[СДК] Сакам да кажам...[Стара тема]

Опуштено неделно попладне.Долго туширање секогаш е добредојдено после прекрасно поминат ден.
Сладолед, сончеви денови после долга зима, пролет,цвеќиња во коса(омилено нешто), комлиметни,дружење,смеа,среќа изгорени обравчиња од сонцето...јас сум дете на пролетта, уживам во неа.
И нормално следеше прекрасен , богат неделен ручек, кафенце, за на крајо тотално да уживам, да се опуштам не мислејки на фактот дека утре е понеделник и дека имам една лекција за учење. Сепак една е се трпи.
Ги искористив сите можни креми, гелови, лосиони и си се тинтарев полека полека. Си уживав во телото, се гледав половина час , се радував со својот успех, се чувствував гордо што стигнав до тука.
Сега среќна после преубавиот ден уживам во кревет уживајки во прекрасните мириси од сите креми кои ги намачкав на мене.

Убав остаток од денот.

 

Чистење по дома, средување за претстојната недела, одмарање, глеање тв, гости... типично неделно попладне - лабаво.

 

Недела..помислата дека утре е понеделник ми го расипува некако денов.Утре морам рано да станувам..уфф кој да издржи.. Сепак решив да не се препуштам на депресивниве мисли во мојава глава:дека утре е понеделник и дека ме чека една напорна недела со многу обврски.Сега ќе си ја нполнам кадата,ќе си направам кафенце,ќе си запалам миризливи свеќички.Па мислам дека само тоа може да ме опушти пред напорнава недела што следи.Епа феминки имајте убава вечер,јас одам да си го подготвам моето катче за уживање

 

Периодов животов го живеам со брзина на светлина. Илјада обврски-на работа, дома...И покрај сите можности кои ни ги нуди напреднава технологија за потсетници и забелешки, ништо не може да го замени стариот, добар тефтер. Деновиве и во ве-це го носам...
Само здравјево да ме служи и да ми даде Господ сила да издржам...Еј, најубавиот период од годинава, а не сум ги ни погледнала цвеќињата во дворот, не сум ги помирисала, абе не сум вдишала со полни гради... Обично во ова време веќе сум распослана во двор и читам со дигнати нозе. Ех, стари добри времиња.
Едвај наоѓам сили за себе, па камоли за другите. А тие навикнати на Пеперминт која секогаш е спремна да сослуша, да посоветува, која никогаш не одбива ситни услуги...си се јавуваат.
Пријател има мака, жена му запнала да се разведува. Моли човеков да разговарам со женава, да ја посоветувам. Според тоа што ова веќе им се повторува по дваести пат, решив да ги игнорирам. Еден викенд се караат и разведуваат, а следниот маци, куци и викенд во Грција. Иш, таму, немам сила за вас сега.
Ми се јави и момчето...липајќи. Ноќта ја грабал девојката, сабајлето дошле нејзините и со сила ја вратиле. Според тоа како звучеше и ќотек ко да добил. Дете, чувај здравје му велам, по се што поминавме. Толку беше од мене, се што можев направив, но во приватни работи не можам да се мешам.

И така следната недела во странство, физички таму, со мислите тука...
Се сеќавам првпат кога службено на една недела бев во Мадрид. Првите денови имав презентација, работни обврски. Последните денови ги посветив на шетање. Замислете центар на Мадрид, сабота навечер, убавини. А мене кога ми се стегна срцево, си почнав да си плачам сред Мадрид...по син ми, маж ми. А тогаш чував и куче, па по него плачев мислам најмногу зошто свекрва ми ич не го сакаше. Ај маж ми и син ми ќе ги гледа, а кучето...
И така отприлика е секое мое патување без семејството, знам така ќе биде и сега.
Ништо и нигде не ми е доволно убаво и не можам целосно да уживам, ако тие не се покрај мене...

 

Дали има нешто поубаво од прошетка со оној кој најмногу го сакаш, придружувани од наслаткото куче на планетава со најубавите очи кои те гледаат толку искрено?? Не, нема...

 

Епа денес,за сметка на вчера,денот ми беше преубав !

Денски максимално го искористив сонцето,6 саати не се прибрав дома.Од кога дојдов,ручав,поучив нешто малку и сега на компјутер.Уживанција.

Прееска беше прекрасно.Дружење,музика,кафенце,смеење,муабети...Едноставно ги обожавам ваквите денови...

Уствари ништо паметно не кажав.Ај,се разбравме ваљда.

Have a nice evening,ladies and gentleman.

 

Ако не се бориш за тоа што го сакаш, немој ни да плачеш бидејќи го немаш!

 

Малку е досадно.
Сакам да потенцирам дека кикиритките во последно време ми се афродизијак. Ги јадам како луда.Ако некогаш тоа беше цело милка или сладок лед од оној големиот, сега први на листата ми се кикиритките и лукот. Дечко ми сирот поради проблеми со притисокот не смее да јаде лук. А сака.
Чекам да бидат краставиците за неколку нијанси поефтини и да си правам Таратор со лук.
Чекам да одлетам пак до плажата и да си пливам по цел ден. Јас не сум љубител на сончање, некако тоа ми е премногу лежечки чин, а јас таква живчена нема шанси 5 минути да издржам на сонце. И така си се плискам по 5 часа на ден во водата. Тоа е мојата мантра.

 

Еее значи како може моиве секогаш кога сум на диета да носат за вечера благо или нешто пица, тост ..а кога не сум на диета се немат време...аман веќе и сега они ќе се изнајадат, на мене демек за утре ќе ми остават а кога ке видам се се израсипало

 

Прекрасен ден за мене. Го средив дворот, цвекињата, тревата девојчињата ја искосија со новата косилка, ете ги прават колачиња. Животот си тече и ако сега тројца сме невработени и плус еден дипломец на факултет Здравије Боже.Ме напуштија оние негативни мисли.Сега се ке биде добро ми вели мојот внатрешен глас .Заврши едно болно поглавје од твојот живот и почнува ново.

 

ПОУБАВО

 

Овој викенд сум мрзлива. Ама барем почнав да цртам пак. Се учам пополека. Се надевам дека ќе успеам да го вклопам и тоа во мојот распоред покрај сите други обврски. Почнав да си ја обновувам мојата љубов за некои од моите стари хобиња.
Сфатив дека мора да набљудуваш како луѓето дишат. Метафорички, нормално. Многу можеш да научиш од нивните секојдневни постапки, дури и дали ти мислат лошо. Исто сватив дека секогаш треба да му верувам на инстинктите. Мојата потсвест знае најдобро.

 

Sometimes you miss the memories not the person..

 

Никого не се трудам да задржам со сила во мојов Живот . Ако некој сака да си оди нека го стори тоа нема да го колнам и пцујам само нека има доблест да ми каже причина и збогум . Во ова спаѓа дечко , најдобра пријателка , блиска фамилија итн ...
Вчера уште еднаш се запрепастив од лицемерието сум видела многу , ама не и ова . Жалосно е на веќе зрели години да не можеш да се пофалиш со карактер , жалосно е да се негираш себе си од како нешто ќе ветиш , или дадеш мислење за одредена особа истото да го погазиш наредниот час .
Толку многу маски , толку многу залажување .
Веќе не знам ни сама како да се поставам .Не се трудам да ги разберам , се трудам да се одалечам .
И идеш до грдата реалност , нема пријателства , ни искрен пријател , ни искрен партнер , ни идеална врска , ни брак . Колку многу пријателства (ова ставено во огромни наводници ) се одржуваат од користољубие , колку врски се одржуваат зошто не нашле ништо подобро ? Колку врски се идеални само на лик , а преку ноќ кога магијата ќе престане неверни се и двајцата , или едниот живее во заблуда. Сте помислиле ли колку пати ви кажале Здраво од корист или куртоазија ? ! Јас да , честопати . Се сомневате во нечии честитки , во нечија прегратка . Помислувате ли дека за некое чудо е искрена ? Мене довербата во добрата намера на луѓето ми е падната на нула . И не без причина .... Ги имам стотици .

 

Прекраснотии... си јадам шопска, цел викенд уживав во времето. Сонце, зеленило, расцутени дрвја, птички ми пеат на прозорецот, а тој по цел ден широко отворен. Си ги средивме со мајка ми цвеќињата, го пресадив цвеќето во поголема саксија што ми беше поклон од бато. Си ужива и тоа во сонцето. Си се кикотиме по цел ден со другачките. И дедткото и бабето од соседството дојдоа викендов... Абе убавини!
Во саботата бев до гората. Се качувавме со мајка по ридови да си ископаме земја. Утре ќе се ѓубри малата градина и ќе се посади нешто ситно. Прекрасно ми е времето и скоро по цели денови сум надвор и се шетккаме со другачките или пак сум по дворот и уживам во зеленилото и сонцето или пак со детко мој си седиме и ми кажува за минатото. Ееехх, поубаво здравје. И колку многу се радувам што може нон стоп да ми биде отворен прозорот и птичките да ги слушам. Абе си го сакам ова мало запустено планинско гратче.
Колку знае да ми израдува пролетта, тоа е чудо!

 

Пукна пролет денес, сончево и топло време, а под тоа се подразбира дека е време за средување на плакарите и фиоките. Пола ден го поминав во редење и подредување, бришење и средување, за се да биде под конец. Решив дека е крајно време да ги складирам зимските парфеми и да ги извадам летните, па да замирисам на пролет
Имав еден лосион за тело што чекав цела зима да го употребам, па денес си реков конечно ќе го сефтосам. Договорено денско кафе - таман да го испробам. Мирис прекраснотии, арно ама... некако тешко се размачкува Кај тешко се размачкува, па и лепи некако Со тешки сили успеав некако да го размачкам низ целиот врат и деколтето, па си реков дај да прочитам што состав има чудово што никако не сака да се размачка како што треба. Го земам лосионот и читам позади дека уствари не е лосион, туку гел за туширање...


Одвреме навреме ми се случуваат по некои вакви бисери како денеска, еве кај и да е и едно герданче ќе си нанижам

 

После точно една година, јас сум се уште случај по опис на Декарт кога ги опишува страстните, лудите, збунетите и заљубените.
Истите чувства ми зујат во уши! Свет со бои!
И ме боли и ми е мачно и главата ми тежи...и сепак се изнасмеав...
И Лезбејките на Скопје му посакаа убав ден со распнат транспарент на надвозникот кај Кале.
Мда!
Ах ... и јас сум едно среќно дете. Посакав во 6 часот да огрее сонце пред да зајде...и толку е. И додека на сите деца им даваа книги од Дерек Волкот, мене ми ја дадоа за добро учениче Малиот Принц. Ситни, ситни радости,полна душа...не ми се плаче по големите денес.

 

маки,маки со тој факултетов шо ми требаше да се запишувам вонредно,како некое мутаво и изгубено муле се осекам,и мора некој малер да ме сполета еве на пример денес требаше испити да си пријавам и земам кликам и ми вика немате доволно финансиски средства на сметката ма како немам кога на 10ти уплатив у пошта за 2 испита и уште не се стигнати ли у пм веке аман,и еве уште пола саат и истекува рокот за пријавување и после ке чекам јуни месец за да полагам,аман веке,амаан,и кога ке им кажам на другите оти не успеав да пријавам ке ме гледаат како најголемата будала посебно другарками која за се ми помогна,ке ја разочарам ,таква малерка сум си родена и крај

ма не е фер бе така да ми одат парите,не сум милионерка

 

Незнам, незнааам како да ги наречам некои женски кои се толку самоуверени и упорни и го зацртале во главата оној клише и беден муабет:"Е добро де, ако е во врска, не е женет!"
Добро мори, мизерна, ако е женет што ќе кажиш:"Добро не е умрен, ако е женет!", со продолжение "...и ако има 3 деца!" Послатко е кога е забрането, бла бла блааа!
Мене ми се гаааади, ми се повраќа од вакви очајни девојки.

И после следи цимолење, зошто ама зоштооо несакал тој да е со неа! Зошто? "Види ја женска му, има едно бело влакно, јас немам. Види ја, нозете и се слаби и високи, ко циркузант е. Шо ќе прајт со неа, не е забавна, таа само со Кока Кола пред неа, а со мене ќе си пиеме цела вечер и плус то појака сум во кревет од неа, ова 100%. Види јаааа, маци!" -Се жали кај другарката.
И покрај тоа, ќе се замонаши ако не раскине тој со девојка му во рок од 1 месец, најкасно!

Шта да радим, а да не се удавим? Работава...
Да се смеам, да плачам, што?
Алал да и е на другарка ми што е толку трпелива кон овие т. е. кон таа дотичната.
Јас ваквите ќе ги обесам на омилениот ми споменик во Скопје.

Spoiler

( Вие уште немате омилен споменик?! )

 

СДК, јас многу се заљубив, а незнам како да дојдам до него