[СДК] Сакам да кажам...[Стара тема]

Надвор мириса на зима, кај и да е ќе дојде. Јас си се топлам. Обожавам топли работи: топол чај, топло какао, топло чоколадо, топла супичка, топла постела, топла прегратка... Најмногу од се сакам топла прегратка.
Денот го прележав цел. Можеби ме мрзеше да правам било што, можеби ми дојде преку глава од правење нешто, па сакам и јас малку црногорски да поживеам.
Викенд со најмилиот, убавини... Уште да можеше да трае 2-3 недели

 

Мое сочуство.

 

Си ја сакам младоста, си ги сакам и годините... ама кога ке помислам колку брзо врви времето и колку брзо старееме некако се ставам себеси во брзање да направам многу работи, да си го исполнам животот со сеќавања зошто подоцна би било касно за се...
некако тој притисок ме гуши, сакам да направам многу работи...
дури си зготвив и листа на работи кои морам да ги направам до крајот на годината... среќа успеав да ги направам повеќето..
Да можам цел живот да си ја имам оваа возраст и да си живеам лудо, ич без размислување...
Убава е младоста, зелена и луда...

 

Не сум ни самата свесна,и треба ден помеѓу сабота и недела,после недела,или еден меѓу петок и сабота.
Сеедно.
Неработен.

Викендов го поминав најубаво што можев,му помогнав на болно детенце,си се почастив со интересни книгички,се загубив во нив,научив нешто од нив. Ем сум во облаци,ем стојам цврсто на земја,ех! Што ли ќе беше ова...сеедно,ги наполнив батериите,но добро би ми дошол уште еден ден.

 

Најсмешно ми е кога треба да се лажеме со некој. Ама кога се лажеме иако и двајцата знаеме дека знаеме дека се лажеме. Глупава куртуозност која ни ја налага општеството. Порано да бидам искрена не ги можев ваквите ситуации. Од денеска се сменив. Денеска почнав и јас да го применувам тоа - да бидам љубезна со некој кој ми мисли лошо. И без врска ми е ама што ако. Ќе ми биде за минута подобро.
Мило за драго - оваа тактика секој ден ми се чини дека е мотото на скоро 98 проценти од луѓево. Само уште да не се прават толку совршени.

 

Се думам дал да се повлечам од форумов, да одморам некој период, или да си шкртнувам понекогаш. Доколку се решам да се тргнам, знам дека ќе го ставам на голем блок, и дефинитвно ќе го игнорирам, не дека некој ми смета нешто или досаден е, чисто мислам дека губам време премногу понекогаш, и само кликам и кликам иако нема за што да се клика. Ајде утре нов ден со бистра глава ќе решам..

 

Еден ден ќе експлодирам и ќе ви кажам нешто, сега ме мрзи.

 

Уште овде што ќе пишам и ќе си легнам.

Посакувам светот да има повеќе луѓе како еден мој другар, батко да го речам оти 20 години е.
Во животот само на сегашната женска и има кажано те сакам, и тоа после еден месец врска. Чекал да сфати дали стварно ја сака. Поранешните женски се нели го прашувале „зошто никогаш не си рекол дека ме сакаш“ ама он им одговарал дека не е сигурен во тоа, дека нејќе некој да лаже.

А јас?
Јас незнам што е тоа сакање. Незнам какво е чувството кога некој сакаш. Кога за некој си спремен се да направиш. Јас денес трчам по едната симпатија, утре по другата. А сакам, сакам да го осетам тоа посебно чувство.
Всушност, и не сакам уште сега. Што ако се заљубам? Што ако тогаш нема да приметувам ништо околу мене? Ќе го запоставам семејството, другарките, учењето (добро, оно и сега ми е запоставено), што ако...
Aма па, сакам и јас да пораснам.
Сакам да почнам да се дотерувам, да излегувам.
Но едно нешто ме спречува. Сакам уште да останам дете.
Но, како? Како кога цел ден дома го преседов пред компјутер, каде ми е детството!?
Како кога нема со кој да испаднам на улица и да вртам јаже, да скокам ластик?
Куклите веќе ми се во вреќи во подрум или дадени кај мали дечиња.
Единствено цртаните филмови и салфетките уште си ги гледам и разгледувам. А, и замисленото другарче кое го имав одсекогаш. Даниел. Понекогаш зборувам со него, како што би рекол брат ми кога ќе ме фатат улавите.
Да се вратам.
Што ако не се заљубам во некој? Или пак се заљубам во некој со кој не би можела да бидам? Што тогаш? Ќе сакам јас некој на кој ќе можам да му подарам неизмерна љубов и истата да ми биде возвратена.
Спобудалев, ама овие прашања многу често ми се мотаат во глава.
Ќе речете мала си уште, за се има време, но што ако стварно така се случи, што тогаш?

Зборував преска со другар ми дека до 16-17 години нели ќе сум уште дете, дека нема да фанам дечко. Но, што ако па тогаш ми се укаже прилика, (под прилика мислам за некој што ме сака и јас го сакам), нема да си стојам на зборот, ќе истаднам лажливка што ги менува мислењата од ден на ден.

Јас се извинувам за километражниот пост и тоа што речениците немаат врска една со друга.
Идам да спијам, добра ноќ!

 

Ме утепа рутината минативе денови, факс - фитнес - дома - факс - фитнес - дома.

Сакам нешто да се случи, неочекувано, непланирано. Нешто да ме извади од ова обично секојдневие од кое ми е преку глава. Можеби лошото е што често чекам нешто да ми падне од небо а јас ни со прст да не се помрднам. Контрадикторна сум сама на себе.
Од една страна верувам дека сами сме креатори на нештата кои ќе ни се случат а од друга мислам дека баш и нешто ќе падне од небо, онака без да се надеваш воопшто.
Типично јас, постојано разглобувам, размислувам, го правам животот стопати покомлициран него што е. И мислам дека колку и да сакам тоа нема да го променам. Ќе ми биде пречка цел живот но што е тука е.
Им завидувам на луѓето кои само се препуштаат, учат да уживаат во било што, без да прават драма од секојдневието.
Имаше еден цитат од еден филм кој ќе го запамтам, во смисла тажните луѓе не сакаат да бидат среќни затоа што на тој начин не можат да најдат причина за да бидат тажни . Колку и нелогично да звучи. Спаѓам ли во оваа група, не буквално тажни но личности на кои постојано нешто им фали.

Сакам...сакам да бидам од оној другиот тип ама... не може се да биде како што треба тоа е факт. Во тој случај би било досадно, монотоно. Ама понекогаш наизглед не може ништо никаде да се вклопи, се е расфрлено, знаете како слагалка која треба да ја составиме. Барем една половина да ја составам како што треба ќе бидам задоволна...

Спојлер

Слободно може да скролате, не знам што ми е вечерва

 

Дека денов ми беше полн со емоции цел ден да си плачам и за најмала ситница па дури и на филм едноставно потреба да плачеш без причина

 

Спојлер

СДК стварно претерувам од време на време...Морам,ама морам да се променам. Што не оди вака-не оди.Со сила небива.

Спојлер

На врвот си? - Te критикуваат!!!
На дното си? - Te критикуваат!!!
Слаб си? - Te критикуваат!!!
Дебел си? - Te критикуваат!!!
Добар си? - Te критикуваат!!!
Ако умреш? - Беше многу добар човек..

 

Крајно време е да почнам пак со фитнес и вежби оти килограмите и салцето пак ми излегуваат на површина, а проклети да се. Ги мразам. Или јас си имам набиено некој комплекс или стварно коа ќе престанам да вежбам после недела дена јас пак сум мека по цело тело. И ме фати инат денес и крај. Неможе само од нејадење, т.е од здрав режим на исхрана да дојдиш до посакуваното, не викам совршено тело, оти нели нема такво де, ама мора да се вежба. Значи морааа. А мене ми се плаче. Ме фатила некоја мрза и си се надевам дека само со здрава храна ќе си држам линија, и телото ќе ми биде ок, ама нееее, почнува да ми се раскашавува и тоа ама ич не ми оде у прилог. Така да, денес покрај се одвоив време и за вежбанје, а од среда свечено на сите ветив дека одам официјално и на фитнес. Се видело работа од моето вежбање дома. Вака таму морам да вежбам шо да правам. Нема да ги гледам другите

 

Шо убаво си се навикнав да си легнам кај 11, и да станам во 7/8 сабајле. Што ѓавол ме излажа да седам до 1 саат, сега никако неможам да се прилагодам. Ќе си легнам во 11, и беснеам како куче. Не ми се спие, а после треба да ставам у 6:3 за на школо. Башка и најтешките часови ги имаме утре.
За учење не е проблем, историја,географија,англиски од мерак ги учам, но математиката нешто ме контра.

Како и да е, подобро да ме скролате, ова не е мислење, ова е досада луѓе, досада.

 

Хороскопот на Фемина, стварно е точен, не дека многу верувам во хороскоп, ама се погодува и како да не верувам? :geek: Чудна работа
И колку е безвезе оној момент на сакам кажам - незнам речам и на крај човек ќе се откаже од тоа што сакал да каже битно се разбира себе си...

 

Мене досега не ми погодил.

 

http://www.facebook.com/pages/I-hate-ho ... 9618524773

Администраторите на групава се повикуваат на правото на сопствено мислење и чувствување...

Чак што више шират и фашистичка идеологија ако имате нерви да пролистате и надоле...
Сериозно мислите дека секоја будала треба да се сокрие зад параванот наречен демократија и право на свое мислење?

Патем пријавете ја групата.

 

Убаво е кога деновите ти се исполнети максимално.Особено со пријатни луге со кои можеш да разговараш со часови...
Вчера беше тета цел ден кај нас,со неа никогаш не ми е досадно,има толку многу работи да ми каже и никогаш не е доста. Вечерта излегов на прошетка со него,вечеравме,прошетавме си земавме костени за да се затоплиме.
Денес пак,уште рано сабајле станав и со мама и малата отидовме на гости.Дури да трепнеш времето поминало.Веднаш набрзинка дома чисти,кревај...ми идат други гости,не дошле никогаш,сакам првиот впечаток да е позитивен!
А вечерва божем да биде ден за филм,испадна кафе со друштво кај него.
Сакам секој ден да ми е вака исполнет...

 

Ајде добра ноќ..

 

http://www.youtube.com/watch?v=xCNIbpy4 ... re=related

Ме навраќа на спомени..
убави спомени, убави луѓе што сум ги запознала некогаш во мојот живот, на сите убави моменти кои сум ги поминала со истите..
и Да, ми фалат, тие луѓе, тие спомени, сите биле посебни, се за нив било посебно..
и жал ми е што некои работи едноставно не можат ниту да се сменат ниту да се избришат ..
но како и да е, среќна сум што биле дел од мојот живот и секогаш ке ги паметам..
уживајте, песнава е рај за уши и душа

 

доброутро
бев на медитација и на едната од девојките и го славевме роденденот-интересно, распеано, весело пеевме песни кои сите ги сакаме
дури и мажите почаа да свират на инструменти и да пеат после прашадот што ретко се случува
решивме да се договориме денес да се видиме на чајче-не сме се виделе долго време-некои од нив беа во Германија, една девојка имаше настапи со групата во која членува една година и дур да трепнеш времето летна а дома се вратив на полнок-исто ко Пепелашка
принцот го немаше, кој знае каде заглавил со некоја вештерка