[СДК] Сакам да кажам...[Стара тема]

Их, каква среќичка кога се будиш како маче; и прво ги истрчаш рачињата, па се префрлаш на ноџињата... додека синоќашниот сон не ти проструи во телото. Па некаде во косата ги наоѓаш очињата да ги потриеш... личното ритуалче

И лево од тебе ги слушаш возилата на Партизанска: Ух, јас сум во меки постели, јас сум невидена императорка! А знаеш дека некој трет, некој дваесетишести ги слуша истите, додека пие кафе, се кара со жената, онанира или го прави истото како што и ти!
Аааа, не. Никој не смее да го прави она што ги правиш ти во тој момент, зашто не е фер! Универзумот нема да ти ги испрати истите задоволства, мрежата ќе биде оптеретена.

Сакам кога ќе сменам страна од креветот и потоа па на истата, па ајде на меше, уште едно мини ритуалче, иако ниедно наредно не е како првото, секое следно е корумпирано!

И ниту со вечни теми се замараш, ниту со комерцијални, можда само метафизички...

И лека ноќ!
Лека и мека ноќ!

 

секоја Ноќ е Ноќ на вештерките-од ко ќе му падни пудрата
Happy Halloween!!!

 

Денес ми е роденден! Поголема за една година. Happy Birthday To Me

 

СДК некогаш некои нешта се случуваат, кога човек е подготвен за истите. Оф, се е релативно во животов.
Трпеливоста е уба работа, ама ретко кој ја има Стварно сум нестрплива понекогаш
Хороскопот на Фемина, секогаш точен :geek: шо убо

 

Срекен роденден !!! сите желби - реалност , љубов , среќата нека те следи постојано .... имај најсрекен ден

 

Си го куцам трудот, имам два часа да дремнам пред да одам во лабораторија и да се предадам на микроскопот. Денес досадна сум на сама себе осеќам ќе бидам и на другите.. бррр

 

Размислувам за тоа колку не чинат грешките во животот.
И колку малку е потребно да тргне колата надолу.И што е најлошо ниедно зло не доаѓа само.
И кога ќе падне прашината,доаѓа каењето.Горчливиот вкус во устата и темпирана бомба во градите.
И боли,пеколно.Неиздржливо.
Знам дека секогаш ќе се прашувам,дали можеше поинаку?

 

Трпение спасение!

 

Од тешко има и потешко

 

СДК Веќе одамна ме нервира Фејсбук, ама кога седнам на компјутер, автоматски уклучувам. Глупава навика. За џабе си го трошам времето. И мразам некои непотребни опции на Фејсбук, како чекирањето. Демек на некој ногу му е гајле дека се наоѓам. Нејќам да ме чекират.

СДК дека убаво минавме екскурзијата, последна. Времето какво-такво не беше лошо. Можеше да потрае барем уште еден ден. Ми се собраа многу страни да читам на форумов, ќе имам работа.

 

Сакам да си кажам дека многу ми е убаво на душава,многу.Би викала ама ќе го разбудам брат ми,а рано му е нека си поспие.

Утрово ме разбуди дождот,капките паѓаа на прозорот а јас полека се расонував.Колку ми беше убаво под ќебенцето,абе убавини.Првото кафе ми е како по обичај испиено.Уште малку си одам дома.Мајка ми и помалиот брат се многу радосни,едвај чекаат,исто и јас.
Мајка ми уште пред пола саат ми кажа "15 мин пред да стигнеш јави ми се,да го ставам кафето да се вари".Навистина едвај чекам да влезам во автобусот,да ги затворам очите и кога ќе ги отворам да си бидам дома.Само дома се наоѓа хармонијата.Ништо не мириса поубаво до семејната постела.Нема ништо поубаво до кафето направено дома,и нема ништо поубаво од ручекот направен со љубов.
Нормално,нема ништо по спокојно од муабетот со мајка ми.
Ме фатила носталгија м?
Ајде побрзо нека помине времето,побрзо.

 

Прво сакам да ви посакам добро утро на сите ! И да ви посакам убав ден.
После сакам да кажам дека учењево стварно ме изморува,ако ја преживеам оваа недела ќе биде нешто.Просто немам време за себе,за ништо.Одсекогаш сум го мразела ова,тромесечие учење фул, а во меѓувреме се спрема и примеира за престава ептен е напнато бре.
Дождливо утро. Започна ноември со дожд http://www.youtube.com/watch?v=8SbUC-UaAxE .
Одсекогаш сум мразела вакво време,бидејќи после цел ден неможам да се освестам,цело време ми се спие.Станата сум сабајлево од 6 часот да учам. Вистина ноќта е голема,но учебникот по физика е уште поголем.Така да не останав ноќеска да учам,па затоа решив сабајлево.
Господе дај ми сила,да го поминам овој ден без да заспијам во школо

 

Алал да ти е,ја погоди песната.

 

Ноември и мене одма ми е поарно .
Обично не сакам дожд, ама денес ќе го засакам,освен ако не ме направи попара еден глупав маж во еден глупав сон кој обично ми носи кавга

Сега, со горко кафе и меки пижами го оставам сето незадоволство малце да ми одмори, јас ќе леткам.

 

Дождецов ја има најголемата моќ за успивање, подобра од било кое апче. Тивко, тивко паѓа, а јас тивко, тивко сонувам. И се будам сега, пред 20ина минути.
Доцнам на вежби, нема шанси да стигнам, па решив да не се замарам. Одамна не сум се успала, доста време помина откако почнав да имам несоници.
Затоа сега, лагано, се облеков и ќе одам вака рано, рано кај него. Ќе му купам еден чај од јаболко и цимет, да го стопам малку, дека омилен му е. Па ќе го гушкам, ќе го љубам како да е последно. И треба неговиот допир на мојава кожа.
И така... денов ќе го посветам на нашата љубов. Ја сакам таа љубов.

 

Утро... .дождлив ден баш прекрасен за мене, во училиште сум...знаете колку е досадно? Неможам ни да ви опишам, ама затоа овде се другарките да ми го разубават цел ден, вечер одам на претстава за која и јас сум половина задолжена.. Се надевам ќе помине се во најдобар ред...

 

Е,започна ноември,со дожд.Ко по традиција сите на фб ја објавуваат November rain,а ретко кој знае дека уствари песната не е за дожд...
Друго,денес мрзлив ден.Се ме мрзи.И обично не сакам дожд.Ама денес нека врне.Едвај чекам да се вратам од фитнес и да си направам чај,па со книгата во рака да си ја поминам вечерта.Убавини.

Поздрав до вас феминки,и јас ќе ја објавам песната,ама не дека е ноември и дека врне,туку дека ми е омилена и скоро секогаш си плачам на неа.

http://www.youtube.com/watch?v=8SbUC-UaAxE

Ви посакувам прекрасен ден.

Ве гушка Свит

 

Добро јутро пијаницееееее Ама на кафе! Повелете кој е за кафе,да ме дружи некој
Денес дождов сите дома не држи.Е да,тие што се на училиште,ќе шлапкаат по улиците. Се сеќавам и јас кога трчав на училиште,во средно,дали врнело,дожд,снег,виулици,јас секогаш одев,не пропуштав. Ама па интересно ми беше Убаво беше средното.Од сабајле смешки Искористете додека сте таму.Потоа почнува подготовката за животот Ајде да не ви досадувам сабајлечки,да пиеме кафе и да го дочекаме со убаво денот

 

Заспав вчера со косата на Самара во мисли. И колку е филмот, вознемирувачки од многу аспекти.
Ме разбуди црвен сигнал меѓуножно утрово, си сварив чај од нане и се думам како да го продолжам денот. Треба да си купам хеланки, тренерка, да се спремам за Охрид, да пратам абер до факултет и сето тоа да го акробатизирам со гумена чизма и чадор.
Ме мрзи! Јеиј! Го кажав! На глас.

Друго. Има периоди кога ништо не сакаш да ти се случува и да си low profile единка, ама нема. Универзумот си смислува прикаски како нему му одговара. Мојава во моментов е качена на диско топка и урива се’ пред себе. Имам свадба наредна недела, а немам замисла каков фустан, хулахопка, што да е, да носам. Ме поканија од колектив, не дека нешто особено ми се оди, али ај, респект кон колегата и зошто ете, не’ кани сите. Мене такви чопоративни свадби не ми се нешто баш нај нај, ама добро. Да си молчам ќе е најарно. И да свртам две три орца, а?
Вироза и чај од нане. Татко е коркач, се покрил со шест ќебиња, му носиме сите три дома мандарини, чај, масажа. Што ти е маж. Се јача цел живот, а од една обична настинка, пувеж. Му се смееме, а не сака да признае дека го нервира лежењето во кревет. И само нервозно мења канали. Се згна пинџур ќе си правел со лути пиперки да се ојачал! О боже, што им би, вака климактерични па уште и болни! Само нека седи мадро, и да оздраве, зошто ич не сакам мирис на лимони, чај, супа и ракија низ дома, зошто цела комбинација ме потсетува на болест. Уууф.
Друго бр 2. Треба да си набавам капутче. Страшно е како фушерајски си го замислувам својот зимски период во мојата тупава америчка јакна што ја добив за подарок, или едно кусо капутче што не ми ги збира цицките нај нај (нормално, зошто сум се здебелила во меѓупериод), и сега сум во потрага по нешто ново. Во Зара вчера разгледав еден дамски, црвен, не многу ефтин, ама се мислам дали црвен капут да купувам. Ќе треба да се зацрвенам скроз, а немам финансии да купам два. Види богати со што се замарам во четврток наутро! А треба и тоалет од Керфур да купам, сериозно. Да. Скроз сериозно.

Приметувам колку сама на себе сум си станала циник и ме нервираат глупости. Ок, сама, плачлива, дождлива, се гушкам со даде и со мекиот пингвин од студио кај Доријан. Вчера бев со Лала на коњаче после работа, се изнамуабетивме ко луѓе, после долго време. Ми го раскажа сиот свој свет и стравови, а јас неа мојата љубов со исто толку свет и стравови. Ми вика - Вие сте, за да бидете и точка. Знам дека ти е страв вака што ќе ти кажам, ама сериозно вие сте за да бидете заедно и да бидете школски пример за Љубов.
Признавам дека се упаничив. Плус, мојов скока нешто од радости, аплицирал за 6 месеци во Париз, ќе ме земал и мене. Ахам. И сакам. Многу сакам. Ама тоа е ултра мега гига промена! Па што. И паника и радост. Ќе видиме. Не сакам многу да се залетувам. Дома секогаш си е Дома.
И даде си е секогаш даде. Моја даде. Сестра што ја сакам исто толку колку што сакам да ја гаѓам со корки од мандарини. Бевме до Дамар вчера, да ја посетиме изложбата на деца од загрозени социјални средини и младите Роми. Си купив неколку ситници и се фасцинирав од нив. Чуднички ми се, ама мене ми се ултра ЈАС! Еве ги: - ова е венчето со цд и копчиња, вчера го продефилирав низ Чаршија. Сама на себе сум си будала!
И прстенчето од копчиња -

За само 200 денари, можете да разубавите нечиј свет. Истите тие пари што јас ги дадов на пијачка истата вечер. И така, реалности и релативности. Се борат секојдневно. Исто како насмевките што се борат да не се претворат во солзи, љубовта во студ, храброста во предавство.
Некогаш, не треба борба, треба и само да застанеш и да се запрашаш Кој си, и што имаш.
А имаме. Само не гледаме, најчесто.
Гушки дождливи пуштам

 

November, be nice!

Се надевам дека оние работи кои не успеав да ги завршам во октомври, ќе бидат заокружени во ноември!