[СДК] Сакам да кажам...[Стара тема]

Само ВИП се способни да ти испратат порака во 5 наутро.

 

Носотечие и Фервексизам. Добро утро.

Баш се испофалив пред некоја недела дела од цела година, само еднаш настинав, и тоа беше во Париз, ради јадењето секакви бифтеци и мешање храна, ете сега неколку дена пред Нова Година, два родендена, една забава и бранење дипломска, јас сум како истепано еже со клоци.
Набавив Прополки, еден чај со слез и мирта, главава ми гледа точки и квадрати, чудни суштества и не се концентрира на ништо.
Патем, сонував како пливам во ептен длабока вода, без воздух да земам, и ако ви се верува, две морски коњчиња ми даваа наизменично кислород. Будала работа.
Слушам Sade со Jezebel, косава конечно ми доби форма, изглед на човечко битие, алијас Женка. Си нарачав крема од црн орев од Орифлејм, и сфаќам дека такви мали ситни тривијалности ме радуваат. Како на пример, завчерашното читање во Гем, топлото вино, и тоа што Дубравка Угрешиќ ми е сестра по бранова должина, Југословенка во сетоста на своето постоење, мудрец и илегалец кој знае да ти донесе болка во срцето и солзи на очите со едноставни мали описи во Министерство на Болката.

После Н. Г ќе одиме за Маврово, ние четири. Ќе играме јамб, ќе спиеме ко сардини меѓу јамболии. Немаме идеја за вечерта на 31ви, ама имаме за наредниот викенд после неа. Сеедно некако ни е. Можно е да се собереме кај една од нас, да си купиме алкохолче и малку храна, и тоа да биде тоа. Мојот омилен хедонизам, по чорапи. Зарем е важно ако седам во локал што ќе ме изшиба со три илјадарки за едно водено коњаче и кикирики? Е нема. Си ги ценам парите што со неспиење и грди смени ги заработувам и вечерта сакам раат. Онаков пензионерски. Со сите салтанати.
Тој ми купил мачкести наочари. Ми ги покажа на скајп. Мјаукаме. Срце ни се кине и превива, ама тоа е реалноста. Штом дојде јануари, со чкртки ко во затвор, ќе си ги бројам деновите.
Тоа ми преостанува.
Сега ќе си наточам литро чај од слез и ќе цуцам витамин Ц. Мислам дека телово ми кажува - олабави се, жено, доаѓа нова година, остави ме да проплачам и јас малку. Толку нешта се случија, толку емотивни удари ко во компресор издржав, толку административни патеки, лицемерија на работа и надвор од неа, толку и добри луѓе ми влегоа во светот, се случија одлични соработки, се патуваше со стрела Аморова во срцето.

Капак на се’, добив утрово.
Животот, може да биде совршен.

Ама не е. И затоа го туркаме ко Сизиф каменот за да стигне некаде угоре, па сам да се стркала надолу.
Важно е да не е тажно.
Моево е само мрсулаво.

 

Аман бе луѓе некој од Пробиштип? Било каква информација, познати во Пробиштип или било што, многу ми е важно

 

Еееееееенд ај ем хоум!


Во градов нови само плакатите се, се друго исто па исто. Гледам некои ламбички и фенери закачиле, подарок за граѓаните.

Три пати го отворам и го затворам испрати одговор , оти некако сум во така пасивно-апатично расположение, што само ми се лежи, ми се гледаат филмови и ми се гнете. Распустот од една недела почна за мене, од наредната ќе му ја мислиме што и како, моментално сакам да бидам амеба.

Сакав нешто да ви кажувам, ама стварно ич не можам да мислам, веројатно после завчера мозокот си го ставив на ОФ режим до даљнега.

Неделава ќе биде максимално исполнета, со шетање, уживање, пиење и дружење... Кафенца, топли даскички, винца, сармички, чајчиња, филмови, малку обнова на гардероба, позитивни вибрации и ако имав пари, на сите ќе им купев поклончиња. Бидејќи немам, им реков да си одберат што сакаат, ќе им донесам од Германија со камата.

 

Сакам да кажам се чувствувам , толку ли ми се чита на лицето, а сакам да сокријам не сакам со никој да ја поделам маката, сакам да сум си сама со мојата мака, зошто не ме оставаат туку летаат без број прашања, а толку е едноставно имам потреба да сум сама без никој да ме прашува зошто?
Исцрпена сум од работата, исцрпена сум од сите прашања што секој ден ми ги поставуваат налетот на луѓе, имам и јас свој живот, свои потреби како да се посветам на себе кога не ми останува време, целото време им го посветувам ним и на крај пак не се задоволни.
Сето ова неможам да го кажам на глас па еве овде си напишав.

 

СДК дека многу спиев. Потечена и изобличена сум во фацата. Од некаде подочњаците потекле, косата е .....неможе да се коментира, по вратот и рацете имам линиии од постелата.

Уфф.... е после ова не сакам ништо да кажам само ке си зевам на секои 20 секунди

 

СДК дека го превземам ризикот да звучам како 70 годишна баба, ама здравјето пред се`!
Ми се оди во школо, ми се рика, ама не можам.

 

Не сум некој голем префекционист во животов,но се гушам кога околу мене има расфрлани работи,кога е не средено.Не ни сакам се да биде под конец,ама се знае,се стои каде што му е местото.Често за ова се расравам со оние со кои живеам.Па така мајка ми знае да ми дофрли "Де бре,иста си како татко ти,и нему му сметаа ваките работи".
Верувале или не,од сите работи кои сум ги наследила од него,жими оваа што ја сметам за ајде да кажеме позитивна.Се друго што имам од него...боже помогни ми.Тоа се толку негативности,тоа се толку работи кои работам за да ги искоренам што понекогаш се нервирам што во дадени ситуации се понашам како него.
Најмногу од се на свет се радувам кога некој така случјано ќе ми каже "Еј колку личиш на мајка ти",можеби затоа што многу ретко го слушам тоа.
Вистината е тоа што јас луѓе ама воопшто не личам на неа,и знаете што сум наседила од неа? Најлошото! Емотивноста и големата грижа кон луѓето за да им помогнам.
И тоа е таа комбинација во мојот случај со моите особини.
И се нервирам поради тоа,многу се нервирам.
Немам ни никаква допирна точка со моите браќа,ама баш никаква.Толку спротивни карактери на едно место па тоа дури и не е за верување.

Колоквиумите поминаа.Резултатите и не ми се баш задоволувачки.Но тоа е што е.Ќе се дружам и во јануари со книгите и ќе ги средам.
Не за џабе рекле,сесии има многу ама животот е еден!
Повелете на кафенце.

 

И јас и љубениот добитници сме на наградна игра.
4 дена во Банско-Бугарија за 89 евра со доручек. Не успеав да разгледам колку всушност чини понудата без наградата. Демек попуст ни дадоа или што?!
Ни се јавија од агенцијата Јупитер утрово и се прашувам:
Која е веројатноста по случаен избор и двајцата да сме добитници?
Не знам зошто, но страшно многу ми мириса на лоша измама?

 

Почнуваат месеците на Сармагедон во мојов дом.Значи сарма како деликатес со ребра одозгора и неколку ливчиња пушена сланина .Како промена може подварок исто со ребра и суви пиперки зацрвенети одозгора,или прочуеното вариво ,со некоја коска на кое има малку мевце,кое се јаде дури е изгор топло со сува лута пиперка .За освежување може салата од кисела зелка со зејтин и црвен пипер...а може и пита од зелка а??Па како, мора да се троши зелката инаку џабе сме ја ставале

Опиена од мирисот на зелката,почнав да си правам список на желби на новава година.Иако велат дека Универзумот,во овој случај дедо Мраз ,ги исполнува желбите кога ќе процени дека е вистински момент.Напишав список во мислите ,и го искинав .Зашто веќе ми е преку глава од фантазирање и очекување.Оваа година слепо ќе зачекорам во неа.Без големи планови.Единствено сакам секој ден да го зграпчам како да е единствен,секој човек што ќе влезе во животов како посебен,секој настан како неповторлив.Зашто уморна сум од неостварени амбиции и постојан грч во неможност истите да ги дофатам.Нека оди само полека,сигурно...и без таги...

 

кратко и јасно

 

„За туѓи бели дворови,
копај си црни гробови“, ја би додала „и на тебе и на братот твој.“

Жално. После лесно ни' е да обвинуваме други за нашата мизерија, за реката во која сами сакаме да се удавиме еден со друг.

 

2 физика на тестот.4 на полугодие...Добро е.Реков ќе ми бидат сите 5-ки на полугодие,ама ете.

А хемија 5 на тестот и ваљда 5 за полугодие....

Е,тоа ти е.

Денес треба да се изнавежбам математика ! После ручек тоа.Сега ќе одам на 'забава' во школо,да ги слушам моите соученици како свират/пеат

И така.Еве ви една песничка за убав ден
http://www.youtube.com/watch?v=2rxK2eggo2g

Гушкам

 

Смешно е некому да даваш (искрен) совет за да помогнеш а потоа да видиш дека ти е прикажана само пола вистина која ја дознаваш откога веќе си го напишал постот, после или треба да бришеш или заличуваш на идиот .

Целиов систем на делење совети станува несериозен, да не знаеш веќе кој има реален проблем а кој „убива“ време со собирање одговори на фиктивен проблем.

Очигледно ја потценувам човечката особина за лажење и менување на фактите, изгледа треба финално да прифатам дека на форум вистината е често малку закривена

 

Се осеќам како дебил.
На толку учење не прифаќам да не положам.
Биваше ли да сум толку смотана. Уф.

 

Многу ми е криво, што не сакајќи навредив феминка што ја обожавам. Се надевам нема да го земе при срце, и комуникацијата ќе ни продолжи.

Денов го почнав како некој мрзливец. Замајана од соништа се оставив до 12 да спијам. Машала
Денес 26, уште 27, и на 28..
Ајде уште два дена.
И уште нешто. Кога ми тргна со мањаци периодов.. Феминки драги пазете кој го земате за љубовник. Лоши луѓе се накотија.

 

сакам да кажам дека сум си домааааааааааааааааааааа преубаво е Чуството кога си си дома се е твое се си знаес сто и како си ја сакам ова моја земја и ова моје домЧееееее

 

Кога си на прослава, каде што ти е досадно и ти речат да станеш да играш.

 

Ќе те пронајдам па до таму да биде, ќе те најдам и ќе те натерам да се покаеш што воопшто си размислувал на таа тема, украдените работи ќе ти доаѓаат на памет секогаш кога ќе посакаш да си надвор на воздух додека трулиш во затворска келија. Никогаш повеќе никому нема да му верувам поради тебе бе ненормален еден, со која цел правеше муабети со нас кога си планирал да не испокрадеш, и што по ѓаволите чекаше досега. Зарем мислиш ќе се скриеш, не Банско, кај сакаш избегај, ќе те најдам и ќе си го добиеш своето. Јас сум три пати поинаетлива од тоа што си ти лопов. Идиоте, за еден монитор, апарат и ланче ќе скапеш во затвор а репутацијата никогаш нема да ти се врати, така да си знаеш, твојот град е мал и ќе те дознаат сите каков си, никогаш повеќе нема да можеш да прошеташ со крената глава.

 

Ја би денес музика, фотографија и Љубов.. другото нека одмара..

http://www.youtube.com/watch?v=zNpeK7sDLzE