[СДК] Сакам да кажам...[Стара тема]

СДК....е колку убаво ми почна денот, толку глупо ми продолжи.Сфатив дека го сакам, а не верувам дека би можеле да бидеме заедно.Не мислам дека ме гледа така како што го гледам јас него.Уф, што ми требаше да се заљубам.И фино си дојдов и си тргна поплавата-маскарата, тушот, се отиде...Сега конечно се смирив и одлучив дека ќе пробам да му дадам до знаење дека го сакам, можеби и нема лошо да изреагира
П.С. За да биде денов уште потрагичен, сум направила кафе, отварам фрижидер и...нема млеко...

 

СДК СРЕЌНААААА СУММММММ!!!!
Само што си дојдов од фах,полагав,напишав се и сега сум исполнета скроззз.....

 

Денот ми почна преубо, расположена максимално, абре уста не затворив цела пракса, само јас се слушав. . Заминав на слава кај другарка ми, останав таму, муабети ова она не можевме да се доизнакажиме, то ти е то ко ќе не се гледаш често.
Обврските си го прат своето.
Откако помина време сфаќам дека не треба да плачам и жалам по тебе, ти изгуби некоја шо премногу те сакаше и беше спремна на се.
Запамти, ТИ ТАКА САКАШЕ.
Одам јас да си го згреам столчето, оценките мора да се доредат.

 

Денес имав бурен ден, само трчкав наваму-натаму и сега не можам ни да дишам. Немам сила ни да се пресоблечам. Ама сепак денес сум побогата за едно искуство. Мислев дека сите што работат во нашата управа се искомплексирани будали кои треба да се стават во самица наместо да им дозволат да работат со луѓе. Изгледа не се сите... Останав со подзината уста денес, кога сите ме пречекаа како да им плаќам со тоа што сум отишла таму да се распрашувам и што појма немав од ништо. Бев изненадена како наместо да те шеткаат од шалтер до шалтер тие сами се растрчаа и средија се за најкраток можен рок. Добро, ама тоа само во едната зграда.
Сепак, побогата сум и за една мисла. На враќање сега ме сретнаа двајца со флаерчиња. Ми го подава флаерчето и ме прашува дал можеле да ми кажат нешто. Го погледнав и уште штом видов со големи букви напишано "Ќе го преживееме ли овој свет?" - веднаш им го вратив. Ама ова мало листе хартија сепак ме стави во мисла. Ме натера да помислам на една личност која неизмерној ја сакам и ценам. Да помислам колку сигурно му е тешко да не знае дали утрото кога се разбуди ќе го дочека целата фамилија или еден член помалку, да постигне неверојтно многу и за краток период се да пропадне... Да се мачи и труди цел живот и на крајот на денот пак да каже: „Јас сум најсреќен и јас верувам во Господ.„ Ете, тоа е верба.
Ех, да... заборавив... Утре чекам резултати од стипендијата. Ако ја земам, сите ве частам

 

Срце бе.
Ич да не се секираш, јас во просек 3 пати неделно сонувам како дечко ми ми раскинува по телефон, и потоа не можам никако да го најдам... му вртам како мрдната, потоа сфаќам дека фали копчето 7ца на телефонот...
Му урлам пред зграда, фрлам камчиња на прозор, потоа се симнува некоја опасна типка и ми вика - јадеме торта, ај не замарај...

 

СДК дека ако не најдам друштво за Нокаут и го пропуштам и овој концерт ќе ми биде ептен криво.

 

Ми се спие, ми се плаче. Вчера, спиев не цели 3 саати, поручеква, око не склопив. Да, да, не е битно, битно си ги нашарав ноктите, и книга не чепнав. Ама затоа, вечер со другарка ми ќе треба да решаваме задачи најмалку до 1 саат. Утре правам тест математика, а јас благо речено-поим си немам. Неделава, полна со тестови и испрашувања, ваљда ќе ја преживеам. Другата недела-пак тестови.. Ќе бидам среќна, ако будна ја дочекам новата година, ако не здравје.

 

Никогаш нема да разберам која е поентата да му честиташ име на брат ти ( кој е дома во моментот! ) , или да си пишуваш коментари на ѕид со цимерката со која сте во иста соба..... демек сите да разберат колку се сакате?? Што е? Не се важи ако не е кажано на фб???

 

Торта јадат бе, барем прават нешто фино, овај пристојно, да не речам слатко.
А јас, мојов што во сон го начекувам, на кауч, како го јава метлосана плавуша со тетоважа трајбл на кичма!?! А? А? А?
И оди после стани наспана.

Инаку, охриџанчиња чекајте ме. За Нова Година ќе ви дојдам, официјално решено.
Ми доаѓа уште сега да спакувам торбата и да фаќам магла од Скопјево пред да падне првиот снег.
А да, и сакав да и кажам на Марама дека го научив новиот телефон, конечно и дека решив за штиклите, ќе ги имам!

И то.
Понеделнички ве частам со по едно македонско кафе.

 

СДК дека мнооогу сум срекна што конечно ке си одам дома... ке си го видам дечко ми после 6 месеци и после многу лоши работи кои ги доживеа тој за жал без мене. Незнам како ке дочекам. Куферите спакувани, карта резервирана, само уште оваа недела да помине. Мене ми се чини како година...

 

Нова година, ко самовила, толку многу го маѓепсува народот што како само за неа да ’рмба 364 претходни денови.

Ја сакам Нова Година.
Сакам и снег.

Но уште повеќе го сакам секој обичен ден и секоја друга атмосферска прилика и неприлика.
Редно е да се прослави доаѓањето на новата година, но зошто да не му се радуваме на животот секој ден? Зошто да го славиме зголемувањето на салдото на годината за +1, а не секој ден во кој се будиме живи?

Нова година за мене е само една причина за луѓето да се соберат на едно место, со посебен повод.
Дружењето пак во целина, е да се собериш со луѓето на едно место, без посебен повод и да славиш што постоите едни за други, во добро и зло.

И додека за некого долгоочекуваниот снег во природата, на друг му врне во душата и поради мекоста на срцето се топи и натежнува надолу за да ја продлабочи самотијата, се пријавувам во друштвото на вторите и сеуште како дете во Дедо Мраз, верувам дека пријателството победува, дење и ноќе, празник и делник.

Зашто цело е кога има се. И една година е цела и подготвена да замине ако е исполнета правилно. За што инаку би и бележеле една бројка повеќе?

 

СДК дека минатата година овој период бев бесна на Скопје, не го сакав ама ич бидејќи имав за учење и бидејќи бев далеку од дома.

Оваа година јавно му се извинувам на истото Скопје поради бранот на омраза со кој го стрелав лани.
Оваа година јас го љубам Скопје.

Spoiler

Добро сега, не како она другото, но сепак го љубам.

Ова ваше убаво Скопје, светкаво и раздвижено.

И да имаше Скопје број телефонски, сигурно ќе му испратев порака една, честитка една за Нова Година. Да ме дочека во Новата со раширени раце (како што, признавам, ме дочека и лани, иако мрчев како најголемо непогодение), да ме прегрне и заштити.

Бидејќи Скопје дава.... ако знаеш од кај да си земеш.
Си дава мирис на костени печени и музиче од хармоника за 10 денари. Скопје дава шареноликост, слобода и крила.

И му припаѓам, one way or another.

 

Ааааа ако не лажат овие од временската прогноза утре не очекува снегче епа ајде редно беше

 

Еее кој е како мене значи. Тој ручек прави и мие садови а јас дремам на 9gag. Е ако де, на гости сум, кога тој ке биде кај мене па јас ке се покажам (или па не ) Која мрза сум значи. И сега место да го правиме проектот, јас дремам тука на форумов а тој ми гледа на тарот карти, (а полага задутре). И запрепастена сум, замислувам прашање и ја отвора првата карта и се паѓа Стрелец - високо образование и далечни патувања Ај баш да видиме ...

п.с . Овој новиов филм на канал 5 ќе го гледам само ради оваа Алекс . Колку и е прекрасна бојата на косата, таа нијанса се обидувам да ја добијам. И сакам такво бело лице како неа . И сите фустани и накитот

Spoiler

 

Само на кратко СДК дека конечно си ја накитив елката и си ја украсив и куќата.

И ајде сега отидов да јадам сарма

 

Сдк моментот кога 24 м севернокорејци плачат во хистерија,диригирано...прајслес!
Ич не гледам разлика,ама ич!


Малиот жут,искомплексиран диктатор,кој го заштитуваше својот народ од злото на западот,уживаќи у холивудски филмови,француско вино и лобстери,онанирајќи на Тејлор.
Каков ден за светот!

 

Колку е слатко кога човек ќе си го разгори огнот во себе и ќе се пронајде по веќе не знам кој пат. И ќе се најде себеси како задоволно суштество со свеж мирис на велес дух; како мало детенце кое толку се радува на лампионче; како мајка кога си го гледа детето на некоја училишна претстава, ах...

Дедо Мразовците кај нас личат на пијаници, ама срцки се и они, да ги штипне човек по црвените образи

Со Русинката се договоривме, одиме на топло чајче и наргиле во Стара Чаршија, на уште потопол муабет и алокација на спомени, случки, планови. Бујрум! Заинтересираните нека пишат во ЛП, картите за неограничени.

 

СДК Величенствениот ја замолкна цела Фемина!

 

Секоја чест на сите членови што имаат нерви да филозофираат и да пишуваат долги одговори. Се надевам сте имале петка по македонски. Јас како личност не филозофирам многу и немам инспирација за опишување на некои случки како вас, сепак алал да ви е

 

Или пак денешната слава ...