[СДК] Сакам да кажам...[Стара тема]

СДК , дека си купивме нова кола ! Не е нова од салон , половна е ама јас се прерадував ептен сум среќна

 

ТЕ САКАМ ТАТО

Знам дека имаш проблеми со нервите и со желудникот, секоја ситница те нервира и често те боли стомакот Најмногу те сакам, ама неможам тоа да ти го кажам, знам дека многу ќе се растажиш затоа што не можеш да бидеш како порано Правиш се за мене, ми купуваш се што ќе посакам без да се расправаш за цената, ти го јадеш сувиот и бајат леб за јас да го јадам новиот мек леб ..И кога си премногу изнемоштен ме носиш каде ќе сакам, ми даваш се што ќе посакам..Ти си мојот херој, мојата прва љубов, ти ме учеше никогаш да не се откажувам од тоа што го сакам, да не се откажувам од Бог и цело време да се молам, дека Бог е секогаш со мене И во право беше Само знај дека те сакам и дека не сакам ништо да ти се случи Од самата помисла дека ќе ти се случи нешто - почнувам да плачам ИЗДРЖИ ТАТО ТЕ САКАМ

 

Леле не ме предомислувај...после 100 години се договоривме со другарки да излеземе во четврток...сигурно исто ќе е!!!!!!!!
Ќе ти кажам баш. А ко што сум и од помало место....нема промашај дека ќе е така нажалост

 

Што добиваат љубоморните и завидливите луѓе? Ништо корисно.Љубомората е болест излечете се.

 

Се разбудив со убава вест, но кога се вратив во реалноста сфатив дека не може да си ја остварам. Да беше до мене веднаш ќе се согласев, но не е жалам. Зошто сум таков човек бе? Зошто секогаш гледам прво за другите па за мене? Ако остане ќе ги јадам трошките. Многу си се мразам поради тоа а срам ми е да кажам колку години не сум била на море. Ах животе што си толку лош со мене или јас не си го искористувам моето право да одлучувам за себе туку дозволувам некој друг за мене? Ај си се тешам не мора оваа година ќе прескокнеме има време само некои работи да се средат. Да си најдеме работа, да заврши со факултетот, за мене е лесно па другото лето ќе одиме. Јас никогаш во животот не сум имала препреки секогаш сум го правела тоа што го сакам, сум била на многу убави места, никогаш не сум имала проблем со парите моите ме чувале и ќе ме чуваат до смрт како капка во дланките, единствено чедо сум им. Жалам ...

 

Spoiler

А замисли некој ти се доближува со годините приближно на син ти,и ти вели тетко имате ли упаљач.... (или нешто слично),и притоа се обидува да започне разговор...
ма ...

 

Од денес почнувам да вежбам!

 

Убаво се чувствувам кога ќе зготвам нешто и ќе видам насмевка на лицето на мајка ми,па макар тоа биле пржени пиперки,тиквички,патлиџани...
Кога сум вака повеќе месеци дома,чувствувам потреба а и обврска да правам нешто за оние што ги сакам,а не да ги преспивам деновите и да се понашам како паразит при полни 20год.

Брат ми сабајле отиде,замина..
До пред некој час беше тука и заедно го пиевме кафето на аеродром,потоа се качи и одлета.Ми недостасува иако сеуште не стигнал до конечната дестинација,ми недостасува а уште нема поминато ни 1 ден.Незнам како ќе помине времето,ама се додека него му е добро,добро ќе се чувствувам и јас.
А колку на еден млад човек може да му биде добро толку далеку од дома и од луѓето што ги сака? Скоро ич.
Пуста нека биде и Амерка,и оваа проклета сиромаштија овде.А јас демек тлеев надеж дека овде нешто ќе се подобри,море бетер ќе биде.Кој знае каде ќе завршиме за 10год...

Го пијам второто кафе од сабајле,а кутијата со цигари е преполовена.Мајка ми ја гледам само се цигари пали од кога си дојдовме дома од аеродромот.Не е сеедно да си го пратиш детето толку далеку.
Може ќе беше полесно доколку отидеше таму за да се прошета и 3-4 месеци да си ужива,арно ама...

Ќе почнам да средувам по дома,вака не ме држи место..

 

Сдк дека времево е ужас....кога ли ќе се оправи кога ќе го почуствуваме летово....Времево ми ствара депресија,нервоза

 

Сдк се согласувам со постот на луничка,и јас имам такво чуство дека денес владеат клинците од 12 до 18 години,а ако имас 25год тогаш ти веќе си стар и нема каде да излезеш сите те гледаат чудно,како во типот што бара овој или оваа тука,божем не треба човек да се забавува и постари години,што на запад не е така.

 

Денеска нешто му контрам на времево .. Се си мислам дека годинава нема да почувствуваме лето, сонце, плажа..

 

Многу често кога седам сама и размислувам махинално за нешто, ми текнува на темата “Разговор со тишината“.
Не знам кој е авторот на темата, ако е Реинбоу за него морам да ја пофалам, и покрај тоа што си војуваме на други фронтови .
Многу убав наслов.

Разговор со тишината.

Баш така. Седите, а мислите ви одат некаде длабоко во вашата душа. Се навраќате на настани од минатото, на вашите одлуки, постапки, на личностите што биле тука за вас, или сте мислеле дека било така, па мислите за иднината, планирате...
И сето тоа во тишина. А сепак разговарате. Со самиот себе.
Некогаш тие разговори се најтешки, затоа што најтешко е да се признае пред самиот себе каква е всушност реалноста, полесно е да се бега од сопственото јас.

Но во такви моменти на тишина, на разговор со тишината, често пати се слуша најголемото ехо, најголемиот крик, болка или среќа зависи, што ја држите некаде длабоко во бунарот на вашата душа.

Сакам да кажам многу работи, да пишувам за многу теми кои ги знае само тишината, но некако мислите, ехото, се губи некаде по пат.
Едно нешто сепак излегува на површината- дека ништо, ниту една работа не е како што навистина изгледа.
Немојте да му завидувате на некого што мислите дека му е многу убаво и да посакувате да сте на негово место- оти голема е веројатноста внатрешно да се распаѓа; но немојте ни да сожалувате некого или однапред да го осудувате на пропаст- можеби одамна си ги средил работите, но не сака да ја споделува својата среќа, можеби се води по мислата дека колку помалку луѓе знаат дека си среќен, толку подолго си во таа состојба .

Како и да е, времето променливо облачно, со повремени врнежи и услови за град и грмежи- совршен изговор и оправдување за меланхолија.
Од времето е.
Или сепак не?

 

Што може да биде послатко од видео со бебенце, или од видео со слатко животинче?
Видео со бебенце и слатко животинче!
Само дајте ми некое вакво слатко видео и јас одма цивкам 10 минути.
Што убаво кога ќе видиш ваква убајна и кога ќе се разнежниш уште од рано... После ни времево не може да ме онерасположи.

http://www.youtube.com/watch?v=y-JWXF-Pud4

 

сдк дека конечно завршивме со школото гааааааајсс многу сум среќнааа

 

истооо и јааас многууу сум среќнааа ми попуштила професорката на факултет ќе требаше да идам на испит и сега ми пишала плус 1 поен и нема потреба да идам на испит, си го положив колоквиумот

 

Вчера баксузен ден,ама сепак убаво време со добро друштво.Денес диплома за завршен 7ми степен по англиски и мноооооооооогу дожд.
Ме тера на плачење дождов.Незнам зошто.Пробувам да го разбијам песимизмот со музика,aма тешко ми оди некако.
Иш,иш...
http://www.youtube.com/watch?v=5MZv6kQvm2Y

 

СДК страшно е што не се слушаат постарите луѓе, што тие имаат да кажат, уште пострашно што не се почитуваат.Не велам дека се секогаш во право, ама скоро секогаш се во право.Оти тие го поминале патот, по кој поминуваат помладите.Треба нивниот совет да е добредојден.
А дали некои од тие нивни совети ќе се прифати или не, од помладите зависи.Но сепак не би требало во потполност да се игнорираат, бидејки можеби токму тие нивни совети, го содржат вистинскиот одговор.

И не е страшна мислата, се додека човек не ја спроведе во дело, би требало да внимава која мисла ја спроведува во дело.Велам не е страшна, бидејки нормално е на човек секакви мисли да му се појават.

И би требало човек да размисли какви луѓе има покрај себе, какви доаѓаат, остануваат и заминуваат.Сите џабе не се појавуваат во неговиот живот.

 

Имам нова симпатија. Си се шмекаме
Добро да бидам искрена, старо-нова е. Од лани се шмекаме.
Ама како беше онаа народната, од гледање фајде нема

 

За жал им нема лек. Греота,сами си наштетуваат.

 

Сакам да кажам дека пу пу машала, многу убави дечиња си имате. Си викав „цуци-буци“ на екранот пола саат (да ме глеаше некој ќе си речеше „на оваа погрешно и` е наместена сијалицата“). Можам да замислам нивните мамички какви женски се.

Да ви бидат живи, здрави, насмеани и СРЕЌНИ покрај нивните сакани.
Е вака се предомислуе жена за абортус, една кратка посета до „Мода за клинци и клинцези“ и готово, а не со закани, догми, закони, бирократии.

Правам муабет за оние кои МОЖЕ да се предомислат, а не жени со цврсто изграден став по тоа прашање (да не ме сфати некој дека осудувам или дискриминирам).