[СДК] Сакам да кажам...[Стара тема]

СДК...ова 2012 година за многумина беше пресврт, тест, искушение, среќа, радост, мајчинство, тага, болки, солзи, љубов, разделби....се и сешто. Но секој почеток има и свој крај. Нека убавите работи продолжат во 2013, а на сите лоши работи да им ја ставиме точката вечерва. Да тргнеме со нови мисли нови сили, желби цели...со најблиските и најсаканите околу нас. Нека првенствено не служи здравјето среќата и љубовта. А парите и задоволствата ќе си дојдат сами по себе. Бидете посилни, оваа нова година што е на прагот, нека претставува едно ново скалило за сите нас-односно како да сме еден чекор поблиску до нашата цел....имајте прекрасна вечер.

 

Девојки среќна Нова,ама и пазете во кој кревет ќе се разбудите :geek:

 

Сакам да имате најпрекрасна години! Да бидете среќни, да делите љубов и да се радувате! Се најдобро.
Оваа вечер ќе го одбележи крајот на 2012, затоа, поминете си најубаво, каде и да сте! =)

Среќна нова 2013!

 

Cите да си поминете убаво и нека новата година ви донесе успех,здравје и ред други работи....

 

И ајде како што е редот, мојот последен пост за 2012.
Имам желба новава година да си ја преспијам, и целата фама конечно да помине,ама за жал нема.Како и да е 2012 година ми беше прилично чудна година, имаше доста лоши, и по некој среќен момент.Ми се исполни поголема желба, ама за жал не е правопропорционално со едно од полошите нешта што ми го здрмаа животот.И желби за новава 2013 имам многу, барем дел да се исполнат.И искрено ќе ја памтам годинава по убавите моменти и по многуте нови пријателства.

Вас ви посакувам убав провод вечер,журкајте се до бескрај, бидете со саканите и во новата 2013 ви посакувам многу убави моменти,среќа,љубов до бескрај,здравје, пари, и успех во секое поле



P.S. Полека со алкохолот вечер

 

Добро само јас сум уште небањато, смрдливо, депресивно створење без абер од среќа за новата??

Најверојатно..

Се умрев од досада, решавав математика и како секогаш западнав у моите чудни стања.
Е така.
Сега сакам да одам и да си легнам.
И не сакам никој да видам.
Бидејќи сите се злобни, сите се заебани и гледаат да те заебат. И затоа што не го заслужуваат моето присуство.

Добра ноќ.
И среќна нова.

 

Среќна Нова 2013!!!!!! Да сте ми живи, здрави, среќни, убави, паметни сите.
Каде и да сте вечерва најубаво да си поминете

 

Лелее и јас до пред млку решавав математика и сега седнувам да јадам ЗНАЧИ НЕ СИ ЕДИНСТВЕНААА,а не сум ни јас
П.С среќна нова и од мене

 

Сите убави зборови сте ги кажале, ништо повеќе не би имала да додадам, ама еве да пишам колку да ја заокружам годинава.

После сите планови, ваму таму онаму, еден куп понуди за глупави места(ок, за мој вкус ), на крајот во домашна атмосфера, со неколку луѓе што ги сакам онака нај, руска салатичка, кифлички и слично, и не може да биде поубаво.

Така, останете ми здрави, фини, заљубени и среќни, во новата година ви посакувам здравје, мир, и љубов... тоа е накпотребно, ок, најпотребни се финансии ама сега ќе ја замачкаме реалноста малку во новогодишните честитки.

Купив поклончиња, дадов поклончиња... денес дома ни се случи нешто неубаво како за последен ден годинава, поточно ни украдоа работи во некоја си вредност од 300 евра може и повеќе... ама што да се прави... животот оди понатаму, брат ми ми вика дека така викам затоа што работите што ги земаа се негови и на татко ми, ама не, можело и полошо секако, ќе речеме фала што сме добри и тоа е што е. Догодина нека е подобро.

Ви посакувам да си ја дочекате со љубов, да бидете искрено среќни, затоа што таа насмевка е најбитна, од срце... искрената.

Од срце, мече ви посакува Среќна Нова година.

Еве ви по една како поклонче.

 

СДК ич не сакам кога ќе ми мрдне раката додека ставам туш на очиве

 

Нова Година годинава ми е како секој обичен ден, дури пообичен и од најобичниот.
Ни еуфорија ме има фатено, ни новогодишно расположение, ни ништо, па и како сум напната, нервозна, нерасположена последниве денови, ни се смеам, ни зборувам, па ништо чудно да експлодирам (на каков било начин), па може да му бидам конкуренција на полноќниот огномет .

2012 не беше лоша година за мене, убава беше, но имало и поубави и посреќни времиња така што посакувам барем дел од таа среќа и убавина да се повтори во новава, па и во наредниве години.

Посебни новогодишни желби немам, најпрво посакувам здравје, среќа, љубов и мир и за мене и за сите.
За мене, посебно, си посакувам слобода, успех, олеснување и ослободување од тежинава во душава, напредок во остварувањето на сопствените цели. Посакувам да се вработам и да најдам љубов без граници.
Посакувам мојата фамилија да е среќна, да сме сите на број и сложни, здрави, насмеани и весели. Посакувам сестра ми да добие стипендија, а мајка ми да биде секогаш среќна.

Вам Феминки и Фемини, ви посакувам се најубаво во Новата Година, здравје пред се, љубов, среќа, успех и исполнување на сите ваши желби!
Среќна Нова Година!

 

Сакам Да Кажам:”Уште неколку часа ќе се разделам од моите единаесет години.Тие ми беа најубавите години досега што сум ѓи минела.Тие единаесет години засекогаш ќе останат како вечен драг спомен во моето срце.Се додека сум жива ќе ги паметам тие единаесет години.Сите моменти ми беа исполнети со радост и насмевка.Животот продолжува,денес си среќен а утре тажен...Некои личности заминаа од мојот живот,некои дојдоа,а некои пак засекогаш останаа.Сите се трудеа да ме разберат кога ми беше тешко,ми помагаа и се жртвуваа за мене,за јас да бидам среќна.Многу сум им благодарна на тие личности кои навистина сум му благодарна на Бога што влегоа во мојот живот.Некои пак ме користеа додека им бев потребна,а друѓи пак незнаеа ништо за мене па збореа лоши работи.Секој човек во животот греши и се учи од своите грешки.Јас научив многу работи од животот.Исто така многу сум им благодарна на моите родители што ме створиле,израснале,се грижеле за мене и до ден денес се грижат и даваат се што можат од себе за мене.Благодаран сум му на брат ми кој секогаш беше тука да ме насмее и да ми предложи некој добар филм како што беа најчесто комедиите.И благодарам на сестра ми која се мислеше на мене и ми даде многу голема подршка која благодарение на неа денес имам голема желба да го учам Англискиот јазик,и дај боже еден ден да станам наставничка по Англиски.И се заблагодарувам на моето мало прасенце (најмалата сестричка) која се сакаше до мене да спие.Немаше ноќ да не дојде до мојот кревет и да каже Дадичко ладно ми е ќе може ли да легнам до тебе?Секогаш заедно спиевме и додека да заспијам ме утепуваше од муабет,како било што било.Им се заблагодарувам на сите мои роднини,пријатели,другарки и другари кои до ден денес беа со мене и секогаш кога ми требаше помош за нешто ми помагаа.Некои имаат добро мислење за мене,некои лошо а некои пак сеуште незнаат ништо за мене.Ете сега ќе кажам нешто за мене:
Јас сум Катерина која за никоја личност не мисли лошо бидејки секој си живее во свој замислен свет.Сите се разликуваме еден од друг но тоа не е пречка да се дружиме.Многу сакам да се запознавам,да стекнувам нови пријателства и многу сум љубопитна.Сакам на секога да му подадам рака во добро и во зло.Сакам на секого да му помогнам кога и да било и во било кое време.Сакам да има слога,разбирање,дружење меѓу сите нас во целиот свет.Несакам да се делат луѓето по вера и раса.ВО СВЕТОТ СИТЕ СМЕ ИСТИ!Мора да знаеме дека сите сме на исти степен,нема некој паметен и глупав.Секојдневно се среќаваме со многу случувања.Мора во животот еден на друг да си подадеме рака и да продолжиме да чекориме заедно но сигурно.Животот е исполнет со разни моменти,никогаш тие моменти неможат да бидат обоени во розово мора да излезат понекогаш трнчиња кои ќе боцкаат.Но најмногу од се ми е жал за тие сиромашни луѓе кој немаат свој дом,свое семејство,свои родители и нормален начин на живот.Во светот има милиони луѓе кои страдаат,се мачат да заработат еден грош за да купаат парче леб и да им го однесат дома на децата.Има многу деца во светот кои талкаат низ улици,просаат за парче леб бидејки немаат родители и нема кој да им даде.Има многу фамилии кои живеат без струја,вода и сите домашни потреби.Исто така многу ѓи жалам и децата без родители кои живеат без дом.Замислете на нив како им гори душата со прашањето КОИ МИ СЕ РОДИТЕЛИ?Секој ден влеваат нова надеж во себе надевајки се дека еден ден ќе дојдат нивните вистински родители и ќе ѓи вратат во нивниот топол дом.Има многу луѓе болни или парализирани на кои треба да ѓи подржиме и да другаруваме со нив,а не да ѓи делиме.Верувајте ова со солзи го пишувам,кои ми се тркалаат по лицето.Сите можеби имаме насмевки на лицата но не и мир во душата.Секој човек си има свој проблеми.Некои од нив се лечат,а некои многу тешко зарабуваат.

Вечерва во 00:00 часот ќе полнам дванаесет години.Вечерва во 00:00 часот ќе ја замислам желбата на мојот живот која никогаш нема да биде доцна да се оствари и за која цел живот ќе се надевам дека ќе ми се оствари.Вечерва ќе наздравам за сите вас,за љубов,здравје и среќа.На сите ви посакувам многу љубов,здраве,среќа и мнооогу долг живот.Среќни празници и вечерва да си поминете најлудо досега.ВЕ САКАМ НА СИТЕЕЕЕ!!!!!!”

 

СДК Лилит да не забегува оти форум фемина без неа нма да биди ист...Лилитке те сакаме

И СДК убаво да си помините вечер. Ве гушкам сите.

 

Полека,но сигурно пристигнува Новата 2013 Година. На сите ви посакувам се најубаво во наредната година успех на секое животно поле,здравје,среќа и љубов. Најубаво што можете да си поминете вечер,продолжуваме да си пишуваме и понатаму. Љубов до сите !

 

Да ја заокружиме годинава со насмевка и топла прегратка со најсаканите.

Ви посакувам, девојки и момци, среќна нова 2013, далеку од совршена, но незаборавна.

Љубов полна вреќа, и тоа ни треба.

Ве поздравувам со последниот пост од оваа година.

 

Ја испратив старата и ја пречекав новата година, во убаво друштво, со најмилите и најсаканите
Забавата за деца беше топ, си имам тигарче сега место нудист, којзнае како ќе му ја извадам бојата од лиценцето имаше и караоке за деца па завиваа едно време детево мое и на брат ми близнаците, ги крстивме дуо трио
Се радуваше малиот на огнометот, штета што му се спиеше па не можевме да го гледаме и главниот во 00.00 и се радуваше на возењето со воз прв пат, жив среќен со Томас се возел

Тука и нема некоја еуфорија за Нова Година, главното се одвива на плоштад сите се со жижици, се забавуваат, поминува огнометот и се е расчистено за помалку од саат време

Ај доста тупам да си одам да си легнам, 4 саат ме најде веќе, не спијам на пладне веќе

На вас сите ви посакувам прекрасен помин каде и да сте и со кого и да сте, во новата година ви посакувам многу среќа и здравје за се друго како што кажа Трендафилка во еден пост и сами треба да се потрудиме

Нека ви е среќна и бериќетна 2013 година !!!!!!!!!!!!

 

И јас ви посакувам убаво да си поминете вечерва кај и да сте, да сте убави, насмеани и такви да влезете во Новата година. Напијте се алкохол, ништо не ви е од малку, а похрабрите и поискусите малку повеќе И не правете многу офф-топици, и ние да одмориме малку

 

Со мојот последен пост во 2012 свратив само да кажам дека полека ја испраќаме 2012, а 2013 е веќе на прагот. Една година исполента со многу случки измина многу брзо, а набрзо и оваа нова 2013 година ќе ја испраќаме.
Нека новата година на сите ви донесе пред се многу здравје, среќа, огромна љубов и полно успеси на сите полиња. Нека сите ваши неостварени желби се реализираат во годинава што следи и нека ви биде насјреќна до сега!
Каде и да сте, бидете со вашите најсакани и убаво да си поминете, па да го красиме и направиме форумов уште поубав во 2013!

 

Среќна сум без причина,незнам зошто.Ама важно среќна сум!
Се смеам за глупости,си подскокнувам низ соба,се чудат што ми е.
Ама,незнам,се радувам за глупости.Пример,незнаете колку се израдував дека другарка ми симнала едно кило бре!

Како и да е,пресреќна сум,без причина,не се опишува!

 

Колку само не ја чувствувам новогодишната еуфоруја, чудо едно. Не дека ја чувствував предновогодишната...

Spoiler

Лажам бе, ја почувствував со книгата во рака

И така оставаме уште една година зад нас. Година која лично за мене беше многу важна. Завршување на средното образование, запишување на факултет и станувањето академски граѓанин. Во годинава што изминува започнав еден нов дел од животот, што подразбира и повеќе одговорности. Но, сето ова е само дел од важните работи што ми се случија.
Да не го заборавиме уште една работа што ја одбележа мојата 2012 година а тоа е зачленувањето на Фемина и сите пропратни работи како дел од овој форум.

Него ај, убаво да си поминете вечер каде и да одите

Мене пак уште не ми се верува дека вечер е Нова Година. Една најобична вечер.
Ај да не филозофирам многу, туку полека полека да одам да се спремам