[СДК] Сакам да кажам...[Стара тема]

Добредојде

И среќен роденден

 

Готово,не се диши веќе,можам да замислам како ќе е во август

! што би правела без неа незнам

 

Богами и јас незнам шо би правела без неа..

 

^Најлоша клетва деновиве- Да даде Господ климата да ти се расипе !

 

Беше еднаш другарка ми на преглед нешто за физикална таму...за сколиозата она искривувување мало како да кажам...левото рамо за малку погоре од десното така нешто..
И сега докторката наместо да ја повика ти чупето со сколиозата,докторката вака му вели:
-Ти чупе со склерозата ела ваму на преглед!

 

Ајде девојки, повелете по едно парче торта Да не речете после не сум ве почестила Јас сум љубител на чоколадни торти, баш таква и имам сега дома... Ајде повелете, ќе се заблажиме.
И ви благодарам за честитките

 

Чувството кога си ги средуваш ноктите на нозете и рацете и си ги лакираш.
Чувството кога се спремаш утре да одиш на село. Одмор.
Чувството кога надвор сите се потат а ти си дремеш под клима.
Чувството кога фамилијата ти е здрава жива и весела.
Чувството кога ја имаш најголемата љубов што може да постои
Чувството кога имаш мир во душата.

НЕПРОЦЕНЛИВО!

Денес многу си се сакам.

 

Конечно и јас да добијам сино цветче

 

Ќерка ми баш ме насмеа.Како радио Милева е.
Дознала дека комшијата и раскинал на девојката,затоа што во нејзината чанта нашол налепница од Кока Кола,со името на нејзиниот бивши.
Гледате сега колку е Кока Кола здрава.И врски растура.

 

Колку ми се смешни некои луѓе како бедно се радуваат кога нечија врска пука... Патетика. Гледам и не можам да се начудам. Жални сте луѓе,жални. Онака среќни се зошто завршила нечија среќа. Се ситат на патењето. Мене баш ми е жал, да не претерам, ама мислам дека се чувствувам како мајката на еден од нив двајца, криво ми е зошто прекинало. А овие брате, среќни се! Зошто некој е несреќен, затоа што тие не се усреќиле со едниот од врската која пукнала,па сега надежите им скокаат иако се цела беда збрана од личност.
Или луѓе кои прават испади зошто така им се сака. Ги фаќаат некои невротични кризи на топлово, друго објаснување немам. Онака бе, од чиста мира ќе изеде трици за нешто, ќе посака нешто, чисто за да направи тензија и да те изнервира. Па ти оди да му лупнеш една вруќа да се чуди зошто.
Или такви што секоја можна информација ја кријат од тебе, ама затоа тебе ќе те испитаат во детал за истото, да го испијат до последното што може да се знае. Епа неќе моќи ове ноќи. На! Ништо не ви кажувам,па пукнете од мака! Па што знам, јас го доживувам ко комплимент тоа. Штом вие чувствувате потреба да скриете нешто од мене,а да ископате нешто друго, јас почестена сум штом ме доживувате за конкуренција,па се плашите да не ми кажете премногу. МДА, ви благодарам!
Или такви на триесет и кусур години што сфаќаат што е животот,па тормозат со некои идеали кои обично се преболуваат до 24-25тата година. Кога биле на тие години не знам, биле рамни на фикус, а сега ми зборуваат за битните нешта во животот. Као, добро утро! Сега сфати?! Ај оди среди си го животот и кажувај ми за тоа. И не, не поминуваат муабети од типот, Номад, ма таков човек сум јас. Да, и јас сум, ама као... наоѓам средина помеѓу динамичното и смиреното. Сјебуваш туѓи невини животи со тоа понашање, сфаќаш?
И колку сум си смешна самата на себе кога престанувам да почитувам одредена личност за нешта кои не сум ги гледала во нејзиниот карактер претходно... Страшно! Па си викам ама си наивна...

Вторник у принцип е глуп ден,одамна си реков. Имало тук таму по некој убав вторник,ама не... И во весник нема ништо интересно. Зошто баш огласник? За да те извади од депресивниот муд дека има надеж и дека животот циркулира непречајно,некој нуди работа, некој бара работа и све така...

 

I need you now !
Како да му објаснам на моиве дека климата не е луксуз,туку потреба ?

 

Кока колата купена од мајка ми ни донесе 2 крпи за на плажа.
Добитна комбинација - моите прсти, мобилниот на дечко ми и кока колата на мајка ми.
Има среќа жената моја. Некој ден ќе ја земам со мене и ќе си фатиме правец накај некоја коцкарница. Многу си ја љубам. Таа е единствена жена за која знам дека дома секогаш има смоки и крем банани. А нема малечки деца! Кога ќе се насмее мене ми заигрува срцето.

---

Непотребно брзање! Сите сакаат што е можно побрзо да ги искусат нештата. Небаре некој ќе им ги украде (а и тоа е можно денес со народов). Пребрзо спојување со партнерот, пребрзо размислување за опцијата тој да ви биде вашето маже...... Не се дава простор за уживање и лесно чекорење низ тие неколку етапи. Се се прави стуткано, присилно.
И добро како се исповетувате вие со некој друг. Не е возможно и вие да го чекорите истиот пат како што го чекорел другиот. Може другиот одел полека и си пеел за пеперутките кои ги чувствувал. А пак вие сега го имитирате неговото движење со цел да ја достигнете неговата среќа. Но всушност изгледате како голема пијавица која им пречи на сите, лепејќи им се по цело тело.

---

Spoiler

Може ако го запознаам ќе осознаам дека е паметен човек. Ти ми го претстави како доста глуп. Дали намерно или не не ме интересира. Може вака ќе ми се макнеш со тоа дишење позади моите мали копита .
Ај да ви се посреќи. Вака гледајќи го на слики физички доста потсетува на мојот. Луда си, мајке ми! Стопирај се малку и почни да бараш, сакаш и посакуваш твои замисли за љубовта, уметноста и животот. Престани да ми ги крадеш моите. ОК кради ги. Уат да фак . Еее . Ама те предупредувам ако сакаш да ме следиш на тој начин мора да си ку-ку. Инаку нема да уживаш во истиот.
Признавам дека порано ме нервираше таа твоја потреба. Сега за тоа твое однесување немам став - поточно ми е како она К*р ми е, двор ми е! Така ли беше пословицата. Ноншалантно си го перчам секој атом.

--------

Идам да сркнам таратор. Дечко ми ми го направи. Ми го донесе во раце. Немате поима колкави ги исекол краставиците. Го гледав ги сечеше на даска, а сега гледам големи парчиња краставици лебдат над јогуртот. Ама ќе си го изедам, па од мојот ми е.

А што е тоа паѓање на притисок?! Гледам некои замаглени фигурчиња. Дома уште ми викаат дека мала сум била за такво нешто како притисок, свашта...

 

Се е само ефтин трик. Не знам. Не знам дали само не сакаш да ме повредиш или е реално. Зошто тогаш не си загрижен? Или јас се грижам доволно и прекумерно како и за тебе? Заминува циркусот. Кој разбра - разбра. Ќе избегам од овде макар на месец, а тие ќе најдат друг циркус за да се смеат. Ќе чекам стрпливо, ако воопшто можам да бидам таква после се во животот. каде ми е временската машина? Не да се вратам назад, туку да видам што во иднината. Ми е страв, имам лошо чувство,а не сакам да се помирам со тоа иако кажуваш дека е невозможно. Ќе истрпам што и да е...ќе чекам. Се врви. И животот врви...
Само зависи како ќе го поминеш...отиде времето...се е ќе видиме. Па,да заминувам. Циркусот го крена шаторот и можеби, некој ден ќе се врати, само дали ќе е истата публика?

 

Ете така и јас заминав на одмор...
Сите весели што ќе одиме, што конечно убаво ќе си се одмориме. А кој најмногу се радува? - Јас.
Најискрено едвај чекав. Многу го сакам летото, уште повеќе одморот.

Ние сме скоро спремни утре рано тргнуваме.
Поздрав до сите, се читаме за шест дена.



уживајте

 

На какви се' чудни места не ме вози количкава наречена живот! Е-хеј! Не знам дал' да плачам или да се смејам.

 

Сдк сум си ја накривил капата и си свиркам,ич не ми е гајле кој што збори за мене затоа што не сакам ни да се замарам со такви личности,искрено и супер се чуствувам дури си потпевнувам и смешкам

 

А јас го обожавам зајдисонцето...
Толку!

 

На сите оние што го носат името Марија, им посакувам среќно и вечно име! Исто така и го честитам именденот и на сестра ми која што ми е најзначајната личност на светот...

 

Koja maska i da ja stavis, pod nea si sepak ti!
p.s. izvinete za latinicava, od tel sum.

 

Убаво си викав јас дека несакам лето, сонце, пеколштини, стопен асфалт, алергии кои ми се јавуваат само во лето... Сите лето па лето, ете го сега летото. Ќе дремеме сите под клими, ќе се испоразболуваме, дал од жештиниве, дал од климиве, да незнае човек од што попрво му се мигрените и шмркањето... со носот, да не ме сфати некој нешто друго.

САКАМ ЗИМАААА!!!!!! (и секогаш си ја сакам, не само во лето кога е жешко, него и во зима си ја сакам зимата, кога е ладно и кога треба да се пазам од мразулците на патеката дома кај мене). Сакам снегче, сакам да си седам дома покрај каминот со дечко ми, да си пиеме црвено винце и да си се галиме. Уфф најубави моменти. Ја сакам и предновогодишната еуфорија, дури сега на жешково кичот фустани и торта фризурите ми изгледаат како олеснување. Сакам кога цел град ме потсеќа на нешто ново, кога е цел украсен, светки, дедомразовци, деца пиштат од сите страни. Сакам кога обавезно има неколку чичковци на плоштад и продаваат штотуку печени костени. Си ја сакам Божикната еуфорија исто така. Ме потсеќа на љубов, топлина, семејство... Целата таа атмосфера ме потсеќа да се заблагодарам на Бога што моите, сестра ми и дечко ми се живи и здрави, покрај мене се и ме сакаат најмногу на цел свет, исто и јас нив...

А во жешково единствено што ми текнува да се заблагодарам на Бога е што на моиве им текнало клима да купат...