[СДК] Сакам да кажам...[Стара тема]

Офф леле времето мине треба да се уче а шмизла како изгубен германец..То е то.

 

Самодовербата ми е на најниско ниво!
Порано си ги сакав очите, устата, формата на лицето, ушите. Ми се допаѓаше барем горе како изгледам.
Но денес се е променето. Кога цел ден слушаш како си грд, како никој нема да те сака, колку и да сакаш неможеш да останеш рамнодушен. Седнав преска пред огледало и си правам анализа некоја на лицето, видов дека сега гледам другчие на работите. Не ги гледам тие мали зелени очи, таа крива уста која толку многу ја сакав, тие мали уши, таа форма на лицето. Гледам сега едни потечени очи, крива мала глупава уста, дебели образи, уши шо мислам дека ќе стануваат клемпави. Не, не сакам да слушам дека сум најубава, дека сум лепотица, дека сум ваква, дека сум таква. Подобро болна вистина, отколку лага за утеха. Се гледам преска и си мислам како некогаш сум мислела дека стварно му се свиѓам на него. Шо има у мене за на него да му се свиѓа. Он би можел да ја има и најголемата лепотица у градо, а ја глупава верував дека гледа нешто у мене. Добро, друго ’време’ беше, си се свиѓав и ја. Си викав порано дека сум убава, си се фалев. Порано.
Секогаш викам на другите да бидат самоуверени и горди во тоа што се и како што се. Само, уште ја тоа да го правев така. Ја мразам и изреката „Никогаш не вели никогаш“, оти некогаш викав дека никогаш нема да речам дека сум грда, а сум, свесна сум за тоа.

-Памела. ♥

 

Јас кога ќе бидам дух , некои луѓе нема да имаат мирен сон

 

Сакам да споделам една стара слика од мене , со вас

 

Знаете што? Уствари сите знаете, ама само да си спомнам јас. Многу се завидливи луѓево. Ептен се љубоморни. Другарка ми вика: Ти врти сучи си ги поминуваш испитите. Само ххххх ти остана уште да го полагаш така? - Да, така...

Си викам ај сега подречи ме . Не сум јас крива што си смотле ти и не ти фаќа кликерот ко мене мојот што ми фаќа .
Мрш таму, не ме баксузирај уште еден имам за полагање и него да си го откачам
Леле луѓевоооо

 

Постара од тебе е

 

Мразам кога денот ќе ми започне со кавга.
Особено кога е со татко ми и особено кога е за некоја тотално банална глупост.
Во таква состојба на афект и моментална нервоза, ќе си се изнавикаме еден на друг, ко божем којзнае колку важна работа ни е тема на караницата. На крајот ќе си затворам врата, ќе изигравам некое време лута, се додека тој не дојде и ме праша: Може да те бацам?
И без да му одговорам ќе ме бакне во чело, а моите смрштени веѓи ќе ги претвори во мил поглед.
Потоа во знак на примирје ќе ја окупираме кујната и заедно ќе зготвиме ручек и десерт. Ќе пробаме за прв пат да направиме мафини во модлите што тој ги купи за ланскиот 8ми март.
Благодарение на форумов, најдов две убави рецепти за солени и благи мафини, а денес ги испробав благите, оние по рецептата препорачана од Трендафилка. Освен тоа, ги следев бонус советите од оние кои веќе ги направиле. Ставив 2 лажички несвик наместо какао како што препорача Трендафилка, а модлите ги премачкав со четка и растопен путер како што препорача Пеперминт.
Крајниот резултат, ко за први пут - pretty damn good
Формата на нашиве модли не се типични мафински како што имаат повеќето, овие се малку коцкасти и не толку високи, ама убавиот вкус доаѓа во секакви форми

 

Неможе шмизло,види,цела сум лична уше од мала

 

Сакам да кажам дека не знам да пишувам
Повеќе од 6 месеци не сум фатила пенкало во рака и сега ракописот ми е г’зопис.
Сериозно, еден саат пишувам една страна. Ко неписмена.

И сакам да кажам дека луѓево не се нормални!!! Завчера се пријавив за полагање, не ми дадоа материјал од кај да учам (работата е снајди се па живеј) и за утре ме викаат на полагање. WTF?!

Времеплов: На денешен ден пред една година ми раскина бившиот. Тоа беше време на плачки и лигавења кои во понатамошниот период се рефлектираа како непотребни грижи и секирации Затоа денес славам Cheееееers за бившиот

А, да, во пмс сум ... F*CK!

 

Ох се осекам како голем товар да ми паднал од вратот! по ова што ми се случи денеска сфатив дека пред се на прво место треба да се ставиме самите ние,да си се цениме и да си се почитуваме,да не дозволуваме никој да не омаложува затоа што секој човек си е вреден и посебен на свој начин!

сега со едно кафенце ке си уживам во остатоков на денов,убав ден во кој си докажав самата на себе каков човек сум и колку знам да си ги ценам моите вредности,иако има луѓе кои тоа не знаеа да го ценат!

 

Положив уште еден Утре ме чекаат 8 испити, се прашувам каде ќе најдам сила за сите. Ми се спие, ми се плаче.
Се скарав со Него. Ме праша само каде згрешил, а јас немав одговор на тоа. До мене е, не до него. Лесно би било кога би било до него, би си отишла, би чекала прв да се јави, ма и јас да сум крива, а друг да беше ќе чекав прв да се јави.
Овој пат за чудо, прва потегнав кон смирување, а тој ме чека со раширени раце, ми припива до себе и ме љуби.
Заедно си уредуваме, ме прашува што сакам, каде сакам. Не прашува ни зошто.
И сунѓерчето ми го предаде, изгледа едвај чекаше Се шегувам, се испокарав и за тоа
Жена, оди па угоди и ако можеш.


Пуштајте среќа за утре

 

Треба да пишувам домашна,да учам физика,да пишувам поезија за три одделни конкурси и на сето тоа треба да напишам говор за љубовта.Главата незнам кај ми е.Cheers to that

Марамке,еве јас ќе ти држам среќа.Ќе ти ја пратам сета среќа на овој свет,па дај боже да положиш

 

Ооо инспирацио сакана моја, што не ме посетуваш често..
Утре ако не ми дојдеш, готова си

 

СДК дека вчера дечко ми пак отиде на службен пат!
Ми треба во моментов... ми треба некој да ме гушне, да ми даде сила, да биде со мене додека сум болна!
Уште 6 дена останаа, тогаш треба да се врати!

Марамке, уште сите да ги положиш, ти држам среќа!

 

Е многу сум неодговорна.
И се мразам себеси кога се однесувам вака ноншалантно.

До некаде не ми припаѓа вината целосно мене, ама сепак... Можев нешто да сменам.
Можев да си бидам поорганизирана, онака како што си знам. Проклет период, проклета мрза
Денов како и да е така ми помина. Безделничев само.
Али затоа утре ќе се раскостам. Ако ми е. Сама сум си крива. Памет за друг пат ова!

Убаво кажале "Кој нема во паметот - има во нозете!"
Ма не, не дека немам јас во паметот.
Си ги тренирам мускулите на нозете. Тоа е, да.

 

Баш ме интересира кој ти кажува цел ден дека си грда , или сама имаш заклучено такво нешто. Знај една работа, ако мислиш дека си грда - грда си, ако мислиш дека си убава - убава си. Можеби начинот на размислување нема да те направи мис на свет, ама ќе ти го промени однесувањето, ќе ти ја зголеми самодовербата, а тоа многу влијае како другите гледаат на тебе. И кажи ми искрено, дали мислиш дека човек кој не се сака себеси, другите ќе го сакаат?

А физичкиот изглед не е ни толку битен. Не знам колку години имаш, ама би требало како зрееш да го осознаеш тоа. Другите квалитети на човекот се далеку побитни и круцијални. И немој да седиш пред огледало да си ги бараш маните. Наместо да цело време да ги бараш слабостите и да се обидуваш да ги поправиш, најди ги предностите, твоите силни страни и потенцирај ги, удвои ги. Тоа е далеку побезболно, побрзо, и поисполнително.
Главата горе, насмевни се и не се грижи, ќе најдеш некој во животот кој ќе ти сака и маните .

 

Се` ми е интересно во моментот! Се` ми е поинтересно од книгата!

Од што нема што да правам на компјутер 15 минути зјапав ко будала во десктопот. Во таа песочна плажа полна со школки и си правам филмови како се сончам, па некој згоден дечко ми го мачка грбот со масло...абе глупости, само за книга да не се фатам!

Ама, не е до мене. До овој предметот е. Глупав менаџмент!
Како може пред неколку дена се` ми беше научено, сега да неможам да се сетам на ниту еден збор...
Добро, па нормално е. Човек неможе да запомни толку набројуванки, толку поделби, толку дефиниции.
Паника ме фаќа како ќе научам?
Ниту ми е интересно, ниту сфатливо....само така читам и бубам на памет.
Едно запомни, три заборави...други 5 научи, па сите претходни заборави ги...Кој метод беше ова?

Па не сум глупава. Ама зошто ова едноставно од едното уво ми влегува од другото си излегува.
Никогаш не ми се случувало нешто вакво. Страшна е работава!

Да одам да се напијам уште едно кафе оти можам комотно во моментов пред монитор да заспијам!
Ќе учам, ќе се мачам...додека не се откажам, епа сега што да правам...

 

СДК Се и сешто имало и сум видела на форумов, а за многумина мислењето што сум го оформила испаднало точно на крај. Не знам какви лица се кријат зад никовите, не знам кој кога излажал, ама не оформувам мислење за некого од поетични постови, како утрото било прекрасно, ви паднала капка роса на дланката, се појавило виножито, а во исто време на врата се појавил љубениот со букет и чоколадо итн.
Не оформувам мислење од постови каде што пишувале дека направиле некое добро дело (не знам, можеби тоа е единственото добро дела што го направиле, а можеби и лажат!?)
Не оформувам мислење од постови каде што се фалат, којзнае што направиле, и тоа не можеш да знаеш колку е вистина, а и зошто толкава потреба од фалење не знам. Или дека ги пофалиле блиските некаде...
Не оформувам мислење од вметнати "стручни" зборови во постовите и кај што треба и кај што не треба за да се докаже богатиот речник.
Не оформувам мислење ако некој плука по другите, бидејќи ако исплука не го прави подобар од нив, сепак мааните не си ги знаеме баш најдобро.
Мислењето го оформував од ставовите на одредена тема, било што и да е тоа, од наједноставните реченици, од интерпункцијата, од активноста/неактивноста, мешањето во некои работи и разни други навидум „невидливи“ работи.

Е сега, конечно СДК дека и покрај се на форумов што сум видела, според тие работи од кои оформувам мислење гледам дека има лица што вредат за мене, имаат слични на моите размислувања, а тоа не верував дека ќе го најдам, барем не во државава Убаво е кога читаш некого да си речиш: Еееееве некој што мисли како мене, конечно. Да знаеш дека не полудуваш и дека не си сама што размислува спротивно од цела твоја околина, да знаеш дека ти не си чудакот
Убаво ни е местенцево и покрај се

 

Уморна сум, многу сум уморна.. не знам зашто денес се почуствував така.
Дома сите се боли, сестра ми трудна 6месец врие од температура 4 дена не е до мене да ја гушнам , да си направиме асален муабет.. две години не сум ја видела
И уште ова со ќерками ми требаше да качи температура
Мм чека одговор да замине и тој некаде, Индија,Германија,Азербејџан што и да еее, знам дека ќе ми биде многу тешко без него , ама тоа е
Инаку да денес моето најмило полни 4 месеци , пресреќна сум она е мојата причина за живот.. дефинитивно не знам што би правела без нејзе, се гордеам што сум родител на такво прекрасно бебе, и ќе се трудам и се ќе направам да ја израснам и како што треба да ја воспитам
Те сакам најмиило .

 

Дека конечно ми текна да учам денес цел ден пред книга па и не било така тешко да се учи кога се сака.