[СДК] Сакам да кажам...[Стара тема]

Неколку фејсбук рутини
-Доаѓа велигден, почетната ја сочинуваат песни од типот "На велигден сум се заљубил"
-Доаѓа Божиќ ,шема е Shake Up Christmas.
-3 секунди земјотрес, 33 минути статуси околу тоа.
-Месец Ноември чекаат дожд да заврне за да ја шернат "November rain" од Guns N' Roses.
-Лето сосем случано си ги сликаат ноктите на нозете додека лежат на плажа ,и со нетрпение чекаат да стасат дома и сликата да биде објавена за другите да видат дека биле таму и да соберат шо поише лајкови.
-Завршува летото ,хит е Endless Summer и сликите од типот - I miss summer и такви ми ти срања.

Уствари ,сме напраиле фејсбук неразмислувајќи за последиците и непринудени ги трпиме овие патетики и хејтиме до крајност!

 

Секојдневно си слушам песни од Тоше, ама еве сега ми текна да гледам делови од концерти. Значи најмногу од се слушав „Ве сакам сите“.
Во громови на душа „Сета љубов дур сум жив, на вас ја потрошив“. Во Слушаш ли „Срце не се лекува, ќе ве сакам довека“.
Слушам и очите ми се полни солзи. Како што рече Ричи, звучи клише, да. Колку брзо мине времето, ја уште не сум помирена со фактот дека не е меѓу нас.
На последниот концерт колку сакав да одам со братучедка ми, ама татко ми не ме пушти. Ми вети дека наредниот ќе идеме, уште пред тој на 5-6 октомври, го чекав наредниот, се радуав мноогу. Ќе го гушнев Тоше.
На роденденот на брат ми, 16-октомври кога се разбудив за на школо, телевизорот незнам од која причина работеше (иако немаше никој дома), кога слушнав неможев да поверувам на ушите.

 

СДК дека некои личности се стварно посебен случај. Ставиле песна на фб од Тоше и пак Напишале ,,СРЕЌЕН РОДЕНДЕН ТОШЕ ,, Алооо саглам сте ??? КАКО СРЕЌЕН ??? Ако сакате ставете песна, оддадете почит, али ова незнам...

 

До некаде се сложувам со феминката погоре, навистина е малку нелогично што му чеституваат роденден на Тоше, доволно е да се одаде почит со неколку песни, сепак Тоше, за жал неможе да има Среќен Роденден, Не сакам да сум погрешно сватена, да звучам како сурова, ладна и безчувствителна личност, Го Сакав Тоше и Жал ми е што повеќе го нема, Според мене тој беше еден од Најдобрите Македонски пеачи, но за жал рано не напушти

http://www.youtube.com/watch?v=K7NbbMV3qjA

П.С. Сакав претходно да пишам за ова, но не бев сигурна како ќе бидам сватена.

 

Почивај во мир ангелу наш и еве една од мојте омилени песни.

http://www.youtube.com/watch?v=kKEzZRIjrvw

 

Само ја ли сум единствена шо коа неам за полагање, одговарам усно и се замарам со повисоки оценки? Сама си го барам човече.Наместо да се одморам, да проживеам зимски распуст...на моменти си се чудам искрена да бидам

 

Покажи му на еден човек, дека можеш и без него и тој сам ќе те побара

 

Официјално од денес сум на УН диета ... Повторно.
Конечно успеав убаво да се погледнам во огледало и очигледно сето тоа неконтролирано јадење како резултат на промена на клима, средина, стрес и нервози вродило плод.
Вага - не ни планирам да стапам во контакт со неа дури не поминам една недела дружба со диетава.

Исто се соочувам со ерупција на мотивацијата во мене.
Почнав да вежбам, повторно да читам книги, па дури и си направив список на работи кои треба да ги направам пред да започнам со втор семестер.
Сигурно нема да го поминам неучениот материјал по одредени предмети, всушност нема ни книгите да ги допрам, ниту пак ќе се обидам со free range learning, ама ако, нека стојат на список. Може ќе ми биде досадно откако завршам со читање на најмалку три книги, постирам три пати на блогот и напишам статии за два сајта или откако се вратам од шетање со моето куче или откако ќе се изнавежбам.

Кој што сака нека каже, ама дома сум си нај организирана и нај присебна.
Да не биле огледалава сите ќе се чувствувавме пријатно и самоуверено во своја кожа, како на пример јас пред да се вратам дома.

Но, каде можам со други луѓе постојано да парадирам пред огледало?
Немам време за тоа.
Брз начин на живот - брзо поминува времето.
Цело време се подготвуваш да направиш нешто и на крај на денот пак не си направил ништо.
Мора нешто да ме поттурне мене за да функционирам и делувам, а во овој случај тоа е огромното огледало во собава.

Ама ми имаат кажано дека сум нестабилна личност.
Сега јавно ја искушувам мојата самоконтрола.

 

Кога ќе почнете да се чуствувате тажно, осамено и кога мислите дека цел свет почнува да ви се руши

Spoiler

почнете да ги перете вашите алишта

Ах...
Блага ретардација имам. Или факултетот ќе ме поремети или јас ќе пореметам некого, трето нема.
Инаку, ми недостига. Ама нема да му кажам . Денес ќе бидам лоша
Инаку ми мириса на убав ден

 

Само што се вратив од настап а веќе во 7 треба да бидам на нозе, полагам
И сакам да кажам дека преубаво си поминав
и сватив една работа пеењето ме исполнува, целосно..
и дека е единствената работа што знам да ја правам најдобро и што живеам за да ја правам..
и дека ветувам дека ке се посветам малку повише за да се развиам на тоа поле, а не само да кажувам и на крај ништо..
И дека ке внимавам на мојата линија, не ја бива работата! Сакам да се занимавам со професија во којашто многу се гледа тоа
(инаку секогаш го викам ова, ама никако да се нафатам)
Добра ноќ феминки, држете ми среќа за неколку саати на испит

 

Во трета смена најмногу го сакам то шо стално прва дознавам работи кои останатите лејм луѓе кои спијат ќе ги дознаат тек следното утро.
Па и рутинава, порешавај една задача(препиши ја од збирка во компјутер де), ѕирни на фејсбук,твитер и сите останати безвезни социјални мрежи кои ми се сто пати поинтересни од тоа што го пишува во книгата,касни си благо...и така.
Така го поминав мојот зимски распуст. <3

 

1 час учам 3 седам тука И се така во круг

 

Ова тмурно студено утро тема на размислување ми е што ќе беше доколку животот ми отидеше во друга насока. Доколку не ја одбрав таа страна од патот која ме донесе кај маж ми. Каде ќе бев, со кого, што ќе правев пример еве во овој момент? Дали ќе бев со тој кој тогаш трчаше по мене, но на кого предоцна му текна да го прави тоа?

И тогаш, иако се' уште горев од свежите рани од спомените и повторно фрлање во неговите прегратки тогаш значеше како мевлем на рана, но само привремено, се' додека не бидам повторно повредена, реков „не“ звучејќи посигурно од било кога во животот, а сепак го изговорив пред во целост да се почувствувам така. Дали тоа отсечно „не“ беше баш тоа скршнување на патот кое ме донесе до маж ми? Како интуиција, како потсвесно да претчувствував дека тој некој кој е многу повеќе вреден да биде дел од мене пристигнува наскоро во мојот живот.

Се омажив млада. Не она многу млада, веќе до некаде бев оформена своја личност, но сепак според модерниве стандарди се'уште млада. И што добив? Не, не завршив како оние стереотипични случаи на млади невести кои не си ги остваруваат во целост дотогашните амбиции и се во ропство во 4 ѕида. Искрено, ни во домот на моите никогаш ја немам почувствувано слободата која ја добив од него. А што се однесува пак до амбициите, уште веднаш му кажав дека се значаен дел од мојот живот и доколку не ги остварам ќе се претворам во нешто друго, не во девојката во која се вљубил.

И како огромно изненадување, тој беше оној кој стоеше во првите редови во малата група на поддржувачи во секој мој чекор кој би значел усовршување. Никогаш не ме притискал за ништо, во се' беше тука за мене. Кога ќе ми текне само како скокаше низ дома кога ми ја прифатија тезата...како дете на кое си му го дал подарокот кој со нетрпение го очекувал. А всушност јас сум тоа дете. Детето кое доби подарок кој ги надмина неговите очекувања.

Никогаш нека не ве кочат стереотипите и предрасудите! Некогаш срцето е тоа што најдобро го познава патот до вашата среќа.

 

A sunny day in Stara Zagora Ke odam da gi sredam ostanatite raboti i da prosetam malce i da go iskoristam posledniov pat tuka.A i si dadov den plus Neznaete kako mi se ispolni srceto gi zaboraviv site gluposti od doma... Se citkame,pozdravce i imajte i vie ubav den

 

допрев до многу малку парички ама дел од нив ќе ги потрошам на книги ,( другите ќе ги штедам) само да не ме разбере маж ми не ја разбира тој таа страст за книги

 

Моментот кога се будиш и сфаќаш дека те боли ногата иако цела ноќ си спиел.Моментот кога се сеќаваш за склопениот заговор меѓу ќерка ти и маж ти,таа да те водела да си купила патики,и тоа марка.Како да не Моментот кога се сопнуваш од расфрланите работи на децата,и притоа си ја расипуваш шољата кафе.Денот може да почне.

И се некако си мислам дека живеам некој друг живот...или како да е ова една сцена од некој филм.Се нешто чекам да се случи некој пресврт во моја корист.Како во оние филмови кога актерите водат досаден живот и одеднаш се појавува некој или нешто,кој го менува текот на настаните и и дава на приказната сосема друга смисла.И многу се нервирам што размислувам за ова,срам ми е ,ама не можам да го исфрлам од глава

 

Многу сиво утро, милион бои да можам би фрлила, со кофа, со четка, што било.

Кафево ми горчи, носот ми тече, слушам The Orb и сакам да не беше петок во кој сум втора смена на работа и кога сите се спремаат за излезат, намирисани, избањани, желни и волни за шеткање, јас директ после работа треба да сум супер расположена, а не сум. И да се потрудам, ми треба време, бар неколку секвенци за тоа да заличи на човек кој не излегол од работа после 22часот.
Се искенкав, знам. И ми личи, вака во пижами и со торба подочњаци. Него, вчера во МКЦ на Милко супер си поминав. Пиво, добра музика, се запознав со Џули (колку е мал светот, а ФБ колку е најголем), ми вика - jooj, pa vidjela sam te, znala da sam ti, shta si lepa, ko neka Francuskinja! И се изгушкавме како да се знаеме милион години. Студира пеење во Скопје, и договорив кафе, откако ќе и завршат сите испити, а мене ќе ми се смири срцето. Да, светот е малечок, а Љубовта е голема, за луѓе што ќе се препознаат и останат во своето соѕвездие. Денов ми е само за читање книги. Почнав да ја читам Психологија и религија од Јунг, и ми досади, некогаш опасно знае да ме завлече теорија што не можам да ја сконтам од прва и само бегло врткам страници. Но, и покрај се’, увото ми ужива убава музика.
Мандарини за појадок, и одобрен состанок со тимот од издавачката куќа. Индог ми се понуди да ми ја дизајнира корицата на книгата. Возбуда од први размери. Тој, ми праќа љубов од далеку. Си разменуваме нежности и погледи како што технологијата дозволува. Сите единици и нули се претвораат во бескрај. Мачките веќе влегуваат во лупот наречен сексуални активности по тротоари. Сивилово ќе го обојам во нежно сино, па индиго виолетово. Да, и смената денес ми е таа боја.
Темно сино, виолетово, ко очите на Елизабет Тејлор.
И албумот е Blue album. И неговите очи прскаат фонтани синило.
А јас, јас сум горчливото кафе денес. Кафеаво гомце, пре би рекла. Ќе прснам малку жолт лимон после и мандарина во себе, да ми се вратат сончевите бои.

Ќе ми помине.
Имам што да му понудам на овој свет, иако тој не бара ништо од мене!

 

Маана ми е што последна се ставам на листата.Душата ја давам за други.И затоа ме заболе,не очекував.
Додуша,никогаш од никој ништо не сум очекувала.Кога давам,давам од срце.Си скратувам од нови чевли,палто,блуза,си скратувам од трпезата и доручек и кафе на пауза.....Јас не можам да имам и да бидам среќна а моите да немаат.Тоа ми паѓа многу тешко.......

Сакам да ме нема месец,два,три,само јас и тој без никој.Мене никогаш нема да ми здосади од него.Јас неможам без него.Дури и кога доцни од работа,јас едвај чекам да се појави на врата и да го гушнам.Зошто секое утро со бакнеж тргнува на работа.Многу е внимателен,за да не ме разбуди,ама јас секогаш го чувствувам.Сакам за миг да немам проблеми и да не ми тежи ништо на душата кога сме заедно.Да уживам максимално со него.А јас,неможам.И кога сум на одмор мислите ми се дома.Колку ќе беше подруго,да знаев дека спокојно ја оставам мајка ми со татко ми,сите среќни весели,секој со своите проблеми,а не вака,на секое мое идење она брза да влезе внатре пошто не може веќе да ја глуми насмевката.Како јас да бидам мирна?
Затоа отсега мојот круг се сведе на многу помалку.Само 5,6 души и затворен е.Никој нема право да влезе,ниту јас ќе дозволам повеќе.

 

Растргната помеѓу сонот и реалноста, помеѓу желбите и можностите...


“Кога се сака, се‘ се може.“ - Како да не! Ако некој таму горе замислил поинаку - џабе ти е и на глава да стоиш!

Ах, родена во погрешно време и на погрешно место, ете тоа сум јас. Единствено не жалам за најблиските во мојот живот. Нив ги сакам секаде и во секое време!

Не можам да си го замислам животот без мајка ми и татко ми, макар само гласот да им го слушнам на половина минута, да знам дека се тука, да знаат дека сум тука. Со сестрите ми се гледаме и слушаме многу поретко. Растрчани низ лавиринтот на животот, секоја го бара својот пат, но знам дека се секогаш тука, знаат и тие дека јас сум тука за нив. Мојот мил сопруг, и кога му е најтешко сепак се обидува да ме насмевне, да ме увери дека се‘ ќе биде во ред, иако и тој самиот не е убеден во тоа, се труди да сокрие. И внуките мои најмили - сонциња. Ќе те изнервираат и ќе те изнасмеат во истите 5 минути.

Живот. Колку и да си депресивен, една мала искра надеж никогаш не те напушта. Секој ден се надеваш дека ќе биде подобро. Понекогаш ќе се развикаш, понекогаш ќе се расплачеш, понекогаш слатко ќе се изнасмееш. Некогаш си полн со енергија и оптимизам, а некогаш ти доаѓа од кожа да си излезеш.

Се надевам (посакувам) набрзо сонце ќе ме угрее! Потребно ми е.

 

СДК денес ми е родендеееееееееееееееееееееен И сум роденденски расположена
Еве повелете едно парче од виртуелната торта

Spoiler