[СДК] Сакам да кажам...[Стара тема]

Кога ќе видиш, од средава искочи еден преубав ден, а и вечер.
Нозете ме болат, кичмата ме боли, главата ме боли, бубрезите ме болат, јајниците ме болат, целата сум дефектна, со избледено размачкана шминка, и со благо извиткана коса ама гајле ми е зошто убаво ми е. И на душата и на срцето и се...
Гледам моиве од негде донеле винце едно шише, го пробав, погодено ми е, па си земав едно чашиче(читај чашкиште) дека не конзумирав од истото вечерва доволно Никогаш не сум претерала, а немам ни намера. А сега ми е убаво на душата. Не би да се жалам.
Многу е веројатно утре да не станам за на пракса, што напоменувам скоро и никогаш да не се случило а вечерва имам некое такво чувство дека утре ќе бидам невоспитано дете. Па добро де и тоа не е на одмет од време на време. Јас не се заморувам со тоа кој дошол или не дошол и зошто го сторил истото, рака на срце-многу ми е гајле. Правете што сакате, јас не ги терам да ме запишуваат ако не отидам, јас си ги носам минусите, што има памет да ми соли некој никогаш нема да разберам. Ама јас гледам накосо ако лошо се однесуваат со животинчиња, или ако се жалат дека немаат пари а купуват секакви глупости и на минус степени не знаат едно геврече да им купат на питачите... јас тогаш можам многу косо човек да го гледам. Тогаш кога се однесува како нечовек. А за друго, па ич не ми чуе. Можеби е глупаво, ама така е, си имаш живот терај си го, сакаш оди сакаш не оди на предавање итн итн итн.
Си јадев сабајле костени.
И купив на другарка ми шокантен подарок за роденден, ќе си падне на гз кога ќе го види, мислам од љубов кон истиот, а и со љубов е биран и купуван па.
И на татко ми сум му купила совршен подарок за неговиот роденден, иако е за десетина дена ама може тогаш немаше парички да имам, и торта сум му нашла перфектна, ќе си падне на гз од шок
Многу сакам да ги разгалувам луѓево аууу, па таа среќна фаца кога ќе ја направат кога ќе им погодиш нешто, мх мх, себично убаво си се чувствуваш, а од друга страна сакам и да ме разгалуваат, да не лажам сепак, уживам да ме тинтра некој
На пример, деновиве ме разгалува тој, многу е свесен пример дека јас згрешив претходниот пат, ама па и дека тој пројде некои граници, па сега ме размазува. И моите иста политика тераат кога ќе згрешат, и им пали не велам не. Ако, убаво е. Јас сакам да љубам, го сакам со целото срце, со целото мое битие, премногу ми значи, па што чува Господ за нас останува да видиме. Колку што грешел, исто толку сум грешела, во една врска има три страни, мојата приказна, неговата приказна, и вистината. Спремна сум да се борам, и да се подобрам, доколку и тој е спремен на истото, а спремен е... му гледам во очите и чувствувам кога ќе ме гушне.
Вечерва уствари бев многу љубоморно детиште, ама ништо не проговорив, само се насмеав додека го гледав и си реков жено твој е.(морам да намалам со користење на зборот жено, претерувам ). И така си го сфатив тоа и решив да се опуштам тотално, зошто му верувам тотално, и милион да му се пуштат во една вечер тој ќе каже дека е зафатен затоа што е мој колку што сум негова.
И така, се изнапишав а ништо не кажав.
Мирна ми е куќава кога спијат сите, стандард шема, ги ѕирнав од еден до последен, мирни како бебенца спијат ли спијат, си се насмевнав под бркче и си сфатив дека и тие се мои. Мое, лудо, будало семејство што некогаш нерви ми кине, ама се би сторила за нив.
Тотално безвезе реченици натрупани, ама пак ќе стиснам испрати, јез да се нафрлани чувства, ама мои си се и сакам да ми останат тука.
Денес сум ги завршила сите работи што ми еа планирани за два дена, да да среќата апла ме следеше.... па затоа денес ми е петок утре ми е сабота, јас не мрдам од кревет утре. И ич не ми е гајле кој како што кога зошто.
Ајде чао
И ве гушкам по еднаш, онака, силно, мечкарски, меко, топло, искрено...

 

Ја губиме, мислевме дека ќе бидат месеци, а сега се саати.
Затропа тој на врата, дојдете лошо и е. Отидов, собрав храброст и влегов. О Боже, зошто влегов? Зошто?
Никогаш нема да ја заборавам таа слика. И паѓаат рацете, тенот и никаков, во кома е. Притисок да мериме, нема што да се измери, се кочи апаратот. Него го фаќа паника и страв, а мене солзи во очите.
Си дојдов, ете го пак, сиротиот не може сам да седи со неа. Знае дека ќе ја изгуби засекогаш. Никогаш не верував дека еден маж толку ќе се поремети кога ќе дознае дека ќе ја изгуби жената која ја сакал најмногу и со која поминал повеќе од 40 години.
Се собраа блиските да бидат покрај неа, секој момент чекам мајка ми да влезе и да ми каже...
Вчера сестра и беше тука, плаче сиротата колку само болки се насобраа во фамилијава. Го изгуби брат и, сега и сестра и, останува сама.
Со сестра ми молчиме, а толку ми е потребен разговор. Не сакам да ја изгубам, не сакам!
Неправеден си животе, барем месеци да беа...

 

Арно де. Мене пак ми е чудно кога на некој не му е интересен фубалот како спорт, без разлика дали машко или женско . Ова, нем да го сфатиш како нешто лично кон тебе. Онака, твојот пост ме потсети дека добив коментар како сум можела да уплаќам .
Е не, ајде 100 век сме пред нашата ера. Фудбалот е за машки . Поголема небулоза нема.


Сдк инаку дека ужасен период имам во поглед на финансии. Разбирам дека се нема ама многу работи ми требаат. Веќе, не знам што да правам. Помислувам да најдам привремена работа ама знам дека нема да биде ништо од тоа. Ако напишам колку работи и од гардероба и од се ми требаат листата ќе нема крај.

И помислувам дека материјалното е уствари многу битна ствар во животот. Може ние до утре да пишуваме приказни дека има многу работи што се пред материјалното ама реалноста е друга. Ништо без пари .

 

Моми разголени со цицки во заби, и одоздоле коменатри од мажии, у јака си маче, што би ти правел, и глупачата одговорила ауу фала.. Боже помогни им. Толку ли се бре очајни да патат за внимание, тоа автоматски кажува дека се надпросечно прости, или е*ано несигурни во себе, со тоа што се хранат со очајнички коментари, (пардон на изразување) ама од кретени кои не можат да фатат жена во реалноста, и после си го плескаат на нејзе! Јас сум презаситена од очајнички. Абе болест е ова патење по внимание и точка..

 

Не ме фаќа сон , некои работи почнаа да си доаѓаат на место. Се надевам така и ќе останат...
Уште да бев поупорна за една цел ... т.е поиздржлива.
Утре ми е роденден , како воопшто да не ми е се чуствувам. Сум станала празна и без емоции во последно време за некои работи, има и зашто.

 

СДК многу невино и невинашки ми делува ова смајли ---->

 

Значи. Да се разбереме.

Ниту свеќите во Излет. Ниту пријатните опуштени фаци. Ниту Деј Оф во Балет. И потоа спотано Викторија Лоба која со нив пее руски песни. Ммех а сепак слатко. На некој начин.

Ниту Пелинковац наместо Јегер. Ниту пак најудобниот душек споделен со мила личност. Ниту будењето со истата.

Ниту свежата роса на Партизанска. Ниту пак нарачуење тоС без Т со екстра порција сенф, онаму кај што некогаш правеа гиро. Повкусно од Гирадико, да се разбереме. И заебанции кои скроз туѓи луѓе ти ги сфаќаат. Па се превртуваш од смеење во ниедно време.

Ниту адреса на живеење, или место на раѓање, што би рекол Дарко Митревски.
И причата дека да се биде скопјанец, е комплимент.

Ништо од тоа. А сепак сето тоа заедно.

Граду мој, ТЕ САКАМ!

Извичник на квадрат. Ете така. Кој сфати - сфатил. Кој не, има уште многу чорба да јаде. Мое мислење оп стоп, толку.

4.50 сабајле, се е јасно. Лека ноќ. Локал патриотизам, до срж. По не знам кој пат.

 

сношти си го најдов дневникот што сум го пишувала пред 2 години кога се мачев да заборавам еден бивши ,па сум му пишувала пораки на фб дека го сакам ,сега кога размислувам со ладна глава свакам дека поголем идиот од типот нема да се роди,кретен невиден,болно копиле и ако почнам да ви кажувам што се не ми правеше ке ме направите мрдната што сум го трпела,па портрет сум му нацртала за да се секавам на неговата кретенска фаца ,му нацртав рогови и гаволска брадичка и чудна фризура и големи обетки и барем се изнасмеав на негова сметка ,па на крај сум напишала дека себеси си посакувам повторно да се заљубам ама во некој подобар ,и ете се случи и тоа,по само 4 месеци откако сум го напишала тоа сум се заљубила повторно во прекрасна личност ,за и таа врска да заврши со ,и јас повторно се наогам во ситуација кога сакам да заборавам некој и повторно се осекам ,си мислам пак да почнам да си пишувам дневник за после 2 год да го најдам и да се смеам

 

Денес нема да зборувам за животот,љубовта..и др недоумници...денес ќе ви раскажам едн виц.Вчера ми го раскажа комшивката.А може и поука да се извлече од него-ако сакате.

Млада жена продава јајца на пазар.Сите ги продаваат за 5 денари таа за 10.Времето поминува а таа не успева да продаде ниту едно.Сите и велат:
-Дај спушти ја ценaта ништо нема да продадеш!
таа
-Ќе почекам ,имам време.
Сите дигнале раце од неа ,кога приквечер доаѓа млад господин и вели:
-Ми требаат 200 јајца не прашувам колку чинат,ама да ми помогнеш да ги однесам дома.
Таа одговара
-Нема проблем ќе помогнам никаде не брзам.
И така влегуваат во неговиот дом ,господинот вели
-Многу сум гладен,а сигурно и ти ,да ми правиш друштво,да каснеме нешто!
таа
-Нема проблем-секако никаде не брзам.
Завршиле тие со јадењето,господинот пак:
-Да направам и по едно кафе?
таа
-Нема проблем никаде не брзам
Го испиле кафето а господинот пак:
-Да те одведам во спалната соба,знам дека се брзаш ако не е е проблем!
И се разбира одговор ист по кој знае кој пат!
-Нема проблем ,не се брзам никаде.
Завршиле работа,лежат и младата продавачка се смее,и почнува да зборува.
-Ама овие утре ќе си пукнат од мака.Ем си ги продадов јајцата по цена која ја барав,јадев,пиев кафе и 3 пати се "испеглав"!
А господинот брзо ја поправа
-Како три пати,па само еднаш!
И пак одговорот:
-Ќе почекам,никаде не брзам!

 

Ве частам феминки!

Спојлер

 

Имам толку за учење, што можам слободно да почнам да бирам. Ова сакам, ова нејќам.
Сите викаат: Кога се сака, сè се може. Епа штета, па се нејќе.
И незнам од каде ми е таа навика, сè кампањски да учам? Не е до мене, до книгите е.
Навив аларм во 8, ама станав во 9. Па ми се може бе! Имам да напишам минумам 3-4 домашна математика, и да научам околу 7 лекции историја, и да се избањам. И тоа сè да го направам до 12 часот. Тоа ми е по битното, другото не го рачунам јас.
Ќе научам, на куку во лето. - Не е битно како се пишува, јас така го имам слушнато.

За во петок имам дупло повеќе. Ама нели, не е битно тоа. Битно јас да се наспијам.
Битно си спиев 11 саати, за другото, уво ме боли. Дури и криво ми е што не спиев 12 саати. И сега затоа нема сите овци да ми бидат на број, цел ден.
До кога, со ваков памет, до коооога?

 

денес им е роденден на најмалите братучеди од страна на мајка ми а бидејки сестрите не зборуваат мегу себе, не зборуваме ни ние-јас му пишувам а тој не ми врака , а брат му па го нема ни да се вклучи на нет
очигледно дека некои луге не свакаат дека крвта вода не бидува
не се чудам за нив воопшто , брат ми само ме гледа како извор на пари а камоли тие со кои не сме се виделе со години

 

Наводно следниве 2-3 дена се последни од сончевата „доба“ за годинава, и потоа следел постуден, и типично-есенски период.
Искористете го тоа доколку сте во можност девојки и момци, и шетнете!
Јас знам дека денес ќе ја посетам зоолошката, ме радуваат инвестициите во неа, а и тоа жирафчето ми е интересно, како новитет, да го гледам.
Одам, родниниве ме чекаат!

 

Повторно покасно се разбудив. Наместо во 9, станав во 10.
Учам, учам у глава ништо не влегува. Сега идам да јадам па до 12 има се да научам на памет.
Го можам јас тоа.

 

Ова мора да биде една од најдобрите работи што во последно време сум ја видела на фејсбук:
-Отвараш фрижидер гледаш кутија сладолед, отвараш кутијата гледаш сарми ) Македонија мојата чудесна земја.
Колку пати вака сум се разочарала, само бидејќи ние не сме големи сармо-јадци, секогаш меленото месо на мајка ми го начекувам. Ту бре!

Си правам некој планови за далечна иднина,една година пауза пред магистратура затоа што инаку ќе забегам. Сакам да научам а не ми се учи. Им се восхитувам на професорите тука. Во толкава страст објаснуваат, предаваат. Присуството не е задолжително ама и четворица кога сме се од себе даваат. А не кај нас, ај одете си денес, нема везе што станавме во 7 за да стигнеме на време и што идеме со автобус на минус Х степени.

Списоче со поклони и смеење со цимерка. Дури и шишки сум и шишала (затоа што фризер им е 12 евра!) па ја испофалиле на факултет. Ете ми бизнис, фризерајка.

Го опиша Шилеа еднаш октомври како Доријан Греј и во право си. Штета може што си оди, ни мафта зад аголот и не потсеќа дека завршува уште една година.

 

Си се филмаме со малиот мој...Ах таа љубов па и плановите за нашата иднина,ех ех...мераци,уште само да се исполнат.
Убаво ми е бе,си се фалам,немнам се што ми е потребно но тој ми е доволен и неговата љубов.Кога ке го видам ке го грабнам и ке бегам зошто само за мене го сакам. Себична сум знам ама тој ме промени.
И така...се разбудив порано само заради него и сега цел ден осмици ке правам.

 

Вашите пријатели не знаат многу работи, но секогаш знаат што би направиле да се на ваше место!

 

дека кога треба да учиш се и сешто ти паѓа на памет само да не фатиш книга барем за мене си кажувам прв колквиум во понеделник а јас си седам и кафе си пиам гледајќи филм

 

Нека ни е честит празинкот на мене и на сите други што се од муслиманска вероисповед..
Денес ке се јаде само баклава .. еден од најголемите наши празници

Ајде бујрум на баклава феминки

 

Сдк... ако сами не си направите да се чуствувате добро,нема никој тоа да го направи за вас,не бадијала викаат волкот е дебел во вратот зашто сам си ги фаќал овците.