[СДК] Сакам да кажам...[Стара тема]

Не е можно ова ....како можи хороскопот да ми погоди дека бившиот ќе ме бара?Тоа се случи пред една недела и сега реков ај да видам шо пишува за месечен и читам
Single Caps will have some serious mojo, so don’t be surprised if you’re out having a grand old time and sparks suddenly fly with a hottie at the bar. Who knows? With all this frisky energy surrounding you, you might even enjoy a steamy rendezvous—something that feels “fated.” (Within hours of confessing an attraction to a longtime friend, you’re in bed together, coming up with a “safe word”…that you actually have to use.) Let the good times roll, Capricorn…and when it comes to your lustful side, stay open! Clever Mercury retrograde (backward) in Cancer just might bring an irresistible ex back around. If you have loose ends to tie up, this reappearance could spell “closure” or even just a chance to review how you’ve changed since you and this person were once together.

 

Се изнаплакав.
http://www.crnobelo.com/vesti/domasni/1 ... i-36-lugje

 

Во последно време не ми се сите на број.
Се случи нешто што не би си го замислила никогаш во мојата глава дека баш мене ќе ми се случи.
Среќа што полиција дојде на време па ме спаси. Помош од страна не добив а не ни очекував. Сите се дојдени на одмор, зошто да си го расипуваат заради мене, нели? По таа логика се водат.
Среќа во несреќа останав жива. Добро, сега со трауми што неможам на улица мирно да си излезам.
Се мислам дека ќе ми се случи нешто..

Дојдов пред неколку саати од Сутоморе и се чувствувам утепано. Уморно и баксузно!

Ќе ми треба дефинитивно одмор од одморов. Отидов на одмор да плачам и да се трескам од земја. Ебате лиглата, ебате!

 

Вреди да се прочита.

 

Дечки си го запеков уште да си го направам мој и си најдов таков дечко ко шо си сакам! Загорен со зелени очи, му сјаат кутриот! Уморен си? Па не... Ама добро ти имаш кондиција (си се фалам бе па шо?! Иам! Јас МЛАДА,АТРАКТИВНА, ЗГОДНА!!!! ) ми треба малце да се вратам у форма,а он вода у очи нема, како стакленца на сонцето ( Он ПЕКОЛНО ЗГОДЕН и УМОРЕН КАКО ИЗДИШАН БАЛОН!!! Ама ПРИВЛЕЧЕН БЕ МАМУ МУ! ).
Леле бе ќе си умрам со описиве што ги правите некад. Љубавни викенд роман! Еј ми е чита нешто такво сега, да се мочам од смеење! А право да ви кажам ми се чини поише муабет и смеење ќе видам у таков, него ли у некој Кинсела шопинг роман! Уууу! Сериозно ќе си купам, ќе паѓам у кома од смеење!

И добро, само мене не ми се свиѓа ама ИЧ девојкава од спотов? Таа со најглавната улога де. Како птица ми е... ич не сакам птичји фаци.
http://www.youtube.com/watch?v=yyDUC1LUXSU

 

WELL DONE

 

Сакам на одмор

 

Вчера бев на преубава свадба
Другарка ми што сега живее во Франција се мажеше,правеше свадба и овде. Преубава беше,со елегантен тесен и долг фустан,а и дека има долга коса,како барбика беше! Мажето исто средено,со машничка,убав. Двата опуштени и ептен добро си ја правеа веселбата. Свадбата не беше класична,но имаше и такви елементи. Прво бевме во паркот да се сликаме и ми се чини преубави фотографии ќе излезат бидејќи беше убаво и светло.Кај неа потоа беше како коктел пред свадбата,стоевме,имаше и шведска маса,а коктелите што ги направија (организирано од ресторанот) преубави,ама на гладно ми се чини во глава не удрија,за да се развеселиме малце Потоа во ресторанот беше уште поинтересно,со англиска,наша и француска музика,се изнаигравме,ние младите ја направивме забавата,на песните пошто не беа ора измисливме игри со вртење,вовче, кружење фатени за раце,тунел,што не : D Свртивме и по некое орце де : D А и тие танго играа,многу беа срцкасти и заљубени Гулапчиња Иначе да,и со букетот оро свртив,го водев пошто јас го фатив и си бев пресреќна не го дадов овој пат
Тортата преубава, гостите исто, украсите преубави, беше поразлична од нашите свадби,се гледаше.
A после тоа,другарка ми рече да сме оделе во ноќен клуб,па си продолживме Ги почекавме и сите млади заминавме таму. Другарка ми не не пушти да се одиме дури не се раздени Значи алал да им е на луѓето,зедоа шампањ,едно друго,пак не почастија,се изнаигравме,ме натераа и букетот да сум го држела,така ги носеле демек После веќе не осеќавме ни умор ни ништо,сите игравме,сите наздравувавме,се беше супер! Се надевм секогаш да се така заљубени.
Ко се вратив веќе капната,само се преслеков,се средив и да ме нема в кревет,неможев денес да се освестам,ама еве се е ок,а и ќе имаме ноќ која навистина ќе се запамети.
Нека им е со среќа и ајде и кај вас на главче

 

Крај на јули, високи температури, жолто - портокалови фази..
Мене ми се пријаде руска салата!
Леле мори мајко!

Туку..
Мојата наставничка ова никогаш не ни го кажа!

Не ни кажа ниту дека збирот од добиените броеви е 9

Ех да се најдеше некој уште во основно, да ми ја кажеше финтава кога се препотував на тестовите по математика и грицкав моливи од нервоза!

 

Ќе излажам ако речам дека овде ми е убаво. За разлика од лани, ова лето е пеколно. И тоа не само поради температурите. Нервоза, стрес, тешкотии колку сакаш. Се прашувам дали некој од горе ми ја тестира издржливоста?!

Само знам дека не можам повеќе.

 

...читам една книга Моќта на потсвеста нова тајна од Џозеф Марфи ...
Просто не можев да ја оставам.Изобилува со многу корисни совети за да самите си го смениме животот, во позитивна насока.
Во секој збор од книгата преовладува упорноста на Марфи да го убеди читателот дека секогаш треба во себе да носиме позитивни мисли, за да ни се случуваат само позитивни работи.
Книгата е заснована на духовните принципи и Библиски гледишта.
Човек е онаков какви му се мислите е главната тема во целата книга.Ви ја препорачувам.Вреди да се прочита..

 

Јас оваа финта секогаш си ја знаев.
И затоа обожавав кога ја кажував таблицата со 9.

 

Ми недостасува една драга пријателка..
Би и кажала дека ни сама не можам да си простам за тоа што го направив,и го изгубив нејзиното пријателство..
Премногу ми недостасуваш..
Се прашувам,помислуваш некогаш на мене..онака.пролазно..
Што е тука е..

 

Не можам да издржам да се лицемерам, оти не го разберете тоа? И не ми викај дека ако се лицемериш, значи дека си културен.

 

Ехе дами мои, си седам јас така си повторувам и пред книгата ми излегува неговиот лик... порано кога мислев на него, некако не можев да се сетам на лицето, како матно да беше, сега само ги гледам најбавите полни усни и сини очи кои ме изгубија. Вчера па не знам како се сетив на најубавиот француски бакнеж во мојот живот. Беше зима, ме викна да се видиме, а јас се правев дека му сум налутена. Си се шетавме во старата чаршија, кај едно основно училиште. Тој се потпре на стативата и за малце што не се лизна, па да не се изнасмеам. Почна да ме гледа и ме повлече накај него. Потоа ме крена и почна да ме бакнува најстрасно што може... Добрите спомени се убави, ама лошите... Не знам зошто се сеќавам ама ми недостига така малце повеќе...
Јас зимски човек, кај можам на ова жешко, многу мачно ми е некако ...

 

Сега сфатив уствари шо праиме ние цело лето (- 10те дена одмор) Се будиш сабајле и се осеќаш како полу варена кобасица, го поминуваш цел ден скокајќи од едно ладно место на друго, преслекувајќи ги утоп мокрите алишта, туширајќи се минимум 3пати и кога доцна попладне ќе си здивнеш односно сакаш да здивнеш следува инвазија на комарци.

 

Сакам само да кажам колку само ми фали брат ми .
Тешко ми е што сме разделени, тешко ми е што расте без мене. Некад ми е тешко тоа што све тоа што го сакам и сакам да го имам морам да го достигнам само по тешкиот пат, никако ништо лесно да добијам

И така коначно си признавам некако во тишинава моја колку само ми фали , во секое дете ја него го гледам човече, и само си правам некои фантазии како утре кога ке заработам како ке идеме на одмор заедно, како ке му купувам работи, како ке шетаме заедно како би јаделе сладолед заедно, како би заспивале заедно ..
Све ми се чини пеколно далеку .

Не знаете само колку ми е топло внатре кога ке ми го каже името, кога ке се израдува кога ке ме види на камера ... Сонце дадино е

Дечки искрено прескреќни сте што имате покрај себе некој, и држете близина со нив ))

Spoiler

 

Па јас досега и не сум прочитала нешто поточно.

 

Ми умре мачката, Кери, неделава.
Нејзините бебиња останаа без мајка, а јас без еден од најдобрите пријатели.

И сите ќе кажат дека мачките се лицемерни, дека се галат кога им се јаде, но Кери не беше такво маче.
Таа ме најде мене, не јас неа. Како можам да не земам животно кое доаѓа пред мене и мјаука, мало суштество на околу 4 месеци, слатко и мило?!

Отсекогаш сум ги сакала животните. Уште од бебе имам слики со мачиња и кучиња.
Паметам кога со поранешна другарка не јадевме на школо за да имаме пари да му купиме млеко на маченце кое едвај гледа, оставено само на себе. Го раневме со шприц, ама умре.
Се уште се обвинувам за тоа. Знам дека му требала мајка, но јас можев да му дадам љубов...
Со друга другарка згриживме друго маченце. Не памтам што се случи со мене.
Скришно сум носела мачиња дома и сум им давала јадење.
Памтам како плачев кога умре кучето на едни мои баби. Се викаше Лиска, а нејзините кученце Бренда и Кели, по ликовите од Беверли Хилс. Колку години поминаа од тогаш?
На сликите немам повеќе од 5-6 години.. Значи преку 14.....
Памтам кога едно повредно мало кученце децата од маало го маваа со камења, а тоа се криеше под црвено фичо со скршен резервоар за гориво. Наместо капак имаше зелена ќеса.
Тогаш немав повеќе од 7 години. Беспомошна, немоќна и мала.. Им се скарав на сите деца, им се налутив и не им зборував со недели. Сирото кученце. Не знам што се случи со него....

Ах, да можев да им помогнам на сите оние беспомошни животни.
Но, не можев. Бев мала, немав услови, живеев во стан, моите родители никогаш не сакале животни.

Кери ја чував со цимерките. Нормално, не очекував да налетам на други луѓе кои ќе ја чувствуваат оваа безизмерна љубов и нема да се чувствуваат загрозени доколку ја поклонуваат наоколу. Имаше недоразбирања, но не верувам дека не ја сакаа Кери. Не постои човек што ја знаел и не ја сакал Кери.

Би ја донела дома, но Хали (кучето) мрази мачки. Хали ми е поклон за роденден од дечко ми. Сфатив дека ако побарам куче и го добијам како поклон моите нема да ми забранат да го чувам. И вдомив куче, му поклонив дом и љубов за мојот роденден. Им прирасна за срце на моите. Го обожаваат.
Мило, мило, најмило.

Се обвинувам за смртта на Кери. И ќе ја носам доживотно таа вина со себе.
Се породи на денот кога се селевме од станот. Останав две недели кај брат ми, ама не сакаше да чуе за маче во станот. Секој ден по два пати ја посетував, и носев паштети, салами и млеко..
Бебињата напреднуваа во подрумот од зградата на чисто, во кутија, со парталчиња, а Кери со храна и полно љубов од децата од маалото околу себе.
Но, почна да одбива да јаде, пиеше само млеко, ослабе....
Мислев дека е од пораѓањето. Да знаев само дека и е нешо, ах само да знаев!

Пред 3 недели отидов во Скопје. Децата од маалото ме известија дека едно од мачињата било заглавено 3 дена во подрум, а никој од нив не сакал да оди кај луѓето и да ги праша да го извадат. Отидов јас, го извадив сиротото. Другите две беа значително понапредни од него.. Кери го избања и се расположи малку кога го виде. И беше повредена ногата. Најверојатно била премногу слаба за да ги извлече сите од подрумот....

На 22ри јули отидов пак во Скопје. Децата ме известија дека Кери 3 дена се нема појавено кај мачињата. Им дадов храна и млеко. Се гледаше дека беа изгладнети, се изедоа. Ја довикав Кери од подрумот каде што обично седеше кога ја пуштав надвор и излезе. И дадов паштета, јадеше. Мислев дека и е подобро.. Погледот и беше отсутен, како да не ме познаваше. Не сакаше да се гали... Ја кренав да ја однесам кај мачињата и кога направив неколку чекори ми пушти нокти.

Кери никогаш во животот никому нема пуштено нокти, ниту пак има некој гризнато. Кери чекаше да станам и да седнам на фотељата, доаѓаше во скутот и се местеше да ја галам, притоа непрестано предеше.. Ја викавме тракторче, тигарче, тигре, бебе... Кери седнуваше на столот до мене кога јадев и чекаше да и дадам и нејзе. Кери спиеше со мене, најчесто крај нозете, а зимата понекогаш ја гушкав до мене и ја покривав. Најмногу сакаше да спие до парното во ходникот и никогаш целосно не сфати дека цвеќето не е место за измет. Но, чистев по неа, не ми беше тешко... Ја сакав. Се уште ја сакам, секогаш ќе ја сакам.
Кога си дојдов од Албанија и Србија немав ништо за јадење освен една кифла што ја купив од Белград. На Кери и се допадна и и ја дадов цела. Спремав јадење и за двете. Не ме нервираше кога ќе ме разбудеше во 5 наутро мјаукајќи. Станував, и давав храна, ја галев и си легнував пак. Никогаш не и се налутив. Седеше со мене кога учев, гледавме заедно серии, читавме книги...

Ми недостига.

Утредента сфатив. Сфатив дека не сакала да оди кај бебињата бидејќи не била доволно силна за да ги нахрани. Со дечко ми отидовме да ги видиме неа и мачињата. И ги видов ножињата испружени во поза за спиење и мачињата околу неа. Од грмушките не видов ништо друго дури не ја прескокнав оградата на дворчето. Ја извадив паштетата што и ја купив претходно.

Но, Кери лежеше неподвижна, со отворени очи упатени во далечината сега кога беше мртва. Забележав дека правела напор да види нешто блиску - најверојатно нејзините бебиња. Умрела покрај нив. Една мува леташе околу неа. Не можев да ја издржам таа глетка. Мачето кое го спасив од подрумот се качуваше врз неа, ја туркаше главичката во нејзиното тело како да сака да и каже „мамо, стани, разбуди се!“ Но, нема будење, нивната мајка беше мртва.
Ме потресе сликата. Некоја вибрација помина низ моето тело и ме здрви. Не можев да верувам дека е мртва. Бев во шок. По неколку секунди кога се соочив со реалноста почнав да липам.
Ја оставив да лежи таму. Дечко ми не сака да ми каже каде се распаѓа нејзиното тело....

Мајка ми ми рече дека тоа е само маче, милиони умирале секој ден низ светот. Не можам да сфатам што сака да каже. Милиони луѓе умираат секој ден во светот. Дали тоа значи дека не треба да сакаме човек, дека не треба да ни недостига присуството на некој човек откако ќе го нема?!

Храбро е да се сака поради неизбежната болка која следи по загубата.
Но, јас сакам. Кога сакам, сакам со цело срце.

Кери заслужува да биде запамтена. Во нејзиниот краток живот ми има подарено повеќе љубов отколку што имаат некои луѓе кои ме познаваат преку 15 години и се преправаат дека се грижат за мене.
Што ако е животно?! Ја чувствував нејзината љубов. Тоа не беше проста благодарност или лицемерност. Плачев пред неа, се смеев пред неа и тоа мало суштество разбираше.
Никој жив не може да ме убеди во спротивното.

Вечно ќе ми недостига.

Ако сака некој да згрижи привремено нејзино маченце дури да дојдам пак во Скопје, слободно нека ме исконтактира. Најдовме домче за едното. Ќе го земат утре. Ве молам, доколку можете, помогнете да не биде смртта на Кери залудна...

Да беше ова хартија, сигурно немаше да има ниту еден читлив збор...





едит No good deed goes unpunished.

[SPAS ZA ZIVOTNITE - zdruzenie za vdomuvanje na zivotni znaci procitavte deka devojkata si se iselila od stanot i go frlila maceto na ulica i ne ja interesira poveke nisto za nego i bara nekoj drug da se pogrizi za niv i da gi odnese na veterinar... citiram.. ZAEDNO DELEVME SVE ... STRAMOTA...
25 minutes ago · Like

 

Јас дојдов за да кажам некои глупости, но постов над мене ме трогна премногу за да сфатам дека истите мои мисли како сакам да се довлечкам скришум до рерната и да ја изедам цела торта се фатално глупави и не заслужуваат да се најдат на иста страна со напишаното над мене!
Ваков тест е навистина реткост да се прочита на овие страни. Се гледа дека е искрен, преполн со љубов и спомени. Ја разбирам твојата загуба и сожалувам со тебе..
Избледува болката со тек на време, ама она што е врежано во паметот останува засекогаш. А, сигурна сум дека времето кое си го поминала со неа ти овозможило незаборавни моменти.

Се надевам искрено дека ќе се вдоми и ова мало пуфче! Заслужува да биде среќно.

Те поздравувам и ти праќам една голема гушка. Барем мене во моментите кога ја доживував истата загуба ми беше потребна