[СДК] Сакам да кажам...[Стара тема]

Нека ни е среќен празникот Христос воскресе за многу години

 

Ги сакам ваквите денови кога сите во семејството сме обединети, насекаде се шири позитивна енергија и сите сме расположени. Душава ми се исполнува.
Воедно, бабичке среќен да ти е роденденот, да си ми жива и здрава

 

Му благодарам на Бога што ги имам најубавите луѓе покрај мене. Тие се моето срце без кое јас би се изгубила. Невиноста нивна мене ме исполнува, спокојот кај мајка ми ме смирува и мене за секунда, брзоплетата искреност на татко ми ме прави човек без ни малечка маска на лицето. Од дедо ми се научив како да решавам задачи. Иако посреќна бев кога ме учеше како да интерпретирам народни мелодии. Исто ми покажа и како треба да изгледа вистински маж кој ја чува својата жена. Тој е мојот арслан . Баба ми жалам што не успеа да ме научи да правам сирење. Таа го правеше највкусното сирење на Балканот! Таа ми ја правеше најмалата, а издржлива лулашка само со една обична ортома. Кога ќе ми текне колку слатко се лулавме на неа со сестра ми.

... Ах сестра ми, колку сме се тепале како мали . Таа е мојата издржливост. Јас сум плачка, а таа никако не покажува емоции. Таа за/по мене трчаше постојано .
Дечко ми е мојата втора новооткриена издржливост. Кога ќе ми ги каже неколкуте зборови многу ме правиш среќен јас лебдам. Иако им се чудам на истите бидејќи скоро секогаш ми ги кажува кога јас сум како шашав џбун во косата.

И срам ми е да кажам ама јас цела година живеам само од љубов. Ги користам моите, им давам љубов а тие пари . Но претходно јас 4 години не им бев побарала ни денар. АМа сега таква е ситуацијата. Само важно ли е да ви се доверам дека јас искрено ги љубам.

 

Се чуствувам многу убаво.Ваквите празници ги сакам многу, уште од малечка сум ги сакала.Сите се празнично расположени, љубезни.Па и времево се погоди се надевам дека тоа нема да го расипе денот.

 

Христос Воскресе..
Среќни велигденски празници

 

Христос Воскресе!!

 

Не беше доста она вчера со полжавот, па уште морав да го сонувам. И плус сонував црв, пајак и уште некое такво животинче/инсектче. И тоа ме бркаа, јас бегав. Црвот беше огроомен. Ме бркаше надвор, низ станот, кај комшиите. Јас си пеев: Узбуна, чују се сирене. Узбуна, неко иде поред мене.

Иии... сега ми текна на она песничено: Иде маца поред тебе, пази да те не огребе. Чувај мишо реп, да не будеш слеп. Ако будеш слеп, отпашче ти реп.

И што закон ќе беше ова? Чим сум дома, абе и со чорапа да ја врзам косата, убава ќе ми биде. А чим излезам од дома, макар и да одам до продавница, никако не можам да ја приберам. Абе секогаш ќе ми се појави антена, никако не можам да ја спастрам.

Иначе вчера, уствари денес е тоа, после 12 вечерта... Абе на сите сум им ги скршила јајцата. Само кога дојде редот да се кршам со сестра ми, она ми го скрши. И у тај момент, Паја остаде без јаја. Ама уште поубаво да ви кажам право. Ако јас и го скршев јајцето, моето ќе останеше читаво. И ќе мораше да си го носам дома, оти ќе ми беше коњак (така ги вика татко ми јаките јајца). И така сестра ми ќе јадеше, а јас немаше да јадам. Вака барем каснав, како што не бев јадена...

Христос Воскресна! За многу години нека ни е празников! Христовата светлост нека ви го осветли патот, душата нека ви ја наполни со радост, да ви сочува се што имате и подари се` што сакате.

 

Среќа, радост во домот
да ви царува, се што посакувате Бог нека ви
дарува. Љубов и песна низ живот да ве
понесе.. ХРИСТОС ВОСКРЕСЕ за многу години!

 

Феминки и феминковци,

Христос Воскресе! За многу години денот!

 

Hristos voskrese .†

 

Ја користам оваа прилика на сите да им го честитам празников.За многу години нека е .

 

Не знаев дека сум родена во месецот на мастурбацијата.

Well, that sure explains a lot..

Да не бидам безобразна, Christ has risen феминки!

 

Е значи заради ова ги мразам неорганизираните и неисполнетите денови. Требаше да одиме кај баба ми на ручек, ама поради склоп на околности, не отидовме. Во обид да се спаси семејната атмосфера на празник, ѓоамити ќе ручавме заедно, но повторно, поради одреден склоп, повеќе испадна да вечераме заедно. Требаше да одам ваму, требаше таму, на крај никаде нема да отидам и ќе си седам дома.

Се одучив од седење дома, односно, бегам сама од себе и своите мисли. Затоа сакам да сум цело време некаде испадната и акната и да сум преморена, за кога ќе дојдам, да се комирам едноставно и да не мислам на ништо. Ете, го кажав, признав, што и да е. Кога седам дома, и сум сама, нема некој да ме муабети, сите стравови ми се мотаат низ глава. Ако се пожалам на уште некој, а посебно него ако му ја полнам пак главата, мислам дека ќе ме атерираат луѓево на месечината. А како да им објасниш и да им кажеш, дека те фаќа таква паника, таков страв, што дури ни еден филм не можеш да изгледаш на раат, тресеш со коленото, ма ни телевизија не можам да гледам, само можам да седам и да се полнам со негативности.

Го знаете тоа, секирањето е како стол на клацкање, ти дава занимација, ама не те одведува никаде? Е, тој е муабетот. А јас си се клацкам фино лепо, што да ви кажувам. Ќе пукнам и ќе отепам некој деновиве, еве те. И само сама ќе си направам уште повеќе нервози и сама ќе си се изнервирам. Кој ми е крив? Никој.

Зошто толку па под напон, ептен терсен сум, ни ќе ми избегаат луѓево, ни ќе останам сама, ни ништо. Да, сфатив дека по малку, поради толку многу луѓе околу мене, се плашам да останам сама. А што му фали на човек ако е сам? Па веројатно пак се враќаме на потребата за анализи и стравови и премерувања.

И ги напињам и ги притискам луѓето околу мене, и сеќавам дека сум и сама напната и притисната. Можда и не требаше да се откажам од бедоксинчиња, фино ми делуваа. :geek: Ми треба само нешто благо, многу благо и некој да ми прави муабет.

Диииишам.

 

СДК Многу убав празничен ручек со свекрвата,свекорот,золвата,золвичникот,малата принцеза и малиот принц,и се разбира моето муже кое денес ем славиме роденден ем најголемиот христијански празник.Мислам дека некои работи почнуваат да се средуваат,требало само време да помине некои коцки сами да се склопат.Ептен убава атмосфера исполнета со многу љубов и среќа,така одамна се немам убаво и исполнето почуствувано.Морам дури и да си ја пофалам свекрвата која што уште вечерта кога и се јавив се имаше спремано за ручек,зошто кога ќе сме отишле сакала да си седи само и да ужива со фамилијата.Секоја и чест и едно големо браво за организацијата денеска од нејзина страна.

 

Абе викам јас заради некоја си мода се оди на црква, оти нели, се оди на кафе, на црква, па у селект. И апсолутно не се прави разлика која облека е за во црква а која за во бар. Туку ај, на нас ништо не ни се докажува, тврдоглави сме, тврдоглави ќе си останеме. Ама мајка му стара, ако цела година не си влегол во црква, зошто баш сега и тоа у деколте до пап? Што не е вкусно - не е.
Туку ај, гледам има многу што не разликуват градби па црквата кафич си ја прават. Абе таман право поп музика, Бијонсе, Тимберлејк, шо да ти кажам.

И ај, Христос Воскресе. А тие што упорно мислат дека се родил - не, ВОСКРЕСНА.

Ве сакам и со душа чекам да ви ги скапам на сите јајцата. Патем, моите се најлични.

 

Колку и да ми е чудно, едвај чекам да одам пак во школо
Цркнав дома, врти сучи пак сум на компјутер, и иако е забавно, многу компјутер не е на арно. Од толку што ми е досадно дури и смислувам што ќе носам во вторник, си праам комбинации, keeping my options wide
Порано се молев да дојде денот кога ќе се распуштиме, дали било за распуст или за празници, просто ме гушеше основното школо.
Мислев дека тоа нема да се смени и во средно, and boy was I wrong.
Едвај чекам да се вратам, иако ми ствара многу (МНОГУ!) стресови. Одлично опкружување, добри професори, неможам да се пожалам.

Спојлер

Сега како што го пишувам ова ми иде да соберам книгите и да си тргнам на школо

Не за џабе викаат, средношколските денови се најубави!

 

Евтино вино = скапа главоболка.

Спојлер

Се собравме синоќа 15 жени. Повеќето една со друга не се знаеме, се видуваме еднаш годишно, колективно другарки на една од жениве, и макар што од година на година повторно се запознаваме оти и имињата сме си заборавиле, секојпат сме лудница, да не не знае некој ќе рече дека лом правиме низ град дваесет години по ред заедно секој викенд.

Глетката е бучна маса, им сметаме на тивките парови наседнати по маси, акценти од разни страни на топката, имаш три од Тајланд, па две од Мароко, една од Македонија (јас ), две од Шпанија, една Турчинка, четири од Италија и две од Гана. Обединетите нации .Се надвикуваме, се кикотиме, подај виното, подај оризот, остана ли од таа супата на вашиот крај од масата, гледај во овој апарат, сега во оној, и многу јасно толку жени на едно место, се извртува муабетот на посни безобразности, уште повеќе смеа, едно време почнав да ги жалам другите маси што не трпат, ама за момент само.

После вечерата останавме 7. За два саата се докрајчивме. Продолживме со вино во друг локал. Грозно вино. Како сипаш директно ти убива мозочни ќелии. Испразнивме 4 шишиња тука меѓу 6 жени, оти една возеше и ајде мениме локација. Мохито за сите 6, кока кола за шоферот, додека на една и стана лошо. Па една ја води во тоалет, друга оди да бара вода со лед да ја освежи малку, трета порача текила шотс за сите, и за таа што и е лошо, епа на кој до што му е ама ја испративме „болната„ дома, го викнавме маж и да си ја земе сиромав, ама таксисти не земаат некој што би во кола. Допиваме сега додека се договараме дали да викаме такси за некои, или да пробаме да собереме 6 жени во рено меган, без да не фати полиција(една треба да се крие). Се разбира, ние сите решивме дека сме возрасни и одговорни и така треба да се однесуваме, да, да, за да не сме сумливи воопшто, не една, ќе ставиме две во багашник!

Извлеков долгата сламка, со една друга поситна и од мене се нагужвавме накај дома. Денеска не само што ме боли главата, туку и бутовите, оваа што возеше намерно изгледа сите дупки накај дома ги погоди

Инаку, најмладата беше 29 години.

http://www.youtube.com/watch?v=Sv6dMFF_yts

 

... да си го честитаме прво празникот, како што е ред. За многу години нека е.

Јас арна, си дојдов дома, се истркалав 12 часа во автобус со смрдливци и небањати, но го занемарувам ова мало минувче, за сметка на сиот лахмачун и пиде и баклави и дондурма и сè!

Мешето полно, јас пресреќна, Истанбул е прекрасен, ама дефинитивно монструозно ОГРОМЕН, дури и паника да те фати на момент, јас навистина не умеам да сфатам како функционираат тие луѓе катаден, а тука ми се жали некој од Ѓорче зашто фатил женска од Драчево.
Јок, тие жалби на друго место, пробај да се возиш скоро 2 часа до центарот на градот, откако ќе смениш 4 различни превозни средства, па јави ми.

Домата ме дочека празна, моите заминале, нема лепче, немам денарчиња во новчаник, некои ситни останати евричиња што нема каде да ги сменам, зашто сè е затворено, морав да гнетам локуми (а за поздрав ми беа), па и кафето турско го отворив да го пробам де (и тоа демек за поздрав беше наменето), ај ќе им дадам од тоа што ќе остане, што сум јас виновна што ме оставиле тука само со варени јајца и ливче - ние не сме дома, поздрав!
Гледам дека не сте дома, фала на информација.

И така ви велам, убаво, ама кога стигнав во 06 утринава, Скопје беше чисто и глатко и мазно и празно, така мирно и тивко, осветлено, како мало кутивче... и воздухот поубаво мириса дома.


Ве гушкам сите.

 

Христос Воскресна драги феминки!!
Имајте убави наредни денови

Повелете велигденско јајце

 

Сдк.........Јас им простувам на пријателите кои ме озборуваат, но не и на оние кои ми ги пренесуваат тие озборувања.