[СДК] Сакам да кажам...[Стара тема]

Срцето е мускул,неможе да се скрши.
Тогаш како се објаснува напнатоста во ганглиите кои ги чувствуваме низ целото тело,не не боли ништо и не боли се. Болката е толку силна што ја чувствуваме низ целото тело. Таа болка не потекнува од мускулите во нашето тело,вклучувајќи го и срцето. Потекнува од белата маса во мозокот која е анимална. Затоа сакаме да спиеме и да се разбудиме тогаш кога се ќе биде готово.
Моето срце не е скршено.Крвари...
Не чувствувам болка чувствувам надмоќ и чувствувам дека ти дадов премногу. Премногу моќ,сега сум беспомошна пред тебе.Чувствувам дека ќе ме повредиш, знам дека несакаш но ќе го направиш тоа. Да знам дека ме сакаш и јас исто така,можеби тоа што го чувствуваме е преголемо,поголемо од нас двајцата.
Што ќе се случи? Зошто мислам дека ќе се откажеш? Зошто твоето "засекогаш" веројатно има истечен рок. Зошто ми рече дека попрво би умрел одколку да се случи ова?
Што ни се случи,речиси бевме таму?
Зошто едноставно не пукаш во мене? Зошто не ме спасиш и не завршиш се?
Зошто ме оставаш да крварам?

 

Имав топ помин и си се фалам на сите , како и да е си зaмислив 2 желби, кои најмногу на светот и очајнички сакам да ми се исполнат

 

Во новава година посакувам сите да сте живи и здрави а другото што е ваѓе ќе си дојди !
Точно во 12 часот погледна кон небото и си замислив една желба...Се надевам дека ќе ми се исполни оваа година. Надеж. Го топли срцето исто како прегратка.

 

Завршив со алкохолот за 2013. Завршив со бутање кифлички и шунки и поховани работи додека не ми се стежи. Завршив со глупирања и брукања по јавни места. Лошо децо, лошооооооо! Ду нат ду дис ат хоум! 2014 уште од сега ја резервирам за во домашна атмосфера со тони и тони јадења и СОКОВИ и ВОДА. Со џемперчиња и хеланчиња на мене. Ништо друго. Па кога ќе помине дочекот, да изгледам филмчиња и да си легнам. Сабајлето да си го изгледам Виенскиот концерт, и да гледам видеа од огномет низ светот, и пак да си ручаме. КАКО ФИНО МОМИЧЕ!

Некој ден ќе ви раскажам што правев во најлудата ноќ, да ми помине срамот прво.

Оваа Нова година, исто така, имаше многу луѓе кои од икс причини (ги знаеме причините сите) мораа да седат дома. Јас една Нова година, откако бев грубо одбиена дека ,,за мене нема место,, (средношколски глупости ), реков дека додека јас постојам и егзистирам во свемирот, никој и никого нема да одбијам за да дојде со мене на дочек. И ете, пак направив што можам, и пак неколку мили луѓе седеа дома. Не дека им било лошо, не ме сфаќајте погрешно, ама знаев дека дип даун, под сето тоа ,,абе супер ми е, не се секирај,, им било многу, многу грдо.

И тако то децо, нека е среќна и бериќетна годинава, само здравје и се друго ќе си дојде само од себе!

 

Мојот прв пост во оваа година.
Нека се множат.

 

Најсупер нешто од целата фама околу дочекот е што вчера го оставија парното да работи цела вечер

Е така тоа сакав да го кажам и зошто се си научив за денес ,излегувам малку од дувлото да подишам воздух(сакав да напишам чист воздух ,ама не сум баш најсигурна околу тоа ) и да се прошетам.

Имајте убава вечер.

 

Оваа година сите со господ напред ,јас со стомакот.
Ај нека ви е среќна, со сите салтанати !

 

Уште еднаш да ви посакам среќна нова година на сите. Најмногу здравје,среќа,љубов и успеси на сите животни полиња. Ве гушкам силно. П.С нека се множат постовите.

 

Тажно е кога ќе добиеш 1000 комплименти колку убаво изгледаш за Нова Година, од луѓе кои дури и едвај ги знаеш, а не ти кажува ништо дечко ти. Се што чекав е една мочана проста реченица- “Убав ти е фустанот, убаво ти стои“. Макар и да не го мисли тоа. Тажно е. Многу.

 

Ако Грујо продолжи да ја собира цела Влада кога носи златник на прво роденото дете во годината ,многу жени во Македонија ќе се премислат околу раѓањето. Ова му доаѓа нешто ко антикампања за кампањата за трето дете.

 

Денов си е убав, ден за одмор. Се фалам дека започна убаво, со насмевка и со Виенски концерт. Уште од вчера си ветив дека ќе станам малку порано за да го гледам Виенскиот концерт. И се воодушевувам на сета таа уметност, на музиката која ме фасцинира. Целиов ден ми е позитивен, прекрасен, опуштен. Денес сум понесена од магијата на музиката.
Јас си ја продолжувам забавата од сабајлето..

http://www.youtube.com/watch?feature=pl ... rflXl4Pp58

Друго, вчера си купив две сложувалки од 1000 парчиња со преубави слики. Планирам да ги наредам и да ги закачам на ѕид. Сеуште не сум почнала, работата изгледа напорна. Но, сепак решена сум - и за два/три месеци ќе се фалам дека сум ги наредила.

Ве поздравувам сите.

 

прв ден од новата 2013тта година а јас од кога се разбидив сум без глас се надевам дека барем малку ке ми се поврати до утре, епа така е кога јадев вчера од фрижидер извадени лешници и бадеми само се прашувам како ке одам утре на состанок или ке се смешкам за да не приметат дека не можам да зборувам а пред тоа што има работи кои треба да се завршат тоа е друга приказна

 

И така си влегов јас во новава година настината па кога работиш 10 часа без престан така е
Од работа право кај ханито дојдов и правец кревет се до 11 ипол, потоа станавме да ја поздравиме новата година годинава и пак во кревет
Како и да е, имајте убава година девојки, исполнета со многу здравје, љубов, среќа
А, јас за себе ќе си посакам ханито годинава да ме побара за жена , и да го завршам факултетов

 

Сите што не си го најдоа патот синоќа,да гледаат да си го најдат вечерва :geek:

 

Првиот пост во Новава година го посветувам на ова големо семејство што сме тука.
На преубавите мигови на дружење, на топлите зборови, миговите кога сме се смееле заедно, па и на миговите кога сме плачеле и сме си давале утеха една на друга.
Им благодарам на сите добри души со кои сум контактирала, кои ми упатиле мил утешителен збор, кои ми помогнале кога ми било најтешко. Не само на нив, им благодарам и на сите други кои ми ги разубавиле деновите со некој искрен поздрав, им благодарам на сите од кои сум научила многу нешта.
Искрено од срце и се заблагодарувам на Фемина што во мојот живот пристапија безброј личности. Едни блиски како вистински сестри по душа, други како пријатели и личности на кои можам да му верувам.

Ви посакувам оваа година да ви биде благословена на секое поле во животот .
Ви посакувам повеќе да го имате мирот во душата, од кој се раѓа вистинската љубов.
И ништо повеќе, само Љубов.
Да се научите да љубите, иако некој не ве љуби.
Сите од неа сме зачнати, а и од неа и ние треба се да зачнуваме. Таа нека ви биде двигател на се во животот .

 

Троа нозеве од маса не ги спуштив денес еј. За разлежив машала .
По прекрасна ноќ помината за нова година, си ги наполнив батериите со енергија, а богами и љубов.
И сега сум како магаренце кое пее „i believe i can fly “
Инаку новогодишното утро го сакам само затоа што без пардон се оставам да се наспијам. По прилично ме снемува. Пуф, изчезвам.
Избегнав петарди, еуфорија, оро, чочек, пијаничишта и си ј апоминав ноќта во прегратка.
Вчера добив „бурма“ и ја носам на раката, и уште еден прстен. Ама не се мажам не се секирајте. Само аманет ми е.

И така сега сите буљаат во раката. Финта за тролање

И бидејќи сум многу тапа и не интересно суштество сега седам дома, се топлам и си плетам. Сега си плетам шалче, ама на агенда ми е ова.
Имајте убава ноќ.

 

Среќна нова година на сите феминки. Во текот на целата година нека ве прати многу здравје, среќа, љубов, успех, кој во учењето, кој во работата, сите во љубовта

Вчера нова година ја прославив дома. Искрено најубаво си поминав. Од 6 одделение ја немав пречекано дома. Колку и да звучи смешно , имав заборавено какво е тоа убаво чувство да се оптегнеш на кревет кога сакаш , да не те болат нозете од стоење , пак и на штикла кога ќе ми текне . За нова година со еден сендвич , сите пиајни околу тебе , да влечкаш до дома некој, да им викаш такси. Чекаш до 4 саат поради друштвото и кога ќе си дојдеш дома не можеш да заспиеш , а вечерта пак излезена. Едвај чекаш да си дојдеш дома едноставно.

Годинава како што кажав дома ! Убаво си поминав. Ни кафани, ни кафичи, ни петарди ! Музика пуштена од телевизија и од двд и супер беше. Убава атмосфера со два збора , а 4 луѓе. Јас, тато, мама и бато - семејство. Колку само значи тој збор , семејство... Колку убаво било дома со оние кои ги сакаш. Во 12 час на полноќ замислив само една желба-здравје на целото семејство и една блиска роднина добро да помине на операција странство. Да оздрави за да може да го изгледа детето. Всушност вчера се потресив. Кога си дојдов од школо , т.е од кафич , разбрав дека една блиска роднина која ја немам видено 10 тина година е сериозно болна. И има шанси за секогаш да не напушти. Ако не нешто друго барем знаев дека е жива. Судбината сакала да не раздели мене и неа, ама барем нека не ја разделува од ќерка си.Кога отишла мајка ми на посета кај нејзе, таа и рекла : " Бакни ја Дани два пати од мене " . Кога ме бакна мајка ми се потресив. Плачев како мало дете, не можев да се воздржам. Секогаш ќе го паметам 31 јануари 2012 година по неа. Само господ нека и даде здравје.

Ноќ. Новогодишна ноќ. А јас некако не ја чувствував таа ноќ. Кој знае , можеби поради тоа што немаше снег и дента беше сончево и топло. Првпат не сум била возбудена толку за нова година. Важно си убаво се најадов. Одамна за нова година не сум била сита. Колбавчиња, мевце, чашка винце, ма супер околу храната беше. Гледав телевезија, Сител, Канал 5 , и искрено се покајав по малку што изедов толку. Едно се чудам, како може онолку витки да се девојкине. Дали немаат кој знае колку обврски и се одадени на спортски живот или внимаваат строго на исхраната. Можеби гени? Хах , добро звучи како за утеха ама изгледа последново испаѓа. Си легнав конн 2 и пол часот и си велам во себе: „ Како не посакав на полноќ Дедо Мраз годинава да ми донесе витко тело, а па за новчаникот доволен и овој, не мора дебел , само да не биде помалку од овој. “ Ова ми дојде на памет бидејќи овие што знаат дека сум окупирана со витка става ми се зафркаваа : Дедо Мраз ги измеша работите кај тебе, дебелко тело, слаб новчаник, хахха виделе од фб некаде, што знам јас. И станав што станав кон 10 чаот, каснав што каснав и се зафатив со спорт ! Решив барем 3 килограми да симнам во зимскиов распуст. Денеска извежбав 2 пати. Нешто како аеробик доаѓа. Најдов вежби на јутјуб и се зафатив уште на 1-ви со работа. Па ми се собра некаде околу 2 саати сигурно. Испотив, се уморив и се искапив дури сега. Време е да се променам пред се за себе , не дека сум предебелена, ама 58 кг не се малку.
Вечерва в кафич. Ќе се вратам побргу дома. Плус инспекциите се зачестени и не можам да се влечкам по полициски станици. Камо да си бев полнолетна

Почестете се сите од мене за Нова година и уште еднаш Среќна Нова година

 

Ајде девојки и од мене СРЕЌНА НОВА ГОДИНА!!!
Се најубаво, се што сакате да ви се исполни, многу здравје, пред се, зошто тоа е најбитно, па љубов и се по ред потоа.

Се надевам убаво сте си поминале вчера, не сте заглавиле ептен.
Јас си поминав убаво, домашна атмосфера, јадење и пиење.
Впрочем, воопшто не ми се разликуваше од некоја друга вечер, не знам зошто, можеби дека не и придавам ама баш никакво значење на вечерта, нити сметам дека е некој нов почеток, туку онака, само завршува календарот.

Си честитав денес со блиските, оние најбитните се јавија, пишаа пораки ... Исто и јас.
Повеќе се радувам за Божиќ, за празнициве што идат, а кои фала Богу ќе си ги поминам дома, со моите. Едвај чекам.
Малце дома без да мислам на факултет и кога ќе си се вратам пак во Ск, малце повеќе филмчиња, малце шетање со другарките, поготово едвај чекам шетање и трач муабет со една другарка, не сме се виделе може цел месец. Абе се радувам на месецов, може ќе излезе поинаку, али му се радувам на првиот ден.
Веќе две години Јануари ми е најлош месец во годината, депресија на највисоко ниво, али оваа мислам оти ќе биде поубаво. Ќе ми почне убаво годинава.

Се радувам и на подарокот од дечко ми за Новата Година.
Едвај чекам да ја облечам блузичката, многу е убава, бидејќи сама си ја одбрав.
Со дечко ми се договоривме отсега сами да си ги избираме подароците за било што. Или ќе биде нешто што ни треба, што ќе сакаме да го носиме, и тоа е поарно отколку да ми избере тој нешто што мене нема да ми се допадне, или јас нему нешто што тој нема да го сака. Затоа вака, сите задоволни и среќни.

Среќни празници феминки и убав почеток на годината!

 

I am currently on a Facebook Rehab.
Само што го деактивирав фејсбукот на еден месец, така да почесто ќе ме има тука.

http://youtu.be/2lTB1pIg1y0

 

Ветувам дека само уште вечер ќе мрзнам у хулахопки тенки и ф‘стан и веќе во зимо фустн никако нема да облечам!