[СДК] Сакам да кажам...[Стара тема]

Сдк ми треба одмор, правење ништо и седење цел ден по пижами.

Аххх..

 

Некако, кога и да погледнам околу, луѓето се среќни, а јас избегнувам да признаам дека тоа ми смета.Не ми смета што тие се среќни,туку тоа што јас не сум.

 

Никогаш не сум ги сакала тие емисии како 5+, отсекогаш ми биле премногу прости. Никогаш не ми беше желба да се јавам таму и да играм игри (нели, игри играа порано). Додека моите тогашни шкослки плачеа зошто не им дале од дома да се јават, ја си гледав слики од Бон Џови лепени у тетратка. Многу лудував по него тој период.
Од детски фестивалчиња го гледав само Златно Славејче, оти Боби Андонов пееше. Исто така цртани од типот на Анштајни не сакав, освен песничката ептен ми е заразна.
Сабајлево седнав да јадам и гледам 5+ (беше пуштено), и си викам ете зошто сум ги нејќела овие уште од мала. Работите што ги кажуваат ми се премногу прости, а додуше не сум н исретнала дете да ги гледа или да сака да се јави

 

Јадам џамбо смоки и се прашувам која е смислата да се постои во еден ваков град (гад), во едно вакво време (невреме), во една ваква околина, што труе на лицемерие, непотизам, потквасени репродуктивни органи, депласирани вредности, продадени души, духовна понизност, претплатени медиуми, нечиста совест и обезвреднет систем, излеани умови, згадени генерации, полтронизирани млади, конзервирани стари и емотивно осакатени луѓе?

Смислата е да се љуби, да се чита Министерство на болката од Дубравка Угрешиќ, да не се креваат раце во предавство, ами да се отвори умот и да се запамети што се случува. Си викам можно ли е да сум сериозно толку рамнодушна и истовремено супериорна над сите тие глупости? Не мора да бидам гласна, ако сакам да бидам јасна. Не сакам да пропагирам нешто во кое не верувам, ниту некогаш сум верувала. Ако се правдаме, тогаш значи нешто скриваме. Ако кажеме што мислиме, значи сме обоени.
Епа не.
Јасно ми е каде сум, ама имам среќа да жонглирам со неколку реалности.
И да читам паравести пиејќи топло вино со Иван, додека Коља се смешка под брк. Дап. Живот. Соживот. Разлики. Што сето тоа ми укажува? Дека ова е мојот Дом во кој отсекогаш симитот и ќебапот биле оставштина од отоманите, дека имињата на улиците звучат топло кога ги кажувам на глас, дека тротоарите збираат само по двајца, а повеќе не, дека е место кое само замижано го замислувам, во ширум отворени очи гледам - Дом.
Дома.
Мирис на костени и жижици. Роми пред матично. Парк полн со пијани средношколци. Пост-излегувачко стапче во Чаир. Секс на Водно. Мое, наше место.

Во сите бои и сета почит што ја заслужува.
А вжештените глави... Слободно нека се делат.
На крајот, пукаат, и останува само ништожност.

Чувајте си го здравјето, патем. Вирози шетаат по автобуски и се лепат не само бронхијално, ами и мисловно. Загадувачи на мозок.
ПС - по грешка му го украдов седиштето на еден чичко прееска во автобус. Не видов дека бил да куцне картичка, и тупс, му седнав. Се изнасмеа човекот, разбран, и кога станав таква во небрано - вика, не не, седи си, на вас младите светот останува.

И тогаш сфатив. Тоа сакав да го чујам од некој повозрасен, демек нели, тие секогаш знаат повеќе.
Да остане овој свет на нас.
Што ли ќе се случи, пак се прашувам... И кругот, се врти!

 

Ми треба ресет на целово тело, на умов и на се.
Се исклучив месецов. Некако се дистанцирав од интернетов. Ми требаше одмор. Факлутетов ми мирува. Имам сто милиони обврски а не се чувствувам спремна за ништо.
Чекам да дојде 31. Не сум во еуфории за проводот на новогодишната ноќ. Не, тоа ќе биде скромно, со најблиските. Малку вино, малку храна, и малку добра музика. Доволно е.
Го чекам да дојде затоа што очајно ми треба нов почеток па макар и клише, како овој.
Почеток за рестарт. Се осеќам исторшено.
Ми треба инспирација.

Голема благодарност искажувам до сите што ме трпат во овие мои транзициони моменти.

 

Пи ем ес стање.... значи во рок од 10 секунди можам да бидам најмила на светот за веднаш потоа да бидам хистерична, потоа пак фина.. па наеднаш хладнокрвни сериски убица (со најбизарни фикс идеи).. ама шо ќе ви објашњавам... женски сте, барем поишето тука па знаете... а секако, неизбежно па и машките знаат...осетиле и тие, не дека не!

Верувам дека тука девојките ќе се пронајдат...а и машките исто така..

PMS SURVIVAL TIPS

http://www.youtube.com/watch?v=mCwKbUVyHLY

 

Ох бееееееее

 

Се чувствувам ко прегазена од воз. А покрај тоа денеска бев и фешн роудкил или само имав ниска самодоверба, не знам, важно, кога многу луѓе те загледуваат по пат или имаш нешто што очигледно стрчи или си прекраснотија од појава, а јас некако не се чувствував ко да сум второто. И ништо не стрчеше, сите патенти затворени, сите копчиња точно закопчени... многу придавам значење на безначајни работи, можеби не ни биле толку луѓе што гледале во мене, можеби гледале во мене бидејќи и јас ги гледав

Да се вратиме на хроничниот замор. Изморена сум, од факултетот, од времево, од животов, најмногу од туѓите фекалии, посебно вербалните. Жими се некогаш ако имам до мене некаков вид на оружје можно е да направам глупост, луѓево не се свесни колку досаѓаат и колкав напор се. И водам однапред победени војни, кои беа интересни додека бев во средно, онака си играш со пленот пред да го убиеш, ама дали е до периодов или денов, веќе и тоа ми е преку глава, немам сила ни да отерам по ѓаволите некого.

Утре е нов ден, се очекува да биде долг и голем, ама ајде барем нека биде интересен бидејќи денешниов освен тензии друго ништо не ми носи. Океј, не беше толку лош, реално можеше да биде многу полош, ама утре сакам забава.

 

Значи нешто што најмногу мразам е некој да ми стои позади мене. На пример си седиш на лаптоп и некој позади тебе стои како статуа. Како ми се палат нервите во тој момент. Уф!

 

Господ да ми е на помош ! Само тоа утре ме спасува.

 

Правиме муабет со мајками.. Тема: Кашлање..
И следи моето - Сеуште кашлам,аман веќе.
И оваа вели: Ми еве и во Русија се активирал некој вулкан.

Се убаво женчето..Се си мислам мислењето во целост и е поврзано со моето.

 

Да не ме напнаа на facebook со политика? Зошто овој така, а не оној вака. И оној онака, а овој овака...
Сите ќе ги избришам. Биди у некоја партија ако веќе сакаш, ама не ги труј сите околу тебе со истото.
Знам, гледав вести и јас. . Информирана сум што се случува.
Ептен напнаа . Аман заман имајте милост

 

Читав нешто низ темите за коса и си потврдив.
Па ние стварно жените имаме проблеми со сантиметрите. Во секоја смисла
Коса 10 сантиметри за еден месец, ма дај.
Нејсе, полагав денес, јао, стресови.
Како за прваче колоквиумче, супер.
Уморна се комирам во кревет.
Утре католички Божик, гости ово-оно.

Бидете ми поздравени.

 

Прв пат јас да учам,а да не ме мрзи.И тоа во 12 саат Се плашам да не се случи некое чудо

 

СДК имам за учење, ама не знаете колку само не ми се учи.
Имам 3ка, а сакам 5ка. А знаете ли само што ме дели од таа 5ката? - Само една лекција, ама мене ме мрзи да ги научам тие што ми се за 3ка не па уште таа нахнадно..
Ама ке научам! Сега ке си легнам, ама утре сабајле ке станам во 05:00, ке си сварам едно кафенце и одма после ке почнам со учење. Можеби цел ден ке ми се спие и нема да знам кај терам ама битно ке си научам јас, па ако паѓам после за спиење, нека паѓам ке издржам некако 7 часа.

 

Значи само јас не сум информирана во врска со тие протестите и глупостите што се случувале..
Денес падна дискусија за тоа и јас цела прашалници. Срам ми е бе, буџет нешто ова она подслушнав ама не дослушнав
Ма не се замарам со политика бе!

 

Резултатите од ова екстерно ќе излезат во февруари-март месец. Затоа ич не се потрисам, книгата не сум ја отворила физика, оти нели, лесно ќе биде