[СДК] Сакам да кажам...[Стара тема]

Ужасен ден, почнат со солзи, со тага, со немир.

Една мала светла точка, ме има на еден наш сајт јухуу
Те ви линкче, да се пофалам
http://karmin.tocka.com.mk/56/96275...od-mladosta-na-majka-mi-e-vistinsko-bogatstvo

 

Абее, куклаа си ми!!! Само напред, ... немам зборови... Секогаш ме воодушевуваш!!!


Btw...
Само што почнав да спремам испити....мака ми е...не ми се учи.......сакал бе луѓее плажаа, море...одмор!!!!!!

 

Совршен период од мојот живот (пу пу пу да не го подречам).
Сакам максимално да уживам во него бидејки заслужив после толку нервози поврзани со небитни луге и ситуации.
Го запознав најсовршениот човек во мојот живот,кој секојдневието ми го исполнува со срека и насмевка а и ме потсети дека заљубеноста е најсовршеното чувство на земјата.

Го положив најдебилниот испит на факултет и тоа сосема случајно и неочекувано. Кејфои кога знаеш дека се ситнат испитите и доага крајот.

Повторно сосем неочекувано 2 понуди за пракса летово.Народна Банка и One. КОнечно ке се зпознаам со првото работно искуство во животот. Се радувам многу .СИте викаат ке ти биде тешко да стануваш рано,уживај додека можеш,но мене повеке ме прави срекна работата отколку хедонизмот проследен со досада.

Едноставно во право биле оние кои рекле дека нема да бидам секогаш на дното.Дека тркалото се врти и дека еден ден и јас ке ја пронајдам својата срека. Само нека потреае.

 

Марама ти си прекрасна . Секоја од постираниве комбинации на линкчето ти е преубава.


Денес тој ми купи алка за ногата. Сега ќе си ја фрцкам цело лето. За него си купи апостолки. Тоа е, скромни времиња ни дојдоа.
Пред некој ден јас така себична како што сум си му викам, абе ти знаеш од кога не си ме изненадил со нешто?! И после цел ден мојата брада беше тажна. Па по некое време ми вика, абе па што да правам, знаеш дека сега немаме многу услови. А тој не е свесен колку мене не ми е потребен никаков купечки букет, ниту пак вечера во Пелистер! Мене ми е доволен еден смутен сладок лед од него или една палачинка.

Вчера по грешка ми се испушти и му се обратив со Љубов. После долго време, цела година ипол. И луѓе колку беше среќен. Се зарумени од радост.

 

Тркалото на животот се врти.. Мхм

 

Иронија.
Се трудиш се мачиш и со празни раце остануваш
Додека некој на незаслужено зема се.
Често се чувствувам лишена од среќата!

 

Животот каков знае да биде, и тажен и гаден, на човек ни филм не му треба за да се расплака
Никогаш нема да можам да си објаснам, зашто за некој може да биде мајка, а за друг да биде маќеа?
Зошто сите не се раѓаме со иста среќа,исто материјално и духовно богатство?
Зашто некои можат да дозволат пари да горат, а други за лепче да си трпат?
Зашто некој да доживее 100ка, а друг... да си отиде на млади години.
Епа не е фер животот,само разгледајте по нашиве улици, и ќе наидете на тага....... Баш сум ги анализирала луѓенцава наши, многу напатени сме како луѓе,навистина.
Ќе си работиш поштено, за што? За 200е платичка, до крајот на месец што не те крпи бе.
Одмор- Прашајте ги постариве кога биле последен пат, сигурно во времето на Југославија.
Родителите од устата си кратат, за децата.
А тек па децата, која иднина ќе ја имаат? И колку и да се трудиш, јас мислам дека нема некоја шанса да се просперира. Мотивацијата е на 0 ниво, а и како нема да биде?
кој ти го цени факултетот/докторатот?
Ја ене ја, со 2 факултети, од кои еден електро, плус магистар, во продавница работи за 9000 денари.
И,после ние сме криви, кога немаш ни желба ни мотив за ништо, ама апсолутно ништо.
Денес изгледа само оние на кривиот пат успеваат.

 

Дипломата на сестра ми за стекнато B1 ниво по германски, не можеше да дојде во подобро време.
Авионските билети се купени, па здравје на 19ти јуни сите фамилијарно ќе летаме кон Минхен.
Сестра ми го посети градот пред некоја година, така што уште од сега се спрема на кои места ќе нé носи. И ѝ реков: Јас англискиот ќе го заборавам кога ќе бидеме таму, ти ќе ни бидеш преведувач и ќе вежбаш зборување германски
Ни требаше еден ваков семеен одмор, после сите работи кои ни се случија лани. И пак сé се сведува на тоа дека потребно ни е само здравје и ништо друго.

 

Сакам одмор малку.Многу ми е ова веќе.Учење, обврски.. сакам да отидам негде макар на 3 дена и после да си се вратам како нова.Ветувам дека после 15ти јуни ќе посветувам повеќе време на себеси.

 

Значи ало „новинари“, подобро кажано напори!

Знаете колку ни е гајле на нас нормалните за „старлети“ (?!) од типот на Ким Кардашиан и слични ништожни индивидуи болни по внимание што најголемиот успех во животот им е што научиле да работат со фотошоп?

ИЧ.

Не, не сме љубоморни... I promise.

 

Можам како права простакуша да му направам филм а ла Казабланка.
Еве хис ис бек ин таун... Пушта ишарети да влезам у неговата кафана вечерва, по другари. А јас као нејќам! А оно... си замишљам како драматично влегувам и после ништо не е важно. Абе...затоа мене вчера аритмии ме убија цела вечер, кога он да ти влегол у државава! Умрев!
И сега да закажам педикир, маникир, шминка, фризура, надградба на нокти, да купам аљина и да отидам да го паднам на гз а?! Па не... како типична мачка ќе се воздржам од емотивни моменти ( о да...целото собрано плачење у мене ќе искочи кога нема да смее и треба! ) и ќе си поседам дома со книгата,чунки испити...

А тоа што можда не сум паметна, ама пријателки (не другарки!другарка е на висока позиција у мојот живот,а таквите си се свои,затоа ги сакам) ми крадат фори за да упецаат дечковци, не знам како да го сфатам. Со тоа што, јас сум таква и стварно сакам језивки работи у животов, а они на пример го глумат... И викам а мори глупа една, ќе ти здосади да глумиш, па ќе види утре кој е кој, проблеми само ќе направиш!
Не, шала на страна, страшно ме иритира кога некој не знае што сака, ама знае дека сака се и си краде наводни желби од овој, од оној, од ваму, од онаму и после ги раскажува на луѓе кои не го познаваат,а не дека е стварно таков...интересно му е да се претставува ко таков. Толку некреативни луѓе постојат, мора да им е досаден животот многу! Седат и поим немаат што да прават со себе, евентуално на работа ако одат, другото...им треба муза!

Инаку планирам да се вработам ко пророчица. Неделава родив дете у сон, сонував како сум на рајски остров и еве чекам нешто убаво да ми се случи што ќе се радувам до помочување со извинение! Лева рака ме чешаше, пари си заработив...ноќеска сонував една девојка што ми е драга, ама низ животни ходници се изгубивме некако,а за право и вчера и ја мислев што се случува со неа, денес ме додаде на фејсбук...
Ако може богу на интуицијава да ми удиш у глава 7 бројки, лото да фатам! Хвала!

 

Истото и јас сакав да го кажам. Тоа што не знае да се облекува и како бремена тоа си е нејзин проблем. Пола од америчкиве фејмоус да немаат стилисти и 300 луѓе околу нив ќе немаат абер од облека и мода. Овде не можеме крај со крај да споиме ќе се замараме со мода што кај нас ни една Елена Лука како и да беше нема врска од м а не па од мода иако за некоја нејзина среќа или несреќа има по едно фустанче што го направила ок.

Денови изминати полни со емоции и убавини. Пресреќна сум уште малку ги завршувам и обврските и до крај уште 2 недели па потоа мора да се собираат пари за некој викенд некаде далеку ахх

 

Фин ден.Мислам,до сега.Незнам,поима неам како ќе заврши,ама ваљда исто вака фино
Сабајле џабе станував,во школо само 2 часа имавме.После со уште 3 другарки на прошетка малце низ маало,па на враќање си купив блок и моливче за цртање.Си дојдов дома,седнав,си нацртав еден цртеж со мерак,и после си гледав серија.
Сега малце на компјутер да се релаксирам со музиче,па да ручам,па после би требало да се договорам да излезам
Уште 5 дена учење.И после,на 6ти полуматура.А денот после тоа...Е тука може целава приказна да иде у 300 лепе
И така ви викам.Ништо паметно.

 

Да не беше темата СП до... немаше да знам дека постојат толку видови на крофни, торти, кафиња, чаеви... ама сериозно!

 

СДК дека си добив брачеда денеска,се породи вујна ми и така си славиме цел ден..многу сме среќниииииии

 

Денеска ми е последниот ден во Скопјево. Утре - дома. Да го чекаме поаѓањето.
Наскоро.
Дечко ми е благо потресен.
:geek:

И втора година, вака-така, заврши, добро, до некаде. Намерно се самопаднав по еден испит, мислам, има ли поента да спремаш испит кога пиеш апчиња што те отапуваат, едноставно не оди. Не можев да се малтретирам, почнав да се гушам кога видов дека ништо не знам, тропав глупости, се изнервирав, и си испаднав. Можев да препишувам, малку и жал ми е што не ни спремив ливчиња, можеше да ми се мавне од глава, ама искрено, минатиот пат го положив од арно, поарно, срам ми беше да препишувам. Може и не ми е паднат де, ако се смилуваат на лепе очи и преведувачки талент и ми пишат некоја скромна 6ка.

Вчера сфатив некако дека, да, времето лета, многу брзо и тоа. Многу работи ми се случија, многу убави работи, дружба како што има во последниве две години немало никогаш, ама има и многу стрес, многу нервози, за да сфатиш една работа - не вреди замарањето за здравјето што си го имаме, односно немаме. Не вредат плачките, нервирањата, тресењето, ма не вреди. Оти еден ден така фино лепо ќе ни се мавне на сите од глава, низ нос ќе ни испадне. Само на кого кажуваш, и сама на себе треба да си ги кажувам работиве.

Јас сега седам, и се чудам од кај да почнам во сиот хаос. Еднаш си ваму, еднаш си таму, овојпат, треба туто-комплето да се соберам. За некоја недела, туто-комплето пак да се спакирам. Колку пати се имам селено во животов, и јас сама веќе престанав да бројам. Вчера така ме мавна во глава, како минат годините, месеците, како се случуваат работи, промени. Знаете, страшно е малку, како некна да беше кога полагавме матура, а уште малку и дипломска ќе спремам, ете така ми лета.

Некако се стабилизирувам во врска со одењето, предвреме се исплакав и се испотресов, а го гледам момчето ми тек сега почнува да процесира што и како и зошто. Во врската имаме три рака и едно говедо , хороскопски гледано, и јас и он си ќутиме и ништо не викаме, такви карактери сме, барем нема многу искажувања што викам јас, а има многу плачки во нас собрано. Најбуквално да се изразам. Така повеќе му зборувам, едно, друго, трето, а тој само си ќути, си ќути, ама вчера укопчав уствари колку многу му паѓа тешко моево одење. Тешко му е што нема да ме гледа многу последниве две недели, јас дома, тој дома, а домите не ни се во иста дома, уствари, укопчав дека него тешко му е кога не ме гледа и по 4-5 дена... Ми стана еден од најдобрите другарчиња, ми стана поддршка, потпора, а јас него му станав сето тоа што го барал цел живот, цело време - некој да го ислуша кога зборува и некој да му каже ,,немој да се замараш оти не вреди,, на крајот на денот. Има тоооолку многу да каже, а најчесто него го замараат, и никој него не го прашува како му е.

Си се најдоа со една наша заедничка познаничка, рода де, секој ден гледам си се тешат, и таа испраќаше пред некоја недела, и тој ќе испраќа за некоја недела... Можам да ги замислам двајцата, некна им се пукнав од смеење, онака, другарчиња од мали, и сега дошло време, тие двајца сами, сркаат сладолед од кофа, а во позадина уклучен скајп и јас и дечкото нејзин, им мафтаме.

На сите по три кила чоколадо кога ќе си дојдам.

Се гушам, се нервирам за глупости, паничам, ама мислам дека во Германија ќе се средам. Дома, работа, шетање, ќе биде стресно од почеток, ама после ќе навлезам во некоја монотонија и ќе ми годи. Да, годат монотониите некогаш во животот. Некна баш кога минев низ паркот во гратчето мое, гледам луѓе, кои секој ден прават исти работи, на истите места, со истите луѓе, ама мирна им е главата. Кога ќе видиш, на крајот на денот, може и тој живот не е така лош, зш јас сум таа што се клука со апчиња, нив се' им е рамно.

Оф, се изназборев, одам да средувам, да спакувам, да се избањам, да се изгушкам со момчето ми. Мислам дека ќе ме запроси кога ќе се вратам. Озбилно ова.

п.с. Ќе му речам да. :geek:
п.п.с. НЕ РАЃАМ ВО НАРЕДНИВЕ 5 ГОДИНИ!

 

Имам прекрасна вест! Бремена сум!

 

^ Кога ќе слушнам вакви прекрасни вести, посакувам и јас да ја искусам таа среќа.
Сакам брак, семејство, работа и хармоничен живот.

Сепак тука си го поставувам прашањето дали сето ова ќе го доживеам или уште некоја година мака ќе мачам со факултетот.
Сите сакаат да се вратат во детството, а јас сакам да бидам повозрасна. Иако и на мој години некои гледаат детенце.

СДК утре ми е последниот, а воедно и еден од потешките испити од овој семестар.

И СДК ова ми е првиот пост во оваа тема.

 

Добро што ми е бе, целовреме само



трагикомично

 

Конечно се решив да почнам да читам за матурава...
Досадно ми е и глупаво. Почнав за историски развој на македонскиот јазик - ќе заспиев.
Немам желба за учење - тоа е :/