 работи: настинка, промаја и нервна база.
Сите 3 ги имам според нив, lucky me.
Промаја бе, кој збор чоече,ама има логика, убо викаше мајка ми Роси земи облечи се надвор ладно, јас нц скитам со кратки ракави и правам ху во воздухот. И после промајата ќе нема логика. Има бре, има.
До сабајле дремев во кревет и чекав негативни резултати ко некоја улава, смотана сум, смотана!
Оно здрава крв ко за цела нација имам.
Ама па и добро ми доаѓа денешново боледување од работа, па кога ќе ми текне дека и утре е неработен ден скокам од среќа
Негативни мисли аут, се релаксирам, дури ќе земам ќе го шетам пуфлево мое, ако е ладно, па и ќе се расчистам низ дома и ќе правам и блашко да ги изненадам моиве, доста живците деновиве им ги искинав.
Сум неможела да дишам, ма немој, оно мене. Ќе дишам со полни плуќа макар ми пукнале дробовиве.
Ајт.

 

здраво

сдк
http://www.youtube.com/watch?v=_dMWRT73GyQ

 

Ако Gangnam Style стигне до број еден во uk во недела, и јас сум крива

 

Времето поминато со најблиските не може да се спореди со ништо друго на светот. Гледајќи го насмеаното лице на дедо ми кога ние внуките бевме покрај него ми навираше солзи во очите. Колку малку му е потребно на човек да се насмее и да биде исполнет. Колку убави спомени чувам од времето поминато со баба ми и дедо ми.


А да, го видов и него. А тој ладен спрема мене, само еднаш ми намигна како да сакаше што побрзо да заминам од него. Навистина не можам да го сфатам

 

Сакам да кажам дека не знам што сакам да кажам

 

Мислам дека деновиве нема поголема мрза од мене И не дека не се трудам да сработам нешто по дома, Крива ли сум што имам така убав кревет и што ме повикува да се дружиме

Денес ветив нема седење, денес ќе правам генералка ќе правам и ручек

Се јави братучед ми соопшти прекрасна вест, ќе станам тетка

 

Имааат Германците еден убав израз за животот, па еве сакам да го споделам со Вас и да го истумачам малку

Leben und leben lassen! На англиски преводот би бил: (to) live and let live, а на македонски Живеј и остави ги другите да живеат!

Многу ми се допадна изреката кога првпат ја слушнав или прочитав, ... веќе не се ни сеќавам кога беше тоа. Но, нејзиното значење дури многу покасно вистински го сфатив. Ми требаше и пристојно знаење на германскиот јазик, иако фразата не е тешка да се разбере од лингвистички аспект, туку од филозофски. Ми требаше и доволно живеење во Берлин, за да го сфатам германското општество и нивната германска култура на поимање на животот.

Првиот дел од фразата е: Живеј! Авторот сака да каже дека треба да бидеме среќни во животот, дека треба нешто да постигнеме, дека треба да се трудиме за нештата кои ги сакаме, да бидеме активни, да бидеме живи, да се смееме, да чувствуваме, да патуваме, да доживуваме различни нешта ... Живтотот не е само јадење, пиење, спиење, работа, телевизија, рутинско повторливо секојдневие... Да не веруваме во несреќна предодредена и непроменлива судбина, туку да си го земеме животот во свои раце и да го живееме! А не страдаме. Со еден збор, да сакаме повеќе од и во животот, (кој како сака нека си дефинира)!

Вториот дел е: Остави ги другите да живеат. Ние луѓето понекогаш како да не се оставаме на раат едни со други да си го живееме животот. Другата интерпретација би била во смисла на не-себичност, а тоа е дека и другите луѓе, мора да бидат среќни како нас, па дури и посреќни, ако подобро си го изменаџирале животот од нас. Не сакам да верувам дека има толку лоши луѓе, што си го мерат и споредуваат животот во обратна негативна насока: Ако сум несреќен, другите да бидат исто толку несреќни или по-несреќни од мене. Можеби најпростото толкување е: Не се замарајте со животот на другите! Правото на приватност и на не-мешање во внатрешните работи , пардон, во приватните и интимни работи на другите, па дури и на нашите најблиски, е свето право во Германија. И под право на приватност не се подразбира само не-љубопитност кој со кого спие, туку и дали најде работа, што работиш сега, колку заработуваш; кога ќе се мажиш/жениш, зошто се уште немаш дечко, ... па кога ќе имаш, зошто имаш дечко , па зошто баш тој; како и со кого го поминуваме нашето слободно време; што и како студираш ...итн. Ќе речете, па за времето ли да си правиме муабет? Не е поентата во тоа ... сето ова се нормални прашања и теми за луѓе кои себеси се сметаат за блиски, ама оставете ги другите самите да ви кажат, без вие (љубопитно и наметливо) да прашувате, ако токму со вас/со тебе сакаат тие нешта да ги споделат.

Е сега, ние никогаш не го живееме животот сами, ниту пак го живееме животот само за себе! Ми доаѓа да кажам дека сепак живееме за другите, ама во една благородна смисла, во смисла да бидеме со другите за споделување и заедничко доживување на нештата, а не во смисла другите да ни го управуваат животот, да им бидеме слуги или да се трудиме другите да ги импресионираме. Живееме за да бидеме со другите. Поентата е да се најде таа рамнотежа помеѓу нашиот живот и животот на другите, еднакво вредни како нас. Другите се еднакво вредни како нас!

Живејте и оставете ги другите да живеат

 

Стискајте палци за баба ми, денеска ја оперираат. Само се да се заврши добро пак да си дојде дома

 

Ке стискаме душо

 

Ако правам муабет за вчерашниот ден неможам со зборви да ви доловам колку убаво се чувствував.Сите околу мене ми беа мили,сите беа уште по мили со мене.Таков сакам да ми биде секој ден бре,не само кога ми е роденден.Вие ми приредивте многу насмевки со честитките,уште кога ги видов цигарите наместо тортата си реков "Браво цигарче,и ти си некој пример за останатите"!

Денов намуртен,таква сум и јас моментално,очајно ми треба перницата.Ќе и приредам дружба,ќе ја гушнам и ќе сонувам.
Имајте убав ден!

 

Уште малку заминувам пак во Шведска, продолжување од точката каде што застанав таму. Нова изложба, нови проекти. Мила ме возвишува, сакам уште десет деца како нејзе. Животов ми е фотографија.. некогаш црно/бела, некогаш вивидна. Секој момент сакам да си го урамам. Со нив само постојам.

 

ЖИВОТОТ нема реприза затоа УЖИВАЈ и никогаш не мисли на криза.

 

Сакал сериозна врска абе дете

 

Незнам дали е до мене, јас се изразувам погрешно па ме сфаќаат грешка или е до другите...

 

Епа, есен е.
Жолти лисја на исушени дрвја, чадор под темни облаци со малку дожд, шалче и чизми, мирис на костени, магија во воздухот, љубов енд шит и ШЛАААААП, сељак со кола.
Епа да, есен е, hooray bitches
До сељакот: јас до утре и ќе се преперам и ќе се исушам, ама тебе утре к***то нема да ти биде поголемо.
Или ако беше глупача, јас утре пак ќе си бидам дотерана и убава, ама ти сеуште ќе си бидеш селанка.