[СДК] Сакам да кажам...[Стара тема]

Дошол декември. Да не ги видев дваесетината слики со Hello December поставени како кавери на фејсбук, немаше ни да забележам. И ова не е иронија - годинава ми летна пред очи.

Велат декември бил како петок од месеците. Искрено, не знам колку петочки ќе ми помине месецов. Можеби ќе ми помине како работниот дел од петоците, а јануари ќе ми биде петок вечер. Вториот дел од јануари поточно, првиот ќе ми биде Божиќ, колоквиуми, колоквиуми, колоквиуми.

Забележувам дека на почетокот на секој месец пишувам по нешто за него. Што да кажам за декември?
Зошто толку брзо дојде бе декември? Сакам времето повторно да ми мине бааавно, мнооогу бавно, како во средно. Сакам со душа да го чекам 1ви декември затоа што од 1ви ми почнуваше официјалното одбројување до новогодишната ноќ. Сакам пак да си пречкртувам ден по ден, сакам тестови и испрашувања, сакам пакетче под елката, сакам да го чекам распустот во јануари. А сега сум сигурна дека ќе трепнам уште двапати и 31ви ќе биде овде.
А во меѓувреме легендарното прашање за овој дел од годината: „Кај за Нова?“. Не знам, поим немам, не ме прашувајте. Плановите никогаш не ми успеваат па оваа година не ни планирам. Ако ни тоа не ми успее, домче не ми бега

Ве оставам со добра обработка на лоша песна. Женава ја обожавам!
http://www.youtube.com/watch?v=NQYo6rXVIGY

 

Бонжур фемино, ви се враќам


Се сталожив и си дојдов при себе.
Иако сеуште чувствувам дел од мене што не можам да го контролирам, сепак сум мнооогу подобра!
Пак сум онаа со осмех од шесче до шесче (иако едното шесче ми е штрбо ), и со искрички околу мене.

Денес е убав ден. Се испорадував на многу ситни но во суштина и големи работи за мене.
Се удавив во превкусната пита на мама!
Си открив ново фризурче што многу ми стои
На кафе со друшките, пробуричкавме во некои премили спомени.
После во МЦ си мцнав два помфрита со сосови, мај ол тајм фејврит

И секако најголем удел за состојбава има договорот, еј-кеј-еј поставената цел. Колку повеќе смисла добива животот кога ќе си поставиш битна цел, која знаеш дека многу ќе те усреќи! Луѓе едвај го чекам денот, иако во прашање се години со нетрпение ќе си чекам

Постов е целиот шарен и весел, се надевам таков ќе биде и Декември, а и идните години што ни следуваат!

 

Вечерва како никогаш досега посакувам да имав сестра, поголема
која ќе може да ме ислуша и да ми го даде најискрениот совет ..

 

Еееееее најглупа ситуација е кога некој во 5 за 12 ќе те зафркне

И тоа баш во недела кога можеш да си поспиеш!

 

Се радувате декекмври што дошол,јас воопшто не се радувам,и сакам што побрзо зимата да си оди,ајде јули,август едвај чекам да ми пристигнете.

 

Збуцкана во топло кебе чекам денов да почне...си молчам ,се смешкам и со шамивчиња извлечени од сеќавањата си ги бришам крвавите трагови во душава.Се залажувам,копнеам...и со превајана гордост ќе го грабнувам денов,месецов ,животов...нема враќање назад,постои само утре...

 

Заповед : Немој да го правиш она, што не сакаш да ти го прават тебе.

Ќе почнам да го практикувам истото.
(Ветувам, пред Олга и пред сeбе.)

 

Си испланирав убаво... Да си ги завршам сите обврски, па после во кино со другарка. Редно е и Skyfall да се види. Уште пола месец и ќе ни почне новогодишна еуфорија, ејј што се радувам

 

Многу е убаво е чустувото да си имаш сопствена соба и да можеш да си ја уредуваш како сакаш,макар и да е на одредено време.Сега се чуствувам по слободна.
Иако денес имам мноогу обврски,ке ги завршам на време.

 

кога се запознаваш со некој на нет и пробувате да сте заедно но не оди ама сепак останувате во контакт еден со друг и после некое време бараш заштита во неговите прегратки бидејки таму се најчуствуваш најсигурна, заштитена-дури и такси ти плака за да те однесе до дома но сепак не сакаш да се врзуваш повторно за истиот а во мегу време запознаваш други фаци, излегуваш со некои од нив но не е тоа тоа, а горенаведениов заљубен во тебе-те кани за нова Година да сте заедно а ти се загледуваш во еден што свакаш дека не е за тебе за на крај да сватиш дека треба да се почестиш со еден и да сватиш дека љубовта ти е пред тебе а ти упорно бегаш од неа и дека треба да размислиш за уште една шанса.

убаво е да заспиеш со насмевка и да се разбудиш со истата мислејки на некој што има посебно место во твоето срце

 

... хороскопот за декември грее
(патем, замолувам некоја штипјанка да ми појасни што значи зборот делизерка, зашто го слушнав од една пријателка, ама толку се засмеав, што немаше време за превод)

Си клавам беретка на оваа неишишана глава и сакам да мислам дека сум французинка, која ќе шета по Шанзелизе или Монмартр напладне, ќе руча супа со кромид или ќе брцне багет во фонду, а вечерта ќе ја заврши во типично париско кафуле со џез варијација на песна од Амели, во придружба на (светскиот инструмент) - хармониче.
Ама не, јас бучев со правосмукалката досега со пунџа на оваа неишишана глава, пристојно направена со чорап, преточувам зелка во бурето, праз си имам за јадење, и ќе одам до Градска болница на посета кај дедо ми.


Македонштино, те прегрнувам. Пулсираш во секој дел од мене и нема бегање, тоа е како она селското што те вуче, ти сакаш на пример, можеби, дива патка полнета со модри сливи за свечениот ручек на 1 јануари, ама пак ќе си каснеш сарма и руска салата, нема бегање братче.
И подобро, не прави се нешто што не си.
Прифати ја судбината, удобноста што благо ти мртка и те остава без сон навечер, се додека не ја навлечеш на себе и почне да делува природно, како да сте биле неразделни другари цел живот, како белег добиен при самото сечење на папочната врвка, природно - како кога сите имавме вошки во прво одделение.
Без исклучок, '85та - вошкарска генерација. Нема лутиш, во тоа време нагло порасна побарувачката за Бубил шампонот и оној чешелот со запци во неон зелено пакување. Фала им.

И зборот што ми е...
Не е точно дека секој сака да глуми или мисли дека е посебен.
Сите во основа сме исти.

Ама ете, ти се нуди избор. Или ќе се обвиткаш во кожурецот на сарми и руска, ќе сраснат во (и на) тебе, природно, незабележително и неизбежно, не прашувајќи се - можам ли повеќе, смеам ли повеќе, САКАМ ли повеќе, оти знаеш, туѓото да не мислиш поарно дека е, ќути бре дете, има и полошо, трај таму...

или ќе прифатиш туѓи нарави, Халоуин и Валентиииин, хипстерски наочари, мисирки и фондуа, се со цел да се избавиш, да ја истресеш таа раска на рамето што те влече кон корените, чисто за да покажеш дека - не си од тука и за тука, ти си посебен, авантурист, инспиративен, сакаш и умееш повеќе, се дрзнуваш да сонуваш и испробуваш нови нешта. А изгледаш некако смешно и тажно додека се мачиш со туѓи традиции и туѓи закуски и туѓи празници, дупло понеудобно ти е, ама за инат си молчиш, е убаво ми е! вие да не знаете за поубаво...

Чиста метафора, немам јас ништо против сарми, ниту супата од кромид. Кој разбра - разбра, кој не. . . и утре има ден.

Најдете си го местото под сонцето. Не по секоја цена копирајќи други, и не по секоја цена дијаметријално различни од сите други, бегајќи од суштината и есенцијалноста. Само за да бидете уникат, а не и урнек.
Како да кажам, доста му на светот од Пепелашки и Анастасии и Гризелди.
Бидете СВОИ.

 

Сдк.... читам и нешто многу не поврзувате мене со срцекршачка,стварно незнам од каде таква идеја ви падна,ниту сум дал јас некој повод,ниту таа,зашто си правите филмови за кои нема никаква основа,таа си има нејзин живот а јас мој,јас сум комуникативна личност и било која феминка е расположена да комуницира со мене јас прифаќам.
И уште нешто со ниедна не сум близок,ова чисто информативно,и ако ми се допадне некое мислење нормално е да го пофалиш,но тоа незначи дека имам нешто со таа личност,и на крај краеви не сум тука за да си најдам девојка туку да си помагаме едни со други за совети и итн.поздрав

 

Додека не го запознаете мноогу добро не му праќајте слики да гоп прашувате дали сте таму убави за да си ја ставите на фејсбук!

 

^ Делизерка е девојче, невестиче или бабичка која милува да се расправа, да оговара, да плете интигри или т.н да дилизерe

 

Цел живот,сум сонувала да најдам искрен пријател,но пред да ја запознаам нејзе,тоа за мене беше заборавен сон од детството. Близок пријател кој секогаш е тука за тебе? Плод на фантазијата.
Таа ми е поддршка во секое време,а таквите се ретки и заслужуваат големо благодарам.

Во последно време,ја избегнувам негативноста,меланхолијата.
Зимава добро ми дојде,се чувствувам исполнето и посреќно од било кога.

 

Денешниот ден е тмурен и мрачен но се надевам дека тоа што ќе си ги видам внуките мои најмили ќе ми го подобрат малку расположението а и некое добро филмче.Денеска ми е Италијанска недела и цел ден ќе си гледам италијански филмчиња и ќе си слушам италијанска музика.

 

Ми се превртува желудникот од оние на кои сите им се виновни,а околу својата глава цртаат ореол.

 

Момент: Стануваш од спиење, ги прашуваш твоите, дали ти купиле тоа што си им рекол дека ти треба за јадење, за денот во диета. Она вика: Леле, заборавив, сега, ќе одам да ти купам. Ти викаш: Не бе, нема врска, не се брзај. А она ти вика: Сега малце да се одморам, и ќе одам во продавница.
А ти уствари со нетрпение чекаш да се одмори, и конечно почнува да облака патики. Чекаш 5 мунути, чекаш 20 минути, и веќе почнуваш да си поставуваш за јадење... Чекаш 30 минути, и на крај чекаш цели 45 минути, и ти веќе ја осеќаш во влез како чекори по скалите, и си мислиш дека конечно ќе јадеш. За да ти каже, дека уствари била кај комшивката, ама сега ќе оди во продавница. Ама нормално, ти не смееш ништо да кажеш, затоа што си готован, и ќе ти речат: Епа зашто ти не одиш да си купиш? И така ти уствари си ќутиш, и си дупиш. И потоа се враќа по цели 25 минути, затоа што по пат се сретнале со Митра, Бранко, Станка, Донка... И мора да се направат само 10 минути муабет пред продавница, затоа што се брзала некоја од нив, и не можела повеќе.
И на крај, ти сфаќаш дека веќе ти се одјало.

 

Јас сум просто фасцинирана од Белград. Петок и сабота бевме на научна екскурзија од школо и не изнашетаа. Књез Михајлова,Калемегдан,Золошката ме воодушевија дефинитивно Буквално се шетаме по улици и вакви Дефинитивно најдобра екскурзија. Едно 500 слики ако не извадивме Деновиве нема толку активна да бидам зошто незнам главата кај ми е од учење и обврски Како и да е ве поздравувам и ве гушкам сите

 

Значи убаво сум расположена постојано.
Ама кога ќе се напнам, е напнато е .
Станав како жив напнитис. Можно е вечер да падне снегче, осеќам. Чим од сабајле во осум се напнав, не е на арно.
Значи како трудница работев на случајот- диши- издиши.
И фацијалниот израз од прееска ми е ваква .
Чиниш ме акнал некој со тефлон во фаца.

И инатот ми се вратил преку ноќ.
Сакаш да јадеш? Е нема бе, нема, не јадам.

Кога сум во напната фаза од денот, не сакам никој да ми збори, целодневен молк во соба.

Уствари коа ќе подразмислам ми се ближи месечната фактура за крв, така што може и до тоа е.
Како и да е, само еден ваков ден, кога сама работам против себе, и сите оние, вуду-јога-медитација-антропологија и што ли уште не, како водич за боље расположење ми паѓаат во вода.

Едноставно човек треба да ме остави сама и да се смирам. Оти ќе успоубијам све.
Че го пукам. Со каљаш.