[СДК] Сакам да кажам...[Стара тема]

Уживајте во луксузот кој не кошта ништо...фантазијата.

Отидов да си ја дочитам книгата, а потоа да си фантазирам.

 

СДК дека сликата да гледаш пред тебе средношколки во клупа како се шминкаат на час додека некој предава за митоза и мејоза е лоша, прелоша.

 

Не знам дали имате некои навики пред спиење?Јас да.Тоа се навики кои се веќе вградени во мене.Понекогаш остриот допир на самотијата знае да ме допре длабоко.И секогаш пред сон погледнувам во небото низ прозорецот,ја барам месечината или барем нејзиниот траг,ѕвездите или траговите на ѕвездената прашина.Ако ги нема на видик,некако, тажна сум.Заради неа не поднесувам да заспијам со спуштени ролетни,заробена во мамката на темнината,одсечена од небото.

Сакам да мислам само на убави работи,на луѓето кои ми се блиску до срцето.Сакам кога ќе се разбудам да гледам во небото,да го слушам дишењето на маж ми,и да останам подолго будна ,дури до зората.Тогаш сум потполно своја.Сакам и кога врне дожд,како сега, да го слушам неговиот звук.

И кога така тонам,знам дека соновите ќе ми бидат чудесни....добра ви ноќ...

 

Залудно е да му простите на оној, кој не ни знае дека греши. Да му објаснувате на оној кој не сака да разбере..Едноставно, не можеме на другите да им го покажеме она што не го носат во себе. Но од нив можеме да научиме.. Такви никогаш не смееме да бидеме!

 

Лутете се, радувајте се, плачете, смејте се до солзи, кажете дека сакате или мразите некого, играјте само со предмети, не со луѓе... Ве молам, останете деца!

 

Мислам дека, кога ќерка ми ќе дојде да ми признае дека пуши цигари со следните зборови „Мамо, јас пушам“ ќе и речам „А цигари?“, колку да ја разбијам тремата и тензијата, на страна тоа дека ќе бидам супер кул мајка, а финтата ептен е глупа. Немојте ни да помислувате да ме демотивирате во помислата дека детето мое нема да ми признае дека пуши цигари, јас верувам во своите неродени деца!
Психоанализа на параграфов, не ми се ни помислува што некој би заклучил. Од сега ги осудив децава на горење на бели дробови. После ваков камбек, штета би било да имам дете непушач. Аген, психоанализа/самоанализа, што не е во ред со мене и слични животни прашања.

Туку, некако многу при срце си го земате форумов абе, ни во игри не може да има забава зошто некој се чувствува дискриминиран од страна на некои други членки. Мислам, гет а лајф, ама најискрено и најсериозно, форум не е живот, тука сте за тепање време и забава, евентуално за едукација, а не за градење на столбовите на себепостоењето, не знам колку би сакале да бидете дел од таа група што се приврзува за опипливо непостоечки ликови, се вика шизофреничари, па вие како сакате.

 

времево е само за спење просто да земеш кебенце ,чајче и пред телевизор а надвор убаво си врне а ти си на топло.

 

Не е лоша сликата, баш напротив, тие се жив пример какви последици може да има доколку има грешки при процесите

 

Чувството кога ќе излезеш од козметички салон после депилација....Priceless .....

 

С Д К во животот ќе се соочиме со подеми и падови ... Треба и во обата случаи да сме слини, да имаме трпение... Лесно е да дадеме совет кога на некој му е најтешко, но дали и ние можеме да го сториме тоа кога нас ни е тешко. лесно е да е зборува и дели совети, но многу потешко да се исполни тоа

 

СДК спиењето во мојот кревет е прекрасно , но и после толку години спиењето во креветот на мајка ми татко ми е priceless !

 

Едвај чекам.........ќе биде и моето за неколку дена

 

Се надевам дека се уште 2 дена, не би издржала повеќе.
Сакам сум дома сега, да ја гушнам мама, да вечерам со моите, мачката да ми се вртка низ нозе.
Ми фалат моите, нивните искрени прегратки, совети, смешки, карања... Ми фали се со нив.
Далеку ми се и тие, далеку ми е и тој.
Од никаде нема љубов. Луѓето станале себични, отровни, се за себе си гледаат.
Овие денови многумина си ја тргнаа маската, си ги покажаа лицата. Не, немаат лузни, имаат брчки. Брчки од намуртеност, од лошотилук, од завидливост.
Ако, нека ви биде така. Јас си ветив сама на себе, нема да сум како вас.
Нема да успевам во животот газејќи луѓе. Знаам дека се се враќа, јас ја научив лекцијата, ама време е некој друг да ја научи

 

Можам да зборувам, но се уморив од објаснување!
Затоа кога ќе се насмевнам,
никој не знае дали е тоа
Тага или среќа!...
Наивност или искуство...
Иронија или знаење...
Слабост или сила!...
Само тогаш ги ставам во дилема
да не знаат ништо,
а да се сомневаат во се!...
Да зборуваат а ништо да не знаат.

 

Скоро полноќ, а ние се враќаме од именден Визита! Свети Глигор Прва смена сум утре,а трети час тест физика Боже, ми се спие

 

Неможеме да имаме се` во животот.
Ако нешто многу ни оди, нешто друго исто толку многу нема да ни оди.
Кај мене незнам кој закон важи. На обратна пропорционалност изгледа.

Ако нешто кое долго сум чекала да го имам, го добијам. Нештото кое сум го имала констатнтно, и сум мислела дека никогаш нема да го загубам, ќе го изгубам!

Незнам дали ме сфативте. Во моментов неможам да пишувам јасно, оти во срцето ми се измешани емоциите.

Важен е заклучокот! Едно добивам, друго губам! Ај со здравје...отиде се` по ѓаволите

 

Сакам да си купам љубов.

 

Без разлика што се случува во твојот живот, секогаш имаш ИЗБОР да бидеш среќен или тажен.

 

Има некои книги што треба да помине одреден период откако ќе ги прочиташ за да ги средиш импресиите, да се вратиш во реалноста и да почнеш да читаш друга.
Поминав 30 страни од "The English patient" ама мозокот во Џејн Ер, половина веќе на памет ја знам, збудалев по книгата... И ај сега оди ти кажи му да мисли на тој пациентот во Италија!

 

Приметив дека некои членови имаат проблем со кирилицата, односно неможат да ги најдат буквите на тестатурата сакав да помогнам

{ - Ш
} - Ѓ
: - Ч
" - Ќ
| - Ж
Q - Љ
W - Њ
Y - Ѕ
X - Џ